पंतप्रधान कार्यालय
ब्राझीलमधील रिओ दि जानेरो येथे 17 व्या ब्रिक्स शिखर परिषदेच्या पार्श्वभूमीवर पंतप्रधान नरेंद्र मोदी यांनी उरुग्वेच्या राष्ट्राध्यक्षांची घेतली भेट
Posted On:
07 JUL 2025 10:15PM by PIB Mumbai
नवी दिल्ली, 7 जुलै 2025
पंतप्रधान नरेंद्र मोदी यांनी आज ब्राझीलमधील रिओ दि जानेरो येथे ब्रिक्स शिखर परिषदेच्या पार्श्वभूमीवर उरुग्वेचे अध्यक्ष महामहिम यामांडू ओरसी यांची भेट घेतली.
उभय नेत्यांनी द्विपक्षीय संबंधांबाबत व्यापक चर्चा केली. त्यांनी डिजिटल सहकार्य, आयसीटी, डिजिटल सार्वजनिक पायाभूत सुविधा आणि यूपीआय, संरक्षण, रेल्वे, आरोग्य आणि औषधनिर्माण, शेती, ऊर्जा, संस्कृती आणि जनतेमधला संबंध या क्षेत्रातील सहकार्याचा आढावा घेतला. चर्चेचा एक महत्त्वाचा विषय द्विपक्षीय व्यापार आणि गुंतवणूक मजबूत करणे हा होता. दोन्ही बाजूंनी भारत-मर्कोसूर प्राधान्य व्यापार कराराच्या विस्तारामध्‍ये रस व्यक्त केला. यामुळे अधिक आर्थिक क्षमता आणि व्यापार पूरकता यामध्‍ये असलेल्या संधीं उपयोगात आणणे हा उद्देश आहे.
पहलगाम येथे अलिकडे झालेल्या निर्घृण दहशतवादी हल्ल्याचा तीव्र निषेध केल्याबद्दल पंतप्रधानांनी राष्ट्राध्यक्ष ओरसी यांचे आभार मानले आणि सर्व प्रकारच्या दहशतवादाविरुद्धच्या लढाईत भारतासोबत असलेल्या उरुग्वेच्या एकजुटीचे कौतुक केले.
या बैठकीत उभय देशांमध्‍ये भविष्यवेधी द्विपक्षीय भागीदारी विकसित करण्याच्या वचनबद्धतेची दोन्ही नेत्यांनी पुष्टी केली.
N.Chitale/S.Bedekar/P.Malandkar
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2143009)
Read this release in:
English
,
Urdu
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam