ہندوستان کے کوئلے کے شعبے کے احیاء کی سمت ایک فیصلہ کن قدم میں، کوئلہ کی وزارت نے زیر زمین کوئلے کی کان کنی کو فروغ دینے کے مقصد سے تبدیلی لانے والے پالیسی اقدامات کا ایک سلسلہ متعارف کرایا ہے۔ یہ جرات مندانہ اصلاحات پائیدار ترقی کے وسیع تر وژن کے ساتھ ہم آہنگ ہوتے ہوئے کوئلے کے ماحولیاتی نظام کو جدید بنانے کے حکومت کے عزم کی توثیق کرتے ہوئے بڑے پیمانے پر سرمایہ کاری اور کان کنی کیلئے تیاری کے عمل کی طویل مدت کے روایتی چیلنجوں سے نمٹتی ہیں۔

زیرزمین کوئلے کی کان کنی کی ترقی/آپریشنلائزیشن کو تیز کرنے کے لیے، وزارت کوئلہ نے ترغیبات کا ایک مضبوط پیکج متعارف کرایا ہے:

1. فلور ریونیو شیئر میں کمی: زیر زمین کوئلے کی کانوں کے لیے ریونیو شیئر کا فلور فیصد 4 فیصد سے کم کر کے 2 فیصد کر دیا گیا ہے۔ یہ ہدف شدہ کمی کافی مالی راحت فراہم کرتی ہے اور زیر زمین منصوبوں کو مالی طور پر فعال بناتی ہے۔
2. پیشگی ادائیگی کی چھوٹ: زیر زمین کان کنی کے منصوبوں کے لیے لازمی پیشگی ادائیگی کی شرط کو مکمل طور پر ختم کر دیا گیا ہے۔ یہ اقدام ایک اہم مالی رکاوٹ کو دور کرتا ہے، نجی شعبے کی جانب سے وسیع تر شراکت کی حوصلہ افزائی کرتا ہے اور پراجیکٹ پر تیزی سے عمل درآمد میں سہولت فراہم کرتا ہے۔

ان ترغیبات کو زیر زمین کوئلے کے بلاکس کے لیے کارکردگی کی حفاظت پر موجودہ 50 فیصد چھوٹ سے مزید تقویت ملتی ہے، مجموعی طور پر کان کے کم کارآمد ہونے کی حد کو کم کرتے ہوئے پروجیکٹ پر عمل درآمد میں آسانی پیدا ہوتی ہے۔

وزارت کا اصلاحات پر مبنی نقطہ نظر مستقبل کے لیے تیار، سرمایہ کاری کے لیے دوستانہ، اور جدت پر مبنی کوئلے کے شعبے کو فروغ دینے کے لیے اس کے عزم کو واضح کرتا ہے۔ زیر زمین کان کنی کو ترغیب دے کر، حکومت نہ صرف اقتصادی ترقی کو متحرک کر رہی ہے بلکہ صنعت کو زیادہ کارکردگی، حفاظت اور روزگار کے مواقع پیدا کرنے کی طرف لے جا رہی ہے۔

زیر زمین کوئلے کی کان کنی فطری طور پر زیادہ ماحول دوست ہے، کیونکہ یہ اوپن کاسٹ آپریشنز کے مقابلے میں نمایاں طور پر کم سطح پر خلل انداز ہوتی ہے۔ ان پالیسی اقدامات سے توقع کی جاتی ہے کہ یہ جدید ٹیکنالوجیز کو اپنانے کی حوصلہ افزائی کریں گے — جیسے کہ مسلسل کان کنوں، لانگ وال سسٹمز، ریموٹ سینسنگ ٹولز، اور اے آئی پر مبنی حفاظتی طریقہ کار — جو ماحولیاتی توازن کو یقینی بناتے ہوئے پیداواری صلاحیت میں اضافہ کریں گے۔

یہ مستقبل دوست اصلاحات صاف ستھرے اور زیادہ پائیدار کوئلہ نکالنے کے طریقوں کی طرف ایک اسٹریٹجک تبدیلی کی نشاندہی کرتی ہیں۔ یہ ہندوستان میں زیر زمین کان کنی کی وسیع غیر استعمال شدہ صلاحیت کیلئے مواقع پیدا کرنے، اختراع کو فروغ دینے، کاربن کے اخراج کو کم کرنے، اور ملک کی توانائی کی حفاظت اور آتم نربھر بھارت کے مقاصد میں بامعنی تعاون کرنے کے لیے تیار ہیں۔

اس ویژنری نقش راہ کے ساتھ، کوئلہ کی وزارت نہ صرف کوئلے کی کان کنی کے مستقبل کو نئی شکل دے رہی ہے بلکہ خود انحصاری اور ماحولیاتی طور پر ذمہ دار صنعتی ترقی کی طرف ہندوستان کے سفر میں ایک تحریک کے طور پر اپنے رول کی تصدیق کر رہی ہے۔

***

ش ح ۔ ش ب۔ م الف

U. No.201