وزیراعظم کا دفتر
برطانیہ اور مالدیپ کے دورے پر جانے سےقبل وزیر اعظم کا بیان
Posted On:
23 JUL 2025 1:06PM by PIB Delhi
میں 23 سے 26 جولائی تک برطانیہ اور مالدیپ کے دورے پر جا رہا ہوں۔
ہندوستان اور برطانیہ ایک جامع اسٹریٹجک پارٹنرشپ کا اشتراک کرتے ہیں جس میں حالیہ برسوں میں نمایاں پیش رفت ہوئی ہے۔ ہمارا تعاون تجارت، سرمایہ کاری، ٹیکنالوجی، اختراع، دفاع، تعلیم، تحقیق، پائیداری، صحت اور عوام سے عوام کے تعلقات سمیت مختلف شعبوں پر محیط ہے۔ وزیر اعظم عزت مآب سرکیراسٹارمرکے ساتھ میری ملاقات کے دوران، ہمیں اپنی اقتصادی شراکت داری کو مزید بڑھانے کا موقع ملے گا، جس کا مقصد دونوں ممالک میں خوشحالی، ترقی اور روزگار کے مواقع پیدا کرنا ہے۔ میں اس دورے کے دوران ہز میجسٹی کنگ چارلس سوم سے ملاقات کا بھی منتظر ہوں۔
اس کے بعد میں صدر عزت مآب محمد معیزو کی دعوت پر مالدیپ کا سفر کروں گا۔ مالدیپ کی آزادی کی 60 ویں سالگرہ کے موقع پر منعقد ہونے والی تقریبات میں شرکت کروںگا ۔ اس سال ہمارے دونوں ممالک کے درمیان سفارتی تعلقات کے قیام کی 60ویں سالگرہ بھی منائی جا رہی ہے۔ میں صدر معیزو اور دیگر سیاسی قائدین کے ساتھ اپنی ملاقاتوں کا منتظر ہوں، تاکہ ایک جامع اقتصادی اور میری ٹائم سیکورٹی پارٹنرشپ کے ہمارے مشترکہ وژن کو آگے بڑھایا جا سکے، اور بحر ہند کے علاقے میں امن، خوشحالی اور استحکام کے لیے ہمارے تعاون کو مضبوط کیا جا سکے۔
مجھے یقین ہے کہ اس دورے کے ٹھوس نتائج برآمد ہوں گے، ہمارے لوگوں کو فائدہ پہنچے گا اور ہماری ،‘‘پڑوسی سب سے پہلے’’ کی پالیسی کو آگے بڑھایا جائے گا۔
-----------------------
(ش ح۔ع و۔ م ق ا)
U NO:3093
(Release ID: 2147203)
Read this release in:
English
,
Hindi
,
Marathi
,
Bengali
,
Bengali-TR
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam