প্রধান মন্ত্রী শ্রী নরেন্দ্র মোদীনা জুন 20-21দা বিহার, ওরিশা অমসুং আন্ধ্র প্রদেশতা চৎকনি। মহাক্না জুনগী 20দা বিহারগী সিৱানদা চৎকনি অমসুং নুমিৎ য়ুংবা পুং 12 রোম তাবদা তোঙান তোঙানবা চাউখৎ-থৌরাংগী প্রোজেক্ত কয়া উরেপ-উয়ুং তমগনি অমসুং শঙ্গাগনি। থৌরম অসিদা মহাক্না মীয়ামদা ৱা ঙাংগনি।

মসিগী মতুংদা, মহাক্না ওরিশাগী ভুবনেশ্বরদা চৎকনি অমসুং নুংথিল পুং 4:15 রোম তাবদা ওরিশাগী রাজ্য সরকারগী চহি অমা মপুং ফারকপগী রাজ্যগী থাক্তা পাংথোক্কদবা থৌরম অদুদা ময়াই তাংবল লৌগনি। মহাক্না লুপা করোর 18,600 হেনবগী চাউখৎ-থৌরাংগী প্রোজেক্ত কয়া শঙ্গাগনি অমসুং উরেপ উয়ুং তমগনি অমসুং থৌরম অদুদা মীয়ামদা ৱা ঙাংগনি।

জুন 21দা প্রধান মন্ত্রীনা অয়ুক পুং 6:30 রোম তাবদা আন্ধ্র প্রদেশকী বিশাখাপত্তনমদা পাংথোক্কদৌরিবা ইন্তর্নেস্নেল য়োগ দে- মাস য়োগ দেমোনস্ত্রেসনদা শরুক য়াগনি। থৌরম অসিদা মহাক্না মীয়ামদা ৱা ঙাংগনি।

বিহারদা পি.এম.

বিহারগী ইনফ্রাস্ত্রকচর অমসুং সোসিও-ইকোনোমিক দিবেলপমেন্তদা অচৌবা শাহৌ অমা পীরদুনা প্রধান মন্ত্রীনা সিৱানদা চাউখৎ-থৌরাংগী প্রোজেক্ত কয়াগী উরেপ-উয়ুং তমগনি অমসুং শঙ্গাগনি।

লমদম অসিদা রেলৱে ইনফ্রাস্ত্রকচর হেনগৎহন্দুনা, প্রধান মন্ত্রীনা লুপা করোর 400 হেনবগী অনৌবা বৈশালী-দেওরিয়া রেলৱে লাইন প্রোজেক্ত শঙ্গাগনি অমসুং হায়রিবা লম্বী অসিদা অনৌবা ত্রেন সর্বিস অমা লমথাগনি। মসিগী মথক্তা, অৱাংথংবা বিহারদা কন্নেক্তিবিতী হেনগৎহন্নবগীদমক, প্রধান মন্ত্রীনা মুজফরপুর অমসুং বেতিয়াগী খুত্থাংদা পাৎলিপুত্রা অমসুং গোরখপুরগী মরক্তা ভন্দে ভারত এক্সপ্রেসসু লমথাগনি।

"মেক ইন ইন্দিয়া - মেক ফোর ৱার্ল্দ"গী মংলান অদু মখা তানা পুখৎতুনা, প্রধান মন্ত্রীনা রিপব্লিক ওফ গিনিদা এক্সপোর্ত তৌনবগীদমক মারহৌরা প্লান্তদা শাবা স্তেৎ-ওফ-দি-আর্ত লোকোমোতিব অমসু লমথাগনি। মসি ফেক্তরী অসিদা পুথোকপা অহানবা এক্সপোর্ত লোকোমোতিবনি। মখোয়শিং অসি হাই-হোর্সপাৱর ইঞ্জিনশিং, এ.সি. প্রোপলসন সিস্তেম, মাইক্রোপ্রোসেসরদা য়ুম্ফম ওইবা কন্ত্রোল সিস্তেমশিং, এর্গোনোমিক কেব দিজাইনশিং অমসুং রিজেনরেতিব ব্রেকিংগুম্বা তেক্নোলোজীশিং য়াওরি।

গঙ্গা তুরেলগী কঞ্জার্বেসন অমসুং রিজুভেনেসনগীদমক মহাক্কী অচেৎপা ফিরেপ অদুগী মতুং ইন্না, লমদম অসিগী মীয়ামগী মথৌ তাবশিং ফংহন্নবা লুপা করোর 1800 হেনবগী মমল ওইগদবা নমামি গঙ্গে প্রোজেক্তকী মখাদা সিৱেজ ত্রিৎমেন্ত প্লান্ত (STP) তরুক শঙ্গাগনি।

 প্রধান মন্ত্রীনা বিহারগী তোঙান তোঙানবা শহরশিংদা লুপা করোর 3000 হেনবগী ৱাতর সপ্লাই, সেনিতেসন অমসুং STPশিংগীদমক উরেপ উয়ুংসু তমগনি, মসিগী পান্দমদি শহরশিং অসিগী প্রজাশিংদা থক্নবা ঈশিং মরাং কায়না ফংহন্নবনি।

লমদম অসিদা পাৱর ইনফ্রাস্ত্রকচরদা অচৌবা শাহৌ অমা পীরদুনা প্রধান মন্ত্রীনা বিহারদা 500 MWhগী বেতরী ইনর্জী স্তোরেজ সিস্তেম (BESS)গী উরেপ উয়ুং তমগনি। স্তেন্দ এলোন BESS অসি মুজাফফরপুর, মোতিহারী, বেতিয়া, সিৱান য়াওনা রাজ্য অসিগী গ্রিদ সবস্তেসন 15দা ইনস্তোল তৌরি। সব-স্তেসন খুদিংমক্তা ইনস্তোল তৌগদবা বেতরীগী কেপাসিতী অসি 20দগী 80 MWh ফাওবা ওইগনি। মসিনা দিস্ত্রিব্যুসন কম্পনীশিংদা ইলেক্ত্রিসিতী অসি অৱাংবা মমলদা লৈবদগী কনবা ঙমগনি, মসিনা হান্ননা স্তোর তৌখ্রবা ইলেক্ত্রিসিতী অদু গ্রিদ অদুদা হাপচিন্দুনা কঞ্জ্যুমরশিংদা হকথেংননা কান্নবা পীগনি।

প্রধান মন্ত্রীনা বিহারদা PMAY Uগী কান্নবা ফংলবা মীওই 53,600 হেনবদা অহানবা ইন্সতোলমেন্তসু পীগনি। PMAY Uগী য়ুম 6600 হেন্না শঙ্গাবা লোইরবা মতুংদা গ্রীহ প্রবেস থৌরম পাংথোক্নবা মহাক্না কান্নবা ফংলবা মীওই খরদা শোশিং খুৎশিন্নগনি।

ওরিশাদা পি.এম.

প্রধান মন্ত্রীনা ভুবনেশ্বরদা ওরিশা সরকারগী চহি অমা মপুং ফারকপগী পাংথোক্কদবা রাজ্য থাক্কী থৌরমদা ময়াই তাংবল লৌগনি।

ওরিশাগী অপুনবা চাউখৎ-থৌরাংগীদমক মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা লুপা করোর 18,600 হেনবগী চাউখৎ-থৌরাংগী প্রোজেক্ত কয়া অমসু শঙ্গাগনি অমসুং উরেপ-উয়ুংসু তমগনি। প্রোজেক্তশিং অসিনা থক্নবা ঈশিং, ইরিগেসন, লৌউ-শিংউগী ইনফ্রাস্ত্রকচর, হকশেলগী ইনফ্রাস্ত্রকচর, খুঙ্গংগী লম্বীশিং অমসুং থোংশিং, নেস্নেল হায়ৱেগী সেক্সনশিং অমসুং অনৌবা রেলৱে লাইন য়াওনা মরুওইবা সেক্তরশিং কোনশিনগনি।

জিলা অসি নেস্নেল রেলৱেজ নেৎৱার্ক্কা পুনশিনবগী পুৱারী ওইরবা তাঙ্কক অমা ওইনা, প্রধান মন্ত্রীনা বৌধ জিলাদা অহানবা ওইনা রেল কন্নেক্তিবিতী শন্দোক্লিবা অনৌবা ত্রেন সর্ভিসশিং লমথাগনি।

ক্লিন ইনর্জী অমসুং সস্তেনেবল ত্রান্সপোর্তকী মায়কৈদা অচৌবা খোংথাং অমা ওইনা, প্রধান মন্ত্রীনা কেপিতেল রিজন অর্বান ত্রান্সপোর্ত (CRUT) সিস্তেমগী মখাদা ইলেক্ত্রিক বস 100 লমথাগনি, মসিনা মোদর্ন, ইকো-ফ্রেন্দলী অর্বান মোবিলিতী নেৎৱার্ক অমা সপ্পোর্ত তৌরগনি।

প্রধান মন্ত্রীনা ওরুশা ভিজন দোকুমেন্ত ফোংগনি। 2036 (ওরিশা অসি ভারতকী অহানবা লিংগ্যুস্তিক রাজ্য ওইরকপা চহি 100 মপুং ফারকপা) অমসুং 2047 (ভারতনা নীংখা তম্বগী চহি 100 মপুং ফারকপা) গী মরু ওইবা চহিশিংদা য়ুম্ফম ওইদুনা, ভিজন অসিনা ইনক্লুসিব গ্রোথকীদমক এম্বিসিয়স ওইবা অমসুং তুংলমচৎকীদমক শেম-শাবা রোদমেপ অমা পুথোক্কনি।

শক্নাইরবা ওরিয়াশিংগী থৌদাংবু ইকায় খুম্নবা ওইনা, প্রধান মন্ত্রীনা 'বরপুত্র আইতিহ্য গ্রাম য়োজনা' হৌদোক্কনি। মসিগী পান্দমদি ওরিশাগী হেরিতেজবু ইকাই খুম্নবা উৎনবা ম্যুজিয়মশিং, ইন্তর্প্রিতেসন সেন্তরশিং, মীতমশিং, লাইব্রেরীশিং অমসুং পব্লিক স্পেসশিংগী খুত্থাংদা মখোয়গী পোক্নফম মফমশিংবু হিংলিবা মেমোরিয়েলশিংদা ওন্থোকপা অদুগা কলচরেল তুরিজম প্রমোৎ তৌবা অসিনি।

রাজ্য অসিগী চাউখৎপা অমসুং মশা-মরোমদোম লেপচবগী খুদম অমা ওইনা লাখ 16.50 হেন্না লাখপতি দিদি ওইবগী নুংঙাইবা ফোংদোক্লদুনা, প্রধান মন্ত্রীনা রাজ্য অসিগী মায়পাক্লবা নুপীশিংদা নুংঙাইবা ফোংদোক্কনি।

আন্ধ্র প্রদেশ

11শুবা ইন্তর্নেস্নেল দে ওফ য়োগ (IDY) গী থৌরমদা প্রধান মন্ত্রীনা বিশাখাপত্তনমদগী নেস্নেল সেলেব্রেসনদা লুচিংগনি। মহাক্না বিশাখাপত্তনমগী বীচফ্রন্ততা কম্মন যোগ প্রোতোকোল (CYP) সেসনদা শরুক য়াগনি। মসিদা শরুক য়ারিবা মীওই লাখ 5 রোমগা লোয়ননা মহাক্না লৈবাক অসিদা য়োগগী মওং মতৌ উৎপদা লমজিংগনি। ভারত শিনবা থুংনা মফম লাখ 3.5 হেনবদা য়োগ সঙ্গম থৌরমশিং অমুক্তা পাংথোক্কনি। চহি অসিদা, য়োগ ৱিথ ফেমিলি অমসুং য়োগ অনপ্লগদকী মখাদা নহাশিংদা মীৎয়েং থম্বা থৌরাংশিংগুম্বা অখন্নবা কম্পিতিতিবশিং মাইগোভ অমসুং মাইভারতকুম্বা প্লেৎফোর্মশিংদা মীয়ামগী শরুক য়াবা পুক্নিং থৌগৎনবা হৌদোকখ্রে।

চহি অসিগী থিম, "য়োগ ফোর ৱান আর্থ, ৱান হেল্থ" অসিনা মীওইবা অমসুং গ্রহগী হকশেলগী মরক্তা লৈনরিবা মরী অদু ময়েক শেংহল্লি অমসুং ভারতকী " সর্ভে সন্তু নিরামায়া " (পুম্নমক অনাবদগী লাপথোকপা ওইরসনু) হায়বা ফিলোসোফীদা য়ুম্ফম ওইবা অপুনবগী মশা-মউ ফবগী মালেমগী ভিজন অদু ফোংদোক্লি। য়ুনাইতেদ নেসন্স জেনরেল এসেমব্লী (UNGA) না জুন 21বু IDY ওইনা পাংথোক্নবা ভারতকী প্রপোজেল এদোপ্ত তৌরকপা 2015দগী হৌরগা, প্রধান মন্ত্রীনা ন্যু দিল্লী, চন্দীগর, লখনৌ, মাইসুরু, ন্যু য়োর্ক (UN হেদক্বাতর্স)তা IDY অসি মতম অদুদগী হৌনা মালেমগী ওইবা হকশেলগী ইহৌ অমা ওইরকখি।

****