وزیراعظم کا دفتر
وزیرِ اعظم نے ریو ڈی جنیرو میں برکس اجلاس کے موقع پر بولیویا کے صدر سے ملاقات کی
Posted On:
07 JUL 2025 9:19PM by PIB Delhi
وزیرِ اعظم جناب نریندر مودی نے آج برازیل کے شہر ریو ڈی جنیرو میں برکس سربراہ اجلاس کے موقع پر بولیویا کے صدر محترم لوئیس ایرسے کیٹاکورا سے ملاقات کی۔
دونوں رہنماؤں نے دو طرفہ تعاون کا جائزہ لیا اور اب تک حاصل ہونے والی پیش رفت پر اطمینان کا اظہار کیا۔ ملاقات کے دوران اہم شعبہ جات پر گفتگو ہوئی جن میں اہم معدنیات، تجارت و معیشت، ڈیجیٹل پبلک انفراسٹرکچر اور یو پی آئی، صحت و ادویات، روایتی طب، چھوٹی و درمیانی صنعتیں، تربیت اور صلاحیت سازی شامل ہیں۔ دونوں قائدین نے اہم معدنیات کے شعبے میں تعاون کو وسعت دینے اور پائیدار و باہمی فائدہ مند شراکت داریوں کو فروغ دینے کی اہمیت کو تسلیم کیا۔وزیرِ اعظم نے دونوں ممالک کے درمیان جاری ترقیاتی تعاون پر بھی اطمینان ظاہر کیا، جن میں ‘کِوِک امپیکٹ پراجیکٹس’ اور آئی ٹی ای سی اسکالرشپ پروگرام کے تحت صلاحیت سازی کی پہل شامل ہیں۔
وزیرِ اعظم مودی نے مارچ-اپریل 2025 کے دوران لا پاز اور بولیویا کے دیگر علاقوں میں شدید سیلاب کے بعد بولیویا کے عوام کے ساتھ یکجہتی کا اظہار کیا۔ انہوں نے انٹرنیشنل سولر الائنس میں شمولیت پر بولیویا کو مبارکباد بھی دی۔
آخر میں وزیرِ اعظم نے بولیویا کے عوام اور حکومت کو ملک کی آزادی کی 200 ویں سالگرہ 6 اگست 2025 کے موقع پر نیک تمنائیں پیش کیں۔
جامع تعلیم کو فروغ دینے اور ‘پروجیکٹ انکلوزن’
*****
(ش ح ۔ع ح۔ص ج (
U. No.2542
(Release ID: 2143040)
Read this release in:
English
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam