কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা লুচিংবা হায়-লেবেল কম্মিতি (HLC) অমনা 2024দা লেন্না শোকহনখ্রবশিংগীদমক মনিপুরদা লুপা করোর 153.36গী অহেনবা কেন্দ্রগী তেংবাং পীনবা অয়াবা পীখ্রে। নেস্নেল দিজাস্তর রেস্পোন্স ফন্দ (NDRF) দগী পীবা মতেং অসি স্তেত দিজাস্তর রেস্পোন্স ফন্দ (SDRF)দা লৈরিবা চহি অসিগী ওপনিং বেলেন্সকী 50%গী এদজস্তমেন্ত অমগী মখা পোল্লি।

প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা মহৌশাগী ওইবা খুদোংথিবশিং অমসুং দিজাস্তরশিং থোকপা মতমদা রাজ্য সরকারদা মতেং পাংনবা লেপ্পী ।

অহেনবা তেংবাং অসি কেন্দ্রনা রাজ্যশিংদা SDRFদা থাদোক্লিবা অমসুং রাজ্যশিংদা হান্ননা ফংহল্লিবা শেনফমগী মথক্তা পীবনি। শেনবা চহি 2024-25গী মনুংদা কেন্দ্র সরকারনা SDRFকী মখাদা রাজ্য 28দা লুপা করোর 20,264.40 অমসুং NDRFকী মখাদা রাজ্য 19দা লুপা করোর 5,160.76 কাইথখি। মসিগী মথক্তা, রাজ্য 19দা স্তেৎ দিজাস্তর মিতিগেসন ফন্দ (SDMF) দগী লুপা করোর 4984.25 অমসুং নেস্নেল দিজাস্তর মিতিগেসন ফন্দ (NDMF)দগী রাজ্য 08দা লুপা করোর 719.72গী শেনফমসু কাইথখ্রে।

মসিগা মান্ননা, শেনবা চহি 2025-26গী মনুংদা, হৌজিক ফাওবদা কেন্দ্র সরকারনা লুপা করোর 895.60  SDRFকী মখাদা রাজ্য 01দা অমসুং NDRFকী মখাদা হৌজিক ফাওবদা রাজ্য 07দা লুপা করোর 929.633 কাইথখ্রে।

*****