شمال مشرقی خطے میں سرمایہ کاری کو فروغ دینے کے لیے مواصلات کے مرکزی وزیر اور شمال مشرقی خطے کی ترقی کے وزیر (ایم ڈی او این ای آر) جناب جیوترادتیہ ایم سندھیا کی صدارت میں صنعتی شعبے کے رہنماؤں  کے ساتھ ایک میٹنگ ہوئی۔

مرکزی وزیر نے بدھ (30 اپریل 2025) کو ممبئی میں مکیش امبانی (ریلائنس انڈسٹریز) کمار منگلم برلا (آدتیہ برلا گروپ) اور این چندرشیکرن (ٹاٹا سنز) سمیت سرکردہ صنعت کاروں کے ساتھ کئی ملاقاتیں کیں ۔یہ ملاقاتیں 23-24 مئی ، 2025 کو دہلی میں ہونے والی انویسٹمنٹ سمٹ ،’’رائزنگ نارتھ ایسٹ سمٹ 2025‘‘  سے پہلے کی  جارہی تیاریوں  کا حصہ تھیں ۔

مرکزی وزیر جناب جیوترادتیہ ایم سندھیا نے شمال مشرق کو ملک کے لیے ترقی کے ایک نئے انجن کے طور پر قائم کرنے کے لیے حکومت ہند کے اسٹریٹجک وژن پر زور دیا ۔انہوں نے کہا کہ ’’ اس کا مقصد یہ ہے کہ آٹھ ریاستوں کو ہندوستان کی ترقی کے انجن کے طور پر ایک متحد ترقیاتی ہدف میں ضم کیا جائے‘‘۔انہوں نے خطے میں پائیدار ترقی کو تیز کرنے میں سرکاری-نجی شراکت داری   کی اہمیت پر  زور دیا ۔

وزیر موصوف نے صنعت کاروں کے ساتھ ایم ڈی او این ای آر کے ذریعہ  کئے گئے کچھ اہم اقدامات کے بارے میں معلومات فراہم کیں  ، جن میں تمام آٹھ شمال مشرقی ریاستوں کے وزرائے اعلی کے ساتھ ایک اعلی سطحی ٹاسک فورس کی تشکیل ، ہر ریاست میں سرمایہ کاری کے فروغ کی ایجنسیوں (آئی پی اے) کا قیام شامل ہے ۔

 شمال مشرقی خطے کی ترقی کی وزارت کے شماریاتی مشیر جناب دھرمویر جھا نے تمام آٹھ شمال مشرقی ریاستوں میں سرمایہ کاری کے اہم مواقع  پر روشنی ڈالی ۔

 یہ  بات چیت زرعی شعبے  پر مبنی صنعتوں ، ٹیکسٹائل اور سیاحت سمیت خطے کی مخصوص ترقی کے شعبوں پر مرکوز تھی ۔

رائزنگ نارتھ ایسٹ سمٹ 2025 خطے کی اقتصادی صلاحیت کو کھولنے کے لیے کلیدی  شراکت داروں  ، سرمایہ کاروں اور پالیسی سازوں کو ایک پلیٹ فارم پر لا کر اس رفتار کو جاری رکھے گی۔یہ سمٹ 23-24 مئی 2025 کو دہلی کے بھارت منڈپم میں منعقد ہوگی ۔

******

ش ح۔ م ح ۔رض

U.N. 414