কেন্দ্রগী গৃহ মন্ত্রী অমসুং কোওপরেতিবকী মন্ত্রী শ্রী অমিত শাহনা 2025গী জুলাই 24দা অতল অক্ষয় উর্জা ভবন, নই দিল্লীদা পাংথোক্কদবা থৌরম অমদা নেস্নেল কোওপরেতিব পোলিসী 2025 লাউথোক্কনি। নেস্নেল কোওপরেতিব পোলিসীগী দ্রাফতিং কম্মিতিগী মেম্বরশিং, নেস্নেল কোওপরেতিব য়ুনিয়ন পুম্নমক্কী চেয়রমেনশিং অমসুং মেনেজিং দিরেক্তরশিং, মন্ত্রালয় অসিগী মকোক থোংবা ওফিসিএলশিং, নেস্নেল কোওপরেতিব দিবেলপমেন্ত কোর্পোরেসন (NCDC), নেস্নেল কাউন্সিল ওফ কোওপরেতিব ত্রেনিং (NCCT) অমসুং বৈকুন্ত মেহতা নেস্নেল ইন্সতিত্যুৎ ওফ কোওপরেতিব মেনেজমেন্ত (ভাম্নিকোম) গী মকোক থোংবা ওফিসিএলশিং থৌরম অদুদা শরুক য়াগনি।

অনৌবা কোওপরেতিব পোলিসী অসি 2025-45দগী হৌদুনা মথংগী চহি তরাগী খুজিং অনিগী মনুংদা ভারতকী কোওপরেতিব মুভমেন্তকী মাইলস্তোন অমা ওইগনি। প্রধান মন্ত্রী শ্রী নরেন্দ্র মোদীগী লুচিং মখাদা অমসুং কেন্দ্রগী গৃহ মন্ত্রী অমসুং কোওপরেতিব মন্ত্রী শ্রী অমিত শাহগী হৈথোই-শিংথোইরবা লমজিং মখাদা, অনৌবা কোওপরেতিব পোলিসী 2025 অসিনা কোওপরেতিব সেক্তরবু অমুক হন্না হিংগৎহন্নবা অমসুং মোদর্নাইজ তৌনবা পান্দম থম্লি লোয়ননা গ্রাসরুতকী থাক্তা রোদমেপ অমা শেমদুনা কোওপরেতিবকী খুত্থাংদা চাউখৎপা পুরক্নবা মঙলান মঙফাওনহল্লগনি। 2002গী অঙনবা শরুক্তা, লৈবাক অসিগী অহানবা নেস্নেল কোওপরেতিব পোলিসী থোকখি, মসিনা কোওপরেতিব ইন্সতিত্যুসনশিংগী শেন্মিৎলোনগী থবকশিং হেন্না ফবা মওংদা মেনেজ তৌনবগীদমক বেসিক ফ্রেমৱার্ক অমা পীখি। হৌখিবা চহি 20 অসিদা, গ্লোবেলাইজেসন অমসুং তেক্নোলোজিগী খুমাং চাউশিল্লকপনা মরম ওইদুনা খুন্নাই, লৈবাক অমসুং মালেমদা অচৌবা অহোংবা কয়া লাক্লি। অসিগুম্বা অহোংবশিং অসি য়েংলগা কোওপরেতিব ইন্সতিত্যুসনশিং অসি হৌজিক ওইরিবা শেন্মিৎলোনগী ফিভম অসিদা হেন্না এক্তিব অমসুং কান্নবা ওইহন্নবা অমসুং "ভিক্সিৎ ভারত 2047"গী পান্দম ফংবদা কোওপরেতিব সেক্তরগী থৌদাং অসি মপাঙ্গল কনখৎহন্নবা অনৌবা পোলিসী অমা শেম্বা মথৌ তাই।

নেস্নেল কোওপরেতিব পোলিসীগী পান্দমদি কোওপরেতিব ইন্সতিত্যুসনশিংবু ইনক্লুসিব ওইহনবা, মখোয়বু প্রোফেস্নেল ওইনা মেনেজ তৌবা, তুংলমচৎকীদমক মখোয়বু শেম-শাবনি অমসুং মরুওইনা ভারতকী খুঙ্গংদা পাক-শন্না থবক পীবা অমসুং হিংনবা লম্বীগী খুদোংচাবশিং শেমগৎপা ঙমগনি।

হান্নগী কেন্দ্রগী মন্ত্রী শ্রী সুরেশ প্রভাকর প্রভুনা লুচিংবা মেম্বর 48গী নেস্নেল লেবেল কম্মিতি অমনা অনৌবা নেস্নেল কোওপরেতিব পোলিসী শেমখ্রে। মসিগী কম্মিতি অসিদা নেস্নেল/স্তেত কোওপরেতিব ফেদরেসনশিং, লেবেল অমসুং সেক্তর খুদিংমক্কী কোওপরেতিব সোসাইতীশিং, মরী লৈনবা সেন্ত্রেল অমসুং স্তেত সরকারগী মন্ত্রালয়/দিপার্তমেন্তশিংগী মীহুৎশিং অমসুং একাদেমিকশিং য়াওরি। পার্তিসিপেতরী অমসুং ইনক্লুসিব এপ্রোচ অমা লৈহন্নবগীদমক, কম্মিতি অসিনা অহমাদাবাদ, বেঙ্গালুরু, গুরুগ্রাম অমসুং পতনাদা মীফম 17 অমসুং রিজনেল ৱার্কশোপ 4 পাংথোকখি। স্তেকহোল্দরশিংদগী ফংবা মমল য়াম্লবা সজেসন 648 কুপ্না নৈনখি অমসুং অনৌবা কোওপরেতিব পোলিসী অসিদা হাপচিনখি।

*****