• কেন্দ্র মন্ত্রী শ্রী জ্যোতিরদিত্য এম. সিন্দিয়ানা হায়খি, “থম্লিবা পান্দম অসি স্তেত ৮ মক পুন্না য়াওহন্দুনা লমদম অসিবু ভারতকী চাওৎপা লমদম অমা ওইহন্নবা শেমগৎপনি‍।”
• ইন্দস্ত্রী লুচিংবশিংনা অৱাং নোংপোক লমদমদা চঙনিংবগী অপাম্বা ফোঙদোকখ্রে‍।
• রাইজিং নোর্থইস্ত ইনভেস্তমেন্ত সম্মিত ২০২৫ ভারত মন্দপমদা মে ২৩-২৪ দা পাঙথোক্কন‍ি‍।

কম্ম্যুনিকেসন্সকী কেন্দ্র মন্ত্রী অমদি দিভেলপমেন্ত ওফ নোরথ ইস্তর্ন (দোনর) মন্ত্রী শ্রী জ্যোতিরদিত্য এম. সিন্দিয়ানা থৌরম মপু ওইদুনা ইন্দস্ত্রী লুচিংবশিংগা লোয়ননা অৱাং নোংপোক লমদমদা ইনভেস্তমেন্ত পুরক্নবা মীফম অমা পাঙথোকখ্রে‍।

কেন্দ্র মন্ত্রীনা মুম্বাইদা য়ুমশকৈশ নুমিত্তা (এপ্রিল ৩০, ২০২৫), মুকেশ অম্বানি (রিলাইন্স ইন্দস্ত্রিজ), কুমার মঙ্গলম বিরলা (অদিত্য বিরলা গ্রুপ), অমদি এন. চন্দ্রসেকরন (তাতা সন্স) য়াওনা মকোক থোংবা ইন্দস্ত্রিএলিস্তশিংগা লোয়ননা মীফম কয়া পাঙথোকখ্রে‍। মীফম অদু দিল্লীদা মে ২৩-২৪, ২০২৫ দা পাঙথোক্কদবা “রাইজিং নোর্থইস্ত সম্মিত ২০২৫” হায়রিবা ইনভেস্তমেন্ত ম্মিত অসিগী মাঙওইননা পাঙথোকপা মীফমশিংগী শরুক অমা ওইনা পাঙথোকখিবনি‍।

কেন্দ্র মন্ত্রী জ্যোতিরদিত্য এম. সিন্দিয়ানা অৱাং নোংপোকপু লৈবাক অসিগী অনৌবা গ্রোথ ইঞ্জিন ওইনা থম্নবা ভারত লৈঙাক্না মঙলিবা মঙলানগী মরমদা অচেৎপা ৱাফম থমখি‍। “থম্লিবা পান্দমদি স্তেত নিপান অসিবু ভারতকী গ্রোথ ইঞ্জিন ওইনা পুন্না চাওখৎমিন্নবগী পান্দম অমা ওইনা পুনশিনবদুনি,” হায়না মহাক্না হায়খি‍। লমদম অসিদা তুং কোইনা চাওখৎপগী ফীভম পুরক্নবা অমদি খোঙজেল য়াঙশিলহন্নবা পব্লিক প্রাইভেত পার্ত্নরসিপগী থৌদাংশিংবুসু ফোঙদোকখি‍।

মন্ত্রীনা মখা তানা ইন্দস্ত্রিএলিস্তশিংগী মফমদা, অৱাং নোংপোক স্তেত নিপানমক্কী মুখ্য মন্ত্রীশিংগা লোয়ননা হায় লেবেল তাস্ক ফোর্স অমা শেম্বা, স্তেত খুদিংদা ইনভেস্তমেন্ত প্রমোসন এজেন্সী (আই.পি.এ.) অমমম লিংখৎপা য়াওনা দোনর মন্ত্রালয়না পায়খৎলিবা মরুওইবা থৌশিলশিংগী মরমদা পাউদমখি‍।

দোনর মন্ত্রালয়গী স্তেতিস্তিকেল এদভাইজর শ্রী ধরম্বির ঝানা অৱাং নোংপোক স্তেত নিপানমক্তা লৈরিবা মরুওইবা ইনভেসস্তমেন্তকী খুদোংচাবশিং পুথোকখ‍ি‍।

ৱারী ৱাতায় অদুনা এগ্রো-বেজ ইন্দস্ত্রীশিং, তেক্সতাইল, অমদি তুরিজম য়াওনা লম-লমগী ওইবা অকক্নবা গ্রোথ সেক্তরশিংদা মীৎয়েঙ থমখি‍।

হায়রিবা খোঙজেল অসিবু রাইজিং নোর্থইস্ত সম্মিত ২০২৫ না লমদম অসিগী শেন্মিৎলোনগী মতিং ফুদোকহন্নবা ফম্পাক অমদা মরুওইবা স্তেকহোল্দর, ইনভেস্তর, অমদি পোলিসীমেকরশিংবু পুনশিন্নহন্দুনা মখা চত্থগনি‍। সম্মিত অসি দিল্লীগী ভারত মন্দপমদা মে ২৩-২৪, ২০২৫ দা পাঙথোক্নবা থৌরাং তৌরি‍।

*****