وزیر اعظم جناب نریندر مودی نے آج ہندوستان کے سائنسی اور تعلیمی سفر میں ایک عظیم شخصیت ڈاکٹر کے کستوری رنگن کے انتقال پر تعزیت کا اظہار کیا ۔جناب مودی نے کہا کہ ڈاکٹر کے کستوری رنگن نے نہایت لگن کے ساتھ اسرو میں خدمات انجام دیں اور ہندوستان کے خلائی پروگرام کو نئی بلندیوں تک پہنچایا ۔جناب مودی نے مزید کہا‘‘قومی تعلیمی پالیسی (این ای پی) کے مسودے کے دوران ڈاکٹر کستوری رنگن کی ان کوششوں کہ ہندوستان میں تعلیم زیادہ جامع اور مستقبل پر مبنی ہو، اس بات کو یقینی بنانے کے لیے  ہندوستان ہمیشہ ان کا مشکور رہے گا ۔وہ بہت سے نوجوان سائنسدانوں اور محققین کے لیے ایک بہترین سرپرست بھی تھے ’’۔

وزیر اعظم نے ایکس پر اپنی پوسٹ میں کہا:

‘‘مجھے ڈاکٹر کے کستوری رنگن کے انتقال پر گہرا دکھ ہوا ہے ، جو ہندوستان کے سائنسی اور تعلیمی سفر میں ایک عظیم شخصیت تھے ۔ان کی دور اندیش قیادت اور قوم کے لیے ان کی بے لوث خدمات کو ہمیشہ یاد رکھا جائے گا ۔

انہوں نے نہایت لگن کے ساتھ اسرو  میں خدمات انجام دیں ، ہندوستان کے خلائی پروگرام کو نئی بلندیوں تک پہنچایا ، جس کے لیے ہمیں عالمی سطح پر پہچان بھی ملی ۔ان کی قیادت نے کیثر المقاصد سیٹلائٹ لانچ کا بھی مشاہدہ کیا اور اختراع پر توجہ مرکوز کی ۔

‘‘قومی تعلیمی پالیسی (این ای پی) کے مسودے کے دوران ڈاکٹر کستوری رنگن کی کوششوں اور اس بات کو یقینی بنانے کے لیے کہ ہندوستان میں تعلیم زیادہ جامع اور مستقبل پر مبنی ہو ، ہندوستان ہمیشہ ان کا مشکور رہے گا ۔وہ بہت سے نوجوان سائنسدانوں اور محققین کے لیے ایک بہترین سرپرست بھی تھے ۔

ہم  ان کےکنبے ، طلباء ، سائنسدانوں اور بے شمار مداحوں کے غم میں برابر کے شریک ہیں ۔اوم شانتی ۔ ’’

***

ش ح۔م ع ن-ا ث

U-NO: 242