প্ৰধানমন্ত্ৰীৰ কাৰ্যালয়
প্ৰধানমন্ত্ৰীয়ে ১২ জুলাইত ৰোজগাৰ মেলাৰ অধীনত চৰকাৰী বিভাগ আৰু সংস্থাসমূহত নৱ-নিযুক্ত ৫১,০০০ ৰো অধিক যুৱক-যুৱতীৰ মাজত নিযুক্তি পত্ৰ বিতৰণ কৰিব
प्रविष्टि तिथि:
11 JUL 2025 11:20AM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে অহা ১২ জুলাইৰ পুৱা প্ৰায় ১১ বজাত ভিডিঅ’ কনফাৰেন্সিঙৰ জৰিয়তে ভিন্ন চৰকাৰী বিভাগ আৰু সংস্থাত নৱ-নিযুক্ত ৫১,০০০ ৰো অধিক যুৱক-যুৱতীৰ মাজত নিযুক্তি পত্ৰ বিতৰণ কৰিব। ইয়াতে তেখেতে নিযুক্তিপ্ৰাপ্তসকলক সম্বোধনো কৰিব।
ৰোজগাৰ মেলা হৈছে প্ৰধানমন্ত্ৰীৰ নিয়োগ সৃষ্টি কাৰ্য্যক সৰ্বোচ্চ অগ্ৰাধিকাৰ প্ৰদানৰ অংগীকাৰ পৰিপূৰণৰ দিশত এটি পদক্ষেপ। ৰোজগাৰ মেলাই যুৱক-যুৱতীসকলৰ সবলীকৰণ আৰু ৰাষ্ট্ৰ নিৰ্মাণ প্ৰক্ৰিয়াত অংশগ্ৰহণৰ বাবে অৰ্থপূৰ্ণ সুযোগ প্ৰদানৰ ক্ষেত্ৰত এটি উল্লেখযোগ্য ভূমিকা পালন কৰিব। সমগ্ৰ দেশতে ৰোজগাৰ মেলাৰ জৰিয়তে এই পৰ্য্যন্ত ১০ লাখৰো অধিক নিযুক্তি পত্ৰ প্ৰদান কৰা হৈছে।
সমগ্ৰ দেশৰ ৪৭ টা স্থানত ১৬ সংখ্যক ৰোজগাৰ মেলা অনুষ্ঠিত হ’ব। কেন্দ্ৰীয় চৰকাৰৰ মন্ত্ৰালয় আৰু বিভাগসমূহত এই নিযুক্তি প্ৰদান কৰা হৈছে। দেশৰ ভিন্ন প্ৰান্তৰ পৰা নিৰ্বাচিত নৱ-নিযুক্ত প্ৰাৰ্থীসকলে ৰেল মন্ত্ৰালয়, গৃহ পৰিক্ৰমা মন্ত্ৰালয়, ডাক বিভাগ, স্বাস্থ্য আৰু পৰিয়াল কল্যাণ মন্ত্ৰালয়, বিত্তীয় সেৱা বিভাগ, শ্ৰম আৰু নিয়োগ মন্ত্ৰালয়কে প্ৰমুখ্য কৰি আন-আন বিভাগ আৰু মন্ত্ৰালয়ত যোগদান কৰিব।
*****
MJPS/ST/SB
(रिलीज़ आईडी: 2143988)
आगंतुक पटल : 13
इस विज्ञप्ति को इन भाषाओं में पढ़ें:
Telugu
,
Odia
,
English
,
Urdu
,
हिन्दी
,
Nepali
,
Marathi
,
Bengali-TR
,
Manipuri
,
Bengali
,
Punjabi
,
Gujarati
,
Tamil
,
Kannada
,
Malayalam