কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰী অমিত শ্বাহে আজি নতুন দিল্লীত নতুন অভাৰচিজ চিটিজেন অৱ ইণ্ডিয়া (OCI) পৰ্টেল মুকলি কৰে। এই কাৰ্য্যসূচীত কেন্দ্ৰীয় গৃহ সচিব, ইন্টেলিজেন্স ব্যুৰ’ৰ (IB) সঞ্চালক আৰু গৃহ পৰিক্ৰমা মন্ত্ৰালয়ৰ (MHA) আন-আন উচ্চপদস্থ বিষয়াসকলে অংশগ্ৰহণ কৰে।

এই অনুষ্ঠানত কেন্দ্ৰীয় গৃহমন্ত্ৰীজনে কয় যে প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত ভাৰতে ইয়াৰ অ’চিআই কাৰ্ডধাৰী নাগৰিকক বিশ্ব-মানৰ প্ৰব্ৰজনৰ সুবিধা প্ৰদানৰ অৰ্থে অহৰহ প্ৰচেষ্টা গ্ৰহণ কৰি আহিছে। তেওঁ কয় যে বহিঃৰাষ্ট্ৰৰ নাগৰিকৰ পঞ্জীয়ন প্ৰক্ৰিয়াটোক নিৰৱচ্ছিন্ন কৰি তুলিবলৈ এটা অত্যাধুনিক ইউজাৰ ইন্টাৰফেছৰে নৱীকৃত অ’চিআই পৰ্টেলটো মুকলি কৰা হৈছে। শ্ৰী শ্বাহে গুৰুত্ব আৰোপেৰে কয় যে ভাৰতীয় মূলৰ নাগৰিকসকলে বিশ্বৰ বহু দেশত বসবাস কৰে আৰু তেওঁলোক ভাৰতলৈ অহা বা ইয়াত থকাৰ সময়ছোৱাত কোনো ধৰণৰ অসুবিধাৰ সন্মুখীন নোহোৱাটো আমি নিশ্চিত কৰা উচিত।

নতুন পৰ্টেলে বৰ্তমানৰ ৫ নিযুতৰো অধিক অ'চিআই কাৰ্ডধাৰী আৰু নতুন ইউজাৰৰ বাবে বৰ্ধিত কাৰ্য্যক্ষমতা, উন্নত সুৰক্ষা আৰু ইউজাৰ-অনুকূল অভিজ্ঞতা প্ৰশস্ত কৰিব। নৱীকৃত অ’চিআই পৰ্টেলটো বৰ্তমানৰ ইউআৰএলঃ https://ociservices.gov.in - ত উপলব্ধ।

অভাৰচিজ চিটিজেন অৱ ইণ্ডিয়া (OCI) আঁচনিখন ২০০৫ত নাগৰিকত্ব আইন, ১৯৫৫-ৰ সংশোধনীৰ জৰিয়তে প্ৰৱৰ্তন কৰা হৈছিল। ইয়াত ভাৰতীয় মূলৰ ব্যক্তিসকলৰ বাবে ভাৰতৰ বহিঃৰাষ্ট্ৰৰ নাগৰিক হিচাপে পঞ্জীয়নৰ ব্যৱস্থা আছে, যদিহে তেওঁলোক ১৯৫০-ৰ ২৬ জানুৱাৰী বা তাৰ পিছত ভাৰতৰ নাগৰিক আছিল।

বৰ্তমানৰ অ’চিআই সেৱা পৰ্টেলটো ২০১৩-ত প্ৰৱৰ্তন কৰা হৈছিল আৰু সম্প্ৰতি ই বিদেশত ১৮০ ৰো অধিক ভাৰতীয় মিছনৰ লগতে ১২ বিদেশী আঞ্চলিক পঞ্জীয়ন কাৰ্য্যালয় (FRRO)-ত কাৰ্য্যক্ষম হৈ আছে, যিয়ে প্ৰতিদিনে প্ৰায় ২০০০ আবেদনৰে মোকাবিলা কৰে। যোৱা দশকটোত উল্লেখযোগ্য প্ৰযুক্তিগত অগ্ৰগতি আৰু অ'চিআই কাৰ্ডধাৰীসকলৰ পৰা লাভ কৰা মতামতৰ প্ৰতি লক্ষ্য ৰাখি বৰ্তমানৰ সীমাবদ্ধতাসমূহৰে মোকাবিলা আৰু ইউজাৰ অভিজ্ঞতা বৃদ্ধি কৰিবলৈ এটা নৱীকৃত অ'চিআই পৰ্টেল মুকলি কৰা হৈছে।

নতুন অ’চিআই পৰ্টেলটোত একাধিক ইউজাৰ-অনুকূল সুবিধাৰ ব্যৱস্থা কৰা হৈছে, যথাঃ

• ইউজাৰ চাইন-আপ আৰু পঞ্জীয়ন মেন্যুৰ পৃথকীকৰণ,

• পঞ্জীয়ন প্ৰ-পত্ৰত ইউজাৰ প্ৰফাইলৰ বিৱৰণৰ অট’-ফিল,

• সম্পূৰ্ণ আৰু আংশিকভাৱে পূৰণ কৰা এপ্লিকেচনসমূহ প্ৰদৰ্শন কৰা ডেচব'ৰ্ড,

• এফআৰআৰঅ’-ত ফাইল কৰাসকলৰ বাবে সংহত অনলাইন পেমেন্ট গেটৱে’,

• এপ্লিকেচন পদক্ষেপসমূহৰ মাজেৰে নিৰৱচ্ছিন্ন নেভিগেচন,

• এপ্লিকেচনৰ ধৰণৰ ওপৰত ভিত্তি কৰি আপল’ড কৰিবলগীয়া প্ৰয়োজনীয় নথিপত্ৰসমূহৰ শ্ৰেণীবিভাজন,

• জমা দিয়াৰ পূৰ্বে যিকোনো পৰ্য্যায়তে আবেদনকাৰীক সম্পাদনাৰ বিকল্প প্ৰদান,

• সংহত এফএকিউ-ৰ ব্যৱস্থা,

• আবেদনকাৰীক চূড়ান্ত দাখিলৰ পূৰ্বে তথ্য পৰীক্ষা কৰিবলৈ সোঁৱৰাই দিয়া ব্যৱস্থা,

• নিৰ্বাচিত আবেদনৰ ধৰণৰ ওপৰত ভিত্তি কৰি যোগ্যতাৰ মাপকাঠি আৰু প্ৰয়োজনীয় নথি-পত্ৰৰ প্ৰদৰ্শন,

• আবেদনকাৰীৰ ফটো আৰু স্বাক্ষৰ আপল’ডৰ বাবে ইন-বিল্ট ইমেজ ক্ৰপিং টুল।

কাৰিকৰী বৈশিষ্ট্যসমূহঃ

1. আন্তঃগাঁথনিৰ আধুনিকীকৰণ

• শেহতীয়া অপাৰেটিং চিষ্টেম অৰ্থাৎ RedHat 9-ত একাধিক ৱেব চাৰ্ভাৰ আৰু ল’ড বেলেন্সাৰৰ সৈতে অধিক উপলব্ধতা

2. চফ্টৱেৰ আৰু প্লেটফৰ্মৰ উন্নয়ন

• ফ্ৰেমৱৰ্ক আপডেটঃ একাধিক ডিভাইচৰ সু-সংগতিৰ বাবে JDK, Struts 2.5.30 আৰু Bootstrap 5.3.0-ৰ শেহতীয়া সংস্কৰণসমূহলৈ পৰিৱৰ্তন কৰা

3. বৰ্ধিত সুৰক্ষা প্ৰট’কল

• SSL/TLS এনক্ৰিপচনঃ তথ্যৰ গোপনীয়তা আৰু সুৰক্ষা সুনিশ্চিতকৰণ

• নিয়মীয়া অনুপ্ৰৱেশ পৰীক্ষণ

4. প্ৰক্ৰিয়া স্বয়ংক্ৰিয়কৰণ সংহতি

• প্ৰক্ৰিয়া স্বয়ংক্ৰিয়কৰণঃ বেকএণ্ড কাৰ্য্যসমূহ আৰু কাৰ্য্যপ্ৰবাহসমূহক সু-সংহতকৰণ

5. তথ্য ব্যৱস্থাপনা

• কেন্দ্ৰীভূত আৰু অনুকূল তথ্য সংৰক্ষণ ব্যৱস্থা

6. ইউজাৰ অভিজ্ঞতাৰ (UX) বৰ্ধন

• সঁহাৰিমূলক ৱেব ডিজাইনঃ সকলো ডিভাইচৰ বাবে উপযোগী।

• দ্ৰুত ল’ড টাইম আৰু ম’বাইল অনুকূল

7. চাইবাৰ সুৰক্ষা বৃদ্ধি

• বহু-কাৰক প্ৰমাণীকৰণ (MFA)

• চাৰ্ভাৰ হাৰ্ডনিং আৰু শেহতীয়া এভি সংহতি।

****

RK/VV/PR/PS/SB