প্রধানমন্ত্রীগী লোইশঙ
পি.এম.না দিজিতেল ইন্দিয়া ইনিসিএতিবনা চহি 10 শুরকপদা থাগৎপা ফোংদোকখ্রে
Posted On:
01 JUL 2025 9:40AM by PIB Imphal
প্রধান মন্ত্রী, শ্রী নরেন্দ্র মোদীনা দিজিতেল ইন্দিয়া ইনিসিএতিবনা চহি 10 মায় পাক্না মপুং ফারকপদা থাগৎপা ফোংদোকখ্রে। মহাক্না হায়খি মদুদি চহি তরাগী খুজিং অমগী মতুংদা ঐখোয়না মশিং লাকঙমদ্রবা মীওই কয়াগী পুন্সিদা য়ৌশিল্লিবা অমসুং এম্পাৱরমেন্তগী অনৌবা চহিচা অমদা চংশিল্লিবা খোঙচৎ অমা উবা ফংখি। “ভারত মচা করোর 140গী অপুনবা ফিরেপকা লোয়ননা শক্তি পীদুনা দিজিতেল পেমেন্তশিংদা ভারতনা মায় পাকপা কয়া ফংবা ঙমখ্রে” হায়না শ্রী মোদীনা ফোংদোকখি।
মাইগোবইন্দিয়াগী Xকী থ্রেদ অমা শেয়র তৌরদুনা প্রধান মন্ত্রীনা ইখি:
"ঙসি অসি পুৱারী ওইরবা নুমিৎ অমনি মরমদি ঐখোয়না #10YearsOfDigitalIndia পাংথোক্লি!
চহি তরাগী মমাংদা দিজিতেল ইন্দিয়ানা ঐখোয়গী লৈবাক অসিবু দিজিতেলদা শক্তি পীরবা অমসুং তেক্নিলোজীদা খুমাং চাউশিল্লবা খুন্নাই অমদা ওন্থোক্নবা থৌশিল অমা হৌখি।
চহি তরাগী খুজিং অমগী মতুংদা ঐখোয়না মশিং লাকঙমদ্রবা মীওই কয়াগী পুন্সিদা য়ৌশিল্লিবা অমসুং এম্পাৱরমেন্তগী অনৌবা চহিচা অমদা চংশিল্লিবা খোঙচৎ অমা উবা ফংখি। ভারত মচা করোর 140গী অপুনবা ফিরেপকা লোয়ননা শক্তি পীদুনা দিজিতেল পেমেন্তশিংদা ভারতনা মায় পাকপা কয়া ফংবা ঙমখ্রে। হেল্থ অমসুং এজুকেসনগুম্বা সেক্তরশিংনা থৌশিল অসিদগীসু কান্নবা ফংহনখি।
মসিগী থ্রেদ অসিনা অওনবা পুরক্লিবা অমসুং মাগী পাক-চাউবা অদুগী মমি অমা উৎলি!"
***
(Release ID: 2141037)
Read this release in:
Assamese
,
English
,
Urdu
,
Marathi
,
Hindi
,
Nepali
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam