नवी दिल्‍ली, 29 एप्रिल 2025

केंद्रीय गृह आणि सहकारमंत्री अमित शाह यांच्या अध्यक्षतेखालील उच्चस्तरीय समितीने 2024 मध्ये गारपीटग्रस्त मणिपूरला 153.36 कोटी रुपयांचे अतिरिक्त केंद्रीय सहाय्य द्यायला मंजुरी दिली. राष्ट्रीय आपत्ती प्रतिसाद निधीतून दिली जाणारी ही मदत राज्य आपत्ती प्रतिसाद निधीच्या खात्यात वर्षाच्या सुरुवातीला असलेल्या जमा रकमेच्या 50%  समायोजनाच्या अधीन आहे.

पंतप्रधान नरेंद्र मोदी यांच्या नेतृत्वाखाली, भारत सरकार नैसर्गिक आपत्ती आणि संकटाच्या काळात राज्य सरकारांना सहाय्य करण्यासाठी सज्ज आहे.

केंद्र सरकारने राज्यांना एसडीआरएफ अंतर्गत यापूर्वीच वितरीत केलेल्या सहाय्या व्यतिरिक्त हे अतिरिक्त सहाय्य दिले जाईल. 2024-25 या आर्थिक वर्षात केंद्र सरकारने एसडीआरएफअंतर्गत 28 राज्यांना 20,264.40 कोटी रुपये तर एनडीआरएफअंतर्गत 19 राज्यांना 5,160.76 कोटी रुपये दिले आहेत. त्याशिवाय एसडीएमएफमधून  19 राज्यांना 4984.25 कोटी रुपये आणि एनडीएमएफमधून 08 राज्यांना 719.72 कोटी रुपये वितरीत करण्यात आले आहेत.

त्याचप्रमाणे 2025-26 या आर्थिक वर्षात केंद्र सरकारने आतापर्यंत एसडीआरएफ अंतर्गत एका राज्याला 895.60 कोटी रुपये तर एनडीआरएफ अंतर्गत 07 राज्यांना 929.633 कोटी रुपये दिले आहेत.

* * *

N.Chitale/R.Agashe/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai