প্রধান মন্ত্রী শ্রী নরেন্দ্র মোদীনা ঙসি অঙনবদা লোক কল্যান মার্গতা লৈবা মহাক্কী য়ুমদা এক্সক্লুসিব ইকনোমিক জোন (EEZ) অমসুং হায়-সীশিংদা ঙা-ফাবদা মীৎয়েং থমদুনা ফিশরিজ সেক্তরগী খোংজেল য়েংশিন্নবা অৱাংবা থাক্কী মীফম অমদা ময়াই তাংবল লৌখ্রে।

ঙাগী রিসোর্সশিংবু হেন্না ফজনা শীজিন্ননবা অমসুং ঙামীশিংদা সেফতী ইনস্ত্রক্সনশিং পীনবা সেতলাইত তেক্নোলোজীবু পাক শন্না শীজিন্ননবা প্রধান মন্ত্রীনা অকনবা ৱাফম থমখি।

প্রধান মন্ত্রীনা স্মার্ত হারবরশিং অমসুং কৈথেলশিংগী খুত্থাংদা সেক্তর অসি মোদর্নাইজেসন তৌনবা, ঙা পুথোক-পুশিন তৌবদা দ্রোনশিং শীজিন্নবা অমসুং মদুগী মার্কেতিং তৌবদা মরুওইবা পীখি। মহাক্না হায়খি মদুদি সপ্লাই চেনদা ভেল্যু হাপচিনবা ঙম্নবগীদমক্তা মথৌ তৌবগী হেন্না ফবা পথাপ অমগী মায়কৈদা চংশিনবা মথৌ তাই।

মখা তানা, প্রধান মন্ত্রীনা সিভিল এভিয়েসনগা তান্নদুনা প্রদক্সন সেন্তরশিংদগী শহরশিং/তাউনশিংদা লৈবা অচৌবা কৈথেলশিংদা পুথোক-পুশিন তৌনবা তেক্নিকেল প্রোতোকোলগী মতুং ইন্না দ্রোনশিং শীজিন্নবগী মতাংদা থিজিনবগী ৱাফম থমখি।

প্রধান মন্ত্রীনা পোত্থোকশিং প্রোসেসিং অমসুং পেকেজিংদা ফগৎলকপগী তঙাইফদবা অদু পনখি। প্রাইবেৎ সেক্তরদগী ইনবেস্তমেন্তশিং লায়থোকহন্নবগী মতাংদসু খন্নখি।

তেক্নোলোজী শীজিন্নবগী মতাংদা, প্রধান মন্ত্রীনা হায়খি মদুদি এগ্রো তেক অসি লৌউ-শিংউগী সেক্তরদা শীজিন্নবগুম্না, পোত্থোক পুথোকপা, প্রোসেসিং অমসুং মার্কেতিং তৌবগী থৌওং ফগৎহন্নবা ফিশরিজ সেক্তরদা ফিশ তেক শীজিন্নবা হেনগৎহনগদবনি।

প্রধান মন্ত্রীনা হায়খি অমৃত সরোভরশিংদা ঙা য়োকপগী থবক পায়খৎপনা ঈশিংগী ঈপাকশিং অসিগী পুন্সি মহিং ফগৎহনবতা নত্তনা ঙা য়োক্লিবশিংগী পুন্সি মহিংসু ফগৎহনগনি। মহাক্না হায়খি মদুদি ওর্নামেন্তেল ফিশরিজ অসিসু ইনকম জেনরেসনগী লম্বী অমা ওইনা প্রমোৎ তৌবগী মথৌ তাই।

প্রধান মন্ত্রীনা হায়খি মদুদি ঙাগী দিমান্দ য়াম্না লৈরবসু সপ্লাই মতীক চানা লৈতবা লেন্দলোক ওইবা মফমশিংদা মথৌ তাবশিং ফংহন্নবা থৌরাং অমা শেমগদবনি।

প্রধান মন্ত্রীনা হায়খি মদুদি সীৱিদশিং অসি ফ্যুল ওইনা, ন্যুত্রিসনেল ইনপুৎ ওইনা, ফার্মাস্যুতিকেল অমসুং অতোপ্পা সেক্তরশিংদা শীজিন্ননবা হোৎনগদবনি। মহাক্না হায়খি মদুদি মরী লৈনবা দিপার্তমেন্ত পুম্নমক্না পুন্না থবক তৌমিন্নগদবনি অমসুং সীৱিদ সেক্তরদা তঙাই ফদবা পোত্থোকশিং অমসুং মহৈশিং পুথোক্নবা তেক্নোলোজী শীজিন্নগদবনি।

প্রধান মন্ত্রীনা ঙা ফাবগী অনৌবা থৌওংশিংদা ঙা ফাবশিংগী কেপাসিতি শেমগৎনবা ৱাফম থমখি। সেক্তর অসিগী চাউখৎলকপদা অথিংবা পীরিবা আইতেমশিংগী নেগেতিব লিস্ত অমা শেম্নবসু মহাক্না ফোংদোকখি মসিনা মরম ওইদুনা গ্রোথতা অপনবা পীবা কোকহন্নবা অমসুং ইজ ওফ দুইং বিজিনেস অমসুং ইজ ওফ লিভিংগী ফিশরিজশিংদা হেন্না ফগৎহন্নবা এক্সন প্লানশিং শেম্বা ঙমগনি।

মীফম অদুগী মনুংদা, মরুওইবা ইনিসিএতিবশিংদা খুমাং চাউশিল্লকপা, অরোইবা রিভিয়ু অদুদা পীরম্বা সজেসনশিং অদুগী মতুং ইন্না চৎথরকপা অমসুং ইন্দিয়ন এক্সক্লুসিব ইকনোমিক জোন (EEZ) অমসুং হায়-সীশিংদগী ঙা ফাবশিংগী সস্তেনেবল হেরিতেজিংগীদমক প্রপোজ তৌরিবা ফ্রেমৱার্ক্কী মতাংদা প্রজেন্তেসন অমা পীখি।

2015দগী হৌরগা ভারত সরকারনা তোঙান তোঙানবা ভারত সরকারগী স্কিমশিং অমসুং প্রোগ্রামশিং হায়বদি ব্লু রিভোলুসন স্কিম, ফিশরিজ অমসুং এক্বাকলচর ইনফ্রাস্ত্রকচর দিবেলপমেন্ত ফন্দ (FIDF), প্রধান মন্ত্রী মৎস্য সমপদা য়োজনা (PMMSY), প্রধান মন্ত্রী মৎস্য সমৃদ্ধি সাহ য়োজনা (PM-MKSSY) অমসুং কিসান ক্রেদিৎ কার্দ (KCC) গী খুত্থাংদা লুপা করোর 38,572গী ইনবেস্তমেন্ত হেনগৎহনখ্রে। ভারতনা 2024-25দা চহিগী ওইনা ঙাগী পোত্থোক তন লাখ 195 রেজিস্তর তৌখ্রে অমসুং সেক্তরেল গ্রোথ রেৎ অসি চাদা 9 হেনখ্রে।

মীফম অদুদা কেন্দ্রগী ফিশরিজ, এনিমেল হজবেন্দরী অমসুং দাইরীং মন্ত্রী শ্রী রাজীব রঞ্জন সিংহ এলাইস ললান সিংহ, প্রধান মন্ত্রীগী প্রিন্সিপাল সেক্রেতরী দোক্তর পি.কে. মিশ্রা, প্রধান মন্ত্রীগী প্রিন্সিপাল সেক্রেতরী-2, শ্রী শক্তিকান্ত দাসকী, প্রধান মন্ত্রীগী এদভাইজর শ্রী অমিত খরে, ফিশরিজ বিভাগকী সেক্রেতরী অমসুং মকোক থোংবা ওফিসিএলশিংনা শরুক য়াখি।

***