मुंबई, 2 मे 2025

वेव्ह्स परिषदेचा महत्वाकांक्षी उपक्रम असलेला ‘वेव्ह्स बझार’  म्हणजे  माध्यम आणि मनोरंजन उद्योगातील आंतरराष्ट्रीय सहकार्याला चालना देणारे प्रभावी साधन म्हणून उदयाला आले आहे. विविध देशांच्या निर्मात्यांना गुंतवणूकदार आणि खरेदीदारांशी जोडून त्यांच्यातील सहकार्याला चालना देण्यासाठी डिझाईन केलेला हा उपक्रम भारताला आशयाचे  वाणिज्यिक  धोरणात्मक केंद्र बनवण्यासाठी सज्ज झाला  आहे. वेव्ह्स बझार 2025 मध्ये आतापर्यंत 250 कोटींहून अधिक रकमेचा व्यवहार झाले असून, मोठ्या आंतरराष्ट्रीय सहकार्याचा हा  प्रारंभ आहे, असे   माहिती आणि प्रसारण सचिव संजय जाजू यांनी आज मुंबईत वेव्ह्स आंतरराष्ट्रीय परिषदेत सांगितले.

वेव्ह्स बझारने पहिल्याच सत्रात  दक्षिण कोरिया, जपान, अमेरिका, जर्मनी, रशिया, नेदरलँड्स आणि न्यूझीलंडसह 22 हून अधिक देशांमधील आघाडीच्या व्यावसायिकांना एकत्र आणले असून, यात 95 जागतिक खरेदीदार आणि 224 विक्रेत्यांचा सहभाग आहे. मुख्य खरेदीदारांमध्ये नेटफ्लिक्स, अॅमेझॉन प्राईम व्हिडिओ, मेटा, डिस्ने स्टार, झी एंटरटेनमेंट, बनिजय एशिया, वॉर्नर ब्रदर्स, डिस्कव्हरी, सोनी लिव्ह, वायआरएफ, धर्मा, जिओ स्टुडिओज, रॉटरडॅम फिल्म फेस्टिव्हल आणि रश्लेक मिडिया यांचा समावेश होता.

व्ह्यूइंग रूम आणि मार्केट स्क्रीनिंग्ज:

115 चित्रपट निर्मात्यांनी आपले पूर्ण झालेले प्रकल्प आंतरराष्ट्रीय खरेदीदारांना सादर केले. व्ह्यूइंग रूममधून ‘टॉप सिलेक्ट्स’  म्हणून 15 सर्वोत्कृष्ट प्रकल्पांची निवड करण्यात आली आणि त्याचे थेट प्रदर्शन करण्यात आले. ख्यातनाम कास्टिंग डायरेक्टर मुकेश छाब्रा यांच्या हस्ते या चित्रपट निर्मात्यांना सन्मानित करण्यात आले, तर अभिनेता टायगर श्रॉफ निवड झालेल्या एका शीर्षकाचा पुरस्कार करताना उपस्थित राहिला. मार्केट स्क्रिनिंगमध्ये प्रतिभावान चित्रपट निर्मात्यांचे 15 उल्लेखनीय आणि प्रशंसा प्राप्त प्रकल्प प्रदर्शित करण्यात आले.  

पिच रूम: 104 प्रकल्प प्रवेशिकांमधून, 16 निवडक प्रकल्प ‘लाइव्ह पिच’  करण्यासाठी निवडले गेले, ज्यामुळे सुरुवातीच्या टप्प्यातील सर्जकांना वेव्हज बाजारच्या 2 दिवसांहून अधिक काळ उद्योग हितधारकांशी थेट संवाद साधण्यासाठी एक मंच उपलब्ध झाला. 

बी2बी खरेदीदार-विक्रेता बाजार: वेव्हज बाजारने 1 ते 3 मे दरम्यान फिक्की (फेडरेशन ऑफ इंडियन चेंबर्स ऑफ कॉमर्स अँड इंडस्ट्री) च्या सहकार्याने भारतातील पहिल्या समर्पित बी2बी खरेदीदार-विक्रेता बैठका सुरू केल्या, ज्यामुळे लक्ष्यित व्यवहार आणि सर्जनशील व्यवसाय विकास शक्य झाला.

प्रारंभीचे व्यवसाय फलित 

वेव्हज बाजारने बाजाराच्या पहिल्या दीड दिवसात चित्रपट, संगीत, अॅनिमेशन, रेडिओ आणि व्‍हीएफएक्स  क्षेत्रात ₹250 कोटी किमतीचे निश्चित व्यवहार नोंदवले. पुढील दोन दिवसांत हा आकडा लक्षणीयरीत्या वाढण्याची अपेक्षा आहे आणि 400 कोटीपार जाण्याची अपेक्षा आहे.

2 मे 2025 रोजी उल्लेखनीय सौदे आणि महत्त्वाच्या घोषणा

खिडकी गाव या सर्वोत्कृष्ट निवडक चित्रपटाने आशियाई सिनेमा निधीसोबत निर्मितीपश्चात आणि व्हीएफएक्स करार केला. आशियाई सिनेमा निधी (एसीएफ) हा बुसान आंतरराष्ट्रीय चित्रपट महोत्सवाचा एक समर्थन कार्यक्रम आहे जो आशियाई चित्रपटांसाठी निधी प्रदान करतो, ज्यामध्ये काल्पनिक आणि माहितीपट प्रकल्पांचा समावेश आहे.

इंडो-युरोपियन अ‍ॅनिमेशन अलायन्स (€30 दशलक्ष)

ब्रॉडव्हिजन पर्स्पेक्टिव्हज (इंडिया) आणि फॅब्रिक डी'इमेजेस ग्रुप (युरोप) यांनी चार अ‍ॅनिमेटेड चित्रपटांसाठी €30 दशलक्ष सह-निर्मिती कराराची घोषणा केली. €7-8 दशलक्ष बजेट असलेले प्रत्येक शीर्षक इंडो-फ्रेंच आणि इंडो-बेल्जियन करार चौकटीअंतर्गत विकसित केले जाईल. मार्क मेर्टेन्स (सीओओ, एफडीआय ग्रुप) आणि श्रीराम चंद्रशेखरन (संस्थापक आणि सीईओ, ब्रॉडव्हिजन) यांनी या युतीला औपचारिक मान्यता दिली, ज्यामुळे भारतातील आंतरराष्ट्रीय अ‍ॅनिमेशन सहकार्यासाठी एक नवीन मापदंड स्थापित झाला.

भारत-यूके सह-निर्मिती सामंजस्य करारावर स्वाक्षरी

एमांडा ग्रूम (संस्थापक आणि सीईओ, द ब्रिज, यूके) आणि मुंजल श्रॉफ (सह-संस्थापक, ग्राफिटी स्टुडिओज, भारत ) यांनी भारताच्या वसाहतवादी इतिहासाचा शोध घेणाऱ्या तथ्यात्मक मालिकेचा एक संच सह-विकसित करण्यासाठी सामंजस्य करारावर स्वाक्षरी केली. फिल्म बाजारपासून वर्षानुवर्षे सहकार्याने विकसित झालेली आणि कंटेंट इंडियामध्ये अंतिम रूप मिळालेली ही भागीदारी, आंतरराष्ट्रीय कथाकथनात एक महत्त्वपूर्ण पाऊल आहे.

"शिन चान इंडिया इयर" हा उपक्रम टीव्ही असाहीने सुरू केला आहे

टीव्ही असाहीने भारतातील फ्रँचायझीची प्रचंड लोकप्रियता साजरी करण्यासाठी "शिन चान इंडिया इयर" ची घोषणा केली आहे. ठळक वैशिष्ट्यांमध्ये हे समाविष्ट आहे:

• शिन चान: अवर डायनासोर डायरी या फ्रँचायझीचे 9 मे रोजी नाट्यमय प्रदर्शन
• दिवाळी 2025 मध्ये 'द स्पायसी कासुकाबे डान्सर्स इन इंडिया' या दुसऱ्या चित्रपटाचे प्रकाशन
• अ‍ॅनिमे इंडिया (ऑगस्ट) आणि मेला मेला जपान (सप्टेंबर) येथे चाहत्यांचे सहभाग कार्यक्रम

हा उपक्रम जागतिक ॲनिमे परिसंस्थेमधील भारताची वाढती भूमिका आणखी प्रस्थापित करतो आणि इंडो-जपानी सांस्कृतिक संबंध मजबूत करतो.

* * *

PIB Mumbai |S.Bedekar/Rajshree/Vasanti/Nandini/D.Rane