প্রধানমন্ত্রীগী লোইশঙ
পি.এম.না জুন 24, 2025দা শ্রী নারায়ন গুরু অমসুং মহাত্মা গান্ধীগী মরক্তা ৱারী শাখিবা চহি চাম্মা মপুং ফাবগী পালন থৌরম হৌদোক্কনি
Posted On:
23 JUN 2025 5:24PM by PIB Imphal
প্রধান মন্ত্রী শ্রী নরেন্দ্র মোদীনা জুন 24, 2025গী অয়ুক পুং 11 রোম তাবদা ভারতকী খ্বাইদগী চাউবা স্পিরিচুএল অমসুং মোরেল লিদর অনি শ্রী নারায়ন গুরু অমসুং মহাত্মা গান্ধীগী মরক্তা পুৱারী ওইরবা ৱারী শাখিবা অদুনা চহি চাম্মা মপুং ফারকপগী পালন থৌরম নই দিল্লীগী বিজ্ঞান ভবনদা হৌদোক্কনি। থৌরম অদুদা মহাক্না মীয়ামদা ৱা ঙাংগনি।
মহাত্মা গান্ধীগী খোংচৎ মনুংদা 1925গী মার্চ 12দা সিবাগিরি মত্তা পুৱারী ওইরবা ৱারী শাবগী থৌদোক অসি থোকখি অমসুং ৱারী শাখিবা অদুনা বৈকোম সত্যাগ্রহ, ধর্ম ওন্থোকপা, অহিংসা, শোক্না শম্নবা য়াদবা মুথৎপা, সেলভেসন ফংহনবা, তুহৎপীরবশিংগী পুন্সিদা অহোংবা পুরকপা অসিনচিংবশিংদা মীৎয়েং থমখি।
শ্রী নারায়ন ধর্ম সংঘোম ত্রস্তনা শীনবা, থৌরম অসিনা ভারতকী সোসিএল অমসুং মোরেল ফেব্রিক মখা তানা শেমগৎলিবা ভিজনরী দাইলোগ অদুগী মরমদা খন্ননবা অমসুং নীংশিং থৌরম পাংথোক্নবগীদমক স্পিরিচুএল লিদরশিং অমসুং অতোপ্পা মেম্বরশিং পুনশিনগনি। মসিনা শ্রী নারায়ন গুরু অমসুং মহাত্মা গান্ধী অনিমক্না শৌগৎখিবা খুন্নাইগী অচুম্বা ৱায়েল, অমত্তা ওইবগী ৱাখল্লোন অমসুং স্পিরিচুএল হার্মোনি অদুবু চাউনা ইকাই খুম্নবা উৎপা অমা ওইরি।
****
(Release ID: 2138985)