ভারতকী রিসর্চ অমসুং ইন্নোভেসন ইকোসিস্তেমবু মপাঙ্গল কনখৎহন্নবা অহোংবা খোঙথাং অমা ওইনা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা ঙসি লুপা করোর লাখ অমগী কোর্পস অমগা লোয়ননা রিসর্চ দিবেলপমেন্ত এন্দ ইন্নোভেসন (RDI) স্কিমদা অয়াবা পীখ্রে।

ইন্নোভেসন থৌগৎপদা অমসুং রিসর্চ কম্মর্সিএলাইজ তৌবদা প্রাইবেৎ সেক্তরনা লৌরিবা মরুওইবা থৌদাং অদু শকখঙলদুনা, RDI স্কিম অসিনা RDIদা প্রাইবেৎ সেক্তরগী ইনভেস্তমেন্ত পুক্নিং থৌগৎনবগীদমক্তা অতাবা নত্ত্রগা নিল ওইবা শেন্দোইগী চাংদা লোং-তর্ম ফাইনান্সিং নত্ত্রগা রিফাইনান্সিং পীনবা পান্দম থম্লি। স্কিম অসি প্রাইবেৎ সেক্তরগী ফন্দিংদা লৈরিবা অৱাবা অমসুং শিংনবশিং কোকহন্নবা দিজাইন তৌখি অমসুং স্কিম অসিনা ইন্নোভেসন, তেক্নোলোজী শিজিন্নবা অমসুং কম্পিতিতিবনেস হেনগৎহন্নবগীদমক সনরাইস অমসুং স্ত্রেতেজিক সেক্তরশিংদা গ্রোথ অমসুং রিস্ক কেপিতেল ফংহন্নবা হোৎনরি। স্কিম অসিগী মরুওইবা পান্দমদি মখাদা পীরি:

a) ইকনোমিক সেক্যুরিতী, স্ত্রেতেজিক ওইবা পান্দম অমসুং মশা-মরোমদোম লেপচবা ঙম্নবগীদমক মরু ওইবা অতোপ্পা সেক্তরশিংদা রিসর্চ, দিবেলপমেন্ত, অমসুং ইন্নোবেসন (RDI) হেনগৎহন্নবা প্রাইবেৎ সেক্তরবু পুক্নিং থৌগৎকনি;

b) তেক্নোলোজী রেদীনেস লেভেল্স (TRL) গী অৱাংবা লেবেলশিংদা ত্রান্সফোর্মেতিব প্রোজেক্তশিং শেল থাদবা;

c) ক্রিতিকেল ওইবা নত্ত্রগা স্ত্রেতেজিক ওইনা য়াম্না মরু ওইবা তেক্নোলোজীশিংগী এক্বিজিসন সপ্পোর্ত তৌবা;

d) দিপ-তেক ফন্দ ওফ ফন্দশিং লিংখৎপা।

প্রধান মন্ত্রীনা লুচিংবা অনুসন্ধান নেস্নেল রিসর্চ ফাউন্দেসন (ANRF) গী গভর্নিং বোদীনা RDI স্কিম অসিদা ওভরআর্কিং স্ত্রেতেজিক দিরেক্সন পীগনি। ANRFকী একজিক্যুতিব কাউন্সিল (EC)না স্কিম অসিগী গাইদলাইনশিং অয়াবা পীগনি অমসুং সানরাইজ সেক্তরশিংদা অনিশুবা থাক্কী ফন্দ মেনেজরশিং অমসুং প্রোজেক্তশিংগী স্কোপ অমসুং মখলগী মতাংদা রিকমেন্দ তৌগনি। কেবিনেৎ সেক্রেতরীনা লুচিংবা এম্পাৱর্দ গ্রুপ ওফ সেক্রেতরীজ (EGoS) অমনা স্কিমগী অহোংবশিং, সেক্তরশিং অমসুং প্রোজেক্তশিংগী মখলশিংগা লোয়ননা স্কিম অসিগী পর্ফোমেন্সকী রিভিয়ু তৌবগা লোয়ননা অনিশুবা লেভেল ফন্দ মেনেজরশিং অয়াবা পীনবগী থৌদাং লৌগনি। দিপার্তমেন্ত ওফ সাইন্স এন্দ তেক্নোলোজী (DST) না RDI স্কিম অসি ইমপ্লিমেন্ত তৌনবা নোদেল দিপার্তমেন্ত ওইনা থবক তৌগনি।

RDI স্কিম অসিদা তায়র অনিগী ওইবা ফন্দিং মেকানিজম অমা লৈগনি। অহানবা লেভেলদা ANRFকী মনুংদা লিংখৎলবা স্পেসিএল পর্পজ ফন্দ (SPF) অমা লৈগনি, মসিনা ফন্দশিংগী কস্তদিয়ন ওইনা থবক তৌগনি। SPFকী ফন্দশিং অসি অনিশুবা লেভেলগী ফন্দ মেনেজরশিংগী মখল কয়াদা ফন্দশিং এল্লোকেৎ তৌগনি। মসি মরুওইনা লোং-তর্ম কন্সেস্নেল লোনশিংগী মওংদা ওইগনি। অনিশুবা থাক্কী ফন্দ মেনেজরশিংনা R&D প্রোজেক্তশিংদা শেল থাদবা অসি মহৌশানা অতাবা নত্ত্রগা নিল ওইবা শেন্দোইগি চাংশিংগী মওংদা ওইগনি। মরুওইনা স্তার্ত-অপকী ওইনা ইক্বিতীগী মওংদা ফাইনান্সিংসু পাংথোকপা য়াই। দিপ-তেক ফন্দ ওফ ফন্দস (FoF) নত্ত্রগা RDIগীদমক শেম্বা অতোপ্পা FoFদা কন্ত্রিব্যুসন পীনবসু খন্নগনি।

লোং-তর্ম, শেল চংদবা ফাইনান্সিংগীদমক প্রাইবেৎ সেক্তরগী মরুওইবা মথৌ তাবশিং কোকহন্দুনা, RDI স্কিম অসিনা মশা-মরোমদোম লেপচবা অমসুং মালেমগী থাক্তা চাংদম্নবা হেনগৎহল্লি। মসিনা 2047দা ভিক্সিৎ ভারতকী মায়কৈদা চংশিল্লিবা লৈবাক অসিগীদমক্তা ইন্নোভেসন ইকোসিস্তেম অমা শেমগৎলি।

******