ଭାରତ ମାତା କି ଜୟ!

ଭାରତ ମାତା କୀ ଜୟ!

ଭାରତ ମାତା କୀ ଜୟ!

ଥାନେ ସାଗଲାନ ନେ ରାମ-ରାମ!

ରାଜସ୍ଥାନର ରାଜ୍ୟପାଳ ହରିଭାଉ ବାଗଡେ ଜୀ, ଏଠିକାର ଲୋକପ୍ରିୟ ମୁଖ୍ୟମନ୍ତ୍ରୀ ଶ୍ରୀ ଭଜନ ଲାଲ ଜୀ, ପୂର୍ବତନ ମୁଖ୍ୟମନ୍ତ୍ରୀ ଭଉଣୀ ବସୁନ୍ଧରା ରାଜେ ଜୀ, କେନ୍ଦ୍ର କ୍ୟାବିନେଟରେ ମୋର ସାଥି ଅଶ୍ୱିନୀ ବୈଷ୍ଣବ ଜୀ, ଅର୍ଜୁନ ରାମ ମେଘୱାଲ ଜୀ, ରାଜସ୍ଥାନର ଉପମୁଖ୍ୟମନ୍ତ୍ରୀ ଦିୟା କୁମାରୀ ଜୀ, ପ୍ରେମ ଚାନ୍ଦ ଜୀ, ରାଜସ୍ଥାନ ସରକାରଙ୍କ ଅନ୍ୟ ମନ୍ତ୍ରୀଗଣ, ସଂସଦରେ ମୋର ସାଥି ମଦନ ରାଠୋର ଜୀ, ଅନ୍ୟ ସାଂସଦମାନେ ଏବଂ ବିଧାୟକଗଣ, ଏବଂ ମୋର ପ୍ରିୟ ଭାଇ ଓ ଭଉଣୀମାନେ। 

ଆପଣମାନେ ସମସ୍ତେ ଏତେ ବିଶାଳ ସଂଖ୍ୟାରେ, ଏତେ ଭୀଷଣ ଉତ୍ତାପ ମଧ୍ୟରେ ଏଠାକୁ ଆସିଛନ୍ତି। ଏବଂ ଆଜି ଏହି କାର୍ଯ୍ୟକ୍ରମ ମାଧ୍ୟମରେ ଦେଶର 18ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ଲକ୍ଷ ଲକ୍ଷ ଲୋକ ମଧ୍ୟ ଆଜି ଅନଲାଇନରେ ଆମ ସହିତ ଯୋଡ଼ି ହୋଇଛନ୍ତି। ଅନେକ ରାଜ୍ୟର ରାଜ୍ୟପାଳ, ମୁଖ୍ୟମନ୍ତ୍ରୀ, ଉପରାଜ୍ୟପାଳ ଏବଂ ଅନ୍ୟ ଜନ ପ୍ରତିନିଧିମାନେ ଆଜି ଆମ ସହିତ ଅଛନ୍ତି। ମୁଁ ଦେଶ ସହିତ ଜଡ଼ିତ ସମସ୍ତ ମାନ୍ୟଗଣ୍ୟ ବ୍ୟକ୍ତିଙ୍କୁ, ଜନତା ଜନାର୍ଦ୍ଦନଙ୍କୁ ଅଭିନନ୍ଦନ ଜଣାଉଛି।

ଭାଇ ଓ ଭଉଣୀମାନେ,

ମୁଁ ଏଠାକୁ ମାତାଙ୍କ କରଣୀ ଆଶୀର୍ବାଦ ନେଇ ଆପଣମାନଙ୍କ ମଧ୍ୟକୁ ଆସିଛି। କରଣୀ ମାତାଙ୍କ ଆଶୀର୍ବାଦରେ, ଏକ ବିକଶିତ ଭାରତ ଗଠନ ପାଇଁ ଆମର ସଂକଳ୍ପ ଆହୁରି ଦୃଢ଼ ହେବାରେ ଲାଗିଛି। କିଛି ସମୟ ପୂର୍ବରୁ ଏଠାରେ ବିକାଶ ସହ ଜଡ଼ିତ 26 ହଜାର କୋଟି ଟଙ୍କାର ପ୍ରକଳ୍ପଗୁଡିକ ଶିଳାନ୍ୟାସ ଏବଂ ଲୋକାର୍ପଣ  କରାଯାଇଛି ଏବଂ ସେଗୁଡ଼ିକର ଉଦଘାଟନ କରାଯାଇଛି। ଏହି ପ୍ରକଳ୍ପଗୁଡ଼ିକ ପାଇଁ ମୁଁ ଦେଶବାସୀଙ୍କୁ, ରାଜସ୍ଥାନର ମୋର ଭାଇ ଓ ଭଉଣୀମାନଙ୍କୁ ଅଭିନନ୍ଦନ ଜଣାଉଛି।

ସାଥିମାନେ,

ଏକ ବିକଶିତ ଭାରତ ଗଠନ କରିବା ପାଇଁ ଆଧୁନିକ ଭିତ୍ତିଭୂମି ନିର୍ମାଣ କରିବା ପାଇଁ ଆଜି ଦେଶରେ ଏକ ବିଶାଳ ମହାଯଜ୍ଞ ଚାଲିଛି। ବିଗତ 11 ବର୍ଷ ମଧ୍ୟରେ ଅଭୂତପୂର୍ବ ଗତିରେ କାର୍ଯ୍ୟ କରାଯାଇଛି, ଯାହାଦ୍ୱାରା ଆମ ଦେଶର ସଡ଼କ ଆଧୁନିକ ହେବ, ଆମ ଦେଶର ବିମାନବନ୍ଦରଗୁଡିକ ଆଧୁନିକ ହେବ, ଆମର ଏଠାରେ ରେଳ ଓ ରେଳ ଷ୍ଟେସନ ଆଧୁନିକ ହେବ। ଆପଣ କଳ୍ପନା କରିପାରୁଥିବେ,ପାରିବେ, ଆଜି ଦେଶ ଏହି ଭିତ୍ତିଭୂମି କାର୍ଯ୍ୟଗୁଡ଼ିକ ଉପରେ ପୂର୍ବ ତୁଳନାରେ 6 ଗୁଣ, 6 ଗୁଣ ଅଧିକ ଅର୍ଥ ଖର୍ଚ୍ଚ କରୁଛି,  6 ଗୁଣ ଅଧିକ । ଆଜି ଭାରତରେ ହେଉଥିବା ଏହି ବିକାଶମୂଳକ କାର୍ଯ୍ୟକୁ ଦେଖି ବିଶ୍ୱ ମଧ୍ୟ ଆଶ୍ଚର୍ଯ୍ୟ ଯାଉଛନ୍ତି। ଯଦି ଆପଣ ଉତ୍ତର ଦିଗକୁ ଯାଆନ୍ତି, ତେବେ ଚେନାବ ସେତୁ ଭଳି ନିର୍ମାଣ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯିବେ। ପୂର୍ବ ଦିଗକୁ ଯାଆନ୍ତୁ, ଅରୁଣାଚଳ ପ୍ରଦେଶର ସେଲା ସୁଡ଼ଙ୍ଗ, ଆସାମର ବୋଗିବିଲ ସେତୁ ଆପଣଙ୍କୁ ସ୍ୱାଗତ କରୁଛି। ଯଦି ଆପଣ ପଶ୍ଚିମ ଭାରତକୁ ଆସନ୍ତି, ତେବେ ଆପଣ ମୁମ୍ବାଇରେ ସମୁଦ୍ର ଉପରେ ନିର୍ମିତ ଅଟଳ ସେତୁ ଦେଖିବାକୁ ମିଳିବ। ସୁଦୂର ଦକ୍ଷିଣରେ ଦେଖିବେ,ତେବେ ଆପଣ ପମ୍ବନ ସେତୁ ପାଇବେ, ଯାହା ନିଜସ୍ଵ ଭାବରେ ଦେଶର ପ୍ରଥମ ସ୍ବତନ୍ତ ସେତୁ |

ସାଥିମାନେ,

 ଆଜି ଭାରତ ନିଜର ରେଳ ନେଟୱାର୍କର ମଧ୍ୟ ଆଧୁନିକୀକରଣ କରୁଛି। ଏହି ବନ୍ଦେ ଭାରତ ଟ୍ରେନ୍, ଅମୃତ ଭାରତ ଟ୍ରେନ୍, ନମୋ ଭାରତ ଟ୍ରେନ୍, ଦେଶର ନୂତନ ଗତି ଏବଂ ନୂତନ ପ୍ରଗତିକୁ ପ୍ରତିଫଳିତ କରୁଛି। ବର୍ତ୍ତମାନ ଦେଶରେ ପ୍ରାୟ 70ଟି ମାର୍ଗରେ ବନ୍ଦେ ଭାରତ ଟ୍ରେନ୍ ଚଳାଚଳ କରୁଛି। ଏହା ଦୂରଦୂରାନ୍ତ ଅଞ୍ଚଳକୁ ଆଧୁନିକ ରେଳ ମଧ୍ୟ ଆଣିଛି। ଗତ 11 ବର୍ଷ ମଧ୍ୟରେ ଶହ ଶହ ସଡ଼କ ଓଭର ବ୍ରିଜ୍ ଏବଂ ସଡ଼କ ଅଣ୍ଡର ବ୍ରିଜ୍ ନିର୍ମାଣ କରାଯାଇଛି। 34 ହଜାର କିଲୋମିଟରରୁ ଅଧିକ ନୂତନ ରେଳ ଟ୍ରାକ୍ ବିଛାଯାଇଛି। ଏବେ ବ୍ରଡଗେଜ ଲାଇନରେ ମାନବବିହୀନ କ୍ରସିଂ ଇତିହାସ ପାଲଟି ଯାଇଛି। ଆମେ ସମର୍ପିତ ମାଲ କରିଡର, ମାଲବାହୀ ଟ୍ରେନ୍ ପାଇଁ ଅଲଗା ସ୍ୱତନ୍ତ୍ର ଟ୍ରାକ୍ କାର୍ଯ୍ୟ ମଧ୍ୟ ଦ୍ରୁତ ଗତିରେ ଶେଷ କରୁଛୁ। ଦେଶର ପ୍ରଥମ ବୁଲେଟ୍ ଟ୍ରେନ୍ ପ୍ରକଳ୍ପ ଉପରେ କାମ ଚାଲିଛି। ଆଉ ଏସବୁ ସହିତ, ଆମେ ସାରା ଦେଶରେ 1300ରୁ ଅଧିକ ରେଳ ଷ୍ଟେସନର ଆଧୁନିକୀକରଣ ମଧ୍ୟ କରୁଛୁ।

ସାଥିମାନେ,

ଦେଶ ଏହି ଆଧୁନିକ ରେଳ ଷ୍ଟେସନଗୁଡ଼ିକୁ ଅମୃତ ଭାରତ ଷ୍ଟେସନ ନାମରେ ନାମିତ କରିଛି। ଆଜି, ଏହି ଅମୃତ ଭାରତ ଷ୍ଟେସନଗୁଡ଼ିକ ମଧ୍ୟରୁ 100ରୁ ଅଧିକ ପ୍ରସ୍ତୁତ ହୋଇସାରିଛି। ସୋସିଆଲ ମିଡିଆରେ ଲୋକମାନେ ମଧ୍ୟ ଦେଖୁଛନ୍ତି ଯେ ଏହି ରେଳ ଷ୍ଟେସନଗୁଡ଼ିକ କିପରି ଥିଲା, ଏବଂ ବର୍ତ୍ତମାନ ସେଗୁଡିକର ଚିତ୍ର କିପରି ବଦଳିଛି।

ସାଥିମାନେ,

ଏହି ଅମୃତ ଭାରତ ରେଳ ଷ୍ଟେସନଗୁଡ଼ିକରେ ବିକାଶ ସହିତ ଏହି ମନ୍ତ୍ରର ପରମ୍ପରା ମଧ୍ୟ ସ୍ପଷ୍ଟ ଭାବେ ଦୃଶ୍ୟମାନ ହେଉଛି। ଏଗୁଡ଼ିକ ମଧ୍ୟ ସ୍ଥାନୀୟ କଳା ଏବଂ ସଂସ୍କୃତିର ନୂତନ ପ୍ରତୀକ। ଯେପରି ରାଜସ୍ଥାନର ମହାନ ରାଜସ୍ଥାନୀ କଳା ଏବଂ ସଂସ୍କୃତି ରାଜସ୍ଥାନର ମଣ୍ଡଳଗଡ଼ ରେଳ ଷ୍ଟେସନରେ ଦେଖିବାକୁ ମିଳିବ, ସେହିପରି ବିହାରର ଥାୱେ ଷ୍ଟେସନରେ ମା ଥାଓୱେଲିଙ୍କ ପବିତ୍ର ମନ୍ଦିର ଏବଂ ମଧୁବନୀ ଚିତ୍ରକଳା ଦର୍ଶାଯାଇଛି । ମଧ୍ୟପ୍ରଦେଶର ଓରଛା ରେଳ ଷ୍ଟେସନରେ ଆପଣ ଭଗବାନ ରାମଙ୍କ ଆଭା ଅନୁଭବ କରିବେ। ଶ୍ରୀରଙ୍ଗମ ଷ୍ଟେସନର ଡିଜାଇନ ଭଗବାନ ଶ୍ରୀରଙ୍ଗନାଥ ସ୍ୱାମୀଜୀଙ୍କ ମନ୍ଦିର ଦ୍ୱାରା ଅନୁପ୍ରାଣିତ। ଗୁଜରାଟର ଡାକୋର ଷ୍ଟେସନ ରଣଛୋଡ଼ାରାୟ ଜୀଙ୍କ ଦ୍ୱାରା ଅନୁପ୍ରାଣିତ। ତିରୁଭାନ୍ନାମାଲାଇ ଷ୍ଟେସନ ଦ୍ରାବିଡ଼ ସ୍ଥାପତ୍ୟ ଅନୁଯାୟୀ ପରିକଳ୍ପନା କରାଯାଇଛି | ବେଗମପେଟ ଷ୍ଟେସନରେ ଆପଣ କାକତୀୟ ସାମ୍ରାଜ୍ୟର ସମୟର ସ୍ଥାପତ୍ୟ ଦେଖିବାକୁ ପାଇବେ। ଅର୍ଥାତ୍ ପ୍ରତ୍ୟେକ ଅମୃତ ଷ୍ଟେସନରେ ଆପଣଙ୍କୁ ଭାରତର ହଜାର ହଜାର ବର୍ଷର ପୁରୁଣା ଐତିହ୍ୟ ମଧ୍ୟ ଦେଖିବାକୁ ମିଳିବ। ଏହି ଷ୍ଟେସନଗୁଡ଼ିକ ପ୍ରତ୍ୟେକ ରାଜ୍ୟରେ ପର୍ଯ୍ୟଟନକୁ ପ୍ରୋତ୍ସାହିତ କରିବାର ଏକ ମାଧ୍ୟମ ମଧ୍ୟ ହେବ, ଯାହା ଯୁବକମାନଙ୍କୁ ନୂତନ ନିଯୁକ୍ତି ସୁଯୋଗ ପ୍ରଦାନ କରିବ। ଏବଂ ମୁଁ ସେହି ସହରର ନାଗରିକମାନଙ୍କୁ, ରେଳପଥରେ ଯାତ୍ରା କରୁଥିବା ଯାତ୍ରୀମାନଙ୍କୁ ପ୍ରାର୍ଥନା କରିବି, ଆପଣ ଏହି ସମସ୍ତ ସମ୍ପତ୍ତିର ମାଲିକ, ଏଠାରେ କଦାପି ମଇଳା ହେବାକୁ ଦିଅନ୍ତୁ ନାହିଁ, ଏହି ସମ୍ପତ୍ତିକୁ କ୍ଷତି ପହଞ୍ଚାନ୍ତୁ ନାହିଁ, କାରଣ ଆପଣ ଏହାର ମାଲିକ ଅଟନ୍ତି।

ସାଥିମାନେ,

ଭିତ୍ତିଭୂମି ନିର୍ମାଣ ପାଇଁ ସରକାର ଯେଉଁ ଅର୍ଥ ଖର୍ଚ୍ଚ କରନ୍ତି, ତାହା ରୋଜଗାର ମଧ୍ୟ ସୃଷ୍ଟି କରିଥାଏ, ବ୍ୟବସାୟ-ବାଣିଜ୍ୟକୁ ମଧ୍ୟ ବୃଦ୍ଧି କରିଥାଏ। ସରକାର ଯେଉଁ ହଜାର ହଜାର କୋଟି ଟଙ୍କା ନିବେଶ କରୁଛନ୍ତି, ଏହି ଟଙ୍କା ଶ୍ରମିକଙ୍କ ପକେଟକୁ ଯାଉଛି। ଦୋକାନୀ ଏହାକୁ ପାଉଛନ୍ତି, ଦୋକାନ ଏବଂ କାରଖାନାରେ କାମ କରୁଥିବା ଲୋକମାନେ ଏହାକୁ ପାଉଛନ୍ତି। ବାଲି-ଗ୍ରେଭଲ୍-ସିମେଣ୍ଟ ବହନ କରୁଥିବା ଟ୍ରକ୍-ଟେମ୍ପୋ ଡ୍ରାଇଭର, ଏହି ସମସ୍ତ ଜିନିଷ ମଧ୍ୟ ଏଥିରୁ ଉପକୃତ ହୁଅନ୍ତି | ଏବଂ ଯେତେବେଳେ ଏହି ଭିତ୍ତିଭୂମି ପ୍ରସ୍ତୁତ ହୋଇଯାଇଥାଏ, ସେତେବେଳେ ଏହାର ଲାଭ ବହୁଗୁଣିତ ହୋଇଥାଏ। କୃଷକଙ୍କ ଉତ୍ପାଦ କମ୍ ମୂଲ୍ୟରେ ବଜାରରେ ପହଞ୍ଚିଥାଏ, ଅପଚୟ କମ୍ ହୋଇଥାଏ। ଯେଉଁଠାରେ ରାସ୍ତା ଭଲ ଅଛି, ନୂତନ ଟ୍ରେନ୍ ଆସୁଛି, ନୂତନ ଶିଳ୍ପ ପ୍ରତିଷ୍ଠା ହେଉଛି, ପର୍ଯ୍ୟଟନକୁ ଏକ ବଡ଼ ପ୍ରୋତ୍ସାହନ ମିଳୁଛି, ଅର୍ଥାତ୍ ଭିତ୍ତିଭୂମି ଉପରେ ଖର୍ଚ୍ଚ ହୋଇଥିବା ଅର୍ଥ ପ୍ରତ୍ୟେକ ପରିବାରକୁ, ବିଶେଷ କରି ଆମର ଯୁବକମାନଙ୍କୁ ସର୍ବାଧିକ ଲାଭ ଦେଇଥାଏ।

ସାଥିମାନେ,

 ଭିତ୍ତିଭୂମି କ୍ଷେତ୍ରରେ ଯେଉଁ କାର୍ଯ୍ୟ କରାଯାଉଛି, ତାହାର ବହୁତ ବଡ଼ ଲାଭ ମଧ୍ୟ ଆମ ରାଜସ୍ଥାନକୁ ମିଳୁଛି। ଆଜି ରାଜସ୍ଥାନର ପ୍ରତ୍ୟେକ ଗ୍ରାମରେ ଭଲ ରାସ୍ତା ନିର୍ମାଣ କରାଯାଉଛି। ସୀମାବର୍ତ୍ତୀ ଅଞ୍ଚଳରେ ମଧ୍ୟ ଉତ୍ତମ ସଡ଼କ ନିର୍ମାଣ କରାଯାଉଛି। ଏଥିପାଇଁ ଗତ 11 ବର୍ଷ ମଧ୍ୟରେ କେବଳ ରାଜସ୍ଥାନରେ ପାଖାପାଖି 70 ହଜାର କୋଟି ଟଙ୍କା ଖର୍ଚ୍ଚ କରାଯାଇଛି। କେନ୍ଦ୍ର ସରକାର ମଧ୍ୟ ଚଳିତ ବର୍ଷ ରାଜସ୍ଥାନରେ ରେଳବାଇର ବିକାଶ ପାଇଁ ପାଖାପାଖି 10 ହଜାର କୋଟି ଟଙ୍କା ଖର୍ଚ୍ଚ କରିବାକୁ ଯାଉଛନ୍ତି। ଏହା 2014 ମସିହା ତୁଳନାରେ 15 ଗୁଣ ଅଧିକ। କିଛି ସମୟ ପୂର୍ବରୁ ଏଠାରୁ ମୁମ୍ବାଇ ପାଇଁ ଏକ ନୂଆ ଟ୍ରେନକୁ ପତାକା ଦେଖାଇ ଶୁଭାରମ୍ଭ କରାଯାଇଛି। ଆଜି ଅନେକ ସ୍ଥାନରେ ସ୍ୱାସ୍ଥ୍ୟ, ଜଳ ଏବଂ ବିଦ୍ୟୁତ ସମ୍ବନ୍ଧୀୟ ଯୋଜନାର ଭିତ୍ତିପ୍ରସ୍ତର ସ୍ଥାପନ ଏବଂ ଉଦଘାଟନ କରାଯାଇଛି। ଏହି ସମସ୍ତ ପ୍ରୟାସର ଲକ୍ଷ୍ୟ ହେଉଛି ଯେ ଆମ ରାଜସ୍ଥାନର ସହର ଏବଂ ଗ୍ରାମଗୁଡ଼ିକ ଦ୍ରୁତ ଗତିରେ ଆଗକୁ ବଢ଼ିପାରିବେ। ରାଜସ୍ଥାନର ଯୁବକମାନଙ୍କୁ ନିଜ ସହରରେ ହିଁ ଭଲ ସୁଯୋଗ ମିଳୁ।

ସାଥିମାନେ,

 ରାଜସ୍ଥାନର ଶିଳ୍ପ ବିକାଶ ପାଇଁ ମଧ୍ୟ ଡବଲ ଇଞ୍ଜିନ ସରକାର ଦ୍ରୁତ ଗତିରେ କାର୍ଯ୍ୟ କରୁଛନ୍ତି। ଏଠାରେ ଭଜନ ଲାଲ ଜୀଙ୍କ ସରକାର ବିଭିନ୍ନ କ୍ଷେତ୍ର ପାଇଁ ନୂତନ ଶିଳ୍ପ ନୀତି ଜାରି କରିଛନ୍ତି। ଏହି ନୂତନ ନୀତିଗୁଡ଼ିକ ଦ୍ୱାରା ବିକାନେର ମଧ୍ୟ ଉପକୃତ ହେବ, ଏବଂ ଆପଣ ଜାଣନ୍ତି, ଯେତେବେଳେ ବିକାନେର କଥା ଆସିବ, ବିକାନେରୀ ଭୁଜିଆର ସ୍ୱାଦ ଏବଂ ବିକାନେରୀ ରସଗୁଲ୍ଲାର ମିଠାର ସ୍ଵାଦ ବିଶ୍ୱବ୍ୟାପୀ ନିଜର ପରିଚୟ ସୃଷ୍ଟି କରିବ। ରାଜସ୍ଥାନର ବିଶୋଧନାଗାର ମଧ୍ୟ ଶେଷ ପର୍ଯ୍ୟାୟରେ ରହିଛି। ଏହା ରାଜସ୍ଥାନକୁ ପେଟ୍ରୋଲିୟମ ଆଧାରିତ ଶିଳ୍ପର ଏକ ପ୍ରମୁଖ କେନ୍ଦ୍ରରେ ପରିଣତ କରିବ। ଅମୃତସରରୁ ଜାମନଗର ପର୍ଯ୍ୟନ୍ତ 6 ଲେନ ବିଶିଷ୍ଟ ଏହି ଅର୍ଥନୈତିକ କରିଡର ରାଜସ୍ଥାନର ଶ୍ରୀଗଙ୍ଗାନଗର, ହନୁମାନଗଡ଼, ବିକାନେର, ଯୋଧପୁର, ବାରମେର ଏବଂ ଜାଲୋର ଦେଇ ଗତି କରୁଛି। ରାଜସ୍ଥାନରେ ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେର କାମ ମଧ୍ୟ ପ୍ରାୟ ଶେଷ ହୋଇଛି। ସଂଯୋଗୀକରଣର ଏହି ଅଭିଯାନ, ରାଜସ୍ଥାନର ଶିଳ୍ପ ବିକାଶକୁ ନୂତନ ଶିଖରକୁ ନେଇଯିବ।

ସାଥିମାନେ,

ରାଜସ୍ଥାନରେ ପ୍ରଧାନମନ୍ତ୍ରୀ ସୂର୍ଯ୍ୟ ଘର ମାଗଣା ବିଦ୍ୟୁତ ଯୋଜନା ମଧ୍ୟ ଦ୍ରୁତ ଗତିରେ ଆଗେଇ ଚାଲିଛି। ରାଜସ୍ଥାନର 40 ହଜାରରୁ ଅଧିକ ଲୋକ ଏହି ଯୋଜନାରେ ସାମିଲ ହୋଇଛନ୍ତି। ଏହାଦ୍ୱାରା ଲୋକଙ୍କ ପାଇଁ ଶୂନ ବିଦ୍ୟୁତ ବିଲ୍ ଆସିଛି, ଏବଂ ଲୋକଙ୍କୁ ସୌର ବିଦ୍ୟୁତ ଉତ୍ପାଦନ କରି ରୋଜଗାର କରିବାର ଏକ ନୂତନ ଉପାୟ ମଧ୍ୟ ମିଳିଛି। ଆଜି ଏଠାରେ ବିଦ୍ୟୁତ ସମ୍ବନ୍ଧୀୟ ଅନେକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଏବଂ ଉଦଘାଟନ କରାଯାଇଛି। ଏହାଦ୍ୱାରା ରାଜସ୍ଥାନକୁ ମଧ୍ୟ ଅଧିକ ବିଦ୍ୟୁତ ଉପଲବ୍ଧ ହେବ। ବିଦ୍ୟୁତ ଉତ୍ପାଦନ ବୃଦ୍ଧି ରାଜସ୍ଥାନରେ ଶିଳ୍ପ ବିକାଶକୁ ମଧ୍ୟ ଏକ ନୂତନ ଗତି ପ୍ରଦାନ କରୁଛି।

ସାଥିମାନେ,

ରାଜସ୍ଥାନର ଏହି ଭୂମି ହେଉଛି ମହାରାଜା ଗଙ୍ଗା ସିଂହ ଜୀଙ୍କ ଭୂମି, ଯିଏ ବାଲୁକା ପଥରରେ ସବୁଜିମା ଆଣିଥିଲେ। ଆମ ପାଇଁ ଜଳର ଗୁରୁତ୍ୱ ଏହି ଅଞ୍ଚଳ ଅପେକ୍ଷା ଆଉ କିଏ ଭଲ ଭାବେ ଜାଣିଛି। ଆମ ବିକାନେର, ଶ୍ରୀଗଙ୍ଗାନଗର, ହନୁମାନଗଡ଼, ପଶ୍ଚିମ ରାଜସ୍ଥାନର ଏଭଳି ଅନେକ କ୍ଷେତ୍ରର ବିକାଶରେ ଜଳର ବିଶେଷ ଗୁରୁତ୍ୱ ରହିଛି। ତେଣୁ, ଗୋଟିଏ ପଟେ ଆମେ ଜଳସେଚନ ପ୍ରକଳ୍ପକୁ ସମ୍ପୂର୍ଣ୍ଣ କରୁଛୁ, ତା "ସହିତ ନଦୀଗୁଡ଼ିକୁ ସଂଯୋଗ ମଧ୍ୟ କରୁଛୁ। ପାର୍ବତୀ-କଳିସିନ୍ଧ-ଚମ୍ବଲ ସଂଯୋଗ ପ୍ରକଳ୍ପ ରାଜସ୍ଥାନର ଅନେକ ଜିଲ୍ଲା, ଏହାର ଜମି, ଏହାର କୃଷକମାନଙ୍କୁ ଉପକୃତ କରିବ।

ସାଥିମାନେ,

ରାଜସ୍ଥାନର ଏହି ବୀରତ୍ୱପୂର୍ଣ୍ଣ ଭୂମି ଆମକୁ ଶିକ୍ଷା ଦେଉଛି ଯେ ଦେଶ ଏବଂ ଦେଶବାସୀଙ୍କ ଠାରୁ ବଡ଼ କିଛି ନାହିଁ। ଏପ୍ରିଲ 22ରେ, ଆତଙ୍କବାଦୀମାନେ ଧର୍ମ ପଚାରି ଆମ ଭଉଣୀମାନଙ୍କ ମଥାର ସିନ୍ଦୁରକୁ ନଷ୍ଟ କରିଦେଇଥିଲେ। ସେହି ଗୁଳିଗୁଡ଼ିକ ପହଲଗାମରେ ଫିଙ୍ଗାଯାଇଥିଲା, କିନ୍ତୁ ସେହି ଗୁଳିଗୁଡ଼ିକ 140 କୋଟି ଦେଶବାସୀଙ୍କ ଛାତିକୁ ବିଦ୍ଧ କରିଥିଲା। ଏହା ପରେ, ପ୍ରତ୍ୟେକ ଦେଶବାସୀ ଏକଜୁଟ ହୋଇ ସଂକଳ୍ପ ନେଇଥିଲେ ଯେ ସେମାନେ ଆତଙ୍କବାଦୀମାନଙ୍କୁ ଧ୍ୱଂସ କରିଦେବେ ଏବଂ ସେମାନେ କଳ୍ପନା କରିଥିବା ଠାରୁ ବଡ଼ ଦଣ୍ଡ ଦେବେ। ଆଜି ଆପଣମାନଙ୍କ ଆଶୀର୍ବାଦରେ, ଦେଶର ସେନାର ବୀରତ୍ୱରେ, ଆମେ ସମସ୍ତେ ସେହି ଶପଥକୁ ପୂରଣ କରିଛୁ, ଆମ ସରକାର ତିନି ସେନାକୁ ସଂପୂର୍ଣ୍ଣ ସ୍ୱାଧୀନତା ଦେଇଥିଲେ, ଏବଂ ତିନି ସେନା ମିଶି ଏପରି ଏକ ଚକ୍ରବ୍ୟୁହ ସୃଷ୍ଟି କରିଥିଲେ ଯେ ପାକିସ୍ତାନ ଆଣ୍ଠେଇବାକୁ ବାଧ୍ୟ ହୋଇଥିଲା।

ସାଥିମାନେ,

22 ତାରିଖରେ ହୋଇଥିବା ଆକ୍ରମଣର ଜବାବରେ ଆମେ 22 ମିନିଟରେ ଆତଙ୍କବାଦୀଙ୍କ 9ଟି ସବୁଠାରୁ ବଡ଼ ଠିକଣାକୁ ଧ୍ୱଂସ କରି ଦେଇଛୁ। ସାରା ବିଶ୍ୱ, ଏପରିକି ଦେଶର ଶତ୍ରୁମାନେ ମଧ୍ୟ ଦେଖିଛନ୍ତି ଯେ ସିନ୍ଦୁର, ବାରୁଦ ପାଲଟିବା ପରେ କ’ଣ ହୋଇଥାଏ।

ସାଥିମାନେ,

ଏହା ଏକ ସଂଯୋଗ ଯେ 5 ବର୍ଷ ପୂର୍ବେ ବାଲାକୋଟରେ ଦେଶର ଏୟାର ଷ୍ଟ୍ରାଇକ୍ ପରେ, ମୋର ପ୍ରଥମ ସାଧାରଣ ସଭା ରାଜସ୍ଥାନ ସୀମାରେ ହୋଇଥିଲା। ଏହା ବୀରଭୂମିର, ବୀରଭୂମିର ହିଁ ତପସ୍ୟା ଯେ ଏପରି ଏକ ସଂଯୋଗ ହୋଇଯାଇ,  ଏଥର ଯେତେବେଳେ ଅପରେସନ ସିନ୍ଦୁର ହୋଇଥିଲା, ତା 'ପରେ ମୋର ପ୍ରଥମ ଜନସଭାକୁ ପୁଣିଥରେ ଏଠାରେ ରାଜସ୍ଥାନ ସୀମାରେ ଥିବା ବୀରଭୂମରେ, ବିକାନେରରେ ଆପଣ ସମସ୍ତଙ୍କ ମଧ୍ୟରେ ଆୟୋଜନ କରାଯାଉଛି।

ସାଥିମାନେ,

ମୁଁ ଚୁରୁରେ କହିଥିଲି ଯେ ମୁଁ ଏୟାର ଷ୍ଟ୍ରାଇକ୍ ପରେ ଆସିଛି, ସେତେବେଳେ କହିଥିଲି- ମୁଁ ଏହି ମାଟିର ଶପଥ ନେଇ କହୁଛି, ମୁଁ ଏହି ଦେଶକୁ ମାଟିରେ ମିଶିବାକୁ ଦେବିନାହିଁ, ମୁଁ ଏହି ଦେଶକୁ ଓହରିବାକୁ ଦେବି ନାହିଁ, ।" ଆଜି ମୁଁ ରାଜସ୍ଥାନର ଦେଶବାସୀଙ୍କୁ ଅତ୍ୟନ୍ତ ବିନମ୍ରତାର ସହ କହିବାକୁ ଚାହୁଁଛି, ମୁଁ ଦେଶବାସୀଙ୍କୁ ଦେଶର କୋଣ ଅନୁକୋଣରେ ଚାଲିଥିବା ତିରଙ୍ଗା ଯାତ୍ରାର କଥା କହୁଛି-ଯେଉଁମାନେ ସିନ୍ଦୁର ଲିଭାଇବାକୁ ବାହାରିଥିଲେ, ସେମାନଙ୍କୁ ମାଟିରେ ମିଶାଇ ଦେଲେ। ଯେଉଁମାନେ ହିନ୍ଦୁସ୍ତାନର ରକ୍ତ ବୁହାଇଥିଲେ, ଯେଉଁମାନେ ହିନ୍ଦୁସ୍ତାନର ରକ୍ତ ବୁହାଇଛନ୍ତି, ସେମାନେ ଆଜି ମୂଲ୍ୟ ଦେଇଛନ୍ତି। ଯେଉଁମାନେ ଭାବୁଥିଲେ, ଯେଉଁମାନେ ଭାବୁଥିଲେ, ଭାରତ ନୀରବ ରହିବ, ଆଜି ସେମାନେ ଘରେ ଫସି ରହିଛନ୍ତି, ଯେଉଁମାନେ ନିଜ ଅସ୍ତ୍ରଶସ୍ତ୍ରକୁ ନେଇ ଗର୍ବ କରୁଥିଲେ, ଯେଉଁମାନେ ନିଜ ଅସ୍ତ୍ରଶସ୍ତ୍ରକୁ ନେଇ ଗର୍ବ କରୁଥିଲେ, ଆଜି ସେମାନେ ଅଳିଆ ଗଦା ଭିତରେ ପୋତି ହୋଇ ରହିଛନ୍ତି।

ମୋର ପ୍ରିୟ ଦେଶବାସୀଗଣ,

ଏହା ପ୍ରତିଶୋଧର ଖେଳ ନୁହେଁ, ଏହା ପ୍ରତିଶୋଧର ଖେଳ ନୁହେଁ, ଏହା ନ୍ୟାୟର ଏକ ନୂତନ ରୂପ, ଏହା ନ୍ୟାୟର ଏକ ନୂତନ ସ୍ଵରୂପ, ଏହା ହେଉଛି ଅପରେସନ ସିନ୍ଦୁର। ଏହା କେବଳ କ୍ରୋଧ ନୁହେଁ,  ଏହା ହେଉଛି ଦକ୍ଷ   ଭାରତର କ୍ରୋଧିତ ଚେହେରା। ଏହା ହେଉଛି ଭାରତର ନୂଆ ଚେହେରା। ପୂର୍ବରୁ, ପ୍ରଥମେ ସେମାନେ ଘରେ ପଶି ଆକ୍ରମଣ କରିଥିଲେ, ଏବେ ସେମାନଙ୍କ ଛାତିରେ ସିଧାସଳଖ ଆଘାତ କରିବୁ । ଆତଙ୍କବାଦର ପ୍ରକୋପକୁ ଦମନ କରିବା ପାଇଁ ଏହା ହେଉଛି ନୀତି, ଏହା ହେଉଛି ପଦ୍ଧତି, ଏହା ହେଉଛି ଭାରତ, ଏହା ହେଉଛି ନୂତନ ଭାରତ।

କୁହନ୍ତୁ-

ଭାରତ ମାତା କି ଜୟ।

ଭାରତ ମାତା କି ଜୟ।

ଭାରତ ମାତା କି ଜୟ।

ସାଥିମାନେ,

ଆତଙ୍କବାଦର ମୁକାବିଲା ପାଇଁ ଅପରେସନ ସିନ୍ଦୁର ତିନୋଟି ନୀତି ନିର୍ଦ୍ଧାରଣ କରିଛି। ପ୍ରଥମତଃ, ଯଦି ଭାରତ ଉପରେ କୌଣସି ଆତଙ୍କବାଦୀ ଆକ୍ରମଣ ହୁଏ, ତା’ହେଲେ ଏହାର ଉପଯୁକ୍ତ ଜବାବ ଦିଆଯିବ। ସମୟ ଆମ ସେନା ଦ୍ୱାରା ସ୍ଥିର ହେବ, ରାସ୍ତା ଆମ ସେନା ଦ୍ୱାରା ସ୍ଥିର ହେବ, ଏବଂ ପରିସ୍ଥିତି ମଧ୍ୟ ଆମର ହେବ। ଦ୍ୱିତୀୟତଃ, ଭାରତ ପରମାଣୁ ବୋମାର ଧମକରେ ଦ୍ୱାରା ଭୟଭୀତ ହେବ ନାହିଁ। ଏବଂ ତୃତୀୟରେ, ଆମେ ଆତଙ୍କବାଦର ମାଲିକ ଏବଂ ଆତଙ୍କବାଦର ସରକାରଙ୍କୁ ଅଲଗା ଅଲଗା ଦେଖିବୁ ନାହିଁ, ଆମେ ସେମାନଙ୍କୁ ଅଲଗା ଅଲଗା ଦେଖିବୁ ନାହିଁ, ଆମେ ସେମାନଙ୍କୁ ଗୋଟିଏ ଏବଂ ସମାନ ଭାବରେ ଦେଖିବୁ। ରାଜ୍ୟ ଏବଂ ଅଣ-ରାଜ୍ୟ ଅଭିନେତାଙ୍କ ସହ ପାକିସ୍ତାନର ଏହି ଖେଳ ଆଉ କାମ କରିବ ନାହିଁ। ଆପଣ ନିଶ୍ଚୟ ଦେଖିଥିବେ, ଆମ ଦେଶର ସାତଟି ଭିନ୍ନ ଭିନ୍ନ ପ୍ରତିନିଧିମଣ୍ଡଳ ସାରା ବିଶ୍ୱରେ ପାକିସ୍ତାନର ସତ୍ୟତା ଖୋଲିବା ପାଇଁ ସମଗ୍ର ବିଶ୍ୱରେ ପହଞ୍ଚୁଛନ୍ତି। ଏବଂ ଏଥିରେ ଦେଶର ସମସ୍ତ ରାଜନୈତିକ ଦଳର ବ୍ୟକ୍ତିଗଣ, ବୈଦେଶିକ ନୀତି ବିଶେଷଜ୍ଞ, ମାନ୍ୟଗଣ୍ୟ ବ୍ୟକ୍ତି ଅଛନ୍ତି, ଏବେ ପାକିସ୍ତାନର ପ୍ରକୃତ ଚେହେରା ସମଗ୍ର ବିଶ୍ୱକୁ ଦେଖାଇ ଦିଆଯିବ ।

ସାଥିମାନେ,

ପାକିସ୍ତାନ କଦାପି ଭାରତ ସହିତ ସିଧାସଳଖ ଯୁଦ୍ଧ ଜିତିପାରିବ ନାହିଁ। ଯେତେବେଳେ ବି ସିଧାସଳଖ ଲଢ଼େଇ ହୋଇଥାଏ, ପାକିସ୍ତାନକୁ ବାରମ୍ବାର ମୁହଁ ଖୋଲିବାକୁ ପଡ଼ିଥାଏ। ତେଣୁ ପାକିସ୍ତାନ ଆତଙ୍କବାଦକୁ ଭାରତ ବିରୋଧରେ ଯୁଦ୍ଧର ଅସ୍ତ୍ରରେ ପରିଣତ କରିଛି। ସ୍ୱାଧୀନତା ପରେ ଗତ କେତେ ଦଶନ୍ଧି ଧରି ଏଭଳି ସ୍ଥିତି ରହିଥିଲା। ପାକିସ୍ତାନ ଆତଙ୍କ ବିସ୍ତାର କରୁଥିଲା, ନିର୍ଦ୍ଦୋଷ ଲୋକଙ୍କୁ ହତ୍ୟା କରୁଥିଲା, ଭାରତରେ ଭୟର ବାତାବରଣ ସୃଷ୍ଟି କରୁଥିଲା, କିନ୍ତୁ ପାକିସ୍ତାନ ଗୋଟିଏ କଥା ଭୁଲିଗଲା, ଏବେ ମା 'ଭାରତୀଙ୍କ ସେବକ ମୋଦି ନିଜର ଛାତି ଉପରକୁ ଉଠାଇ ଏଠାରେ ଠିଆ ହୋଇଛନ୍ତି। ମୋଦୀଙ୍କ ମନ ଥଣ୍ଡା ରହିଛି, ଥଣ୍ଡା ରହିଛି, କିନ୍ତୁ ମୋଦୀଙ୍କ ରକ୍ତ ଗରମ ଅଛି, ଏବଂ ଏବେ ମୋଦୀଙ୍କ ଶିରାରେ ରକ୍ତ ନୁହେଁ, ଗରମ ସିନ୍ଦୁର ପ୍ରବାହିତ ହେଉଛି। ଏବେ ଭାରତ ସ୍ପଷ୍ଟ କରିଦେଇଛି ଯେ ପ୍ରତ୍ୟେକ ଆତଙ୍କବାଦୀ ଆକ୍ରମଣ ପାଇଁ ପାକିସ୍ତାନକୁ ଭାରୀ ମୂଲ୍ୟ ଦେବାକୁ ପଡ଼ିବ। ଏବଂ ଏହି ମୂଲ୍ୟ, ପାକିସ୍ତାନର ସେନା ବହନ କରିବ, ପାକିସ୍ତାନର ଅର୍ଥ ବ୍ୟବସ୍ଥା ବହନ କରିବ।

ସାଥିମାନେ,

 ଯେତେବେଳେ ମୁଁ ଦିଲ୍ଲୀରୁ ଏଠାକୁ ଆସିଥିଲି, ମୁଁ ବିକାନେରର ନାଲ ବିମାନ ବନ୍ଦରରେ ଅବତରଣ କରିଥିଲି। ପାକିସ୍ତାନ ମଧ୍ୟ ଏହି ଏୟାରବେସକୁ ଟାର୍ଗେଟ କରିବାକୁ ଚେଷ୍ଟା କରିଥିଲା। ତେବେ ଏହା ଏୟାରବେସକୁ କୌଣସି କ୍ଷତି ପହଞ୍ଚାଇ ପାରିନଥିଲା। ଏବଂ ଏଠାରୁ ଠିକ୍ ସୀମା ପାରରେ ପାକିସ୍ତାନର ରହିମୟାର ଖାନ ଏୟାରବେସ୍ ଅଛି, ଏହା ପରବର୍ତ୍ତୀ ସମୟରେ କେବେ ଖୋଲିବ ତାହା ନିଶ୍ଚିତ ନାହିଁ, ଆଇ. ସି. ୟୁ. ରେ ପଡ଼ି ରହିଛି। ଭାରତୀୟ ସେନାର ବିନା ପ୍ରରୋଚନାରେ ହୋଇଥିବା ଆକ୍ରମଣରେ ଏହି ବାୟୁସେନା ଘାଟି ଧ୍ୱଂସ ହୋଇଯାଇଛି।

ସାଥିମାନେ,

ପାକିସ୍ତାନ ସହିତ କୌଣସି ବାଣିଜ୍ୟ କିମ୍ବା କଥାବାର୍ତ୍ତା ହେବ ନାହିଁ, ଯଦି କଥାବାର୍ତ୍ତା ହୁଏ, ତେବେ କେବଳ ପାକିସ୍ତାନ ଅଧିକୃତ କାଶ୍ମୀର, ପିଓକେ, ଏବଂ ଯଦି ପାକିସ୍ତାନ ଆତଙ୍କବାଦୀମାନଙ୍କୁ ରପ୍ତାନୀ କରିବା ଜାରି ରଖେ, ତେବେ ଏହାର ମୂଲ୍ୟ ଦେବାକୁ ପଡ଼ିବ। ପାକିସ୍ତାନକୁ ଭାରତର ପାଣି ମିଳିବ ନାହିଁ, ଭାରତୀୟଙ୍କ ରକ୍ତ ସହ ଖେଳିବା ଏବେ ପାକିସ୍ତାନକୁ ମହଙ୍ଗା ପଡ଼ିବ। ଏହା ହେଉଛି ଭାରତର ସଂକଳ୍ପ, ଏବଂ ବିଶ୍ୱର କୌଣସି ଶକ୍ତି ଆମକୁ ଏହି ସଂକଳ୍ପରୁ ନିବୃତ୍ତ କରିପାରିବ ନାହିଁ।

ଭାଇ ଓ ଭଉଣୀମାନେ,

ଏକ ବିକଶିତ ଭାରତ ଗଠନ ପାଇଁ ସୁରକ୍ଷା ଏବଂ ସମୃଦ୍ଧି ଉଭୟ ଆବଶ୍ୟକ। ଏହା ସେତେବେଳେ ସମ୍ଭବ ଯେତେବେଳେ ଭାରତର ପ୍ରତ୍ୟେକ କୋଣ ଶକ୍ତିଶାଳୀ ହେବ। ଆଜିର କାର୍ଯ୍ୟକ୍ରମ ଭାରତର ସନ୍ତୁଳିତ ବିକାଶ, ଭାରତର ଦ୍ରୁତ ବିକାଶର ଏକ ଉତ୍ତମ ଉଦାହରଣ। ଏହି ବୀରତ୍ୱପୂର୍ଣ୍ଣ କାର୍ଯ୍ୟ ପାଇଁ ମୁଁ ପୁଣିଥରେ ସମସ୍ତ ଦେଶବାସୀଙ୍କୁ ଅଭିନନ୍ଦନ ଜଣାଉଛି। ମୋ ସହିତ କୁହନ୍ତୁ, ଆପଣଙ୍କର ଉଭୟ ହାତର ମୁଠାକୁ ବନ୍ଦ କରି , ସମସ୍ତ ଶକ୍ତିର ସହିତ କୁହନ୍ତୁ-

ଭାରତ ମାତା କି ଜୟ।

ଭାରତ ମାତା କି ଜୟ।

ଭାରତ ମାତା କି ଜୟ।

ବନ୍ଦେ ମାତରମ୍। ବନ୍ଦେ ମାତରମ୍।

ବନ୍ଦେ ମାତରମ୍। ବନ୍ଦେ ମାତରମ୍।

ବନ୍ଦେ ମାତରମ୍। ବନ୍ଦେ ମାତରମ୍।

ବନ୍ଦେ ମାତରମ୍। ବନ୍ଦେ ମାତରମ୍।

ବନ୍ଦେ ମାତରମ୍। ବନ୍ଦେ ମାତରମ୍।

ବନ୍ଦେ ମାତରମ୍।  ବନ୍ଦେ ମାତରମ୍।

*****

NS/SLP