عالمی یوم ماحولیات کے موقع پر وزیر اعظم جناب نریندر مودی نے ‘ایک پیڑ ماں کے نام’ پہل کو تقویت دیتے ہوئے دہلی کے بھگوان مہاویر ونستھلی پارک میں درخت لگانے کی مہم میں حصہ لیا اور ایک پودا لگایا۔

جناب مودی نے اراؤلی گرین وال پروجیکٹ کے تحت اراؤلی رینج کے جنگلات کی اہمیت کو بھی اجاگر کیا۔

وزیر اعظم نے نوٹ کیا کہ اراؤلی رینج، جو کرہ ارض کی قدیم ترین  مقامات میں سے ایک ہے جو گجرات، راجستھان، ہریانہ اور دہلی تک پھیلا ہوا ہے۔

انہوں نے اس بات پر روشنی ڈالی کہ اس خطہ کو متعدد ماحولیاتی چیلنجوں کا سامنا ہے جن سے نمٹنے کے لیے حکومت پرعزم ہے۔

جناب مودی نے کہا کہ اراؤلی رینج میں اور اس سے آگے پودے لگانے کے روایتی طریقوں کے علاوہ ہم نئی تکنیکوں کی حوصلہ افزائی کریں گے، خاص طور پر شہری اور نیم شہری علاقوں میں جہاں جگہ کی کمی  یا رکاوٹیں ہیں۔ مسٹر مودی نے مزید کہا کہ ‘میری لائف ای پورٹل’ پر شجرکاری کی سرگرمیوں کو جیو ٹیگ کیا جائے گا اور ان کی نگرانی کی جائے گی۔

وزیر اعظم نے ملک کے نوجوانوں پر بھی زور دیا کہ وہ اس تحریک میں بڑھ چڑھ کر حصہ لیں اور کرہ ارض کے سبز  زار  کو بڑھانے میں اپنا حصہ ڈالیں۔

ایکس تھریڈ میں وزیر اعظم  جناب مودی نے کہا:

‘‘آج، #ماحولیات کے عالمی دن پر، ہم نے # ایک پیڑ ماں کے نام پہل کو ایک خصوصی درخت لگانے کی مہم کے ساتھ مضبوط کیا۔ میں نے دہلی کے بھگوان مہاویر ونستھلی پارک میں ایک پودا لگایا۔ یہ اراؤلی رینج - اراؤلی گرین وال پروجیکٹ کو دوبارہ جنگلات سے لگانے کی ہماری کوششوں کا ایک حصہ ہے۔’’

‘‘یہ وسیع پیمانے پر جانا جاتا ہے کہ اراؤلی رینج ہمارے سیارے کی قدیم ترین رینج میں سے ایک ہے، جس میں گجرات، راجستھان، ہریانہ اور دہلی شامل ہیں۔ گزشتہ  کئی برسوں نے اس رینج سے متعلق کئی ماحولیاتی چیلنجز کو سامنے لایا ہے، جن کو کم کرنے کے لیے ہماری حکومت پرعزم ہے۔ ہماری توجہ اس رینج سے منسلک علاقوں کو پھر سے جوان کرنے پر ہے۔ ہم مقامی انتظامیہ کے ساتھ کام کرنے جا رہے ہیں تاکہ پانی کو بہتر بنانے کے لیے یہ سسٹم ، دھول کے طوفانوں کو روکنا، صحرائے تھر کے مشرق کی طرف پھیلنے کو روکنا اور بہت کچھ کام کریں۔’’

"اراؤلی رینج میں اور اس سے آگے پودے لگانے کے روایتی طریقوں کے علاوہ، ہم نئی تکنیکوں کی حوصلہ افزائی کریں گے خاص طور پر شہری اور نیم شہری علاقوں میں جہاں جگہ کی رکاوٹیں یا کمی  ہیں۔ شجرکاری کی سرگرمیوں کو جیو ٹیگ کیا جائے گا اور ‘میری لائف پورٹل ’پر نگرانی کی جائے گی۔ میں اپنے ملک کے نوجوانوں سے اپیل کرتا ہوں کہ وہ اس تحریک میں حصہ لیں اور اپنے سیارے کے سبزہ زار میں اضافہ کریں۔’’

*******

ش ح- ظ ا-ع ن

UR No. 1468