প্রধানমন্ত্রীগী লোইশঙ
রোজগার মেলাগী মখাদা পি.এম.না জুলাই ১২দা সরকারগী বিভাগশিং অমসুং ওর্গনাইজেসনশিংদা নৌনা থবক খল্লবা নহারোলশিংদা এপ্পোইন্তমেন্ত লেত্তর ৫১,০০০ হেন্না য়েন্থোক্কনি
Posted On:
11 JUL 2025 11:20AM by PIB Imphal
প্রধান মন্ত্রী শ্রী নরেন্দ্র মোদীনা জুলাই ১২গী অয়ুক পুং ১১.০০ রোম তাবদা ভিদিও কনফরেন্সকী থোংদা সরকারগী তোঙান তোঙানবা বিভাগশিং অমসুং ওর্গনাইজেসনশিংদা নৌনা থবক খল্লবা নহারোলশিংদা এপ্পোইন্তমেন্ত লেতর ৫১,০০০ হেন্না য়েন্থোক্কনি। থৌরম অদুদা মহাক্না এপ্পোইন্তীশিংদা ৱা ঙাংগনি।
রোজগর মেলা অসি থবক ফংহনবদা খ্বাইদগী মরু ওইবাম মীৎয়েং থম্লিবা প্রধান মন্ত্রীগী ফিরেপ অদু মপুং ফাহন্নবা মাইকৈদা খোংথাং অমনি। রোজগর মেলা অসিনা নহারোলশিংদা মখোয়গী এম্পাৱরমেন্ত অমসুং নেসন বিল্দিংদা শরুক য়াবগী কান্নরবা খুদোংচাবশিং ফংহনবদা মরু ওইবা থৌদাং অমা লৌগনি। লৈবাক শিনবা থুংনা রোজগার মেলাশিংগী খুত্থাংদা হৌজিক ফাওবদা রিক্রুতমেন্ত লেতর লাখ ১০ হেন্না পীখ্রে।
১৬শুবা রোজগর মেলা অসি লৈবাক অসিগী মফম ৪৭তা পাংথোক্কনি। কেন্দ্র সরকারগী মন্ত্রালয়শিং অমসুং বিভাগশিংদা রিক্রুতমেন্তশিং পাংথোক্লি। লৈবাক শীনবা থুংনা খনগৎলবা অনৌবা রিক্রুতশিং অসি রেলৱেজ মন্ত্রালয়, গৃহ মন্ত্রালয়, পোস্ত দিপার্তমেন্ত, হকশেল অমসুং য়াইফ-য়ুম্বাল মন্ত্রালয়, ফাইনান্সিএল সর্ভিসেস দিপার্তমেন্ত, লেবর অমসুং এমপ্লোইমেন্ত মন্ত্রালয় অমসুং অতোপ্পা বিভাগশিং অমসুং মন্ত্রালয়শিংদা থবক তৌরগনি।
***
(Release ID: 2143980)
Read this release in:
Telugu
,
Odia
,
English
,
Urdu
,
Hindi
,
Nepali
,
Marathi
,
Bengali-TR
,
Assamese
,
Bengali
,
Punjabi
,
Gujarati
,
Tamil
,
Kannada
,
Malayalam