പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ഒരു പതിറ്റാണ്ട് കാലത്തെ ഭരണ പരിഷ്കാരങ്ങളെയും വികസനത്തെയും ഉപരാഷ്ട്രപതി ചൂണ്ടിക്കാട്ടി. "ഉദ്യോഗസ്ഥരെ ശരിയായ ദിശയിൽ പ്രവർത്തിക്കാൻ ഉത്തേജിപ്പിക്കുന്നത് ദീർഘവീക്ഷണമുള്ള നേതൃത്വമാണ്. ഭാഗ്യവശാൽ നമ്മുടെ രാജ്യത്ത് കഴിഞ്ഞ ഒരു ദശകമായി ഇത് നടക്കുന്നു.നിങ്ങളുടെ സംസ്ഥാനത്തും ഇത് സംഭവിക്കുന്നു. പ്രധാനമന്ത്രി മോദിയുടെ ദീർഘവീക്ഷണമുള്ള നേതൃത്വത്തിൽ, കഴിഞ്ഞ ദശകത്തിൽ രാജ്യം സമ്പദ്‌വ്യവസ്ഥ, അടിസ്ഥാന സൗകര്യങ്ങൾ, സാങ്കേതികവിദ്യ, വനിതാ വികസനം, വനിത ശാക്തീകരണം എന്നിവയിൽ ലോകം വിസ്മയിക്കുന്ന നാഴികക്കല്ലുകൾ കൈവരിച്ചു. നമ്മുടെ ഗോത്ര സംസ്കാരം ഉജ്ജ്വലവും നമ്മുടെ സമ്പത്തുമാണ്" ഉപരാഷ്ട്രപതി പറഞ്ഞു.

സംസ്ഥാനത്തിന്റെ സാമ്പത്തിക പുരോഗതിയെ അഭിനന്ദിച്ചുകൊണ്ട് ഉപരാഷ്ട്രപതി ഇങ്ങനെ പറഞ്ഞു: "ഒരു സംസ്ഥാനത്തിന്റെ സമ്പദ്‌വ്യവസ്ഥ നിർണ്ണയിക്കുന്നത് അവിടുത്തെ മൊത്ത ആഭ്യന്തര ഉൽ‌പാദനം അഥവാ ജി‌എസ്‌ഡി‌പിയാണ്. മേഘാലയ സംസ്ഥാനം 13% വളർച്ച കൈവരിച്ചിട്ടുണ്ട്. വർഷം തോറും 13% വളർച്ച എന്നത് വളരെ പ്രശംസനീയമാണ്. സംസ്ഥാനത്തിന്റെ സമ്പദ്‌വ്യവസ്ഥ മെച്ചപ്പെടുത്തുന്നതിനുള്ള മുഖ്യമന്ത്രിയുടെ പ്രതിജ്ഞാബദ്ധതയ്ക്ക് അഭിനന്ദനങ്ങൾ. ഇപ്പോൾ, ഇത് 66,000 കോടിയിൽ കൂടുതലായിരിക്കുമെന്ന് പ്രതീക്ഷിക്കുന്നു. മേഘാലയയെക്കുറിച്ച് കേൾക്കുമ്പോൾ അത് ഒരു വലിയ സംസ്ഥാനമാണ് എന്ന് തോന്നാം. എന്നാൽ ഭൂമിശാസ്ത്രപരമായി അത് അത്ര വലുതല്ല. നിങ്ങളുടെ സമ്പദ്‌വ്യവസ്ഥയുടെ വലുപ്പം മികച്ചതാണ്. 2028 ഓടെ സംസ്ഥാനത്തിന് 10 ബില്യൺ ഡോളർ മൂല്യമുള്ള സമ്പദ്‌വ്യവസ്ഥ എന്ന ഒരു വലിയ ലക്ഷ്യം നിങ്ങൾ മുന്നോട്ട് വെച്ചിട്ടുണ്ട്." ഉപരാഷ്ട്രപതി പറഞ്ഞു

 എല്ലാവരെയും ഉൾക്കൊള്ളുന്ന വളർച്ചരീതിയുടെ പ്രാധാന്യത്തെക്കുറിച്ച് പരാമർശിച്ചുകൊണ്ട് ഉപരാഷ്ട്രപതി ഇങ്ങനെ പറഞ്ഞു: "സംസ്ഥാനത്തിന് ടൂറിസം, ഖനനം, ഐടി, സേവന മേഖല എന്നിവയിൽ അപാരമായ ശേഷിയും സാധ്യതകളുമുണ്ട്. എന്നാൽ മനുഷ്യവിഭവശേഷി പരിപോഷിപ്പിക്കണം എന്നതാണ് കൂടുതൽ പ്രധാനം. മനുഷ്യവിഭവശേഷി സ്വതന്ത്രമായിരിക്കണം. അതിലും സ്ത്രീകൾ മുന്നോട്ട് വരുമ്പോഴാണ് സാമൂഹിക വളർച്ചയും സാമ്പത്തിക വികസനവും സന്തുലിതമാകുന്നത്. റിവോൾവിംഗ് ഫണ്ടിന്റെയും എണ്ണത്തിന്റെയും കാര്യത്തിൽ പത്തിരട്ടി വർദ്ധന ഉണ്ടായതിൽ ഞാൻ വളരെ ആഹ്ലാദഭരിതനാണ്."

മേഘാലയ മുഖ്യമന്ത്രി ശ്രീ കോൺറാഡ് സാങ്മയും മറ്റ് വിശിഷ്ട വ്യക്തികളും പരിപാടിയിൽ സന്നിഹിതരായിരുന്നു.