U Myntri kam pohïing jong ka sorkar pdeng bad u Myntri ka Tnad ïatreilang, u Amit Shah, mynta ka sngi u la ong ba ha ka jingjop kaba khraw ha ka jingiakhun ban pynduhjait ïa ka Naxalism, ki bor pahara ki la pyniap 27 ngut ki lehnoh Maoist, kynthup ïa u Nambala Keshav Rao, ba ju tip ruh kum u Basavaraju, uba dei u general secretary jong ka CPI-Maoist, ha ka jingkhynra ha ka shnong Nambala, Chhattisgarh. U Myntri kam pohiing u la iaroh ia ki bor pahara bad ki kynhun na ka bynta kane ka jingjop kaba khraw.

Ha ka post ha ka X, u Myntri kam pohiing jong ka sorkar pdeng u la ong, “Ka jingjop kaba khraw ha ka jingiakhun ban pynduh jait ia ka Naxalism. Mynta ka sngi, ha ka jingkhynra ha Narayanpur, Chhattisgarh, ki bor pahara jong ngi ki la pyniap 27 ngut ki lehnoh Maoist, kynthup ia u Nambala Keshav Rao, uba la tip ruh kum u Basavaraju, u general secretary jong ka CPI-Maoist, u nongialam ba hakhlieh duh, uba long ruh u budlum jong ka jingiakhih Naxal. Kane ka dei ka sien kaba nyngkong ha ki lai phew snem jong ka jingiakhun ka Bharat pyrshah ia ka Naxalism ba uwei u nongialam uba don ha ka kyrdan general secretary u la shah pyniap ha ki shipai jong ngi. Nga iaroh ia ki shipai pahara kiba shlur jong ngi bad ki kynhun na ka bynta kane ka jingjop kaba khraw. Kumjuh ruh nga sngewkmen ban iasam ba hadien ba la pyndep ïa ka Operation Black Forest, 54 ngut ki lehnoh Naxal ki la shah kem bad 84 ngut ki lehnoh Naxal ki la wan pyndem ha Chhattisgarh, Telangana, bad Maharashtra. Ka sorkar Modi ka kut jingmut ban pynduh noh ïa ka Naxalism shwa ka 31 tarik u Lber 2026.”

*****