केंद्रीय गृहमंत्री आणि सहकार मंत्री अमित शाह यांनी नक्षल विरोधी कारवाईमध्ये महत्त्वाची भूमिका बजावणाऱ्या अधिकाऱ्यांची आज नवी दिल्ली येथे भेट घेतली आणि या कारवाईमध्ये मिळवलेल्या ऐतिहासिक यशाबद्दल त्यांचे अभिनंदन केले. ते म्हणाले की, भारताला नक्षलवादाच्या संकटापासून मुक्त करण्यासाठी मोदी सरकार कटिबद्ध आहे.

हाल ही में नक्सलवाद के विरुद्ध चलाए गए अभियानों में अहम भूमिका निभाने वाले अधिकारियों से भेंट कर इन ऑपरेशंस की ऐतिहासिक सफलता पर उन्हें बधाई दी।

इन अभियानों को अपनी बहादुरी से सफल बनाने वाले जवानों से भी मिलने के लिए उत्सुक हूँ और जल्द ही छत्तीसगढ़ आकर उनसे भेंट करूँगा।
मोदी… pic.twitter.com/Pe5jhzJRut

— Amit Shah (@AmitShah) June 7, 2025

एक्स मंचावर लिहिलेल्या संदेशात केंद्रीय गृहमंत्री म्हणाले, “नुकत्याच झालेल्या नक्षल-विरोधी अभियानामध्ये महत्त्वाची भूमिका बजावणाऱ्या अधिकाऱ्यांची भेट घेतली आणि याअभियानामध्ये मिळवलेल्या ऐतिहासिक यशाबद्दल त्यांचे अभिनंदन केले. ज्या शूर जवानांनी अत्यंत धैर्याने या मोहिमा यशस्वी केल्या त्यांची भेट घेण्यासाठी मी उत्सुक आहे आणि लवकरच त्यांना भेटायला मी छत्तीसगड येथे जाणार आहे. भारताला नक्षलवादाच्या संकटापासून मुक्त करण्यासाठी मोदी सरकार कटिबद्ध आहे.”

केंद्रीय गृहमंत्री आणि सहकार मंत्री शाह यांच्या नेतृत्वाखाली, संरक्षण दले छत्तीसगडमध्ये नक्षलवाद विरोधी मोहिमा राबवत आहेत. याच प्रयत्नांचा भाग म्हणून 18 मे 2025 ते 21 मे 2025 या कालावधीत छत्तीसगड पोलिसांनी (नारायणपूर, दंतेवाडा,कोंडगाव आणि बिजापूर जिल्ह्यांतील डीआरजी पथकांसह) अबुझमाडच्या अंतर्गत भागात शोधमोहीम राबवली. दिनांक 21 मे 2025 रोजी बोटेर गावाजवळील जंगलात झालेल्या चकमकीत सीपीआय (माओवादी)चा सरचिटणीस आणि पॉलिट ब्युरोचा सदस्य बसवराजू उर्फ गगण्णा याच्यासह 27 नक्षली  ठार झाले. या कारवाईत मोठ्या प्रमाणात शस्त्रे आणि दारुगोळा जप्त करण्यात आला.

या मोहिमेत सहभागी असलेल्या अधिकाऱ्यांचा केंद्रीय गृहमंत्री अमित शाह यांच्या हस्ते सत्कार करण्यात आला.

***

N.Chitale/S.Chitnis/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai