వరల్డ్ ఆడియో విజువల్ అండ్ ఎంటర్టైన్మెంట్ సమ్మిట్ (వేవ్స్) కింద అత్యంత ప్రాధాన్యతా చొరవగా ప్రారంభించిన క్రియేట్ ఇన్ ఇండియా ఛాలెంజ్ (సిఐసి) సీజన్ 1 ఈ ఏడాది మే 1 నుంచి నుండి 4 వరకు ముంబయిలోని జియో వరల్డ్ సెంటర్ లో అద్భుతమైన గ్రాండ్ ఫినాలేకు సిద్ధమవుతోంది. మొత్తం 32 ఛాలెంజ్‌లకూ నమోదు ప్రక్రియ అధికారికంగా ముగియడంతో, సిఐసి ఒక ముఖ్యమైన ఘట్టాన్ని పూర్తి చేసింది. 1,100 మందికి పైగా అంతర్జాతీయ భాగస్వాములతో సహా దాదాపు  లక్ష మంది నమోదు చేసుకున్నారు. 60 కి పైగా దేశాల నుంచి ఎంట్రీలతో ఈ వినూత్న చొరవ ప్రపంచ స్థాయిలో ఆసక్తిని, విస్తృతిని ప్రతిబింబిస్తోంది. విశిష్టమైన ప్రతిభావంతుల సమూహం నుంచి ఎంపికైన 750 మంది ఫైనలిస్టులకు, వేవ్స్ లో భాగంగా నిర్వహించనున్న సృజనాత్మక వేదిక (క్రియేటోస్ఫియర్) లో తమ సృజనాత్మక నైపుణ్యాలను, ప్రతిభను ప్రదర్శించే అవకాశాన్ని ఇవ్వనున్నారు. ప్రత్యేకంగా రూపొందించిన ఈ వేదికలో యానిమేషన్, కామిక్స్, ఏఐ, ఎక్స్ఆర్ , గేమింగ్, సంగీతం ఇతర సృజనాత్మక రంగాలలోని ఆవిష్కరణలు ప్రాధాన్యత పొందనున్నాయి. ఈ పోటీల విజేతలకు ప్రతిష్టాత్మక  వేవ్స్ క్రియేటర్ అవార్డులను రెండో రోజు గ్రాండ్ రెడ్ కార్పెట్ కార్యక్రమంలో ప్రదానం చేస్తారు. 

వేవ్స్ లో లోని సృజనాత్మక వేదిక ప్రపంచవ్యాప్తంగా అద్భుతమైన భాగస్వామ్యాన్ని కలిగి ఉంటుంది. ఇందులో 43 మంది అంతర్జాతీయ ఫైనలిస్టులు తమ ప్రతిభా ప్రదర్శనతో ఈ సృజనాత్మకోత్సవానికి నిజమైన అంతర్జాతీయ కోణాన్ని అందించనున్నారు. అర్జెంటీనా, నేపాల్, జర్మనీ, బెర్ముడా (బీఓటీ), యునైటెడ్ స్టేట్స్, గ్రీస్, ఇండోనేషియా, యునైటెడ్ కింగ్డమ్, కెనడా, ఇటలీ, లావోస్, థాయ్లాండ్, తజికిస్థాన్, ఈజిప్ట్, శ్రీలంక, రష్యా, మాల్దీవులు, మలేషియా, జపాన్ సహా 20 దేశాలకు ఈ ఫైనలిస్టులు ప్రాతినిధ్యం వహిస్తున్నారు. శ్రీలంక, నేపాల్, తజికిస్థాన్ నుంచి చెరో ఆరుగురు, ఇండోనేషియా, మాల్దీవుల నుంచి ఐదుగురు చొప్పున, మారిషస్ నుంచి నలుగురు ఫైనలిస్టులుగా నిలిచారు. అమెరికాకు ఇద్దరు ఫైనలిస్టులు ప్రాతినిధ్యం వహిస్తుండగా, రష్యా, కెనడా, అర్జెంటీనా, లావోస్, మలేషియా, బెర్ముడా, ఈజిప్ట్, థాయ్ లాండ్ , బ్రిటన్ ఒక్కొక్క ఫైనలిస్టును కలిగి ఉన్నాయి. ఈ వైవిధ్యమైన అంతర్జాతీయ ఉనికి క్రియేట్ ఇన్ ఇండియా ఛాలెంజ్ పట్ల ప్రపంచ ఆకర్షణను, పెరుగుతున్న విస్తృతిని చాటుతోంది. 

భారతదేశంలో ఈ పోటీల్లో మొత్తం 28 రాష్ట్రాలు,  8 కేంద్రపాలిత ప్రాంతాల నుంచి ఉత్సాహవంతుల భాగస్వామ్యం ఈ కార్యక్రమం జాతీయ ప్రాధాన్యతను తెలియ చేస్తోంది. తూర్పున అస్సాం, మేఘాలయ నుంచి పశ్చిమాన గుజరాత్ వరకు, ఉత్తరాన హిమాచల్ ప్రదేశ్ నుంచి దక్షిణాన కేరళ వరకు దేశవ్యాప్తంగా ఉన్న పోటీదారుల జాబితా గణనీయమైన ప్రాంతీయ ప్రాతినిధ్యాన్ని ప్రతిబింబిస్తుంది.

యువశక్తిని ఘనంగా చాటుతూ, క్రియేట్ ఇన్ ఇండియా పోటీలు ప్రధానంగా 20 ఏళ్ల వయసులోని యువ సృష్టికర్తల ఆధ్వర్యంలో జరుగుతున్నాయి. కళాశాల విద్యార్థులు, కెరీర్ ప్రారంభంలో ఉన్న నిపుణులు,  కౌమార దశలో ఉన్న ఆవిష్కర్తలతో  ఉత్సాహభరితమైన వాతావరణాన్ని ఇవి ప్రతిబింబిస్తున్నాయి. కనీస వయసు 12 ఏళ్ల కనీస వయసు ఫైనలిస్ట్‌ మొదలుకొని గరిష్ఠంగా 66 ఏళ్ల వయోజన ఫైనలిస్ట్‌ వరకూ కూడిన ఈ కార్యక్రమం వయస్సును అధిగమించి సృజనాత్మకతకు వేదికగా నిలుస్తోంది.

లక్ష్యం పరంగా, భాగస్వామ్యపరంగా వైవిధ్యాన్ని కలిగివున్న క్రియేట్ ఇన్ ఇండియా కార్యక్రమం  క్షేత్రస్థాయి ఆవిష్కరణలను ప్రోత్సహిస్తుంది. “ఇన్నొవేట్ టు ఎడ్యుకేట్” ఛాలెంజ్ ద్వారా విద్యను అందుబాటులోకి తేవడం నుంచి న “మేక్ ద వరల్డ్ వేర్ ఖాదీ” ద్వారా భారతదేశ వస్త్ర వారసత్వాన్ని పునర్జీవింప చేయడం వరకు, ఈ పోటీలు సంప్రదాయాన్ని, సాంకేతికతను కలపడం ద్వారా విశేషమైన పరిధిని కలిగి ఉన్నాయి. “ఇండియా: ఎ బర్డ్’ ఐ వ్యూ” అనే కార్యక్రమం, డ్రోన్ సాంకేతికత ద్వారా చలనచిత్రకారులు, డ్రోన్ మహిళలు తీర్చిదిద్దిన అద్భుతమైన దృశ్యాలతో, భారతదేశ స్ఫూర్తిని ఆకాశ దృక్కోణం నుంచి అందంగా చిత్రీకరిస్తుంది. ఈ ప్రాజెక్ట్ కథనశైలికీ, సమాజ సాధికారతకూ ఓ ఉదాహరణగా నిలుస్తోంది.

వేవ్స్ ఉత్సాహం శిఖర స్థాయికి చేరుతున్న తరుణంలో, “క్రియేట్ ఇన్ ఇండియా ఛాలెంజ్” భారతదేశ సృజనాత్మక ఆశయాలకు ప్రతీకగా మారింది. ఇది కొత్త ప్రతిభకు ద్వారాలను తెరవడమే కాకుండా, ప్రపంచ మీడియా, వినోద రంగాల్లో పెరుగుతున్న భారత్ నాయకత్వ సామర్ధ్యాన్ని మరింతగా బలపరుస్తోంది.

భారత్ తో పాటు అంతర్జాతీయ స్థాయి భాగస్వామ్యంతో  “క్రియేట్ ఇన్ ఇండియా ఛాలెంజ్” ఒక విలక్షణ గ్లోబల్ వేదికగా ఆవిర్భవించింది. ఇది ప్రాంతాలకతీతంగా, తరాలకతీతంగా ప్రతిభావంతుల గళాలను సాధికారంగా మార్చుతూ, “ వేవ్స్ ప్రతి ఇంటికీ, ప్రతి హృదయానికీ చేరాలి” అన్న ప్రధాని దార్శనికతను సంతరించుకుంది. 

***