কল্চর মন্ত্রালয়
ৱার্ল্দ হেরিতেচ দে, এপ্রিল ১৮, ২০২৫ লাকপদা এ.এস.আই মোনুমেন্তশিং য়েংবগী শেন লৌরোই
Posted On:
17 APR 2025 4:44PM by PIB Imphal
এপ্রিল ১৮ দা মালেম শীনবা থুংনা পাংথোক্কদৌরিবা ‘মোনুমেন্তশিং অমসুং সাইতশিংগী মালেমগী নুমিৎ’ থৌরমদা ভারত শীনবা থুংনা লৈরিবা এ.এস.আই মোনুমেন্তশিং য়েংবদা শেন অমতা লৌরোই হায়না আর্কিওলোজিকেল সর্ভে ওফ ইন্দিয়া (এ.এস.আই) না লাউথোকখ্রে।
থৌরাং অসিনা ভারতকী ইনাকখুল্লবা নাৎকী মফমশিং য়েংনবা মীয়ামগী পুক্নিং থৌগৎকনি। এ.এস.আইগী মখাদা মোনুমেন্ত অমসুং সাইত ৩,৬৯৮ ঙাক-শেন্দুনা লৈদুনা, মসিনা লৈবাক অসিগী পুৱারিগী থৌদোকশিং অমসুং আর্কিতেকচরগী অঙকপশিংগা অমুক হন্না শম্নহন্নবগী খুদোংচাবা পীরি।
‘মোনুমেন্তশিং অমসুং সাইতশিংগী মালেমগী নুমিৎ’ গী চহি অসিগী থিমদি ‘ অমাং-অতা অমসুং মুক্নবদগী ফিবম শোক্লবা হেরিতেচ’ হায়বনি, মসিদা মহৌশা নত্ত্রগা মীওইবনা থোকহনবা অমাং-অতাশিং, মুক্নবশিংদগী হেরিতেচ সাইতশিং ঙাক-শেন্নবা মীয়াম ৱাখল তাহনগনি।
মফমশিং য়েংবা চংবদা শেন লৌদবগা লোয়ননা, ঐখোয়গী হেরিতেচ ঙাক-শেনবা অমসুং য়েংশিনবগী মতাংদা মীয়াম হেন্না শরুক য়ানবা পুক্নিং থৌগৎনবা অমসুং ঐখোয়গী হেরিতেচ ঙাক-শেনবদা কমদৌনা মীয়াম্না থৱায় য়াওনা শরুক য়াগনি হায়বগী মতাংদা মীয়ামগী পুক্নিং চিংশিন্নবা এ.এস.আইনা থাজবা থম্লি।
পুম্নমক অসিগী মথক্ত, ঐখোয়গী সংবিধান্দা পীরিবা তঙাইফদ্রবা থৌদাংশিংগী মতুংইন্না, মমল নাইদ্রবা হেরিতেচ সাইতশিং ঙাক-শেনবা অমসুং মখোয় ঙাক-শেন্নবা ঐখোয়গী থৌদাং পাংথোকপা অসি ঐখোয়গী অপুনবা থবক্নি।
****
(Release ID: 2122469)
Visitor Counter : 38