প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ABP নেৎৱার্ক ইন্দিয়া@2047 সম্মিৎতা ৱা ঙাংখ্রে
ভারত অমসুং য়ু.কে.না ফ্রী ত্রেদ এগ্রীমেন্ত মায়পাকনা লেপথোকখ্রে: পি.এম.
ভারতনা ত্রেদ অমসুং কম্মর্সকী অচৌবা হব অমা ওইরক্লি: পি.এম.
নেসন ফার্স্ত – হৌখিবা দিকেদ অসিদা ভারতনা মসিগী পোলিসী অসি লেপ্পা লৈতনা ঙাক্তুনা লাক্লি: পি.এম.
ঙসি কনাগুম্বা অমনা ভারত উবা মতমদা মখোয়না দেমোক্রেসী দেলিভর তৌবা য়াই হায়বা থাজবা ঙম্লে: পি.এম.
ভারতনা GDP- সেন্ত্রিক এপ্রোচতগী গ্রোস এমপ্লোইমেন্ত ওফ পিপল (GEP) – সেন্ত্রিক প্রোগ্রেসতা চংশিল্লি: পি.এম.
ভারতনা মালেমদা ত্রেদিসন অমসুং তেক্নোলোজীনা পুন্না করম্না খুমাং চাউশিনমিন্নবগে উৎলি: পি.এম.
মীপাল তাংদবা হায়বা অসি মতম চুপ্পদা ঐখোয়গী ইকনোমিক DNAগী শরুক অমা ওইদুনা লাক্লি: পি.এম.
Posted On:
06 MAY 2025 10:10PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা ABP নেৎৱার্ক ইন্দিয়া@2047 সম্মিৎতা শরুক য়াখ্রে। মীয়াম তিনখিবা অদুদা ৱা ঙাংলদুনা মহাক্না হায়খি মদুদি ঙসি অয়ুক্কী নুমিৎতগী ভারত মন্দপমদা পাংথোক্লিবা থৌরম অসি য়াম্না নুংঙাইনা পাংথোক্লি। মহাক্না ওর্গানাইজিং তীমগা ৱারী শানখিবা অদু পনখি অমসুং সম্মিৎ অদুগী ইনাক খুল্লবা দাইভর্সিতী অদু পনখি। মহাক্না থৌরম অসিগী দাইনামিজমদা শরুক তমখিবা মশক নাইবা মীওই কয়া শরুক য়াখিবগীদমক থাগৎপা ফোংদোকখি। মীফম অদুদা শরুক য়ারিবা পুম্নমক্না য়াম্না অফবা এক্সপরিয়েন্স অমা ফংখি হায়না প্রধান মন্ত্রীনা থাজবা ফোংদোকখি। সম্মিৎ অসিদা নহাশিং অমসুং নুপীশিংনা শরুক য়াখিবা অদু পল্লদুনা মহাক্না দ্রোন দিদি অমসুং লাখপতী দিদিশিংনা পীরকপা ইথিল পীবা এক্সপরিয়েন্সশিং অদু পনখি। মখোয়গী ৱারীশিং অসি ইথিলগী হৌরকফম অমা ওইনা মথৌ তৌই হায়না মহাক্না ফোংদোকখি।
মীফম অসি সেক্তর খুদিংদা মশানা মশাবু মপাঙ্গল কনখৎহল্লিবা ভারতকী অহোংবা পুরকপগী মশক অমনি হায়না শন্দোক্না তাক্লদুনা শ্রী মোদীনা লৈবাক অসিগী খ্বাইদগী চাউবা পান্দমদি 2047 ফাওবদা চাউখৎলবা লৈবাক অমা ওইনবা হোৎনবনি হায়না অকনবা ৱাফম থমখি। ভারতকী মপাঙ্গল, রিসোর্স অমসুং অখাং কনবা অদু পল্লদুনা মহাক্না স্বামী বিবেকানন্দগী ৱাহৈশিং অদু পনখি। মহাক্না মীয়াম্বু মশাগী পান্দম ফংদ্রিবা ফাওবা হৌগৎনবা, য়কাইনবা অমসুং লেপ্পা লৈতনা হোৎননবা হায়খি। মহাক্না হায়খি মদুদি হায়রিবা অচেৎপা ৱাখল্লোন অসি ঙসি নাগরিক খুদিংমক্তা উবা ফংলি। শ্রী মোদীনা চাউখৎলবা ভারত অমা শেমগৎপদা অসিগুম্বা সম্মিৎশিংগী থৌদাং অদু পনখি। মহাক্না অফবা সম্মিৎ অমা পাংথোকপগীদমক ওর্গানাইজরশিংবু থাগৎপা ফোংদোকখি অমসুং শ্রী অতীদেব সর্কর, শ্রী রজনিশ অমসুং ABP নেৎৱার্ক তীম পুম্নমকপু মখোয়গী হোৎনবগীদমক থাগৎপা ফোংদোকখি।
ঙসি অসি ভারতকী ওইনা পুৱারী ওইরবা তাঞ্জা অমনি হায়না পল্লদুনা প্রধান মন্ত্রীনা য়ুনাইতেদ কিংদমগী প্রধান মন্ত্রীগা ৱারী শানখিবগী মতাংদা পনখি অমসুং ভারত-য়ুনাইতেদ কিংদম ফ্রী ত্রেদ এগ্রীমেন্ত ফাইনেলাইজ তৌবদা নুংঙাইবা ফোংদোকখি। মহাক্না অকনবা ৱাফম থমখি মদুদি অচৌবা ওপন মার্কেৎ ইকনোমী অনিগী মরক্তা য়ানা ৱারোল অসিনা লৈবাক অনিগী চাউখৎ-থৌরাংদা কান্নবা পীদুনা ত্রেদ অমসুং ইকনোমিক কোওপরেসনদা অনৌবা চেপ্তর অমা হাপচিল্লগনি। মসিনা ইকোনোমিক এক্তিবিতী হেনগৎহল্লগনি অমসুং ভারতকী বিজিনেস অমসুং MSMEশিংগীদমক অনৌবা খুদোংচাবশিং হাংদোক্লগনি। প্রধান মন্ত্রীনা হায়খি মদুদি ভারতনা হন্দক্তা য়ু.এ.ই., ওস্ত্রেলিয়া অমসুং মোরিসিয়সকা লোয়ননা ললোন-ইতিক্কী য়ানচে সাইন তৌনখ্রে। মহাক্না হায়খি মদুদি ভারতনা রিফোর্মশিং পায়খৎপা খক্তা নত্তনা মালেমগা লোয়ননা ত্রেদ অমসুং কম্মর্সকীদমক মশাবু ভাইব্রেন্ত হব অমা ওইনা লেপচনবা থবক পায়খৎলি।
অচৌবা ৱারেপ লৌবা অমসুং পান্দম ফংনবা হোৎনবদা লৈবাক অসিগী ইন্তরেস্তশিংবু মরু ওইনা লৌগদবনি অমসুং লৈবাক অসিগী ওইথোকপা য়াবশিংদা থাজবা থমগদবনি হায়বা ৱাফম থম্লদুনা শ্রী মোদীনা হায়খি মদুদি, লাইবক থিবদি, দিকেদ কয়াগী মমাংদগী ভারত অসি অওনবা পুরকপা অমসুং খুমাং চাউশিনবদা অয়েৎপা পীবা থৌওং অমদা লৈরক্লি। মহাক্না মমাংদা, মালেমগী ৱাখল্লোনশিং, মীখলগী কেলকুলেসনশিং, অমসুং রাজনিতীগী পুন্সি মহিংগী মতাংদা খন্ন-নৈনবনা মরম ওইদুনা মরুওইবা ৱারেপশিং লৌবদা মতৌ করম্না থিন্থবগে হায়বগী মতাংদা পনখি। মহাক্না পনখি মদুদি মশাগী কান্নবা ফংনবগীদমক্তা তঙাইফদবা রিফোর্মশিংদগী মদুনা হেন্না মরুওইনা লৌখি, মসিনা লৈবাক অসিদা অৱাবা কয়া থোকহনখি। মহাক্না হায়খি মদুদি করিগুম্বা লৈবাক অমনা শোর্ত-তর্ম ওইবা রাজনিতীগী ৱাখল্লোনগী মখা পোন্না ৱারেপ লৌরবদি, লৈবাক অমত্তনা চাউখৎপা ঙম্লোই। মহাক্না ফোংদোকখি মদুদি, ৱারেপ লৌবদা "নেসন ফার্স্ত" অসি খক্তমক ক্রীতরিয়ম ওইরকপা মতমদা তশেংবা খুমাং চাউশিনবা লাকই। মহাক্না হায়খি মদুদি হৌখিবা চহি তরাগী খুজিং কয়াদা ভারতনা মসিগী ৱাখল্লোন অসি ঙাক্না চৎলি অমসুং লৈবাক অসিনা মসিগী থৌওং অসিগী মহৈ অদু হৌজিক উবা ফংলি।
"হৌখিবা চহি 10-11 অসিদা, ঐখোয়গী সরকারনা মতম শাংনা লৈরম্বা, রাজনিতীগী ওইবা ৱিল লৈতবা অমসুং চহি কয়াগী মমাংদগী লোইশিন্দ্রিবা ৱাফমশিং কোকহন্নবা ৱারেপ লৌবা য়াবা থবক কয়া পায়খৎলে" হায়না ফোংদোক্লদুনা প্রধান মন্ত্রীনা বেঙ্কিং সেক্তর অসি মরু ওইবা খুদম অমনি মরমদি বেঙ্কিংনা ইকনোমীগী য়াংলেনশরু ওইরি। মহাক্না নিংশিংখি মদুদি 2014গী মমাংদা, ভারতকী বেঙ্কশিং অসি কাইবগী পনখৈদা লৈরম্মি, অমসুং শেল-থুমগী মীফম খুদিংমক্তা বেঙ্কিং লোসশিংগী মতাংদা খন্ন-নৈনরম্মি। অদুম ওইনমক, ঙসিদি, ভারতকী বেঙ্কিং সেক্তর অসি মালেমদা খ্বাইদগী মপাঙ্গল কল্লি, বেঙ্কশিংনা রেকোর্দ ওইবা লন-থুমগী রিপোর্ত তৌরি অমসুং দিপোজিতরশিংনা রিফোর্মশিং অসিগী কান্নবা ফংলি হায়না মহাক্না পনখি। প্রধান মন্ত্রীনা বেঙ্কিং সেক্তরদা মহাক্কী সরকারনা লেপ্পা লৈতনা হোৎনরিবা অসিগীদমক থাগৎপা ফোংদোকখি। মহাক্না মরুওইবা রিফোর্মশিং, লৈবাক অসিগী কান্ননবগীদমক অপীকপা বেঙ্কশিং পুনশিন্নবা অমসুং ফাইনান্সিএল ইন্সতিত্যুসনশিং মপাঙ্গল কনখৎহন্নবা লৌখৎলিবা খোঙথাংশিং অদু পনখি। এয়র ইন্দিয়াগী মমাংগী ফিভমগী মতাংদসু মহাক্না পনখি। এয়রলাইন্স অসি লৈবাক অসিদা লুপা করোর লিশিং কয়া মাংহনখি, অদুগা মমাংগী সরকারশিংনা শেমদোক্নবা খোংথাং লৌখৎপগী ৱাখল খল্লমদে। মহাক্না হায়খি মদুদি মহাক্কী সরকারনা মখা তানা মাংবা থীংনবা তঙাই ফদবা ৱারেপশিং লৌখি। ঐখোয়গী সরকারগীদমক্তা, লৈবাক অসিগী কান্নবা অসি খ্বাইদগী মরু ওই হায়না মহাক্না অমুক হন্না ফোংদোকখি।
গভর্নান্সকী মরুওইবা অহোংবা অমা পল্লদুনা, হান্নগী প্রধান মন্ত্রী অমনা লায়রবশিংগীদমক্তা থাদোকপা সরকারগী শেনফমগী চাদা 15 খক্তমক মখোয়দা ফংহল্লি হায়না ফোংদোকখিবা নীংশিংলদুনা, শ্রী মোদীনা হায়খি মদুদি চহি কয়া অসিদা সরকার হোংলক্লবসু, কান্নবা ফংলবশিংদা হকথেংননা শেলগী মতেং ফংহন্নবা অকনবা খোঙথাং অমত্তা লৌখৎখিদে। মহাক্না হায়খি মদুদি মখোয়গী সরকারনা দাইরেক্ত বেনিফিৎ ত্রান্সফর (DBT) রিফোর্ম অসিনা সরকারগী স্কিমশিংদা লৈরম্বা অশোই-অঙামশিং মুত্থৎলে অমসুং মসিদগী কান্নবা ফংলবা মীওইশিংদা হকথেংননা শেলগী কান্নবা ফংহল্লে হায়না মহাক্না অকনবা ৱাফম থমখি। মহাক্না হায়খি মদুদি সরকারগী রেকোর্দশিংদা হান্নদি লৈখিদ্রিবা, অদুবু কান্নবা ফংলিবা মীওই করোর 10গী শাশিন্নবা বেনিফিসরীশিং য়াওরি। হায়রিবা মিংশিং অসি মমাংগী এদমিনিস্ত্রেসনশিংনা শেমখিবা সিস্তেম অমদা য়াওখি। শ্রী মোদীনা হায়খি মদুদি মহাক্কী সরকারনা ওফিসিএল রেকোর্দশিংদগী অরানবা এন্ত্রি করোর 10 অসি লৌথোকখ্রে অমসুং DBTগী খুত্থাংদা শেল অসি হকথেংননা হকথেংননা বেঙ্ক একাউন্তশিংদা ত্রান্সফর তৌখ্রে। রিফোর্ম অসিনা লুপা কোতি লাখ 3.5 হেনবনা অরানবা খুৎতা চংহন্দনবা ঙাকথোক্লে হায়না মহাক্না ফোংদোকখি।
প্রধান মন্ত্রীনা ৱান রেঙ্ক ৱান পেন্সন (OROP) স্কিমগী থবক ওইনা পাংথোকপদা চহি কয়াগী মতুংদা লাকখিবা অদু পনখি। মহাক্না হায়খি মদুদি মমাংগী সরকারশিংনা শেল থুমগী চৈথেং পীরগনি হায়রদুনা প্রপোজেল অদুবু য়াখিদে, অদুবু মহাক্কী সরকারনা মখোয়গী পুন্সিবু নেস্নেল সেক্যুরিতীদা কত্থোক্লম্বা মীওইশিংগী কান্নবশিংবু অহানবদা থম্লি। OROPনা মিলিতরী ইমুং মিলিয়ন কয়াদা কান্নবা পীখ্রে হায়না মহাক্না ফোংদোকখি। মহাক্কী সরকারনা স্কিম অসিগী মখাদা হান্নগী সর্বিসমেনশিংদা লুপা কোতি লাখ 1.25 হেন্না পীখ্রে হায়না মহাক্না অকনবা ৱাফম থমখি। প্রধান মন্ত্রীনা শেন্মিৎলোনগী ওইনা খুদোংচাদবা ফীভমদা লৈরিবা ইমুংশিংগীদমক রিজার্বেসনগী ৱাফমসু থমখি। মহাক্না হায়খি মদুদি চহি কয়া খন্ন-নৈনরবসু, অকনবা খোঙথাং অমত্তা লৌখৎখিদে। মহাক্না হায়খি মদুদি মহাক্কী সরকারনা পোলিসী অসিবু থবক ওইনা পাংথোক্নবা অকনবা খোঙথাং লৌখৎলি। লোক সভা অমসুং রাজ্যগী এসেমব্লীশিংদা নুপীশিংগী 33% রিজার্বেসনগী মতাংদা, প্রধান মন্ত্রীনা মসিগী খোংজেলদা অৱাবা ওইহল্লম্বা মমাংগী রাজনিতীগী ওইবা অৱাবা কয়া অদু নৌহৌনা নীংশিংখি। মহাক্না ফোংদোকখি মদুদি লনাইগী কান্নবশিংনা মরম ওইদুনা মরুওইবা রিফোর্ম অসিবু তপথহনখি, অদুবু মহাক্কী সরকারনা রাজনিতীগী মীহুৎ ওইবগী খুত্থাংদা নুপীশিংদা শক্তি পীনবা আইন শেমদুনা নেস্নেল ইন্তরেস্তকী প্রিন্সিপল অদু ঙাক্না চৎখি।
ভোৎ বেঙ্ককী মতাংদা রাজনিতীগী ওইবা মরমনা মরম ওইদুনা মমাংদা মরুওইবা হীরম কয়া অমা থৱোইনা নাথৈখি হায়না পল্লদুনা শ্রী মোদীনা ত্রিপল তলাক্কী খুদম পনখি। তলাক অসিনা মুস্লিম নুপী কয়াদা অৱাবা কয়া মায়োক্নখি, অদুবু মমাংগী সরকারশিংনা মখোয়গী অৱাবা অদুদা পুক্নিং চংলমখিদে। মহাক্না হায়খি মদুদি মহাক্কী সরকারনা নুপীশিংগী হকশিং অমসুং মুস্লিম ইমুংশিংগী য়াইফ-থৌরাংবু ত্রিপল তালাক্কী মায়োক্তা আইন শেমদুনা, অচুম্বা ৱায়েল অমসুং শক্তি পীবা ফংহন্দুনা মরুওইবা পীরি। মহাক্না ৱাকফ এক্তকী রিফোর্মশিং তৌবগী মতম শাংনা মথৌ তারিবা অদুসু পনখি। দরকার ওইবা এমেন্দমেন্তশিং অসি রাজনিতীগী ওইবা মরমশিংদগী দিকেদ কয়াগী মমাংদগী লেপখিবনি। শ্রী মোদীনা হায়খি মদুদি মহাক্কী সরকারনা হৌজিক মরুওইবা অহোংবা কয়া অমা পুরকখ্রে। মসিনা মুস্লিম মমাশিং, ইচিল-ইনাওশিং অমসুং খুন্নাই অসিগী শেন্মিৎলোনগী ওইনা শোত্থরবা কাংলুপশিংদা তশেংনা কান্নবা ফংহল্লগনি।
মহাক্কী সরকারনা লৌখৎলিবা মরুওইবা খোংথাং - তুরেলশিং শম্নবা অদু পল্লদুনা প্রধান মন্ত্রীনা হায়খি মদুদি চহি কয়াগী মমাংদগী, ঈশিংগী ৱাথোকশিংনা খন্ন-নৈনবদা মরুওইবা ওইদুনা লাক্লি, অদুবু মহাক্কী সরকারনা রাজ্য সরকারশিংগা খুৎশম্নদুনা তুরেলশিং শম্ননবা অচৌবা কেম্পেন অমা হৌদোকখ্রে। প্রধান মন্ত্রীনা কেন-বেৎৱা লিঙ্ক প্রোজেক্ত অমসুং পার্বতী-কালিসিন্দ-চম্বল লিঙ্ক প্রোজেক্তগুম্বা মরুওইবা প্রোজেক্তশিং পনখি। মহাক্না হায়খি মদুদি মসিগী খোংথাংশিং অসিনা লৌমী মিলিয়ন কয়াদা ঈশিং ফংহন্দুনা কান্নবা ফংহল্লগনি। ঈশিংগী রিসোর্সশিংগী মতাংদা মেদিয়াদা হৌজিক চত্থরিবা খন্ন-নৈনবগী মতাংদা মহাক্না পনখি। মমাংদা ভারতকী মশাগী ঈশিংগী শরুক অসি মসিগী ঙমখৈ ৱাংমদা চেল্লম্বগী থৌওং অদু মহাক্না ফোংদোকখি। মহাক্না হায়খি, "ভারতকী ঈশিং অসি লৈবাক অসিগী চাউখৎ-থৌরাংগীদমক্তা মসিগী অচুম্বা পান্দম অদু ফংহন্দুনা লৈবাক অসিগী মনুংদা লৈগনি।"
শ্রী মোদীনা হায়খি মদুদি অনৌবা পার্লিয়ামেন্ত বিল্দিং শাবগী মতাংদা পাক শন্না খন্ন-নৈনরি, অদুবু মরুওইবা মায় পাকপা অমা উবা ফংদে মদুদি দিল্লীদা লৈবা অম্বেদকর নেস্নেল মেমোরিয়েল অসিনি। অল বিহারী বাজপেয়ীগী সরকারগী মতমদগী হৌনা খোংথাং অসি হৌদোকখিবনি, অদুবু শাবা অসি চহি তরাগী খুজিং অমা লেপখি হায়না মহাক্না পনখি। মহাক্কী সরকারনা মেমোরিয়েল অসি লোইশিনবতা নত্তনা বাবাসাহেব অম্বেদকরগা মরী লৈনবা মরুওইবা মফমশিংবু পঞ্চতীর্থদা শেমগৎতুনা মহাক্কী লিগেসিবু মালেম্না শকখঙবা ঙম্লে হায়না মহাক্না অকনবা ৱাফম থমখি।
গভর্নান্সকী মতাংদা মীয়াম্না থাজবা য়াম্না লৈতবা মতম অমদা, 2014দা মহাক্কী সরকার শেমখিবগী ফিভম অদু নীংশিংলদুনা প্রধান মন্ত্রীনা হায়খি মদুদি মীওই খরনা দেমোক্রেসী অমসুং চাউখৎপা পুন্না লৈমিন্নবা ঙমগদ্রা হায়না হংনবা হৌরকখি। “ঙসিগী ভারত অসি দেমোক্রেসীগী শক্তিগী খুদম্নি, দেমোক্রেসী দেলিভর তৌবা ঙম্মী হায়বা অদু চাউথোকচবগা লোয়ননা উৎলি।" হৌখিবা চহি তরা অসিদা, মীওই কোতি 25না লাইরবদগী থোরকপা ঙমখ্রে, মসিনা মালেমদা গভর্নান্সকী ইফেক্তিবিতীগী মতাংদা মপাঙ্গল লৈবা পাউজেল অমা পীরি হায়না প্রধান মন্ত্রীনা ফোংদোকখি। মহাক্না হায়খি মদুদি মুদ্রা য়োজনাগী মখাদা লোন ফংলবা অপীকপা ওন্তপ্রিন্যুওর লাখ কয়াদা দেমোক্রেসীগী পোজিতিব ইম্পেক্ত অসি মশানা থেংনরে। মসিগীসু মথক্তা, মতম অমদা শোত্থরে হায়না লেবেল তৌরবা দিস্ত্রিক্ত কয়া অমা এস্পিরেস্নেল দিস্ত্রিক্তশিংদা ওন্থোকখ্রে, মরুওইবা চাউখৎ-থৌরাংগী পেরামিতরশিংদা ফগৎলে। মসিনা মখা তানা উৎলি মদুদি দেমোক্রেসীনা মশক থোকপা মহৈ পুথোকপা ঙম্মি। প্রধান মন্ত্রীনা মখা তানা হায়খি মদুদি ভারতকী ত্রাইবেল কম্ম্যুনিতীশিং, খ্বাইদগী শোত্থরবা কাঙলুপ খরা য়াওনা পুৱারীগী ওইনা চাউখৎ-থৌরাংগী মপান্দা থম্লি। পি.এম. জনমান য়োজনাগী থবক পায়খৎপগা লোয়ননা, হায়রিবা কম্ম্যুনিতীশিং অসিনা হৌজিক্তি সরকারগী সর্বিসশিং ফংহল্লে। মসিনা দেমোক্রেসীগী শক্তিদা মখোয়গী থাজবা অদু মপাঙ্গল কনখৎহল্লে। অশেংবা দেমোক্রেসীনা দিবেলপমেন্ত অমসুং নেস্নেল রিসোর্সশিং অসি খেন্নবা লৈতনা অরোইবা নাগরিক ফাওবা য়ৌহন্নবগী থাজবা পীরি হায়না মহাক্না ফোংদোকখি অমসুং মহাক্কী সরকারনা মসিগী মরুওইবা পান্দম অসিদা লেপ্লি হায়না মহাক্না ফোংদোকখি।
ভারতনা খোঙজেল য়াংনা চাউখৎলকপা, চাউখৎপা ৱাখল্লোন, অচেৎপা ৱারেপ অমসুং অচেৎপা নুংশি-চান্নবনা মপাঙ্গল কনখৎহল্লিবা তুংলমচৎ অমা শেমগৎলি হায়না পল্লদুনা শ্রী মোদীনা হ্যুমেন-সেন্ত্রিক গ্লোবেলাইজেসনগী মায়কৈদা অহোংবা পুরক্লিবা অদু পনখি। মসিদা গ্রোথ অসি কৈথেল খক্তনা চংশিল্লোইদবনি অদুবু ইকাই খুম্নবা অমসুং মীয়ামগী অপাম্বশিং মপুং ফাহল্লগনি। মহাক্না হায়খি, "ঐখোয়গী সরকারনা GDP-সেন্ত্রিক এপ্রোচতগী GEP- সেন্ত্রিক প্রগ্রেসকী মায়কৈদা চংশিল্লি।" মহাক্না হায়খি, "মীপুম খুদিংমকপু শক্তি পীনবা অমসুং খুন্নাইবু পুন্না চাউখৎহনবদা মীৎয়েং থম্লি।" ভিজন অসিবু শন্দোক্না তাক্লিবা মরুওইবা খোঙথাংশিং অদু পল্লদুনা মহাক্না হায়খি মদুদি লাইরবা ইমুং অমনা লেঙদবা য়ুম অমা ফংলবা মতমদা, মখোয়গী শক্তি অমসুং মশাগী ইকাই খুম্নবা হেনগৎলকই। সেনিতেসন ফেসিলিতীশিং শাবা মতমদা, মীপুম খুদিংমক্না ওপন দেফিকেসনগী ইকাই খুম্নদবা অদুদগী মী কয়াবু ফ্রী ওইহনখি। আয়ুশ্মান ভারতকী কান্নবা ফংলবশিংনা লুপা লাখ 5 ফাওবগী ওইবা হকশেলগী সর্ভিস ফংবা মতমদা, মখোয়গী খ্বাইদগী চাউবা শেল-থুমগী অৱা-অনা কোকহল্লি। অসিগুম্বা থৌরাং কয়া অসিনা ইনক্লুসিব অমসুং সেন্সিতিব দিবেলপমেন্তকী লম্বীদা হেন্না চেৎশিলহল্লি, মসিনা নাগরিক খুদিংমক শক্তি লৈহনগনি হায়না মহাক্না ফোংদোকখি।
সরকারগী মরুওইবা ৱাংঙুলোল 'নগরিক দেবো ভব' অসিবু নৌহৌনা নীংশিংলদুনা, মীয়ামগী সেবা তৌবদা অচেৎপা থাজবা থম্লদুনা, প্রধান মন্ত্রীনা হায়খি মদুদি মহাক্কী লৈঙাক্না নাগরিকশিংবু "মাই-বাপ" কলচরগী অরিবা চৎনবী অদু ঙাক্না চৎপগী মহুত্তা লৈঙাকপগী মরুওইবা থৌদাং ওইনা লৌরি। মহাক্না সরকারনা প্রজাশিংগীদমক এক্সেসিবিলিতী প্রোএক্তিব ওইনা লৈহনবা সর্ভিস ওরিয়েন্তেদ এপ্রোচকী মায়কৈদা অহোংবা লাকপদা পুক্নিং চিংশিনখি। মহাক্না হায়খি মদুদি মমাংদা, মীওইশিংনা মখোয়গী দোক্যুমেন্তশিং অসিবু এতেস্তেদ তৌনবগীদমক্তা সরকারগী ওফিসশিংদা হন্না হন্না চৎপা তারম্মি, অদুগা হৌজিক্তি সেল্ফ-এতেস্তেদ তৌবনা থৌওং অসিবু হেন্না লায়থোকহল্লে। থৌরম অদুদা নহা কয়া শরুক য়াখিবা অদু মহাক্না পনখি অমসুং দিজিতেল এদভান্সমেন্তনা মতৌ করম্না এদমিনিস্ত্রেতিব প্রোসেসশিং অসি স্ত্রীমলাইন তৌহনবগে, পব্লিক সর্ভিসশিং অসি হেন্না ইফিসিএন্ত অমসুং সিতিজন-ফ্রেন্দলী ওইহনবগে হায়বদু মহাক্না ফোংদোকখি।
শ্রী মোদীনা সরকারগী থৌওংশিংদা অহোংবা পুরক্লিবা, মখোয়বু হেন্না এক্সেসিবল অমসুং সিতিজন-ফ্রেন্দলী ওইহল্লক্লিবা অদু পনখি। মহাক্না চহি য়াম্লবা নাগরিকশিংনা থেংনরিবা শিংনবশিং অদু নীংশিংখি, মমাংদা মখোয়না চহি খুদিংগী ওফিসশিং নৎত্রগা বেঙ্কশিংদা চৎতুনা মখোয়গী হিংলিবা অদুগী প্রমান পীবা মথৌ তাখি। মহাক্না হায়খি মদুদি মহাক্কী সরকারনা দিজিতেল সিস্তেম অমা হৌদোক্লে, মসিনা সেনিয়র সিতিজনশিংদা মখোয়গী লাইফ সর্তিফিকেৎশিং রিমোৎকী মওংদা সবমিৎ তৌবগী খুদোংচাবা পীরি। মহাক্না হায়খি মদুদি ইলেক্ত্রিসিতী কনেক্সন ফংহনবা, ঈশিং তেপ ইনস্তোল তৌবা, বিল শিং থীবা, গ্যাস সিলিন্দর বুক তৌবা, অমসুং দেলিভরীশিং লৌশিনবা অসিনচিংবা রুতিনগী থবকশিং অসি করম্না হঞ্জিন হঞ্জিন চৎপা অমসুং থবক লেপ্পা মথৌ তাই। ঙসিদি, অসিগুম্বা সর্ভিস কয়া অমা ওনলাইন প্লেৎফোর্মশিংগী খুত্থাংদা স্ত্রীমলাইন তৌখ্রে, মসিনা নাগরিকশিংগী খুদোংচাদবা হন্থহল্লে হায়না মহাক্না ফোংদোকখি। শ্রী মোদীনা গবর্নমেন্ত অমসুং নাগরিকগী মরক্তা পাসপোর্ত, তেক্স রিফন্দ নৎত্রগা অতোপ্পা সর্ভিসশিংগী মতাংদা পাংথোকপা ইন্তরেক্সন খুদিংমক লাইনা, থুনা অমসুং ইফিসিএন্ত ওইহন্নবা মহাক্কী সরকারগী ফিরেপ অদু অমুক হন্না ফোংদোকখি। মহাক্না হায়খি মদুদি থৌওং অসি 2047 ফাওবদা চাউখৎলবা ভারত অমগী য়ুম্ফম মপাঙ্গল কনখৎহন্নবা 'নাগরিক দেবো ভাব'গী ৱাখল্লোনগা চান্নৈ।
ত্রেদিসন অমসুং প্রোগ্রেস অনিমক অমত্তা ওইনা মাংলোমদা চংশিনবগী ভারতকী তোপ তোপ্পা থৌওং অদু পল্লদুনা, "ভিকাস ভী, বিরাসত ভী"গীদমক লৈবাক্কী অচেৎপা ফিরেপ অদু পনখি। প্রধান মন্ত্রীনা হায়খি মদুদি ভারতনা ত্রেদিসন অমসুং তেক্নোলোজীনা মতৌ করম্না পুন্না চাউখৎপা ঙমগনি হায়বদু উৎলি। মহাক্না হায়খি মদুদি লৈবাক অসিনা দিজিতেল ত্রাঞ্জেক্সনশিংদা মালেমগী লুচিংবশিংগী মরক্তা লৈরি অমসুং য়োগ অমসুং আয়ুর্বেদপু মালেমগী থাক্তা পুখৎলি। মহাক্না হায়খি মদুদি হৌখিবা চহি তরা অসিদা FDI ইনফ্লোশিংদা রেকোর্দ ওইনা হেনগৎলকপগা লোয়ননা ভারতকী মালেমগী থাক্তা হেনগৎলক্লিবা অসি উৎলিবা, মমাংদা অমুক্তা ওইখিদ্রিবা মশিংদা, হুরানখিবা আর্তিফেক্তশিং অমসুং হেরিতেজ আইতেমশিং হল্লকপা অসিদা মহাক্না অকনবা ৱাফম থমখি। প্রধান মন্ত্রীনা হায়খি মদুদি ভারত অসি হৌজিক মালেমগী অনিশুবা খ্বাইদগী চাউবা মোবাইল ফোন পুথোকপা লৈবাক ওইরে অমসুং মিল্লেৎকুম্বা সুপরফুদ পুথোকপা লৈবাক অমা ওইরে। মসিগী মথক্তা, মহাক্না সোলর ইনর্জীদা লৈবাক অসিনা ফংলিবা এচিবমেন্তকী মতাংদা পনখি। মসিনা রিন্যুএবল ইনর্জীদা ভারতকী লুচিংবা ওইবগী মগুন অদু মপাঙ্গল কনখৎহন্দুনা পুথোকপা কেপাসিতী100 GW হেনখ্রে।
শ্রী মোদীনা অকনবা ৱাফম থমখি মদুদি প্রোগ্রেসকীদমক্তা মীওই অমগী কলচরেল রুতশিং থাদোকপা মথৌ তাদে। মহাক্না হায়খি মদুদি ভারতনা মাগী হেরিতেজগা মরী লৈন্দুনা লৈরক্লিবমখৈ, মোদর্ন এদভান্সমেন্তকা লোয়ননা মসিগী ইন্তিগ্রেসন অসি মপাঙ্গল কনখৎলগনি। মহাক্না হায়খি মদুদি ভারতনা মাগী অরিবা লিগেসী অসি ঙাক-শেন্দুনা লাক্লি অমসুং তুংলমচৎকী শক্তিগী সোর্স অমা ওইহন্নবা হোৎনরি। 2047 ফাওবদা চাউখৎলবা ভারত অমা ওইহন্নবা খোঙথাং খুদিংমক মরু ওই হায়না মহাক্না ফোংদোকখি। মহাক্না ফোংদোকখি মদুদি মীয়াম্না গভর্নমেন্তকী ৱারেপশিং অদুগী মলতিপ্লায়র ইফেক্ত অদু খঙবা ঙমদে। মহাক্না মীদিয়া অমসুং কন্তেন্ত ক্রিএসন সেক্তরগী খুদম পীরদুনা চহি তরাগী মমাংদা মহাক্না দিজিতেল ইন্দিয়াগী মতাংদা ৱা ঙাংখিবা অদু নীংশিংখি। ঙসিদি, দিজিতেল ইন্দিয়ানা নুমিৎ খুদিংগী পুন্সিদা মপুং ফানা পুনশিল্লে হায়না মহাক্না পনখি। শ্রী মোদীনা দিজিতেলগী লমদা অহোংবা পুরকপদা মমল হোংবা দেতা অমসুং লৈবাক অসিদা শাজবা স্মার্তফোনশিংগী কান্নবা ফোংদোকখি। দিজিতেল ইন্দিয়ানা পুন্সি মহিং লাইথোকহনবগা লোয়ননা, কন্তেন্ত অমসুং ক্রিয়েতিবিতীদা মসিনা পীরিবা ইথিল অদু মহাক্না ফোংদোকখি। দিজিতেল প্লেৎফোর্মশিংনা মতৌ করম্না মীওইশিংবু শক্তি পীরকপগে হায়বগী খুদমশিংসু মহাক্না পনখি। মহাক্না খুঙ্গংগী নুপী অমনা মিলিয়ন কয়াগী সবস্ক্রাইবরশিংগা লোয়ননা মাই পাকপা ঙমখিবা, ত্রাইবেলগী নহারোল অমনা মালেমগী মীয়ামদা ত্রেদিস্নেল আর্ত উৎলিবা, অমসুং মহৈরোই অমনা তেক্নোলোজীবু অনৌবা মওংদা শন্দোক্না তাক্লিবা অসিগী খুদমশিং পনখি। ইকুই কুইদ্রিঙৈদা মুম্বাইদা পাংথোকখিবা WAVES সম্মিৎতা মীদিয়া, এন্তর্নমেন্ত অমসুং ক্রিয়েতিব ইন্দস্ত্রীগী মালেমগী লুচিংবশিং শরুক য়াখিবা অদু পল্লদুনা শ্রী মোদীনা হায়খি মদুদি য়ুত্যুব খক্তনা হৌখিবা চহি অহুম অসিদা ভারতকী কন্তেন্ত ক্রিএতরশিংদা লুপা কোতি 21,000গী শেনফম পীখ্রে। মসিনা মখা তানা উৎলি মদুদি স্মার্তফোনশিং অসি কম্ম্যুনিকেসনগী খুৎলাইশিংদগী হেন্না ক্রীএতিবিতী অমসুং ইনকম জেনরেসনগীদমক শক্তি লৈরবা খুৎলাইশিং ওইরক্লি।
2047 ফাওবদা চাউখৎলবা ভারত অমগী মঙলান অসি আত্মনির্ভর ভারতকী থৌরাংগা নক্না মরী লৈনৈ হায়না পল্লদুনা প্রধান মন্ত্রীনা হায়খি, "আত্মনির্ভর ভারত অসি মতম পুম্নমক্তা ভারতকী শেন্মিৎলোনগী DNAগী মরুওইবা শরুক অমা ওইদুনা লাক্লি।" মহাক্না মখা তাখি মদুদি চহি কয়াগী মমাংদগী লৈবাক অসি মেনুফেকচরর অমা ওইনা নত্তনা মার্কেত অমা ওইনা খন্নরম্মি। মহাক্না ফোংদোকখি মদুদি হায়রিবা ৱারোল অসি হৌজিক হোংলক্লি অমসুং লৈবাক 100 হেনবদা দিফেন্স প্রদক্তশিং সপ্লাই তৌদুনা ভারত অসি মরুওইবা দিফেন্স মেনুফেকচরর অমসুং এক্সপোর্তর অমা ওইরক্লি। মহাক্না দিফেন্স এক্সপোর্তশিং লেপ্তনা হেনগৎলক্লিবা অদু খঙদোকখি অমসুং INS বিক্রান্ত, INS সুরত অমসুং INS নীলগিরি য়াওনা ভারতকী মশাগী নেভেল ফ্লিৎকী মপাঙ্গল অদু পনখি। ইলেক্ত্রোনিক্স মেনুফেকচরিংগুম্বা মমাংদা মসিগী মপাঙ্গলগী মপান্দা লৈ হায়না লৌনরম্বা সেক্তরশিংদা ভারতনা মপাঙ্গল কনবা ঙম্লে হায়না প্রধান মন্ত্রীনা ফোংদোকখি। মহাক্না হায়খি মদুদি হৌখিবা চহিশিংদা লৈবাক অসিনা ইলেক্ত্রোনিক প্রদক্তশিং মশিং য়াম্লবা এক্সপোর্তর অমা ওইরক্লি, লোকেল ইনোভেসনশিং মালেমগী কৈথেলশিংদা য়ৌরক্লি। হৌখিবা চহিদা ভারতকী অপুনবা এক্সপোর্ত অসি রেকোর্দ ওইনা দোল্লর বিল্লিয়ন 825 য়ৌখি হায়না মহাক্না ফোঙদোক্লদুনা হৌখিবা চহি তরাগী মনুংদা শরুক অনি হেনগৎলকখি। মসিগী খোঙজেল অসি হেন্না য়াংশিনহন্নবা, মহাক্না ভারতকী পোত্থোক পুথোকপগী তৌবা ঙম্বশিংবু অনৌবা অৱাংবা থাক্তা পুখৎনবা পান্দম থমদুনা খ্বাইদগী নৌবা বজেৎ অসিদা মিসন মেনুফেকচরিং হৌদোক্লে হায়না লাউথোকখি। মহাক্না হায়খি, "ভারতকী মেনুফেকচরিংগী মপাঙ্গল হেনগৎলকপনা মালেমগী থাক্তা মশাগী ওইবা মশক অমা শেম্বা, অনৌবা পুথোকপা অমসুং অওনবা পুরকপা মীওই অমা ওইহল্লক্লি।"
চহি তরাগী খুজিং অসিনা লাক্কদৌরিবা চহি চা কয়াদা ভারতকী খোঙচৎ মশক তাক্কনি হায়না পল্লদুনা শ্রী মোদীনা হায়খি মদুদি লৈবাক অসিগী তুংলমচৎ শেমগৎপদা চহি তরাগী খুজিং অসি য়াম্না মরু ওই। মহাক্না থাজবা থমখি মদুদি ত্রান্সফোর্মেসনগী স্পিরিত অসি লৈবাক অসিগী নাগরিক, ইন্সতিত্যুসন অমসুং সেক্তর খুদিংদা উবা ফংলি। সম্মিৎ অদুদা খন্ন-নৈনখিবশিং অসিনা চাউখৎপগী অপুনবা মীৎয়েং অদু উৎলি হায়না পল্লদুনা শ্রী মোদীনা সম্মিৎ অসি মায় পাক্না শীনবগীদমক ABP নেৎৱার্কপু থাগৎপা ফোংদোকখি।
***
(Release ID: 2127398)
Visitor Counter : 6
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada