প্রধানমন্ত্রীগী লোইশঙ
ভারত্ত চহি ১১ গী ইনফ্রাষ্ট্রকচরগী অওনবশিংগী মতাংদা প্রধান মন্ত্রীনা পাউদমখ্রে
Posted On:
11 JUN 2025 10:17AM by PIB Imphal
প্রধান মন্ত্রী শ্রী নরেন্দ্র মোদীনা ভারতকী চাউখৎপগী খোঙচৎকী মশক থোকপা ওইবা মাইপাকপা অমা শিংথাখ্রে, চহি ১১ গী ইনফ্রাষ্ট্রকচরগী অওনবা, লৈবাক অসি মাঙলোমদা পুখৎখিবা চহি ১০ গী ইনফ্রাষ্ট্রকচর শেমগৎপগী অওনবা হরাওবা ফোঙদোক্লি। প্রধান মন্ত্রীনা হায়খি রেলৱেজশিং, হায়ৱেশিং, হিথাংফমশিং অমসুং এয়রপোর্তশিং য়াওবা ইনফ্রাষ্ট্রকচরদা ভারতকী মশক থোকপা থবকশিং পায়খৎলে, মসিনা লম্বী-থোং ফগৎলে, শেন-থুমগী ফিবম ফগৎলে অমসুং হিংবদা লাইহল্লে অমসুং মীয়াম নুংঙাই য়াইফবা হেনগৎলে।
প্রধান মন্ত্রীনা অমুক হন্না হায়খি মদুদি তুংগী মীরোলগীদমক ভারতনা ইনফ্রাষ্ট্রকচর শেমগৎলিবা অসি তুংকোইনা চৎনবা য়াবা অমসুং তুংগী উবা পান্দমনা লমজিংবনি অমসুং মশা মরোমদোম লেপচবা ভারতকী য়ুম্ফমনি।
এক্সতা MyGovIndia গী তোঙান তোঙানবা পোস্তশিংগী পাউখুম পীরদুনা, প্রধান মন্ত্রীনা হায়খি;
“#11YearsOfInfraRevolution গী খোঙচৎ অসিদা, মশক থোকপা ইনফ্রাষ্ট্রকচর হেনগৎলকপা অসিনা ভারতকী চাউখৎপগী খোঙজেল য়াংখৎহল্লে। রেলৱেজশিং, হায়ৱেশিং, হিথাংফমশিং অমসুং এয়রপোর্তশিং য়াওবা ভারতকী ইনফ্রাষ্ট্রকচর য়াংনা চাউখৎলকপা অসিনা ‘হিংবদা লাইবা’ হেনগৎহল্লে অমসুং নুংঙাই য়াইফবা হেনগৎলে”।
“তুংগী মীরোলগীদমক ভারতনা ইনফ্রাষ্ট্রকচর শেমগৎলিবা অসি তুংকোইনা চৎনবা য়াবা অমসুং তুংগী উবা পান্দমনা লমজিংবনি অমসুং মশা মরোমদোম লেপচবা ভারতকী য়ুম্ফমনি!
#11YearsOfInfraRevolution”
***
(Release ID: 2135636)
Read this release in:
Odia
,
English
,
Urdu
,
Hindi
,
Nepali
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam