തെരഞ്ഞെടുപ്പ് കമ്മീഷന്‍
ഉപരാഷ്ട്രപതി സ്ഥാനത്തേക്ക് തിരഞ്ഞെടുപ്പ് നടത്താന്‍ നടപടിക്രമങ്ങള്‍ ആരംഭിച്ച് തിരഞ്ഞെടുപ്പ് കമ്മീഷന്‍
Posted On:
23 JUL 2025 1:08PM by PIB Thiruvananthpuram
ഉപരാഷ്ട്രപതി ശ്രീ ജഗ്ദീപ് ധൻഖറിന്റെ രാജിയുമായി ബന്ധപ്പെട്ട് ആഭ്യന്തര മന്ത്രാലയം 2025 ജൂലൈ 22-ന് എസ്.ഒ .3354 (ഇ) ഗസറ്റ് വിജ്ഞാപനം പുറപ്പെടുവിച്ചു.
ഭരണഘടനയുടെ 324-ാം അനുച്ഛേദമനുസരിച്ച് ഉപരാഷ്ട്രപതി സ്ഥാനത്തേക്ക് തിരഞ്ഞെടുപ്പ് നടത്താൻ തിരഞ്ഞെടുപ്പ് കമ്മീഷനെ അധികാരപ്പെടുത്തിയിരിക്കുന്നു. 1952-ലെ രാഷ്ട്രപതി - ഉപരാഷ്ട്രപതി തിരഞ്ഞെടുപ്പ് നിയമവും അതിന് കീഴില്‍ 1974-ലെ രാഷ്ട്രപതി - ഉപരാഷ്ട്രപതി തിരഞ്ഞെടുപ്പ് ചട്ടങ്ങളുമാണ് രാജ്യത്തെ ഉപരാഷ്ട്രപതി സ്ഥാനത്തേക്ക് നടത്തുന്ന തിരഞ്ഞെടുപ്പ് നിയന്ത്രിക്കുന്നത്.
ഇതനുസരിച്ച് 2025-ലെ ഉപരാഷ്ട്രപതി തിരഞ്ഞെടുപ്പുമായി ബന്ധപ്പെട്ട ഒരുക്കങ്ങൾ തിരഞ്ഞെടുപ്പ് കമ്മീഷൻ ആരംഭിച്ചു കഴിഞ്ഞു. തയ്യാറെടുപ്പ് പൂർത്തിയായാലുടന്‍ ഉപരാഷ്ട്രപതി തിരഞ്ഞെടുപ്പിന്റെ സമയക്രമം പ്രഖ്യാപിക്കും.
പ്രഖ്യാപനത്തിന് മുന്‍പ് ഇതിനകം ആരംഭിച്ച പ്രധാന പ്രവർത്തനങ്ങൾ:
രാജ്യസഭയിലെയും ലോക്സഭയിലെയും തിരഞ്ഞെടുക്കപ്പെട്ടതും നാമനിർദേശം ചെയ്യപ്പെട്ടതുമായ അംഗങ്ങൾ ഉൾപ്പെടുന്ന ഇലക്ടറൽ കോളജ് സജ്ജമാക്കൽ
റിട്ടേണിങ് ഓഫീസർ/ അസിസ്റ്റന്റ് റിട്ടേണിങ് ഉദ്യോഗസ്ഥരെ അന്തിമമായി തീരുമാനിക്കല്‍;
മുൻ ഉപരാഷ്ട്രപതി തിരഞ്ഞെടുപ്പുകള്‍ സംബന്ധിച്ച പശ്ചാത്തല വിവരങ്ങളുടെ ക്രോഡീകരണവും പ്രചാരണവും.
*****
(Release ID: 2147271)
Read this release in:
Odia
,
Tamil
,
English
,
Urdu
,
Hindi
,
Nepali
,
Marathi
,
Manipuri
,
Bengali
,
Bengali-TR
,
Assamese
,
Punjabi
,
Gujarati
,
Telugu