हालैमा अन्तर्राष्ट्रिय हवाई क्षेत्र बन्द भएको र ओभरफ्लाइट प्रतिबन्धहरूलाई ध्यानमा राख्दै धेरै उड़ान मार्गहरूमा उल्लेखनीय रूपमा परिवर्तन गरिएका छन्, जसले गर्दा उड़ानको अवधि बढेको छ र प्राविधिक रूपमा ठहरावको सम्भावना छ। यात्रीहरूको सुविधा, सुरक्षा र विनियामक अनुपालन सुनिश्चित गर्नका लागि नागरिक उड्डयन महानिर्देशक (डीजीसीए) ले सबै एयरलाइन्स अपरेटरहरूलाई तत्काल प्रभावका साथ राम्रो यात्री हेण्डलिङ उपायहरूलाई लागू गर्न निर्देशन दिएका छन्।

मुख्य उपायहरूमा सामेल छन्:

• पारदर्शी सञ्चार: यात्रीहरूलाई मार्गमा परिवर्तन, यात्राको समयमा वृद्धि र उनीहरूको यात्राको क्रममा कुनै पनि प्राविधिक ठहरावको बारेमा सक्रिय रूपमा सूचित गरिनुपर्छ। यो सञ्चार चेक-इन, बोर्डिङ र डिजिटल अलर्टको माध्यमले हुनुपर्छ।

• बढ़ेका इन-फ्लाइट सेवाहरू: एयरलाइन्सहरूले वास्तविक ब्लक समयको आधारमा खानपानलाई संशोधित गर्न आवश्यक हुन्छ, ताकि कुनै पनि प्राविधिक ठहराव सहित उडानको अवधिमा पर्याप्त भोजन, हाइड्रेशन र विशेष भोजनको उपलब्धता सुनिश्चित हुन सकोस्।

• चिकित्सा तत्परता: विमान कम्पनीहरूले जहाजमा चिकित्सा आपूर्तिहरू पर्याप्त छन् भनी सुनिश्चित गर्नुपर्छ र सम्भावित प्राविधिक रुकावट भएका विमानस्थलहरूमा आपतकालीन सेवाहरूको उपलब्धता प्रमाणित गर्नुपर्छ।

• ग्राहक सहायता तत्परता: कल सेन्टर र ग्राहक सेवा टोलीहरूलाई ढिलाइ, छुटेका जडानहरू सम्हाल्न र लागू विनियमहरू अनुसार सहायता वा क्षतिपूर्ति प्रदान गर्नका लागि तयार रहनुपर्छ।

• परिचालन समन्वय: उडान सञ्चालन, ग्राहक सेवा, ग्राउण्ड हेण्डलिङ, इनफ्लाइट सेवा र चिकित्सा साझेदारहरू बीच निर्बाध समन्वय आवश्यक छ।

सबै एयरलाइन्सहरूलाई यो निर्देशनलाई अनिवार्य रूपमा पालन गर्न भनिएको छ। अनुपालन गर्न असफल भएमा लागू नागरिक उड्डयन आवश्यकताहरू (सीएआर) अन्तर्गत विनियामक कारबाही हुन सक्छ। यो निर्देशन तुरुन्तै प्रभावकारी हुनेछ र अर्को सूचना नआएसम्म लागू रहनेछ।

डीजीसीए सल्लाहकार

**********

बीणा यादव/दिव्यांशु कुमार