خزانہ اور کارپوریٹ امور  کی مرکزی وزیرمحترمہ نرملا سیتا رمن 30 جون سے 5 جولائی 2025 تک اسپین، پرتگال اور برازیل کے سرکاری دورے پر وزارت خزانہ کے اقتصادی امور کے شعبہ سے تعلق رکھنے والے  بھارتی  وفد کی قیادت کریں گی۔

سیویل، اسپین کے اپنے دورے کے ایک حصے کے طور پر، مرکزی وزیر خزانہ اقوام متحدہ کے زیر اہتمام ترقی کے لیے مالی اعانت (ایف ایف ڈی 4) پر چوتھی بین الاقوامی کانفرنس میں شرکت کریں گی اور بھارت کا موقف پیش کریں  گی۔

مرکزی وزیر خزانہ سیویل میں‘‘ایف ایف ڈی 4 نتائج سے نفاذ تک: پائیدار ترقی کے لیے نجی سرمائے کے امکانات کو روشن کرنا’’ کے موضوع پر بین الاقوامی بزنس فورم لیڈرشپ سمٹ میں شرکت کریں گے اور کلیدی خطاب پیش کریں گی۔ ایف ایف ڈی 4کے موقع پرمحترمہ سیتا رمن جرمنی، پیرو اور نیوزی لینڈ کے سینئر وزراء اور یورپین انویسٹمنٹ بینک (ای آئی بی) کے صدر سے ملاقات کریں گی۔

لزبن، پرتگال کے اپنے دورے کے ایک حصے کے طور پر، مرکزی وزیر خزانہ کی پرتگال کے وزیر خزانہ کے ساتھ دو طرفہ ملاقات متوقع ہے۔ ممتاز سرمایہ کاروں اور بھارتی  تارکین وطن کے ارکان کے ساتھ ملاقات کا بھی پروگرام ہے۔

ریو ڈی جنیرو میں، مرکزی وزیر خزانہ  بھارت  کے گورنر کی حیثیت سے نیو ڈیولپمنٹ بینک  (این ڈی بی) کی 10ویں سالانہ میٹنگ سے خطاب کریں گے اور برکس وزرائے خزانہ اور مرکزی بینک کے گورنروں کی میٹنگ(ایف ایم سی بی جی) میں بھی شرکت کریں گے۔

این ڈی بی میٹنگوں کے ایک حصے کے طور پر، محترمہ سیتا رمن این ڈی بی کے فلیگ شپ گورنرز سیمینار کے دوران ‘‘ گلوبل ساؤتھ  کے لیے ایک خصوصی،کثیر جہتی ترقیاتی بینک کی تعمیر’’ کے موضوع  پر بھی خطاب کریں گی۔

این ڈی بی کی میٹنگوں کے موقع پر، مرکزی وزیر خزانہ برازیل، چین، انڈونیشیا اور روس کے اپنے ہم منصبوں کے ساتھ دو طرفہ میٹنگیں کریں گی۔

********

ش ح۔س ک۔ رض

U-2276