মে ১৫, ২০২৫ দা শ্রীনগরদা বাদামি বাঘ কেন্তদা থৌনা ফরবা ভারত লান্মীশিংদা ৱা ঙাংবদা রক্ষ মন্ত্রী শ্রী রাজনাথ সিংহনা হায়খি মদুদি তেরোরিজমগী মায়োক্ত লৈবা ভারতকী থৌশিল প্রধান মন্ত্রী মোদীনা অমুক হন্না মশক তাক্লে, ভারতকী লৈমায়দা খুৎ থারকপা অমা হেক্ত লান্দারকপগী থবক অমনি হায়না লৌগনি। ভারতনা মতম পুম্নমক্ত শান্তি অসি মরুওইনা লৌরি অমসুং কৈদৌঙৈদা লান শৌগৎতে, অদুবু লৈবাক অসিদা খুৎ থারকপা খুদিংমক পাউখুম পীগনি। করিগুম্বা মখা তানা তেরোরিজম শৌগৎলবদি পাকিস্তান্দা অকনবা চৈরাক অমা পীগনি; লৈবাক অসিনা ভারতকী মায়োক্ত লৈবা অমসুং তেরোরিস্ত লুপশিং চঙজফম পীবা লেপকদবনি।

শ্রী রাজনাথ সিংহনা হায়খি মদুদি ওপরেসন সিন্দুর অসি পুৱারিদা তেরোরিজমগী মায়োক্ত লৌখৎপা খ্বাইদগী চাউবা থবকনি অমসুং ফত্তবা মাঙহন্নবা লৈবাক অসিনা কয়া য়াম্না থবক তৌবা ঙম্বগে হায়বগী খুদম অমনি। ওপরেসন সিন্দুরনা ভারতকী ঙাক-শেনগী তৌবা ঙম্বা উৎপা খক নত্তনা, দরকার ওইরকপা মতমদা অচৌবা ৱারেপশিং লৌবা অদু উৎলে। তেরোরিস্তকী লৈফম খুদিংমক য়ৌবা ঙম্বা অমসুং মখোয় থুগায়বা হায়বসি লান্মী খুদিংমক্কী মঙলান অমনি। তেরোরিস্তশিংনা ভারতমচাশিং মখোয়গী লাইনিংদা য়ুম্ফম ওইরগা হাৎখি, মখোয়গী থবকশিংগীদমক ঐখোয়না মখোয় হাৎলি। মখোয় হাৎপা হায়বসি ঐখোয়গী লাইনিংনি। ঐখোয়গী ফোর্সশিংনা মখোয়গী অশাওবা অদু অচুম্বা লম্বীদা চৎলে অমসুং থৌনাগা লোয়ননা পেহেলগামগী লমন শিংলে। পাকিস্তান্দা লোৎলিবা লুপশিং অমসুং মখোয়গী মপুশিং হৌজিক লোৎফম লৈত্রে হায়বা ময়েক শেংলবা পাউজেল অমা ওপরেসন সিন্দুরনা পীরে। মখোয় মখুৎ চুম্মী অমসুং চপ চানা থবক তৌবা ঙম্মী হায়বা মালেমগী লৈবাকশিংদা ঐখোয়গী ফোর্সশিংনা উৎলে অমসুং মশিং থিবগী থবক অসি য়েক্নবশিংদা শীন্নরে।

শ্রী রাজনাথ সিংহনা হায়খি দাইত্ব য়াওদনা পাকিস্তান্না ন্যুক্লিয়ারগী কিহল্লকপা অসিনা তেরোরিজম মুৎথৎনবা ভারতকী ৱারেপ্ত অপনবা পীবা ঙম্লোই। কমদৌনা দাইত্ব লৈতবা ইস্লামাবাদনা কয়ারক ন্যু দিল্লিদা ন্যুক্লিয়ারগী কিহল্লকপশিং অদু মালেম্না উরে। অসিগুম্বা দাইত্ব লৈতবা অমসুং ফত্তবা লৈবাক অমদা ন্যুক্লিয়ার খুৎলায়শিং ফজনা লৈরিবরা হায়বা ৱাহং অসি মালেমগী মমাঙদা ঐনা হংলি। পাকিস্তানগী ন্যুক্লিয়ার খুৎলায়শিং আই.এ.ই.এনা য়েংশিনগদবনি।

শ্রী রাজনাথ সিংহনা হায়খি মদুদি পেহেলগাম থৌদোক্কী খুৎথাংদা, ভারতকী অপুনবা শক্তম থুগায়নবা হোৎনখি অমসুং য়েক্নবগী ময়োন্দা লান্দাদুনা আর্মদ ফোর্সনা তেররদা পাউখুম পীখ্রে। চহি ২১ গী মমাঙদা মতম অদুগী প্রধান মন্ত্রী লৈখিদ্রবা  অতল বিহারি বাজপায়গী মমাংদা লৈবাক অসিনা মখা তানা তেরোরিজমগী থবক মপান লৈবাকশিংদা চৎথররোই হায়না পাকিস্তান্না লাউথোকখ্রবনি। পাকিস্তান্না ভারত্ত মীনম্লে অমসুং লৈবাক অসিনা ভারতকী মায়োক্ত লৈবা অমসুং তেরোরিস্ত লুপশিং চঙজফম পীবা লেপকদবনি অমসুং লৈবাক অসি ভারতকী মায়োক্ত লৈনবা শীজিন্নবগী অয়াবা পীরোইদবনি।

শ্রী রাজনাথ সিংহনা হায়খি পাকিস্তান অসি ইন্তরনেসনেল মোনিতরি ফন্দদগী শেন পুবা লৈবাক অমা ওইরে, অদুগা ভারতনা লায়রবা লৈবাকশিংদা মতেং পাংনবা ইন্তরনেসনেল মোনিতরি ফন্দদা শেন পীবা লৈবাকশিংগী মনুংদা য়াওরি।

শ্রী রাজনাথ সিংহনা হায়খি লৈবাক অনিগী মরক্ত ৱাখল তামিন্নবদা য়ুম্ফম ওইরগা ঙমখৈ ৱাংমদগী ফত্তবা থবক অমা পায়খৎলোইদবনি। তেরোরিজম অমসুং ৱারি শানবা পুন্না চৎমিন্নবা য়ারোই হায়বসি প্রধান মন্ত্রী মোদীগী মীৎয়েংনি অমসুং করিগুম্বা ৱারি শানবা তারবদি তেরোরিজম অমসুং পি.ও.কে খক্তদা য়ুম্ফম ওইগনি।

পেহেলগামগী থৌদোক্ত লৈখিদ্রবা মীচমশিং অমসুং ওপরেসন সিন্দুর মনুংদা ইমা লৈবাক্কীদমক থৱায় কৎখ্রবা লান্মীশিংগী মফমদা শ্রী রাজনাথ সিংহনা ইকায়খুম্নবা উৎখি। মহাক্না অশোকপা লান্মীশিংগী থৌনা থাগৎপা ফোঙদোকখি অমসুং মখোয় অথুবা মতমদা ফগৎলক্নবা থৌনিজখি।

পাকিস্তানগী পোস্তশিং অমসুং বঙ্করশিং থুগায়খিবা, য়েক্নবদা ময়েক শেংবা পাউজেল অমা থাখিবা থৌনা ফরবা লান্মীশিং শ্রী রাজনাথ সিংহনা থাগৎপা ফোঙদোকখি। ভারতকী মীয়ামগী পাউজেল অমগা লোয়ননা ঙসি ঐ মফম অসিদা লাক্লিবনি। ঐখোয়গী ফোর্সশিংগীদমক ঐখোয় চাউথোকচরি হায়না মহাক্না মখা তাখি।

আর্মদ ফোর্সশিংগী থৌনা অমসুং কৎথোকপা থাগৎলদুনা, শ্রী রাজনাথ সিংহনা হায়খি সরকারনা মখা তানা লান্মীশিংদা অফবা খুৎলায়শিং অমসুং প্লেতফোর্মশিং অমসুং অনৌবা ইনফ্রাস্ত্রকচর ফংহনগনি। ঐখোয়গী সরকারনা ঐখোয়গী ফোর্সশিং ফিবম খুদিংমক্কী থৌরাং তৌদুনা থম্লে। অনৌবা খুৎলায়শিং হায়বদি অনৌবা রাইফলশিং, মিসাইল দিফেন্স সিল্দশিং অমসুং দ্রোনশিং ভারত্ত শারে। এল.ও.সি অমসুং এল.এ.সিদা হান্নদগী হেন্না লম্বী-থোং লৈরে। ঐখোয়গী লান্মীশিংগী কৎথোকপা অমসুং শেম-শাদুনা লৈবনা লৈবাক অসিগী থবক তৌরি অমসুং সরকারনা অদোমগী থবক তৌরি।

শ্রী রাজনাথ সিংহনা হায়খি মদুদি খোঙথাং খুদিংদা, ফিবম খুদিংমক্ত সরকার অমসুং লৈবাক অসিগী মীয়াম আর্মদ ফোর্সশিংগীদমক লেপ্লি। মিলিতরিদা মতেং পাংগনি হায়বগী থাজবা থম্লি অমসুং ভারতনা অথুবা মতমদা লমদম অসিদগী তেরোরিজম মুৎথৎকনি, মরম অদুনা কনাগুম্বা অমতনা লৈবাক অসিগী মনিংতম্বদা ফত্তবা মীৎয়েং য়েংলকপা ঙম্লোই।

থৌরম অদুদা জম্মু অমসুং কাস্মিরগী লেপ্তনেন্ত গভর্নর শ্রী মনোজ সিংহ, জম্মু অমসুং কাস্মিরগী চীফ মিনিস্তর শ্রী ওমর অবদুল্লাহ, চীফ ওফ আর্মি স্তাফ জেনেরেল  উপেন্দ্র দ্বিবেদি অমসুং ভারত লান্মীগী অতোপ্পা সেনিয়ার ওফিসিএলশিং শরুক য়াখি।

****