প্রধানমন্ত্রীগী লোইশঙ
য়ুনাইতেদ কিংদম অমসুং মাল্দিব্স খোঙচৎকী মাঙওইননা প্রধান মন্ত্রীনা ফোঙদোকখিবা ৱারোল
Posted On:
23 JUL 2025 1:06PM by PIB Imphal
ঐহাক জুলাই ২৩ দগী ২৬ ফাওবা য়ু.কে. অমদি মাল্দিব্সকীদমক খোঙশাল্লগনি।
ভারত অমসুং য়ু.কে.গী মরক্তা হৌখিবা চহি খরসিদা মশক থোক্না খুমাঙ চাওশিল্লকখিবা কমপ্রিহেন্সিব স্ত্রেতেজিক পার্ত্নরসিপ অমা লৈরি। ঐখোয়না খুৎশম্ননা চৎমিন্নরিবা অসি লল্লোন ইতিক, ইনভেস্তমেন্ত, তেক্নোলোজী, ইনোভেসন, দিফেন্স, মহৈ মশিং, থিজিন হুমজিনবা, সস্তেনেবিলিতী, হকশেল অমদি মীগা মীগগী মরী য়াওনা হীরম কয়াদা চৎমিন্নরি। রাইত ওনরেবল সর কীর স্তার্মরগা ঐগা উনবা মতমদা, ঐখোয়না ঐখোয়গী ইকনমিক পার্ত্নরসিপ হেন্না ফগৎহন্নবা, নুংঙাই য়াইফবা পুরক্নবা, লৈবাক অনিমক্তা চাওখৎপা পুরক্নবা অমদি থবক হেন্না পীননবা ৱাফম খন্ননবা তাঞ্জা ফংখি। হন্দক্কী খোঙচৎ অসিদা ঐহাক্না হিস মাজেস্তী কিং চার্ল্স ৩ গা উননবা পান্দমসু থম্লি।
মদুগী তুংদা ঐহাক্না মাল্দিব্সকী নীং তম্বগী ৬০শুবা কুমওন থৌরম শরুক য়াননবা প্রেসিদেন্ত হিস এক্সেলেন্স দোক্তর মোহমদ মুইজ্জুনা পাউকৎ পীরকপগী মতুং ইন্না মাল্দিব্সতা চৎকনি। হন্দক্কী চহি অসি লৈবাক অনিগী মরক্তা দিপ্লোমেতিক ওইবা মরী শেমগৎখিবগী ৬০শুবা কুমওনসু তারি। ইন্দিয়ন ওসীন রিজন্দা ইং-তপ্পা, নুংঙাই য়াইফবা অমদি মরা চেৎপা পুরক্নবা ঐখোয়গী তেংবাংনবগী মরী চেৎশিলহন্নবা, অমদি কমপ্রিহেন্সিব ইকনমিক অমসুং মেরিতাইম সিক্যুরিতী পার্ত্নরসিপ অমগী ঐখোয়না পুন্না হোৎনমিন্নরিবা অসি খুমাঙ চাওশিলহন্নবা ঐহাক্না প্রেসিদেন্ত মুইজ্জু অমদি অতৈ রাজনিতীগী লুচিংবশিংগা উননবা পান্দম থম্লি।
খোঙচৎ অসিনা মশক থোকপা মহৈ পুরক্তুনা ঐখোয়গী মীয়ামদা কান্নবা পীগনি অমদি ঐখোয়গী নৈবরহুদ ফর্স্ত পোলিসীবু খুমাঙ চাওশিলহনগনি হায়না ঐনা থাজবা থম্লি।
***
(Release ID: 2147253)
Read this release in:
English
,
Urdu
,
Hindi
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam