কেন্দ্রগী রুরেল দিবেলপমেন্ত অমসুং কম্ম্যুনিকেসনগী রাজ্য মন্ত্রী শ্রী চন্দ্রশেখর পেম্মাসানিনা রাজ্যশিংদা রিকোর্দ ওফ রাইৎস (RoRশিং) গা আধার নম্বর পুনশিনবা লোইশিন্নবা তকশিনখ্রে। রিফোর্ম অসিনা লমগী মপু ওইবগী হকপু অখন্নবা দিজিতেল আইদেন্তিতীগা শম্নহনবদা, শাশিন্নবা লৌথোকপদা অমসুং এগ্রিস্তেক, PM-KISAN অমসুং ক্রোপ ইন্সুরেন্সগুম্বা কান্নবশিংগী তার্গেতেদ দেলিভরী ঙমহনবদা মতেং পাংগনি। ঙসি আন্ধ্র প্রদেশকী গুন্তুরদা দিজিতেল ইন্দিয়া লেন্দ রেকোর্দ মোদর্নাইজেসন প্রোগ্রাম (DILRMP) গী মখাদা সর্ভে/রি-সর্ভেগী নুমিৎ নিনিগী নেস্নেল ৱার্কশোপ অমা হৌদোক্লদুনা মন্ত্রীনা হায়খি মদুদি রি-সর্ভে, দিজিতেলাইজেসন, পেপরলেস ওফিস, কোর্ কেস মেনেজমেন্ত অমসুং আধার ইন্তিগ্রেসনগুম্বা রিফোর্মশিং অসিনা মপুং ফাবা অমসুং ত্রান্সপরেন্ত লেন্দ গভর্নান্স ইকোসিস্তেম অমা শেমগনি। মরিক চুম্বা সর্ভেশিংনা লমগী শেন্মিৎলোনগী ওইথোকপা য়াবশিং অদু ফংহল্লি হায়না পল্লদুনা মহাক্না হায়খি মদুদি রেকোর্দশিং অদুনা লমগী অশেংবা ফিভমগা চান্নরবদি, বেঙ্কশিংনা থাজবগা লোয়ননা ক্রেদিৎ পীবা ঙম্মি, বিজিনেসমেনশিংনা থাজবগা লোয়ননা ইনবেস্ত তৌবা ঙম্মি অমসুং লৌমীশিংনা লৌউ-শিংউগী তেংবাং ফংহনবা ঙম্মি।

লন্দ রেকোর্দশিং অসি ময়েক শেংনা, কনক্লুসিব ওইনা অমসুং হৌজিক ফাওবদা লৈরিবশিং ফংহন্নবা মতম শাংনা চত্থদুনা লাক্লবা থবক অসি লোইশিন্নবা কেন্দ্র সরকারনা ৱাশক্লি হায়না পল্লদুনা মন্ত্রীনা হায়খি মদুদি দিজিতেলাইজেসন, ইন্তিগ্রেসন অমসুং তেক্নোলোজীগা লোয়ননা মোদর্নাইজেসনগী থোংদা লমগী গভর্নান্সকী অহোংবা পুরক্নবা দিজিতেল ইন্দিয়া লেন্দ রেকোর্দ মোদর্নাইজেশন প্রোগ্রাম (DILRMP) শেমখি। “ঐখোয়না য়াম্না থুনা লম্বী থোং, স্মার্ত সিতী, সেফ হাউজিং অমসুং সস্তেনেবল এগ্রিকলচর পাম্লবদি ঐখোয়না গ্রাউন্দদা - তশেংনা তপ্না হৌগদবনি”, হায়না মন্ত্রীনা হায়খি।

DILRMPগী মখাদা চাউনা খুমাং চাউশিল্লবসু, হৌজিক ফাওবদা মরুওইবা লেপ্পা কম্পোনেন্ত - সর্ভে অমসুং রি-সর্ভে অসি খুঙ্গংশিংগী চাদা মরিখক্তদা লোইশিনখ্রে মরমদি মসিগী থবক অসি এদমিনিস্ত্রেতিব, তেক্নোলোজিকেল অমসুং মীয়ামগী থৌদাং লৌবগী থবক অমনি হায়না মহাক্না হায়খি।

শ্রী চন্দ্রশেখরনা হায়খি মদুদি ভারত্তা লম অসি ফিজিকেল এসেৎ অমখক্তমক নত্তে। মসি মশক তাকপা, ঙাকশেল অমসুং ইকাই খুম্নবা উৎলি। ঐখোয়গী নাগরিকশিংগী চাদা 90রোমগী ওইনা, লম অমসুং প্রোপর্তী অসিনা মখোয়গী খ্বাইদগী মমল য়াম্বা পোৎলমশিংনি। অদুম ওইনমক, লমগী রেকোর্দশিং চুমদবা নৎত্রগা মতমগা চুনদবা অসিনা মতম শাংনা পাক-শন্না থোক্লিবা ৱাথোকশিংগী, চাউখৎ-থৌরাংদা থিন্থবগী অমসুং অচুম্বা ৱায়েল ফংহন্দবগী মরুওইবা মরম অমা ওইদুনা লাক্লি। ঐখোয়গী জুদিসিএল স্তেতিস্তিক্সনা ময়েক শেংনা তাক্লি -  লোৱর কোর্তশিংদা সিভিলগী কেসশিংগী 66% হেনবনা লম অমসুং প্রোপর্তীগী ৱাথোকশিংগা মরী লৈনৈ। সুপ্রিম কোর্ত্তা ফাওবা, লেপ্পা লৈতবা ৱাথোকশিংগী ক্বার্তর অমদি লমগা মরী লৈনৈ। মরম অদুনা মসি ইনক্লুসিব দিবেলপমেন্তকী ৱাখল্লোন অদুদা চেলেঞ্জ অমনি হায়না মহাক্না হায়খি।

ঐখোয়গী হান্নগী সর্ভে অসি চেন অমসুং ক্রোস স্তাফকুম্বা খুৎলাইশিং শীজিন্নদুনা চহি 100গী মমাংদা 1880 অমসুং 1915গী মরক্তা পাংথোকখি হায়না পল্লদুনা মন্ত্রীনা হায়খি মদুদি লৈবাক অসিগী মফম কয়াদা, মরু ওইনা অৱাং-নোংপোক্কী রাজ্যশিং অমসুং য়ুনিয়ন তেরিতোরীশিংদা, ওরিজিনেল কেদস্ত্রেল সর্ভে অসি লোইশিনখিদে। মহাক্না হায়খি মদুদি সর্ভে তৌনবা হোৎনখিবা রাজ্যশিংনা প্রোসেস অসিদা গ্রাউন্দ ত্রেদিং, দ্রাফ্ত মেপ পব্লিকেসন, ওবজেক্সন রিজোলুসন অমসুং ফাইনেল নোতিফিকেসনগীদমক অচৌবা মেনপাৱর অমা মথৌ তারি।

“রাজ্য কয়া অমনা মেপতা য়ুম্ফম ওইবা সবদিভিজনশিং পায়খৎপা ঙমদ্রি, নৎত্রগা হৌজিক লৈরিবা কেদেস্ত্রেল মেপশিং অসি মতমগা চুনবা মওংদা তেক্সচুএল অপদেৎশিংগা লোয়ননা স্পেসিএল রেকোর্দশিং থম্বা ঙমদ্রি। ঐখোয়গী এক্সপরিয়েন্সনা উৎলি মদুদি পোলিতিকেল ৱিল অমসুং মপাঙ্গল কনবা কোওর্দিনেসন য়াওদ্রবদি, সর্ভেশিং অসি খোঙজেল মাংখি অমসুং লোইশিন্দনা লৈরি। মসিনা মরম ওইদুনা ভারত সরকারনা সেন্ত্রেল্লী কোওর্দিনেৎ তৌরবা এক্সরসাইজ অমা পায়খৎনবা ৱারেপ লৌরে। মসিনা 21শুবা চহিচাদা লমগী রেকোর্দশিং পুরক্লগনি," হায়না চন্দ্রশেখরনা ফোংদোকখি।

সেন্ত্রেল স্পোন্সর তৌরবা প্রোগ্রাম অসিগী মতাংদা হেন্না শন্দোক্না তাক্লদুনা, মন্ত্রীনা হায়খি মদুদি মসি তেক্নোলোজী দ্রিভন ওইগনি। মসিনা ত্রেদিস্নেল মেথদশিংগী শেনফমগী চাদা 10 খক্তদা দ্রোন অমসুং এয়রক্রাফকী খুত্থাংদা এরিএল সর্ভেশিং শিজিন্নগনি। মসিদা AI, GIS অমসুং অৱাংবা এক্যুরেসীগী ইক্বিপমেন্তসু শিজিন্নগনি। মসিনা রাজ্যশিংগা লোয়ননা ত্রেৎ-ত্রেদিং অমসুং ভেলিদেসনশিং পাংথোকপদা মতেং পাংগনি অদুগা সেন্তরনা পোলিসী, ফন্দিং অমসুং তেক্নোলোজিকেল বেকবোন পীগনি। প্রোগ্রাম অসি ফেজ মঙাদা ইমপ্লিমেন্ত তৌগনি। অহানবা ফেজগীদমক লুপা করোর 3,000গী শেনফমগা লোয়ননা চহি অনিগী মতমগী মনুংদা গ্রামীন এগ্রিকলচরেল লমগী স্ক্বার কি.মি. লাখ 3দগী হৌরগনি।

কেন্দ্র সরকারনা অর্বান অমসুং পেরি-অর্বান লেন্দ রেকোর্দশিংগীদমক NAKSHAগী খোঙথাংসু লৌখৎলি হায়না মন্ত্রীনা পাউদমখি। অর্বান লোকেল বোদী 150 হেন্না হান্ননা কভরেজ তৌখ্রে। সহরগী লমগী মমলশিং অসি ৱাংই, ত্রাঞ্জেক্সনশিং অসি তোইনা পাংথোকই, অমসুং অৱাংবা থাক্কী য়ুমশিং অসি য়ুমথোং ওইরক্লি। মসিনা হেন্না ৱাথোক অমসুং ইনফোর্মেল সেটলমেন্টশিং থোকহল্লি। মরম অদুনা, অর্বান প্লান্নিং, অহোংবা য়ুম অমসুং ম্যুনিসিপাল রেভেন্যুগীদমক অচুম্বা রেকোর্দশিং অসি য়াম্না মরু ওই”, হায়না পেম্মাসানিনা ফোংদোকখি।

লেন্দ রিসোর্স দিপার্তমেন্ত (DoLR) না রাজ্যশিংদা মখোয়গী রেজিস্ত্রেসন সিস্তেমশিং অমসুং রেভিন্যু কোর্ত কেস মেনেজমেন্ত সিস্তেম (RCCMS) অসি ওনলাইন অমসুং পেপরলেস ওইহন্নবা, ওতোমেতেদ ৱার্কফ্লো শিজিন্ননবা অমসুং প্রজাশিং অমসুং ওফিসিএলশিংদা মফম অমহেক্তদা এক্সেস তৌবা য়াহন্নবা পুক্নিং থৌগৎলি হায়না পল্লদুনা মন্ত্রীনা হায়খি মদুদি মসিনা লমগা মরী লৈনবা কোর্তকী কেসশিং ত্রেক তৌবদা অমসুং মেনেজ তৌবদা মতেং পাংগনি, একাউন্তেবিলিতী পুরক্কনি অমসুং অপনবা হন্থহল্লগনি।

মন্ত্রীনা হায়খি মদুদি অচুম্বা সর্ভে অসিনা ঐখোয়গী মরক্তা খ্বাইদগী লায়রবা মীওইশিংদা মতেং পাংই। অপীকপা অমসুং মর্জিনেল ওইবা লৌমীশিং, ত্রাইবেল কম্ম্যুনিতীশিং, অমসুং খুঙ্গংগী নুপীশিংগীদমক্তদি, ময়েক শেংবা লমগী তাইতলশিং অসি লকজরী নত্তে অদুবু এক্সপ্লোইতেসন তৌবদগী ঙাকথোক্নবা তঙাই ফদবা ঙাক্লৌ অমনি। ভারতকী মীয়ামগীদমক পন্দুনা লৈরুরবা থবক অসি মপুং ফাহন্নবগীদমক কেন্দ্র অমসুং রাজ্যনা পুন্না লেন্দ রেকোর্দকী তীম অমা ওইনা মাংলোমদা চংশিনসি। ঐখোয়না লৈবাক অমা শেমগৎলসি মদুদা লম অসি চম্মমনবা অমসুং য়ানদবা থোকহন্নবগী হৌরকফম ওইরোই, অদুবু থাজবা, সেক্যুরিতী অমসুং চাউখৎপগী হৌরকফম ওইরগনি। ভু-ভিবাদতগী ভু-বিশ্বাস ফাওবগী খোঙচৎ অসি ঐখোয়গা লোয়ননা হৌই অমসুং লম্বী অদুদা চংশিনবগী মতম অদু হৌজিক ওইরে হায়না মহাক্না মখা তাখি।

অতোপ্পা মীওইশিংগী মরক্তা, শ্রী অনাগনি সত্য প্রসাদ, আন্ধ্র প্রদেশ সরকারগী রেভিন্যু, রেজিস্ত্রেসন অমসুং স্তাম্প মন্ত্রী, শ্রীমতি জি. জায়া লক্ষ্মি, স্পিসিএল চীফ সেক্রেতরী অমসুং লেন্দ এদমিনিস্ত্রেসনগী চীফ কম্মিস্নর, শ্রী মনোজ জোশিজী সেক্রেতরী, ভারত সরকারগী লেন্দ রিসোর্স দিপার্তমেন্তকী জোইন্ত সেক্রেতরী, শ্রী কুনাল সত্যার্থী, কেন্দ্র অমসুং রাজ্যশিংগী মকোক থোংবা ওফিসিএল কয়া, এক্সপর্তশিং অমসুং ফিল্দ প্রেক্তিস্নরশিংসু শরুক য়াখি।

*****