ವಿಶ್ವ ಆಡಿಯೊ ದೃಶ್ಯ ಮತ್ತು ಮನರಂಜನಾ ಶೃಂಗಸಭೆ (ವೇವ್ಸ್) ಅಡಿಯಲ್ಲಿ ಪ್ರಮುಖ ಉಪಕ್ರಮವಾಗಿ ಪ್ರಾರಂಭಿಸಲಾದ ಕ್ರಿಯೇಟ್ ಇನ್ ಇಂಡಿಯಾ ಚಾಲೆಂಜ್ (ಸಿಐಸಿ) ಸೀಸನ್ 1, 2025ರ ಮೇ 1 ರಿಂದ 4 ರವರೆಗೆ ಮುಂಬೈನ ಜಿಯೋ ವರ್ಲ್ಡ್ ಸೆಂಟರಿನಲ್ಲಿ ಅದ್ಭುತ ಫಿನಾಲೆಗೆ ಸಜ್ಜಾಗಿದೆ. ಎಲ್ಲಾ 32 ಸವಾಲುಗಳಿಗೆ ನೋಂದಣಿಗಳನ್ನು ಈಗ ಅಧಿಕೃತವಾಗಿ ಮುಕ್ತಾಯಗೊಳಿಸುವುದರೊಂದಿಗೆ, ಸಿಐಸಿ ಮಹತ್ವದ ಮೈಲಿಗಲ್ಲನ್ನು ಸಾಧಿಸಿದೆ, 1,100 ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಪ್ರತಿನಿಧಿಗಳು/ಭಾಗವಹಿಸುವವರು  ಸೇರಿದಂತೆ ಸುಮಾರು 1 ಲಕ್ಷ ನೋಂದಣಿಗಳನ್ನು ಸ್ವೀಕರಿಸಿದೆ. ಈ ಸವಾಲುಗಳು 60 ಕ್ಕೂ ಹೆಚ್ಚು ದೇಶಗಳಿಂದ ನಮೂದುಗಳನ್ನು ಆಕರ್ಷಿಸಿವೆ, ಇದು ಈ ಪ್ರವರ್ತಕ ಉಪಕ್ರಮದ ಜಾಗತಿಕ ಆಕರ್ಷಣೆ ಮತ್ತು ವ್ಯಾಪ್ತಿಯನ್ನು ಪ್ರತಿಬಿಂಬಿಸುತ್ತದೆ. ಈ ಸವಾಲುಗಳು 60 ಕ್ಕೂ ಹೆಚ್ಚು ದೇಶಗಳಿಂದ ನಮೂದುಗಳನ್ನು ಆಕರ್ಷಿಸಿವೆ, ಇದು ಈ ಪ್ರವರ್ತಕ ಉಪಕ್ರಮದ ಜಾಗತಿಕ ಆಕರ್ಷಣೆ ಮತ್ತು ವ್ಯಾಪ್ತಿಯನ್ನು ಪ್ರತಿಬಿಂಬಿಸುತ್ತದೆ. ಈ ಅಸಾಧಾರಣ ಪ್ರತಿಭೆಗಳಿಂದ, 750 ಅಂತಿಮ ಸ್ಪರ್ಧಿಗಳಿಗೆ ವೇವ್ಸ್ 2025 ರ ಭಾಗವಾಗಿ ಅನಿಮೇಷನ್, ಕಾಮಿಕ್ಸ್, ಎಐ, ಎಕ್ಸ್ಆರ್, ಗೇಮಿಂಗ್, ಸಂಗೀತ ಮತ್ತು ಇತರ ಕ್ಷೇತ್ರಗಳಲ್ಲಿ ನಾವೀನ್ಯತೆಯನ್ನು ಪ್ರದರ್ಶಿಸಲು  ವಿಶೇಷವಾಗಿ ಕ್ಯುರೇಟೆಡ್ ವೇದಿಕೆಯಾದ ಕ್ರಿಯೇಟೋಸ್ಪಿಯರ್ನಲ್ಲಿ ಅವರ ಸೃಜನಶೀಲ ಕೌಶಲ್ಯಗಳು ಮತ್ತು ಫಲಿತಾಂಶಗಳನ್ನು ಪ್ರದರ್ಶಿಸಲು ಅವಕಾಶ ನೀಡಲಾಗುವುದು. ಈ ಸವಾಲುಗಳ ವಿಜೇತರಿಗೆ ಕಾರ್ಯಕ್ರಮದ 2 ನೇ ದಿನದಂದು ಭವ್ಯವಾದ ಕೆಂಪು ಹಾಸಿನ ವೈಭವದ (ರೆಡ್ ಕಾರ್ಪೆಟ್)  ಸಮಾರಂಭದಲ್ಲಿ ಪ್ರತಿಷ್ಠಿತ 'ವೇವ್ಸ್ ಕ್ರಿಯೇಟರ್ ಪ್ರಶಸ್ತಿಗಳನ್ನು' ಪ್ರದಾನ ಮಾಡಲಾಗುತ್ತದೆ.

ವೇವ್ಸ್ ನಲ್ಲಿನ ಕ್ರಿಯೇಟೋಸ್ಪಿಯರ್ ಗಮನಾರ್ಹ ಜಾಗತಿಕ ಭಾಗವಹಿಸುವಿಕೆಗೆ ಸಾಕ್ಷಿಯಾಗಲಿದೆ, 43 ಅಂತಾರಾಷ್ಟ್ರೀಯ ಮಟ್ಟದ ಅಂತಿಮ ಸ್ಪರ್ಧಿಗಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸುತ್ತಾರೆ, ಸೃಜನಶೀಲತೆಯ ಈ ಸಂಭ್ರಮ ಆಚರಣೆಗೆ ನೈಜ ಅಂತಾರಾಷ್ಟ್ರೀಯ ಆಯಾಮವನ್ನು ಸೇರಿಸುತ್ತಾರೆ. ಅರ್ಜೆಂಟೀನಾ, ನೇಪಾಳ, ಜರ್ಮನಿ, ಬರ್ಮುಡಾ (ಬಿಒಟಿ), ಯುನೈಟೆಡ್ ಸ್ಟೇಟ್ಸ್, ಗ್ರೀಸ್, ಇಂಡೋನೇಷ್ಯಾ, ಯುನೈಟೆಡ್ ಕಿಂಗ್ಡಮ್, ಕೆನಡಾ, ಇಟಲಿ, ಲಾವೋಸ್, ಥೈಲ್ಯಾಂಡ್, ತಜಿಕಿಸ್ತಾನ್, ಈಜಿಪ್ಟ್, ಶ್ರೀಲಂಕಾ, ರಷ್ಯಾ, ಮಾಲ್ಡೀವ್ಸ್, ಮಲೇಷ್ಯಾ ಮತ್ತು ಜಪಾನ್ ಸೇರಿದಂತೆ 20 ಕ್ಕೂ ಹೆಚ್ಚು ದೇಶಗಳನ್ನು ಈ ಅಂತಿಮ ಸ್ಪರ್ಧಿಗಳು ಪ್ರತಿನಿಧಿಸುತ್ತಾರೆ. ಶ್ರೀಲಂಕಾ, ನೇಪಾಳ ಮತ್ತು ತಜಕಿಸ್ತಾನ ತಲಾ 6, ಇಂಡೋನೇಷ್ಯಾ ಮತ್ತು ಮಾಲ್ಡೀವ್ಸ್ನಿಂದ ತಲಾ 5 ಮತ್ತು ಮಾರಿಷಸ್ನಿಂದ 4 ಸ್ಪರ್ಧಿಗಳು ಅಂತಿಮ ಸುತ್ತಿಗೆ ಆಯ್ಕೆಯಾಗಿದ್ದಾರೆ. ಯುನೈಟೆಡ್ ಸ್ಟೇಟ್ಸ್ ಅನ್ನು 2 ಮಂದಿ ಅಂತಿಮ ಸ್ಪರ್ಧಿಗಳು ಪ್ರತಿನಿಧಿಸಿದರೆ, ರಷ್ಯಾ, ಕೆನಡಾ, ಅರ್ಜೆಂಟೀನಾ, ಲಾವೋಸ್, ಮಲೇಷ್ಯಾ, ಬರ್ಮುಡಾ, ಈಜಿಪ್ಟ್, ಥೈಲ್ಯಾಂಡ್ ಮತ್ತು ಯುನೈಟೆಡ್ ಕಿಂಗ್ಡಮ್ ತಲಾ 1 ಅಂತಿಮ ಸ್ಪರ್ಧಿಗಳನ್ನು ಹೊಂದಿವೆ. ಈ ವೈವಿಧ್ಯಮಯ ಅಂತರರಾಷ್ಟ್ರೀಯ ಹಾಜರಾತಿಯು ಕ್ರಿಯೇಟ್ ಇನ್ ಇಂಡಿಯಾ ಚಾಲೆಂಜ್ ನ ಜಾಗತಿಕ ಆಕರ್ಷಣೆ ಮತ್ತು ಹೆಚ್ಚುತ್ತಿರುವ ವ್ಯಾಪ್ತಿಯನ್ನು ಒತ್ತಿಹೇಳುತ್ತದೆ.

ಭಾರತವು, ಈ ಸವಾಲುಗಳಲ್ಲಿ ಎಲ್ಲಾ 28 ರಾಜ್ಯಗಳು ಮತ್ತು 8 ಕೇಂದ್ರಾಡಳಿತ ಪ್ರದೇಶಗಳಿಂದ ಉತ್ಸಾಹಭರಿತ ಭಾಗವಹಿಸುವಿಕೆಯನ್ನು ಕಂಡಿತು, ಇದು ಉಪಕ್ರಮದ ನಿಜವಾದ ರಾಷ್ಟ್ರೀಯ ಹೆಜ್ಜೆಗುರುತನ್ನು ಒತ್ತಿಹೇಳುತ್ತದೆ. ಸವಾಲುಗಳಾದ್ಯಂತ ಅಂತಿಮ ಸ್ಪರ್ಧಿಗಳ ಪಟ್ಟಿಯು ಗಮನಾರ್ಹವಾದ ಪ್ರಾದೇಶಿಕ ಪ್ರಾತಿನಿಧ್ಯವನ್ನು ಪ್ರತಿಬಿಂಬಿಸುತ್ತದೆ, ಪೂರ್ವದಲ್ಲಿ ಅಸ್ಸಾಂ ಮತ್ತು ಮೇಘಾಲಯದಿಂದ ಪಶ್ಚಿಮದಲ್ಲಿ ಗುಜರಾತ್ ವರೆಗೆ ಮತ್ತು ಉತ್ತರದಲ್ಲಿ ಹಿಮಾಚಲ ಪ್ರದೇಶದಿಂದ ದಕ್ಷಿಣದಲ್ಲಿ ಕೇರಳದವರೆಗೆ ಸ್ಪರ್ಧಿಗಳು  ಭಾಗವಹಿಸಿದ್ದಾರೆ.

ಯುವಜನರ ಶಕ್ತಿಯನ್ನು ಸಂಭ್ರಮಿಸುವ  ಕ್ರಿಯೇಟ್ ಇನ್ ಇಂಡಿಯಾ ಚಾಲೆಂಜ್ ಗಳು ಮುಖ್ಯವಾಗಿ ತಮ್ಮ 20ರ ಹರೆಯದ ಯುವ ಸೃಷ್ಟಿಕರ್ತರಿಂದ ಮುನ್ನಡೆಸಲ್ಪಡುತ್ತವೆ, ಇದು ಕಾಲೇಜು ವಿದ್ಯಾರ್ಥಿಗಳು, ಆರಂಭಿಕ ವೃತ್ತಿಜೀವನದ ವೃತ್ತಿಪರರು ಮತ್ತು ಹದಿಹರೆಯದ ನಾವೀನ್ಯಕಾರರ ರೋಮಾಂಚಕ ಪರಿಸರ ವ್ಯವಸ್ಥೆಯನ್ನು ಪ್ರತಿಬಿಂಬಿಸುತ್ತದೆ. ಕೇವಲ 12 ವರ್ಷ ವಯಸ್ಸಿನ ಅತ್ಯಂತ ಕಿರಿಯ ಫೈನಲಿಸ್ಟ್ ಮತ್ತು 66 ನೇ ವಯಸ್ಸಿನ ಅತ್ಯಂತ ಹಿರಿಯ ಸ್ಪರ್ಧಿಯ ಆಯ್ಕೆಯೊಂದಿಗೆ, ಈ ಉಪಕ್ರಮವು ವಯಸ್ಸನ್ನು ಮೀರಿದ ನಿಜವಾದ ಅಂತರ್ಗತವಾದ ಎಲ್ಲರನ್ನೂ ಒಳಗೊಳ್ಳುವ  ಸೃಜನಶೀಲ ವೇದಿಕೆಯನ್ನು ಪ್ರದರ್ಶಿಸುತ್ತದೆ.

ಕ್ರಿಯೇಟ್ ಇನ್ ಇಂಡಿಯಾ ಉಪಕ್ರಮವು ಉದ್ದೇಶ ಮತ್ತು ಭಾಗವಹಿಸುವಿಕೆಯಲ್ಲಿ ವೈವಿಧ್ಯತೆಯನ್ನು ಆಚರಿಸುವಾಗ ತಳಮಟ್ಟದ ನಾವೀನ್ಯತೆಯನ್ನು ಎತ್ತಿಹಿಡಿಯುತ್ತದೆ. ಇನ್ನೋವೇಟ್ 2 ಎಜುಕೇಟ್ ಚಾಲೆಂಜ್ ಮೂಲಕ ಶಿಕ್ಷಣವನ್ನು ಲಭ್ಯವಾಗುವಂತೆ ಮಾಡುವುದರಿಂದ ಹಿಡಿದು "ಜಗತ್ತು ಖಾದಿ ಧರಿಸುವಂತೆ ಮಾಡಿ" ಮೂಲಕ ಭಾರತದ ಜವಳಿ ಪರಂಪರೆಯನ್ನು ಪುನರುಜ್ಜೀವನಗೊಳಿಸುವವರೆಗೆ, ಸವಾಲುಗಳು ಸಂಪ್ರದಾಯ ಮತ್ತು ತಂತ್ರಜ್ಞಾನವನ್ನು ಒಳಗೊಂಡಿವೆ. "ಇಂಡಿಯಾ: ಎ ಬರ್ಡ್ಸ್ ಐ ವ್ಯೂ" ಚಲನಚಿತ್ರ ನಿರ್ಮಾಪಕರು ಮತ್ತು ಡ್ರೋನ್ ದೀದಿಗಳ ಅದ್ಭುತ ವೈಮಾನಿಕ ದೃಶ್ಯಗಳ ಮೂಲಕ ರಾಷ್ಟ್ರದ ಉತ್ಸಾಹವನ್ನು ಸೆರೆಹಿಡಿಯುತ್ತದೆ, ಕಥೆ ಹೇಳಲು ಮತ್ತು ಸಮುದಾಯ ಸಬಲೀಕರಣಕ್ಕಾಗಿ ಡ್ರೋನ್ ತಂತ್ರಜ್ಞಾನವನ್ನು ಬಳಸುತ್ತದೆ.

ವೇವ್ಸ್ 2025ರ ಉತ್ಸಾಹವು ಉತ್ತುಂಗವನ್ನು ತಲುಪುತ್ತಿದ್ದಂತೆ, ಕ್ರಿಯೇಟ್ ಇನ್ ಇಂಡಿಯಾ ಚಾಲೆಂಜ್ ಭಾರತದ ಸೃಜನಶೀಲ ಮಹತ್ವಾಕಾಂಕ್ಷೆಯ ಪ್ರಬಲ ಅಭಿವ್ಯಕ್ತಿಯಾಗಿ ಹೊರಹೊಮ್ಮಿದೆ, ಪ್ರತಿಭೆಗಳಿಗೆ ಹೊಸ ಅವಕಾಶಗಳನ್ನು ಅದು ತೆರೆಯುತ್ತದೆ ಮತ್ತು ಜಾಗತಿಕ ಮಾಧ್ಯಮ ಹಾಗು  ಮನರಂಜನಾ ಭೂದೃಶ್ಯದಲ್ಲಿ ರಾಷ್ಟ್ರದ ಉದಯೋನ್ಮುಖ ನಾಯಕತ್ವವನ್ನು ಪುನರುಚ್ಚರಿಸುತ್ತದೆ. ಭಾರತೀಯ ಮತ್ತು ಅಂತಾರಾಷ್ಟ್ರೀಯ ಭಾಗವಹಿಸುವಿಕೆಯ ರೋಮಾಂಚಕ ಮಿಶ್ರಣದೊಂದಿಗೆ, ಕ್ರಿಯೇಟ್ ಇನ್ ಇಂಡಿಯಾ ಚಾಲೆಂಜ್ ಒಂದು ಕ್ರಿಯಾತ್ಮಕ ಜಾಗತಿಕ ವೇದಿಕೆಯಾಗಿ ಬೆಳೆದಿದೆ, ಪ್ರದೇಶಗಳು ಮತ್ತು ತಲೆಮಾರುಗಳಾದ್ಯಂತ ಧ್ವನಿಗಳನ್ನು ಸಬಲೀಕರಣಗೊಳಿಸುತ್ತಿದೆ ಮತ್ತು "ವೇವ್ಸ್ ನ ಅಲೆಗಳು ಪ್ರತಿ ಮನೆ ಮತ್ತು ಪ್ರತಿ ಹೃದಯವನ್ನು ತಲುಪಬೇಕು" ಎಂಬ ಗೌರವಾನ್ವಿತ ಪ್ರಧಾನ ಮಂತ್ರಿಯವರ ದೃಷ್ಟಿಕೋನವನ್ನು ನಿಜವಾಗಿಯೂ ಸಾಕಾರಗೊಳಿಸುತ್ತದೆ.

*****