آیوش کی وزارت نے نیشنل میڈیا سنٹر، نئی دہلی میں یوگ کے 11ویں بین الاقوامی دن (آئی ڈی وائی) کے لیے تعارف نامہ  کی میزبانی کی۔ اس تقریب سے  یوگ کے  بین الاقوامی دن 2025 کے عظیم الشان جشن کا باضابطہ آغاز ہوگیاہے، جس کے بعد  وشاکھاپٹنم، آندھرا پردیش میں 21 جون کو وزیر اعظم جناب نریندر مودی کی قیادت میں قومی پروگرام منعقد ہوگا۔

آیوش کی وزارت کے مرکزی وزیر مملکت (آزادانہ چارج) اورصحت اور خاندانی بہبود کے مرکزی وزیر مملکت جناب پرتاپراؤ جادھو نے آیوش کی وزارت کے سکریٹری ویدیہ راجیش کوٹیچا کے ساتھ میڈیا کے افراد  سے خطاب کیا۔ اس موقع پر وزارت کے اعلیٰ حکام بھی موجود تھے۔

پریس کانفرنس سے خطاب کرتے ہوئے آیوش کے وزیر جناب پرتاپراؤ جادھو نے گزشتہ ایک دہائی کے دوران یوگ کے  بین الاقوامی دن  (آئی ڈی وائی)کے شاندار سفر پر روشنی ڈالی۔ وزیرموصوف  نے کہا کہ ‘‘جب اقوام متحدہ کی جنرل اسمبلی نے ہمارے وزیر اعظم جناب نریندر مودی کی بصیرت انگیز مطالبے  کے بعد 2014 میں 21 جون کو یوگ کے عالمی دن کے طور پر اپنایا تو اس نے ہندوستان کی روایتی دانشمندی سے وابستہ  عالمی فلاح و بہبود کی تحریک کا آغاز کیا۔’’

وزیر موصوف  نے یاد دلایا کہ 2015 سے آئی ڈی وائی پوری دنیا میں غیر معمولی جوش و خروش کے ساتھ منایا جا رہا ہے۔ انہوں نے کہا کہ ‘‘نئی دہلی میں ریکارڈ قائم کرنے والے پہلے ایونٹ سے لے کر میسور، نیویارک اور سری نگر میں تاریخی تقریبات تک،آئی ڈی وی کے ہر ایڈیشن نے متنوع ثقافتوں سے تعلق رکھنے والے لوگوں کو صحت، ہم آہنگی اور امن کے مشترکہ حصول میں متحد کیا ہے۔’’

اس سال کے سنگ میل کی اہمیت کو اجاگر کرتے ہوئے، وزیرموصوف  نے کہا کہ ‘‘جب ہم 11ویں سال میں داخل ہو رہے ہیں، آئی ڈی وائی2025 صرف ایک یادگار نہیں ہے، بلکہ یہ ہماری کوششوں کو بڑھانے اور معاشرے کے تمام طبقات تک یوگ کی رسائی کو گہرا کرنے کے لیے ایک اجتماعی کال ہے۔’’انہوں نے مزید کہا کہ تھیم ‘یوگ برائے ایک کرہ ارض ،ایک صحت’ ہندوستان کے جی 20 صدارت کے دوران پیش کیے گئے عالمی صحت کے وژن کے ساتھ ہم آہنگ ہے اور ‘سروے سنتو نرمایا’ کے ہندوستانی تہذیبی اخلاق کی عکاسی کرتا ہے، جس کا مطلب ہے - ‘‘سب بیماری سے آزاد ہوں۔’’

وزیر موصوف  نے یہ بھی بتایا کہ 21 جون 2025 کو قومی تقریب وشاکھاپٹنم، آندھرا پردیش میں ہوگی، جہاں وزیر اعظم جناب نریندر مودی پانچ لاکھ سے زیادہ شرکاء کے ساتھ کامن یوگا پروٹوکول (سی وائی پی) سیشن کی قیادت کریں گے۔ اس کے ساتھ ہی ملک بھر میں ایک لاکھ سے زیادہ مقامات پر ‘یوگا سنگم’ اجلاس کا انعقاد کیا جائے گا، جو اسے تاریخ کے سب سے بڑے ہم آہنگ یوگا مظاہروں میں سے ایک بنائے گا۔

وزیرموصوف نے‘‘یوگا آندھرا’’ مہم شروع کرنے کے لیے آندھرا پردیش کی حکومت اور اس کے وزیر اعلیٰ جناب این چندرابابو نائیڈو کی اہم شراکت کا بھی اعتراف کیا، جو کہ ریاست بھر میں 10 لاکھ باقاعدہ یوگا پریکٹیشنرز کی کمیونٹی کو فروغ دینے کے لیے ایک پرجوش اقدام ہے۔

وزیرموصوف نے اس بات پر روشنی ڈالی کہ100 دنوں میں بین الاقوامی یوم یوگا 2025میں پھیلے ہوئے دس مخصوص  پروگرام پیش کرے گا، جو معاشرے کے مختلف طبقات کی بازگشت  سنانے  اور یوگا کو ایک مکمل طرز زندگی کے طور پر فروغ دینے کے لیے ڈیزائن کیا گیا ہے۔ یہ تقریبات - شمولیت کے لیے یوگا سماویش سے لے کر بین الاقوامی شراکت کے لیے یوگا بندھن تک - یوگا کو چٹائی سے عوام تک لے جانے کے حکومت کے اسٹریٹجک وژن کی نمائندگی کرتی ہیں۔

وزیر موصوف نے الٹی گنتی کے پروگراموں کے سلسلے میں پرجوش عوامی ردعمل کو واضح  کیا ، جو بالترتیب دہلی، بھونیشور، ناسک اور پڈوچیری میں 100 دن، 75 دن، 50 دن اور 25 دن کے سنگ میل پر منعقد ہوئے- جس نے مرکزی تقریب کی قیادت میں مضبوط رفتار پیدا کی ہے۔

میڈیا سے بات کرتے ہوئے جناب جادھو نے زور دیا کہ‘‘یوگ صرف آسن  اور سانس لینے کی مشق نہیں ہے – یہ ایک طرز زندگی ہے۔ آپ کے تعاون سے، ہم آئی ڈی وائی 2025 کو ایک تاریخی ایونٹ بنانا چاہتے ہیں، جو لاکھوں لوگوں کو یوگ کو ان کے روزمرہ کے معمولات میں ضم کرنے کی ترغیب دیتا ہے اور ایک صحت مند، خوشگوار اور زیادہ ہم آہنگی والا معاشرہ بنانے میں مدد کرتا ہے۔’’

عالمی شرکت کے بارے میں اپ ڈیٹس کا اشتراک کرتے ہوئے، آیوش کی وزارت کے سکریٹری، ویدیہ راجیش کوٹیچا نے بتایا کیا کہ 60 سے زیادہ ممالک نے آئی ڈی وائی 2025 کے سلسلے میں پہلے ہی سرگرمیاں شروع کر دی ہیں۔ انہوں نے مزید کہا کہ دنیا بھر میں یوگ کے شوقین افراد سرگرمی سے تقریبات کا انعقاد کر رہے ہیں، جو تھیم ‘یوگا فار ون ارتھ، ون ہیلتھ’ اور دس مخصوص ایونٹس کی بین الاقوامی تحریک کی عکاسی کر رہے ہیں۔

پریس کانفرنس میں جناب پی این۔ رنجیت کمار، آفیسر آن اسپیشل ڈیوٹی (آئی ڈی وائی کوآرڈینیشن)، آیوش کی وزارت نے ایک جامع پریزنٹیشن پیش کی جس میں آئی ڈی وائی 2025 کے لیے پیمانے، وژن اور حکمت عملی کی تفصیل دی گئی۔ انہوں نے آئی ڈی وائی تحریک کے دہائیوں کے سفر کی وضاحت کی، 10 مخصوص ایونٹس  کے بارے میں بصیرت فراہم کی اور اس بات پر روشنی ڈالی کہ وسیع پیمانے پر اور جامع شراکت کے ذریعہ ریاستی حکومتوں کے ساتھ بین الاقوامی شراکت داری کو یقینی بنانے کے لیے سول سوسائٹی اور ریاستی حکومتوں کے درمیان تعاون کو یقینی بنایا جائے۔پریزنٹیشن کا اختتام اس پر ایک زبردست جائزہ کے ساتھ ہوا کہ آیوش کی وزارت کس طرح ڈیجیٹل ٹولز، نچلی سطح پر متحرک ہونے اور عالمی شراکت داری کا استعمال کر رہی ہے تاکہ ‘‘یوگ برائے ایک کرہ ارض ،ایک صحت’’ کے پیغام کو وسعت دی جاسکے۔

*******

ش ح- ف ا- ن ع

UR No 1710