প্রধান মন্ত্রী শ্রী নরেন্দ্র মোদীনা ঙসি মুম্বাইগী জিও ৱর্ল্দ সেন্তরদা ভারতকী অসিগুম্বা মখলগী ইহান হানবা ৱর্ল্দ ওদিও ভিজুএল এন্দ এন্তরতেনমেন্ত সম্মিত, ৱেব্স ২০২৫ হৌদোকখ্রে‍। থৌরমদুদা তিল্লিবা মীয়ামদা ৱা ঙাংলদুনা, মহাক্না ঙসি পাঙথোক্লিবা মহারাস্ত্রগী নুমিৎ অমদি গুজরাত স্তেতহুদকী য়াইফ পাউজেল পীখি‍। মালেমগী মীথুংশিং, এম্বেসেদরশিং, অমদি ক্রিএতিব ইন্দস্ত্রীগী লুচিংবশিং য়াওরিবা পুম্নমকপু তরাম্না ওক্লদুনা, প্রধান মন্ত্রীনা থৌরম অদুগী মরুওইবা ৱাফমশিং থম্লদুনা, লৈবাক ১০০ হেনবগী আর্তিস্ত, ইনোভেতর, ইনভেস্তর, অমদি পোলিসীমেকরশিংনা তেলেন্ত অমদি ক্রিএতিবিতীগী মালেমগী ওইবা ইকোসিস্তেম অমগী য়ুম্ফম থোন্ননবা মফমসিদা পুল্লি হায়বা ৱাফম থমখি‍। “ৱেব্স, অসি এক্রোনীম অমখক্তা নত্তে, মসি কলচর, ক্রিএতিবিতী অমসুং য়ুনিভর্সেল কন্নেক্তিবিতীগী ঈথক ইপোম অমনি,” হায়রদুনা সম্মিত অসিনা ফিল্ম, ঈশৈ-নোংমাই, গেমিং, এনিমেসন, অমদি ৱারী লিবগী পাক চাউরবা তাইবং অসিবু উৎলি অমদি আর্তিস্ত অমসুং ক্রিএতরশিংবু মরী শাগৎনবা অমদি খুৎশম্ননা চৎমিন্ননবা মালেমগী ওইবা ফম্পাক অমা পীরি হায়খি‍। প্রধান মন্ত্রীনা শরুক য়ারিবা পুম্নমক্কী মফমদা পুৱারী ওইরবা থৌরম অদুগীদমক থাগৎপা ফোঙদোকখি অমদি ভারত অমসুং মপান লৈবাকশিংদগী লেঙলক্লিবা মশক নাইরবা মীথুংশিংবু তরাম্না ওকখি‍।

ৱেব্স সম্মিত্তা উরিবা ভারতকী ইনাক খুল্লবা সিনেমাতিক হিস্তরীগী মরমদা পল্লদুনা, শ্রী মোদীনা, মে ৩, ১৯১৩ দা লময়ানবা ফিল্মমেকর দাদাসাহেব ফাল্কেনা লমজিং লমতাকখিবা ভারতকী অহানবা ফীচর ফিল্ম রাজা হরিসচন্দ্র ফোঙখি হায়খি‍। ফাল্কেগী মপোক কুমওনসু নোংমগী মমাঙদা পাঙথোকখি হায়না মহাক্না নীংশিংখি‍। হৌখিবা চহিচা অসিদা ভারতকী সিনেমানা পীরিবা ইথিলগী মরমদা মহাক্না ফোঙদোক্লদুনা, মসিনা ভারতকী নাৎকী শক্তমবু মালেমগী কাচিন কোয়া থুংনা মায় পাক্না শন্দোক্লি হায়খি‍। রসিয়াদা রাজ কাপুরবু মীয়াম্না পাম্নবা, কেন্সতা সত্যজীত রেবু মালেমগী ওইনা শকখঙখিবা, অমদি RRR না ওস্কার ফংদুনা মায় পাকখিববু মহাক্না পুখৎলদুনা, ভারতকী ফিল্মমেকরশিংনা মালেমগী নেরেতিবকী মশক কমদৌনা লেপ্লি হায়বা ৱাফম থমখি‍। মহাক্না গুরু দত্তগী সিনেমাতিক পোইত্রী, রিত্বিক ঘাতক্কী খুন্নাইগী মমি উৎবা, এ.আর. রহমনগী ঈশৈ নোংমাইগী হৈ-শিংবা, অমদি এস.এস. রাজামৌলিগী তোপ তোপ্পা ৱারী লিবগী মওংবুউসু মহাক্না ফোঙদোক্লদুনা, আর্তিস্তশিং অসিনা ভারতকী নাৎপু মালেম শিনবা থুংনা অহিংবা ওইনা থম্লি হায়খি‍। শ্রী মোদীনা ভারতকী সিনেমাগী লিজেন্দশিংবু নীংশিং পোস্তেজ স্তাম্পকী খুত্থাঙদা, ইন্দস্ত্রী অসিদা মখোয়না লৌরিবা থৌদাংগী মফমদা শ্রদ্ধাঞ্জলি কত্তুনা ইকায়খুম্নবা উৎলি হায়খি‍।

ভারতকী ক্রিএতিবকী মতিং অমদি মালেমগী ওইনা খুৎশম্ননা চৎমিন্নবগী মরুওইবা ৱাফমশিং ফোঙদোক্লদুনা, প্রধান মন্ত্রীনা হৌখিবা চহিশিংসিদা, মহাক্না গেমিং, ম্যুজিক, ফিল্মমেকিং, অমদি এক্তিংগী প্রোফেস্নেলশিংগা ৱারী ৱাতায় শানদুনা ৱাখল্লোন অমদি মিৎয়েঙশিং খন্নদুনা ক্রিএতিব ইন্দস্ত্রীদা লৈরিবা মহাক্কী ৱাখল্লোন হেন্না চেৎশিনহনখি হায়খি‍। মহাত্মা গান্ধীগী ১৫০ শুবা মপোক কুমওন থৌরমদা লৈবাক ১৫০গী শৈশকপশিংনা চহি ৫০০-৬০০ লোমগী মমাঙদা নরসিন্হ মেহতানা ইরম্বা ময়েক ‘বৈষ্ণব জন তো’ শকখিবা তোপ তোপ্পা থৌরাংবু নীংশিংখি‍। মালেমগী ওইবা থৌরাং অসিনা ইথিল চাউনা পীদুনা মালেম পুম্ববু অমত্তা ওইনা পুনশিনহনখি হায়খি‍। সম্মিত অসিদা শরুক য়ারিবা মীওই কয়ানা অতেনবা ভিদিও পাউজেলশিং শেমদুনা, গান্ধীগী ৱাখল্লোন মাঙদা পুখত্তুনা গান্ধী ৱন ফিফ্তীদা থৌদাং য়াখি হায়খি‍। ভারতকী ক্রিএতিবকী তাইবঙগা মালেমগী ওইনা খুৎশম্ননা চৎমিন্নবা অনিসু পুন্দুনা, মসিগী মতিং হান্ননা উৎখ্রে, অমদি মঙলান অসি ৱেব্স হায়না মঙফাওনরে হায়খি‍।

শ্রী মোদীনা ৱেব্স সম্মিতকী অহানবা ইদিসন্না মায় চাউনা পাকপবু শিংথারদুনা, মসিগী অহানবা মীৎকুপ্তগী হৌরগা, থৌরম অসিনা মালেমগী পুক্নিং চিংশিনখি অমদি “পান্দম তম্না চঙশিল্লি” হায়খি‍। মহাক্না সম্মিত অসিগী এদভাইজরী বোর্দকী কত্থোকপা অমদি হোৎনরিবা, অমদি ৱেব্সবু ক্রিএতিব ইন্দস্ত্রীগী মশক নাইরবা থৌরম অমা ওইহনবদা মখোয়না লৌরিবা থৌদাংবু শকখঙখি‍। লৈবাক ৬০ দগী ক্রিএতিব প্রোফেস্নেল ১০০,০০০ লোম্না শরুক য়ারিবা অচৌবা ক্রিএতর্স চেলেঞ্জ অমসুং ক্রিএতোস্ফিয়রবুসু মহাক্না পনখি‍। চেলেঞ্জ ৩২ অসিদা, ফাইনেলিস্ত ৮০০ মখোয়গী হৈশিংববু শকখঙদুনা খনগৎলে অমদি মখোয়গী মায় পাকপদা নুংঙাইবা ফোঙদোক্লি‍। মহাক্না ফাইনেলিস্তশিংবু পুক্নিং থৌগৎলদুনা মখোয়দা হৌজিক্তি মালেমগী ক্রিএতিব স্তেজতা মখোয়গী মফম কন্নবা তাঞ্জা লৈরে হায়খি‍।

প্রধান মন্ত্রীনা ৱেব্স সম্মিতগী ভারত পেবিলিয়ন্দা উৎলিবা ক্রিএতিব দিভেলপমেন্ততা পুক্নিং মথুম মরাং হৌবা ফোঙদোকখি‍। মশক থোকপা ইনোভেসনশিং ফংবা ঙম্লে হায়রদুনা, হায়রিবা ক্রিএসনশিং অসিবু হকথেংননা য়েংননবা মহাক্না মীৎয়েঙ থম্লি হায়খি‍। প্রধান মন্ত্রীনা ৱেব্স বাজার ইনিসিএতিবকী মরমদা পল্লদুনা, মসিনা অনৌবা ক্রিএতরশিংবু পুক্নিং থৌগৎনবা অমদি মখোয়বু নৌনা থোরক্লিবা কৈথেলশিংগা শম্নহন্নবগী লৈরিবা মতিংবু শিংথাখি‍। মহাক্না আর্ত ইন্দস্ত্রীদা বাইয়র অমদি সেল্লরশিং শম্নহন্নবগী ৱাখল্লোনবু শিংথারদুনা, অসিগুম্বা থৌশিল অসিনা ক্রিএতিব ইকনমীবু মপাঙ্গল কনখৎহল্লি অমদি আর্তিস্তশিংগীদমক অনৌবা খুদোংচাবশিং ফংহল্লি হায়খ‍ি‍।

ক্রিএতিবিতী অমদি মীওইবগী এক্সপিরিএন্সকা লৈনরিবা অচেৎপা মরীগী মরমদা পল্লদুনা, অঙাং অমগী খোঙচৎ মমা অমগী নাউশুম ঈশৈনা, মখোয়দা খোঞ্জেল অমদি ঈশৈগী মরমদা অহানবা ওইনা শক্তাক্তুনা হৌই, অমদি মমা অমনা মহাক্কী মচাগী মঙলান ফিজন হক্তুনা শাগৎপগুম ক্রিএতিব প্রোফেস্নেলশিংনা চক অমগী মঙলানশিং শেম্মি হায়না শ্রী মোদীনা ফোঙদোকখি‍। ৱেব্সকী ইহুল অসি মীরোল কয়াবু মখোয়গী আর্তকী খুত্থাঙদা পুক্নিং থৌগৎলিবা মঙলান চাউবা মীওইশিং পুনশিন্নহনবসিনি হায়খি‍।

পুন্না হোৎনমিন্নবদা মহাক্না থম্লিবা থাজববু নৌহৌননা খোঙফম চেৎশিনহল্লদুনা, অমদি আর্তিস্ত, ক্রিএতর, অমদি ইন্দস্ত্রী লীদরশিংনা ৱেব্সবু লাক্কদৌরিবা চহিশিংদা অনৌবা থাক্তা পুখৎকনি হায়না থাজবা ফোঙদোক্লদুনা, শ্রী মোদীনা ইন্দস্ত্রীগী লুচিংবশিংবু সম্মিত অসিগী অহানবা ইদিসনবু মায় পাকহল্লিবা ঙাক্লৌ অমদি খুৎশম্ননা চৎমিন্নবগী ফীভম অদুমক মখা তানা লৈহনবিনবা ৱাফম থমখি‍। অনৌবা ঈথক ঈপোম কয়া লাকখিগনি হায়রদুনা তুংদা ৱেব্স এৱার্দ হৌদোক্তুনা মখোয়বু আর্ত অমদি ক্রিএতিবিতীগী খ্বায়দগী লেমজনিংঙাই ওইরবা ইকায়খুম্নবা ওইহনগনি হায়না লাউথোকখি‍। থম্লিবা পান্দম অসি মালেম পুম্বগী মীওইশিংগী পুক্নিংবু চিংশিন্দুনা ক্রিএতিবিতীগী খুত্থাঙদা মীরোল কয়াবু পুক্নিং থৌগৎপনি হায়রদুনা মহাক্না লেপ্লিবা খোঙফম অসিমক হোংদনা লেপ্পবগী মথৌ তাবা ৱাফমশিং থমখি‍।

ভারতকী খোঙলৈ থুনা চাউখৎলক্লিবা শেন্মিৎলোনগী মরমদা পল্লদুনা, অমদি লৈবাক অসি মালেমগী অহুমশুবা খ্বায়দগী চাউবা শেন্মিৎলোন ওইরক্নবগী লম্বীদা খোঙ থাংজিল্লি হায়রদুনা, প্রধান মন্ত্রীনা ভারতনা মালেমগী ফিনতেক্তা অহানবা মফম, মোবাইল পুথোকপদা অনিশুবা মফম, অমদি মালেমগী ওইবা স্তার্ত-অপ ইকোসিস্তেমদা অহুমশুবা মফম কল্লি হায়খি‍। ভারতনা চাওখৎপা লৈবাক অমা ওইরকপগী খোঙচৎ অসি হৌবতা ঙায়রি অমদি তুংদা খুদোল কয়া পুরক্কদবা লৈরি হায়খি‍। “ভারতনা মীশিং বিলিয়ন অমা হেন্না লৈবগা লোয়ননা ৱারী বিলিয়ন অমা হেন্না লৈবা লমদম অমসু ওইরি,” হায়না মহাক্না মখা তাখি‍। লৈবাক অসিগী ইনাক খুল্লবা আর্তিস্তিক হিস্তরীগী মরমদা পল্লদুনা, চহি লিশিং অনিগী মমাঙদা, ভারত মুনিগী নাত্য সাস্ত্রনা মীওইবগী পুক্নিং ৱাখল অমদি এক্সপিরিএন্স শেম্বদা লৈরিবা কলাগী মতিকপু তাক্লম্মি হায়না মহাক্না ফোঙদোকখি‍। চহিচা কয়াগী মমাঙদা, কালিদাসকী অভিজ্ঞান-সকুন্তলম্না ক্লাসিকেল দ্রামাদা অনৌবা মাইওন অমা হৌদোক্লম্মি হায়খি‍। লৈরক খুদিংগী ৱারী অমমম লৈ, চীংজাউ খুদিংগী ঈশৈ অমমম লৈ, অমদি তুরেল খুদিংনা শৈহেক অমমম ঙংলি হায়রদুনা প্রধান মন্ত্রীগা ভারত্তা নাৎকী মরা তাদুনা লৈ হায়খি‍। ভারতকী খুঙ্গং লাখ তরুক অসিগী মশা মশাগী ফোল্ক্কী চৎনবী অমদি তোপ তোপ্পা ৱারী লিবগী মচৎ অমমম লৈ, মীয়াম্না মখোয়গী পুৱারীবু ফুঙ্গা ৱারীশিংগী খুত্থাঙদা য়োক্তুনা থম্মি হায়না মহাক্না ফোঙদোকখি‍। ভজন, ঘজল, ক্লাসিকেল কম্পোজিসন, নৎত্রগা মতমগী শৈহেক শৈদা ওইরবসু, শৈহেক খুদিংদা ৱারী অমমম লৈ, অমদি তান্থা খুদিংদা থৱায় অমমম য়াওরি হায়রদুনা ভারতকী ঈশৈ নোংমাইগী লাইনিংগী মরুওইবা ৱাফমশিং মহাক্না ফোঙদোকখি‍।

নাদ ব্রহ্ম হায়রিবা লাইগী মশক ওইরবা খোঞ্জেলগী ৱাখল্লোনবু ফোঙদোক্লদুনা, শ্রী মোদীনা ৱেব্স সম্মিত্তা য়াওরিবা ভারতকী অচেৎপা কলা অমদি লাইনিংগী লনবু শিংথাখি‍। প্রভু সিবগী দমরুবু অহানবা তেংবানবগী খোঞ্জেল, লাইরেম্বী সরস্বতীগী বীনাবু লৌশিং পুক্কৈগী তান্থা, প্রবু ক্যষ্ণগী বাসিনা নুংশিবগী নুংগী ওইবা পাউজেল, অমদি প্রভু বিষ্ণুগী মোইবুংবুনা অফবা তিংগী খোল্লাউনি হায়রদুনা ভারতকী মীথোলোজীশিং অসি মতম পুম্বদা ঈশৈ-নোংমাই অমদি জগোয়গী খুত্থাঙগী লাইগী মশক ওইরবা মচৎপু ফোঙদোকই হায়খি‍। সম্মিত অসিদা উৎলিবা পুক্নিং শুম্হৎনিংঙাই ওইরবা নাৎকী জগোয় ঈশৈশিং অসি হায়রিবা ইনাক খুল্লবা পারী পুরীগী লনশিং অসিদা মমি তারি হায়না মহাক্না হায়খি‍। “হৌজিক অসি চপ চারবা মতম্নি” হায়রদুনা, শ্রী মোদীনা ক্রিএত ইন ইন্দিয়া, ক্রিএত ফোর দি ৱর্ল্দ হায়রিবা ভারতকী মঙলানবু ময়ামগী মফমদা থমখি, অমদি লৈবাক অসিগী ৱারী লিবগী চৎনবী অসিনা চহি লিশিং কয়াগী মমল নাইদ্রবা লনথুমশিং পীরি হায়খি‍। ভারতকী ৱারীশিং অসি মতম নাইদবা, ৱাখল পোকহনবা অমদি তশেংনা মালেমগী ওইবা মশকশিংনি হায়রদুনা, মসিনা নাৎকী মশক মওংশিংখক্ত নত্তনা সাইন্স, শান্ন-খোৎনবা, থৌনা অমদি লিংজেলগী ৱাখল্লোনবুসু কোনশিল্লি হায়খি‍। ভারতকী ৱারী লিবগী তাইবং অসিনা সাইন্সপু ফিক্সনগা, অমদি থৌনা লৈববু ইনোভেসনগা পুনশিন্দুনা, পাক চাউরবা অমদি খেন্নবা ক্রিএতিবকী ইকোসিস্তেম লঅমা শেম্লি হায়খি‍। মহাক্না ৱেব্স ফম্পাক অসিবু ভারতকী তোপ তোপ্পা ৱারীশিং মালেমগী মফমদা লিথোক্তুনা মখোয়বু অনৌবা অমদি পুক্নিং চিংশিন্নিংঙাই ওইবা মওং মতৌশিংদা অনৌবা মীরোল তম্না পুননবগী থৌদাং লৌনবা ৱাফম থমখি‍।

মীয়ামগী পদ্ম এৱার্দ অমদি ৱেব্স সম্মিতগী মরুমদা লৈরিবা মঙলানগী মরক্তা মান্নবা ৱাফমশিং ফোঙদোক্লদুনা, অমদি থৌশিল অনিমক্না ভারতকী কাচিন কোয়া খুদিংদগী হৈথোই শিংথোইবশিংবু শকখঙনবা অমদি অৱাংবা থাক্তা পুখৎনবা পান্দম থম্লি হায়রদুনা, প্রধান মন্ত্রীনা নীংতম্বগী চহি খরগী মতুংদা হৌদোকখিবা পদ্ম এৱার্দনা ভারতনা মীয়ামগী পদ্মবু কোনশিন্দুনা তশেংনা অওনবা পুরক্তুনা মনুং হঞ্জিনবা মফমশিংদগী লৈবাক্কী থৌগল তৌরিবা মীওইশিংবু শকখঙলি হায়খি‍। অসুম্না হোংলকপা অসিনা মনা অসিবু মনা লান্থোকপগী থৌরম অমদগী লৈবাক্কী ওইবা সেলেব্রেসন অমা ওইহল্লকখি‍। মতৌ অসুম্না, ৱেব্স অসিনা ফিল্ম, ম্যুজিক, এনিমেসন, অমদি গেমিংদা লৈরিবা ভারতকী চাউরবা ক্রিএতিব তেলেন্তকী মালেমগী ওইবা ফম্পাক অমা ওইদুনা লৈবাকসিগী মফম খুদিংদগী আর্তিস্তশিংবু মালেমগী ফম্পাক্তা শকখঙনবা লম্বী য়াৎকনি হায়না প্রধান মন্ত্রীনা হায়খি‍।

সংস্কৃৎকী ৱাহৈ পরেং অমা লৌখৎলদুনা খেন্নবা ৱাখল্লোন অমদি নাৎশিং কোনশিনবগী ভারতকী মচৎপু শিংথারদুনা, শ্রী মোদীনা ভারতকী খুন্থোক্লোনগী তরাম্না ওকপা মতৌনা পার্সি অমদি জিউনচিংবা ফুরুপশিংবু তরাম্না ওক্তুনা লৈবাকসিদা খুন্দা লৈতাদুনা লমদমসিগী নাৎকী ফিজনগী থাদোক্নবা য়াদ্রবা শরুক অমা ওইরি হায়খি‍। তোঙান তোঙানবা লৈবাকশিংদগী মন্ত্রীশিং অমদি মীহুৎশিং শরুক য়ারিববু শকখঙলদুনা, লৈবাক খুদিংমক্কী মশাগী ওইবা মায় পাকপশিং অমদি থৌদাংশিং লৈ হায়না মহাক্না ফোঙদোকখি‍। ভারতকী মপাঙ্গল অসি মালেমগী আর্তিস্তশিংগী মায় পাকপশিং ইকায়খুম্নবা অমদি সেলেব্রেত তৌবদা লৈদুনা, ক্রিএতিব কোলাবেরেসনগী লমদা লৈরিবা লৈবাকসিগী খোঙফম চেৎশিনহল্লি হায়না মহাক্না হায়খি‍। তোঙান তোঙানবা নাৎ অমদি লৈবাকশিংগী মায় পাকপশিংগী মমি তাবা কন্তেন্তশিং শেমদুনা, ৱেব্সনা গ্লোবেল কন্নেক্তিবিতী অমদি আর্তিস্তিক এক্সচেঞ্জকী মঙলানবু হেন্না চেৎশিলহনবা ঙমগনি হায়না মহাক্না ফোঙদোকখি‍।

প্রধান মন্ত্রীনা মালেমগী ক্রিএতিব কম্ম্যুনিতীদা পাউজেল অমা পীরদুনা, ভারতকী ৱারীশিংগা লোয়ননা চৎমিন্নবনা মখোয় মশাগী ওইবা নাৎশিংদা মরা তাদুনা লৈরিবা খোন্থাংশিং ফুদোকহনবা ঙমগনি হায়না থাজবা পীখি‍। ভারতকী ইনাক খুল্লবা ৱারি লিবগী চৎনবী অসিনা ঙমখৈ লান্না চৎপা ৱাখল্লোনশিং অমদি পুক্নিংগী ইহুল পুদুনা চত্তুনা মহৌশাগী ওইবা অমদি ৱাহন্থোক লৈবা মরী অমা শেম্মি হায়না মহাক্না হায়খি‍। ভারতকী ৱারীশিংদা খোঙ থাংজিল্লিবা মালেমগী আর্তিস্ত অমসুং ক্রিএতরশিংনা লৈবাক অসিগী পারী পুরীগী লন্দা মহৌশাগী ওইবা মরী অমা ফংবা ঙমগনি হায়না মহাক্না ফোঙদোকখি‍। হায়রিবা নাৎকী মরী অসিনা ক্রিএত ইন ইন্দিয়া হায়রিবা ভারতকী মঙলান অসিবু হেন্না পুক্নিং চিংশিন্নিংঙাই অমদি মালেমগী ওইনা হেন্না লায়না চঙশিনবা য়াবা মঙলান ওইহনগনি হায়খি‍।

“হৌজিক অসি ভারতকী ওরেঞ্জ ইকনমীগী চীংখৈ হুল্লকপা মতম্নি‍, কন্তেন্ত, ক্রিএতিবিতী অমদি কলচর হায়রিবসিনা ওরেঞ্জ ইকনমীগী য়ুম্বী অহুম্নি,” হায়রদুনা শ্রী মোদীনা, ভারতকী ফিল্মশিং হৌজিক্তি লৈবাক ১০০ হেনবগী মীয়াম য়ৌবা ঙমদুনা, মালেমগী অয়েঙবশিংনা ভারতকী সিনেমাবু মপান্থোংদা লৌশিনবদগী হেন্না মনুং হুৎনা খঙননবা থিবা হেনগৎলক্লি হায়খি‍। ভারতকী কন্তেন্তশিংবু সবতাইতলশিংগা লোয়ননা য়েংবা হেনগৎলক্লিবা মালেমগী মীৎয়েঙ তারিবা মীওই মশিং অসিনা ভারতকী ৱারীশিংদা হেন্না অচেৎপা মওংদা পুক্নিং চিংশিল্লি হায়বা তাক্লি হায়খি‍। স্ক্রীন সাইজ পীকশিল্লক্লবসু, কন্তেন্তকী ঙমখৈদি মপান নাইদে, অপীকপা স্ক্রীন্না অচৌবা পাউজেলশিং পীরি হায়রদুনা, ভারতকী ও.তি.তি. ইন্দস্ত্রী অসি হৌখিবা চহি খরসিদা শরুক তরা থোক্না চাউখৎলকপা উরি হায়না শ্রী মোদীনা ফোঙদোকখি‍। ভারতকী মথেলশিং মালেমগী পাম্নবা ওইরক্লি হায়রদুনা, ভারতকী ঈশৈ-নোংমাইসু মতৌ অসুম্না মালেম পুম্বনা শকখঙনবা ওইরক্লগনি হায়না থাজবা ফোঙদোকখি‍।

ভারতকী ক্রিএতিব ইকনমীগী অচৌবা মতিংগী মরমদা ৱা ঙাংলদুনা, অমদি লাক্কদৌরিবা চহিশিংদা মসিনা লৈবাকসিগী জি.দি.পি.দা লৌরিবা থৌদাং মশক থোক্না হেনগৎলক্কনি হায়রদুনা, “ভারতনা ফিল্ম পুথোকপা, দিজিতেল কন্তেন্ত, গেমিং, ফেসন, অমসুং ঈশৈ নোংমাইগী মালেমগী মফম অমা ওইরক্লি,” হায়না প্রধান মন্ত্রীনা ফোঙদোকখি‍। মহাক্না লাইব কন্সর্ত ইন্দস্ত্রীদা লৈরিবা গ্রোথ ওপোর্চুনিতী অমদি হজিক দোলর বিলিয়ন ৪৩০ ওইরিবা অমদি মথঙগী দেকেদতা শরুক অনি হেনগৎলক্কনি হায়না পানরিবা মালেমগী এনিমেসন মার্কেত্তা লৈরিবা অচৌবা মতিংবু শিংথাখি‍। মসিনা ভারতকী এনিমেসন অমদি গ্রাফিক ইন্দস্ত্রীগী মতিং মশক থোক্না ফুদোক্নবা তাঞ্জা পীরি হায়রদুনা প্রধান মন্ত্রীনা স্কেকহোল্দরশিংগী মফমদা মালেমগী মফম পাক চাউনা য়ৌশিনবা ঙম্নবা তাঞ্জা অসি লৌহৌনবা ৱাফম থমখি‍।

ভারতকী নহা ওইরিবা ক্রিএতরশিংগী মফমদা লৈবাকসিগী ওরেয়্জ ইকনমীবু মাঙদা পুখৎনবা ৱাফম থম্লদুনা, অমদি মখোয়না খোয়দাজবা অমদি হোৎনবা কনবনা ক্রিএতিবিতীগী অনৌবা ঈথক ঈপোম অমা শেম্লি হায়রদুনা, গুৱাহাতীদগী ম্যুজিক্সিয়ন, কোচিদগী পোদকাস্তর, বেঙ্গলুরুদগী গেম দিজাইনর, নৎত্রগা পঞ্জাবতগী ফিল্মমেকরশিং ওইরবসু, মখোয়না লৌরিবা থৌদাংশিংনা ভারতকী ক্রিতিব সেক্তর চাওখৎহনবদা মতেং পাংলি হায়না শ্রী মোদীনা ফোঙদোকখি‍। লৈঙাক অসিনা ক্রিএতিব প্রোফেস্নেলশিং অসিগী মরুমদা খোঙফম চেৎনা লেপ্তুনা, মখোয়বু স্কিল ইন্দিয়া, স্তার্তঅপ সপ্পোর্ত, এ..ভি.জি.সি. ইন্দস্ত্রীগী খুজিল থৌরাংশিং, অমদি ৱেব্সকুম্বা মালেমগী ওইবা ফম্পাক অসিনচিংবা থৌশিলশিংগী খুত্থাঙদা ঙাক্লৌ পীরি হায়খ‍ি‍। ইনোভেসসন অমসুং ইমাজিনেসনশিংবু মমল লৈনা লৌগদবা, অনৌবা মঙলানশিং মশা পালহন্নবা অমদি মীওই কয়াবু মখোয়গী মঙলানশিং মঙফাওনহন্নবা মপাঙ্গল হাপকদবা ফীভম অমা শেমগৎনবা হোৎনবা য়াবা থৌরাংশিং হোৎনরি হায়না মহাক্না ফোঙদোকখি‍। শ্রী মোদীনা ৱেব্স অসসি ক্রিএতিবিতীগা কোদিংগা উনফম, সোফ্তৱ্যেরগা ৱারী লিইবগা ইতিনফম, অমদি কলাগা ওগমেন্তেদ রিএলিতীগা পুনশিন্নফম ওইগদবা অচৌবা ফম্পাক অমা ওইগনি হায়না ফোঙদোকখি‍। মহাক্না নহা ওইরিবা ক্রিএতরশিংগী মফমদা খুদোংচাবা অসি য়ারিবমখৈ লৌহৌনবা, অচৌবা মঙ মঙনবা, অমদি মখোয়গী মঙলানশিং মঙফাওনহন্নবা হোৎননবা ৱাফম থমখি‍।

প্রধান মন্ত্রীনা ভারতকী কন্তেন্ত ক্রিএতরশিংগী মফমদা লেঙদ্রবা থাজবা ফোঙদোক্তুনা, মখোয়গী অপনবা লৈতবা ক্রিএতিবিতীনা মালেমগী ক্রিএতিব লেন্দস্কেপকী মশক নৌনা তাক্লি হায়খি‍। ভারতকী ক্রিএতরশিংগী নহা ওইবগী ইচঙ থরবা ৱাখল্লোন অসিদা পল, ঙমখৈ, নৎত্রগা নিংহন্নবা অমত্তা লৈতনা মখোয়বু মাঙদা চঙশিন্নবা অনৌবা ৱাখল্লোনশিং পুথোকপা ঙমহল্লি হায়খি‍। নহা ওইরিবা ক্রিএতর, গেমর, অমদি দিজিতেল আর্তিস্তশিংগা মহাক্কা হকথেংননা উনখিবশিংদা, মহাক্না ভারতকী ক্রিএতিব ইকোসিস্তেম অসিদগী থোরক্লিবা ইনর্জী অমদি তেলেন্তশিং হকথেংননা উবা ফংখি হায়খি‍। ভারতকী য়াম্লবা নহা মীশিং অসিনা রিল, পোদকাস্ত, অমসুং গেম্সতগী হৌরগা এনিমেসন, স্তেন্দ-অপ, অমদি AR-VR ফোর্মেতশিং ফাওবদা অনৌবা ক্রিএতিবকী মাইওন উৎলি হায়খি‍। প্রধান মন্ত্রীনা ৱেব্স অসি, নহা ওইরিবা মীওইশিংবু মখোয়গী মতিং অমদি মতিক্কা লোয়ননা ক্রিএতিব রিভোলুসনগী ৱাখল্লোন নৌহৌননা শাগৎহল্লিবা অমদি নৌনা মশক তাকপা ঙমহল্লিবা, মীরোল অসিগীদমক অখন্ননা য়েংদুনা শেমগৎপা ফম্পাক অমনি হায়খি‍।

তেক্নোলোজীনা থৌদুনা চৎপা ২১শুবা চহিচা অসিদা ক্রিএতিব রেস্পোঞ্জিবিলিতীগী মরুওইবা ৱাফমশিং ফোঙদোক্লদুনা, শ্রী মোদীনা, তেক্নোলোজীনা মীওইবগী পুন্সিদা ইথিল পীবা হেনগৎলকপগা লোয়ননা, ইমোস্নেল সেন্সিতিবিতী অমসুং কলচরেল রিচনেস ঙাক্না থম্নবা অহেন্না কন্না হোৎনবা মথৌ তাই হায়না শ্রী মোদীনা হায়খি‍। ক্রিএতিবকী তাইবং অসিদা মীওইবগী মীনুংশি হেনগৎহন্নবা অমদি খুন্নাইবু ৱাখল তাবা হেনগৎহন্নবা মতিক লৈ হায়না মহাক্না ফোঙদোকখি‍। থম্লিবা পান্দম অসি রোবোত শেম্নবা নত্তে, ইহুল খঙবা, মীনুংশি লৈবা, অমদি হৈথোই শিংথোইবা হায়রিবা ইনফোর্মেসন্না পাথোক্লবা অমদি তেক্নলোজীগী খোঙজেল অসিখক্তনা পুরকপা ঙম্লোইদবা মতিক ময়াইশিং অসু চেনবা নহাশিং মখোঙ শোম্নবনি হায়খি‍। শ্রী মোদীনা কলা, ঈশৈ-নোংমাই, জগোয়, অমদি ৱারী লিবগী মরুওইবা ৱাফমশিং ফোঙদোক্লদুনা, হায়রিবা থৌওংশিং অসিনা মীওইবগী পুক্নিং ইহুলবু চহি লিশিং কয়া হিংহন্দুনা থম্লক্লি হায়খি‍। ক্রিতিবনা হায়রিবা চৎনবী অসিবু মপাঙ্গল কনখৎহন্নবা অমদি হেন্না মীনুংশি চাউবা তুংলমচৎ অমা শেম্নবা ৱাফম মহাক্না থমখি‍। মহাক্না নহা মীরোলবু খাইবুং তানবা অমদি মাঙনিংঙাই ওইবা ৱাখল্লোন্দগী ঙাকথোকপা মথৌ তাই হায়রদুনা, ৱেব্সনা কলচরেল ইন্তেগ্রিতীঈ ঙাক্না থম্নবা অমদি অফবা ৱাখল্লোনশিং পুরক্নবা মরুওইবা ফম্পাক অমা ওইবা ঙমগনি হায়খি‍। অসিগুম্বা থৌদাংশিং অসি নাথৈবনা তুংগী মীরোলদা চাউনা অকায়বা লাকহনবা য়াই হায়না মহাক্না চেকশিনৱা থমখি‍।

ক্রিএতিব ৱর্ল্দদা তেক্নোলোজীনা পুরক্লিবা অওনবা ইথিল অসিগী মরমদা পল্লদুনা, প্রধান মন্ত্রীনা মসিগী মতিং মপুং ফানা ফুদোকহন্নবা মালেমগী ওইনা খুৎশম্ননা চৎমিন্নবগী মরুওইবা ৱাফমশিং থমখি‍। ৱেব্সনা ভারতকী ক্রিএতরশিংগা মালেমগী ৱারী লিবা, মালেমগী মীৎয়েঙ থম্লিবা এনিমেতরশিংগা মরী শম্নহন্নবা থোং অমা ওইগনি, অমদি গেমরশিংবু মালেমগী চেম্পিয়ন ওইহল্লক্কনি হায়না হায়খি‍। মহাক্না মালেমগী ইনভেস্তরশিং অমদি ক্রিএতরশিংবু মখোয়গী কন্তেন্ত প্লেগ্রাউন্দ অমা ওইনা কোনশিন্নবা, অমদি লৈবাক অসিগী পাক চাউরবা ইকোসিস্তেম অসিবু থিজিন্নবা ৱাফম থমখি‍। মালেমগী ক্রিএতরশিংগী মফমদা ৱা ঙাংলদুনা, প্রধান মন্ত্রীনা মখোয়গী মফমদা অচৌবা মঙ মঙনবা অমদি মখোয়গী ৱারী লিথোক্নবা ৱাফম থমখি‍। ইনভেস্তরশিংগী মফমদা প্লেৎফোর্মশিংখক্তদা শেল থাদবগী মহুত্তা, মীয়ামদসু শেল থাদনা পুক্নিং থৌগৎখি, অমদি ভারতকী নহাশিংগী মফমদা মখোয়গী লিথোকত্রিবা ৱারি বিলিয়ন অমবু মালেমগী মফমদা লিথোক্নবা ৱাফম থমখি‍। ৱেব্স সম্মিত হৌদোকপগী থৌরমদা শরুক য়ারিবা পুক্নমক্কী মফমদা য়াইফ পাউজেল পীদুনা মহাক্কী ৱারোল লোইশিনখি‍।

মহারাস্ত্রগী গভর্নর শ্রী সি.পি. রাধাকৃষ্ণন, মহারাস্ত্রগী মুখ্য মন্ত্রী, শ্রী দেবেন্দ্র ফদ্নাবিস, কেন্দ্র মন্ত্রী, শ্রী অস্বিনী বৈষ্ণব, দোক্তর এল. মুরুগনসু থৌরমদুদা অতৈ মীথুংশিংগা লোয়ননা শরুক য়াখি‍।

বেকগ্রাউন্দ

ৱেব্স ২০২৫ অসি “কন্নেক্তিং ক্রিএতর্স, কন্নেক্তিং কন্ত্রিজ” হায়রিবা তেগলাইন অসিগা লোয়ননা নুমিৎ মরিনি চুপ্না চত্থগদবা সম্মিত অমনি, মসিনা মালেম পুম্বদগী ক্রিএতর, স্তার্তঅপ, ইন্দস্ত্রী লীদর, অমদি পোলিসীমেকরশিং পুনশিন্নদুনা ভারতপু মেদিয়া, এন্তরতেনমেন্ত, অমদি দিজিতেল ইনোভেসনগী মালেমগী মফম অমা ওইহন্নবা থৌরাং তৌরি‍।

হেন্না তরং তরংবা তুংলমচৎ অমা শেম্নবগীদমক ক্রিএতিবিতী, তেক্নোলোজী, অমদি তেলেন্তকী মতিং লোকশিন্নবা প্রধান মন্ত্রীগী মঙলান পরিংদা, ৱেব্সনা ফিল্ম, OTT, গেমিং, কোমিক্স, দিজিতেল মেদিয়া, AI, AVGC-XR, ব্রোদকাস্তিং, অমদি নৌনা মচিন তুমখৎলক্লিবা তেকশিং পুনশিনগনি, অমদি মখোয়বু ভারতকী মেদিয়া অমসুং এন্তরতেনমেন্তকী মতিক ওইনা উৎকনি‍। ৱেব্সনা মালেমগী এন্তরতেনমেন্ত ইকনমীদা ভারতকী খোঙদাফম হেন্না পাকথোক চাউথোকহন্দুনা ২০২৯ ফাওবদা দোলর বিলিয়ন ৫০ গী কৈথেল হাংদোক্নবা পান্দম থম্লি‍।

ৱেব্স ২০২৫ অসিদা, ভারতনা অহানবা ওইনা গ্লোবেল মেদিয়া দাইলোগ পাঙথোক্লি, মসিদা লৈবাক ২৫ দগী মিনিস্তরশিংনা শরুক য়াদুনা, মালেমগী মেদিয়া অমদি এন্তরতেনমেন্ত লেন্দস্কেপকা লৈবাকসিগা লৈনরিবা মরীগী পন্দোল অমা ওইরি‍। সম্মিত অসিদা বাইয়র ৬,১০০, সেল্লর ৫,২০০, অমদি প্রোজেক্ত ২,১০০ হেনবগী মালেমগী ই-মার্কেতপ্লেস অমা ওইরিবা ৱেব্স বাজারসু য়াওগনি‍। মসিনা বাইয়র অমদি সেল্লরশিংবু লমদমসিগী ওইনা অমদি মালেমগী ওইনা শম্নহন্দুনা, পাক চাউবা নেতৱর্কিং অমসুং বিজিনেসকী খুদোংচাবা ফংহন্নবা পান্দম থম্লি‍।

প্রধান মন্ত্রীনা ক্রিএতোস্ফিয়রদা চৎখি অমদি চহি অমরোমগী মমাঙদা হৌদোকখিবা, রেজিস্ত্রেসন লাখ অমা হেন্না লাকখিবা ক্রিএত ইন ইন্দিয়া চেলেঞ্জ ৩২ দগী খনগৎলবা ক্রিএতরশিংগা ৱারী শানখি‍।

ৱেব্স ২০০২৫ দা লৈবাক ৯০ হেনবদগী, দেলিগেত ১০,০০০ হেনবা, কম্পেনী ৩০০+, অমসুং স্তার্তৈপ ৩৫০+ না শরুক য়াগদৌরি‍। সম্মিত অসিদা ব্রোদকাসতিং, ইনফোতেনমেন্ত, AVGC-XR, ফিল্ম, অমদি দিজিতল মেদিয়া য়াওনা খেন্নবা সেক্তরশিং কোনশিনবা প্লেনরী সেসন ৪২, ব্রেকআউত সেসন ৩৯, অমদি মাস্তরক্লাস ৩২ য়াওগনি‍।

Addressing the @WAVESummitIndia in Mumbai. It highlights India's creative strengths on a global platform. https://t.co/U4WQ4Ujv8q

— Narendra Modi (@narendramodi) May 1, 2025

A wave of culture, creativity and universal connect. pic.twitter.com/FpfM4THC5y

— PMO India (@PMOIndia) May 1, 2025

India, with a billion-plus population, is also a land of a billion-plus stories. pic.twitter.com/qtijqtd5Ii

— PMO India (@PMOIndia) May 1, 2025

Create in India, create for the world. pic.twitter.com/cycxbiZZo7

— PMO India (@PMOIndia) May 1, 2025

The dawn of the Orange Economy in India. pic.twitter.com/g2hEX8fjHL

— PMO India (@PMOIndia) May 1, 2025

Even though the screen size is getting smaller, the scope is becoming infinite. pic.twitter.com/n0akwUrv3C

— PMO India (@PMOIndia) May 1, 2025

Today, India is emerging as a global hub for film production, digital content, gaming, fashion, music and live concerts. pic.twitter.com/ubo3q8tx7S

— PMO India (@PMOIndia) May 1, 2025

To the creators of the world — dream big and tell your story.

To investors — invest not just in platforms, but in people.

To Indian youth — tell your one billion untold stories to the world: PM @narendramodi pic.twitter.com/g7rwE4urf8

— PMO India (@PMOIndia) May 1, 2025

***