وزیراعظم کا دفتر
وزیر اعظم نے برازیل کے شہر ریو دی جنیرو میں 17 ویں برکس سربراہ اجلاس کے موقع پریوروگوئے کے صدر سے ملاقات کی
Posted On:
07 JUL 2025 9:20PM by PIB Delhi
وزیر اعظم جناب نریندر مودی نے آج مشرقی جمہوریہ یوروگوئے کے عز ت مآب صدریامانڈو اورسی سے برازیل کے شہر ریودی جنیرو میں برکس سربراہ اجلاس کے موقع پر ملاقات کی۔
دونوں رہنماؤں نے دو طرفہ تعلقات کے مکمل پہلوؤں پر بات چیت کی ۔ انہوں نے ڈیجیٹل تعاون ، آئی سی ٹی ، ڈیجیٹل پبلک انفراسٹرکچر اور یو پی آئی ، دفاع ، ریلوے ، صحت اور دواسازی ، زراعت ، توانائی ، ثقافت اور عوام سے عوام کے روابط کے شعبوں میں تعاون کا جائزہ لیا ۔ بات چیت کا ایک اہم شعبہ دو طرفہ تجارت اور سرمایہ کاری کو مضبوط کرنا تھا ۔ دونوں فریقوں نے بھارت-مرکوسور ترجیحی تجارتی معاہدے کی توسیع میں دلچسپی کا اظہار کیا ، جس کا مقصد زیادہ سے زیادہ اقتصادی صلاحیت اور تجارتی روابط کو فروغ دیناہے ۔
وزیر اعظم نے پہلگام میں حالیہ وحشیانہ دہشت گردانہ حملے کی شدید مذمت پر صدر اورسی کا شکریہ ادا کیا اور دہشت گردی کے خلاف جنگ میں بھارت کے ساتھ یوروگوئے کی یکجہتی کو سراہا ۔
ملاقات میں دونوں ممالک کے مابین مستقبل پر مبنی دو طرفہ شراکت داری کو فروغ دینے کے عزم کا اعادہ کیا گیا ۔
*************
(ش ح۔ع و۔ف ر)
UN-2541
(Release ID: 2143028)
Read this release in:
English
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam