કેન્દ્રીય માહિતી અને પ્રસારણ રાજ્યમંત્રી ડૉ. એલ. મુરુગને "ભારતની લાઇવ ઇવેન્ટ્સ ઇકોનોમી: એક વ્યૂહાત્મક વૃદ્ધિ આવશ્યક" - માહિતી અને પ્રસારણ મંત્રાલય દ્વારા કમિશન કરાયેલ અને WAVES 2025ના જ્ઞાન ભાગીદારોમાંના એક, ઇવેન્ટ FAQs મીડિયા દ્વારા તૈયાર કરાયેલ તેના પ્રકારનું પ્રથમ શ્વેતપત્રનું અનાવરણ કર્યું હતું.

આ લોન્ચ કાર્યક્રમમાં માહિતી અને પ્રસારણ મંત્રાલયના સચિવ શ્રી સંજય જાજુ, વરિષ્ઠ આર્થિક સલાહકાર શ્રી આર.કે. જેના, સંયુક્ત સચિવ શ્રીમતી મીનુ બત્રા અને સંયુક્ત સચિવ (પ્રસારણ) શ્રી પ્રીથુલ કુમાર ઉપસ્થિત રહ્યા હતા. EVA લાઈવ અને ઇવેન્ટ FAQsના મેનેજિંગ ડિરેક્ટર શ્રી દીપક ચૌધરી પણ હાજર રહ્યા હતા.

શ્વેતપત્ર ભારતના ઝડપથી વિસ્તરતા લાઇવ મનોરંજન ઉદ્યોગનું વ્યાપક વિશ્લેષણ રજૂ કરે છે, જેમાં ઉભરતા વલણો, વિકાસના માર્ગો અને ક્ષેત્રના સતત વિકાસ માટે વ્યૂહાત્મક ભલામણો પર પ્રકાશ પાડવામાં આવ્યો છે.

ભારતના લાઇવ ઇવેન્ટ્સ લેન્ડસ્કેપમાં પરિવર્તન આવી રહ્યું છે - એક વિભાજિત ક્ષેત્રથી દેશના સાંસ્કૃતિક અને સર્જનાત્મક અર્થતંત્રના માળખાગત અને પ્રભાવશાળી સ્તંભમાં. 2024થી 2025 સુધીનો સમયગાળો એક નિર્ણાયક વળાંક દર્શાવે છે. જેમાં કોલ્ડપ્લે જેવા આંતરરાષ્ટ્રીય કાર્યક્રમો અમદાવાદ અને મુંબઈમાં રજૂ થઈ રહ્યા છે, જે વૈશ્વિક સ્તરે ઇવેન્ટ્સનું આયોજન કરવા માટે ભારતની તૈયારીનો સંકેત આપે છે .

આ ક્ષેત્રના મુખ્ય વલણોમાં ઇવેન્ટ ટુરિઝમનો ઉદય સામેલ છે. જેમાં લગભગ અડધા મિલિયન ઉપસ્થિતો ખાસ કરીને લાઇવ મ્યુઝિક ઇવેન્ટ્સ માટે મુસાફરી કરે છે - જે એક મજબૂત સંગીત-પર્યટન અર્થતંત્રના ઉદભવનો સંકેત આપે છે. પ્રીમિયમ ટિકિટિંગ સેગમેન્ટ્સ - જેમ કે VIP અનુભવો, ક્યુરેટેડ ઍક્સેસ અને લક્ઝરી હોસ્પિટાલિટી - માં વાર્ષિક ધોરણે 100% થી વધુ વૃદ્ધિ જોવા મળી છે. જે અનુભવ-આધારિત પ્રેક્ષકોમાં વધારો દર્શાવે છે. ટાયર-2 શહેરોમાંથી ભાગીદારીમાં વધારો થયો છે, જે બહુ-શહેરી પ્રવાસો અને પ્રાદેશિક તહેવારોની વધતી જતી લોકપ્રિયતાને કારણે છે.

આ ગતિ નોકરીઓ અને પ્રતિભા વિકાસ પર આ ક્ષેત્રના વધતા પ્રભાવમાં પણ પ્રતિબિંબિત થાય છે. જીવંત મનોરંજન હવે ભારતના સર્જનાત્મક અર્થતંત્ર માટે એક બાજુની નોંધ નથી; તે એક વ્યૂહાત્મક લીવર છે જે રોજગારને પ્રોત્સાહન આપે છે અને કૌશલ્ય વિકાસને આગળ ધપાવે છે. વર્તમાન લેન્ડસ્કેપમાં મોટા પાયે થતી ઘટનાઓ સામાન્ય રીતે આશરે 2,000 થી 5,000 કામચલાઉ નોકરીઓ ઉત્પન્ન કરે છે. જે આજીવિકાને ટેકો આપવા અને ગતિશીલ કાર્યબળને પ્રોત્સાહન આપવામાં આ ક્ષેત્રની વધતી જતી ભૂમિકા પર ભાર મૂકે છે.

આ કાર્યક્રમમાં માહિતી પ્રસારણ મંત્રાલય દ્વારા સ્ટેટિસ્ટિકલ હેન્ડબુક ઓન મીડિયા એન્ડ એન્ટરટેઈનમેન્ટ સેક્ટર 2024-25, બોસ્ટન કન્સલ્ટિંગ ગ્રુપ (BCG) દ્વારા 'ફ્રોમ કન્ટેન્ટ ટુ કોમર્સ: મેપિંગ ઈન્ડિયાઝ ક્રિએટર ઈકોનોમી', અર્ન્સ્ટ એન્ડ યંગ દ્વારા 'એ સ્ટુડિયો કોલ્ડ ઈન્ડિયા' અને ખૈતાન એન્ડ કંપની દ્વારા 'લીગલ કરંટ: એ રેગ્યુલેટરી હેન્ડબુક ઓન ઈન્ડિયાઝ મીડિયા એન્ડ એન્ટરટેઈનમેન્ટ સેક્ટર 2025' સહિત મુખ્ય અહેવાલોનું વિમોચન પણ થયું હતું.

કેન્દ્રિત રોકાણો, નીતિ સહાય અને માળખાગત સુધારાઓ સાથે, ભારત 2030 સુધીમાં વૈશ્વિક સ્તરે ટોચના પાંચ જીવંત મનોરંજન સ્થળોમાં સ્થાન મેળવવાના માર્ગ પર છે. જે આર્થિક વિકાસ, રોજગાર સર્જન, પર્યટન અને વૈશ્વિક સાંસ્કૃતિક હાજરીમાં વધારો કરવા માટે નવા માર્ગો ખોલે છે.

રીઅલટાઇમ પર સત્તાવાર અપડેટ્સ માટે કૃપા કરીને અમને અનુસરો:

X પર :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

ઇન્સ્ટાગ્રામ પર:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com