ୱେଭ୍ସ (ୱାର୍ଲ୍ଡ ଅଡିଓ ଭିଜୁଆଲ୍ ଏଣ୍ଟରଟେନମେଣ୍ଟ ସମିଟ୍) ୨୦୨୫ର କ୍ରିଏଟ୍ ଇନ୍ ଇଣ୍ଡିଆ ଚ୍ୟାଲେଞ୍ଜ ସିଜିନ୍ ୧ ଅନ୍ତର୍ଗତ ଏକ ପ୍ରମୁଖ ପଦକ୍ଷେପ, ଆଣ୍ଟି-ପାଇରେସି ଚ୍ୟାଲେଞ୍ଜର ଫାଇନାଲିଷ୍ଟମାନଙ୍କ ନାମ ଘୋଷଣା କରାଯାଇଛି। ଭାରତ ସରକାରଙ୍କ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ପକ୍ଷରୁ ୧-୪ ମଇ ୨୦୨୫ରେ ମୁମ୍ବାଇରେ ୱେଭ୍ସ ସମ୍ମିଳନୀ ଆୟୋଜନ କରାଯାଉଛି।

ଆଣ୍ଟି-ପାଇରେସି ଚ୍ୟାଲେଞ୍ଜର ଲକ୍ଷ୍ୟ ଥିଲା ଫିଙ୍ଗରପ୍ରିଣ୍ଟିଂ ଏବଂ ୱାଟରମାର୍କିଂ ସମାଧାନରେ ପ୍ରଯୁକ୍ତିବିଦ୍ୟାକୁ ପ୍ରୋତ୍ସାହିତ କରିବା। ଏହାକୁ ଶିଳ୍ପ ଏବଂ ଅଂଶଗ୍ରହଣକାରୀମାନଙ୍କଠାରୁ ଏକ ଜବରଦସ୍ତ ସମର୍ଥନ ମିଳିଛି। ୧୨ ସେପ୍ଟେମ୍ବର, ୨୦୨୪ରେ ଆରମ୍ଭ ହୋଇଥିବା ଏହି ଚ୍ୟାଲେଞ୍ଜର ମୁଖ୍ୟ ଉଦ୍ଦେଶ୍ୟ ଡିଜିଟାଲ୍ ପାଇରେସି ବିରୋଧରେ ଲଢ଼େଇରେ ମେକ୍ ଇନ୍ ଇଣ୍ଡିଆ ପ୍ରଯୁକ୍ତିବିଦ୍ୟାକୁ ପ୍ରୋତ୍ସାହିତ କରିବା ଥିଲା। ଏହି ଚ୍ୟାଲେଞ୍ଜ ପାଇଁ ସାରା ଦେଶରୁ ଷ୍ଟାର୍ଟଅପ୍, ପ୍ରଯୁକ୍ତିବିଦ୍ୟା ପ୍ରଦାନକାରୀ, ଗବେଷଣା ପ୍ରତିଷ୍ଠାନ ଏବଂ ଛାତ୍ରଛାତ୍ରୀଙ୍କଠାରୁ ୧୬୦୦ ରୁ ଅଧିକ ପଞ୍ଜୀକରଣ ଆସିଥିଲା ଏବଂ ୧୩୨ ଟି ଆଇଡିଆ ଦାଖଲ କରାଯାଇଥିଲା। ଏକ କଠୋର ବହୁ-ସ୍ତରୀୟ ସ୍କ୍ରିନିଂ ଏବଂ ମୂଲ୍ୟାଙ୍କନ ପ୍ରକ୍ରିୟା ପରେ, ୧୫ଟି ଆଇଡିଆକୁ ଚୂଡ଼ାନ୍ତ ତାଲିକାଭୁକ୍ତ କରାଯାଇଥିଲା। ସମ୍ମାନିତ ଜୁରୀ ପ୍ୟାନେଲ ଦ୍ୱାରା ପୁଙ୍ଖାନୁପୁଙ୍ଖ ମୂଲ୍ୟାଙ୍କନ ପରେ, ଡିଜିଟାଲ୍ ବିଷୟବସ୍ତୁ ସୁରକ୍ଷାରେ ସେମାନଙ୍କର ଯୁଗାନ୍ତକାରୀ ନବସୃଜନ ପାଇଁ ୭ ଜଣ ଚୂଡ଼ାନ୍ତ ପ୍ରତିଯୋଗୀ ଏବେ ବଛା ହୋଇଛନ୍ତି।

ମଇ ୦୧-୦୪, ୨୦୨୫ରେ ମୁମ୍ବାଇର ଜିଓ ସେଣ୍ଟରରେ ଅନୁଷ୍ଠିତ ହେବାକୁ ଥିବା ବିଶ୍ୱ ଅଡିଓ ଭିଜୁଆଲ୍ ଏଣ୍ଟରଟେନମେଣ୍ଟ ସମିଟ୍ (ଓ୍ବେଭ୍ସ) ୨୦୨୫ ସମୟରେ ଶ୍ରେଷ୍ଠ ସାତ ଜଣ ଫାଇନାଲିଷ୍ଟ ଚୂଡ଼ାନ୍ତ ଜୁରି ଏବଂ ଲାଇଭ୍ ଦର୍ଶକଙ୍କ ସମ୍ମୁଖରେ ସେମାନଙ୍କର ସମାଧାନ ଉପସ୍ଥାପନ କରିବେ। ବିଜେତାମାନଙ୍କୁ ସମିଟର ଗ୍ରାଣ୍ଡ ଫିନାଲେରେ ପୁରସ୍କୃତ କରାଯିବ।

ଫାଇନାଲିଷ୍ଟ ଓ ସେମାନଙ୍କ ସମାଧାନ

ଚ୍ୟାଲେଞ୍ଜର ମୁଖ୍ୟ ବୈଶିଷ୍ଟ୍ୟ:

ଫିଙ୍ଗରପ୍ରିଣ୍ଟିଂ, ୱାଟରମାର୍କିଂ, ବ୍ଲକଚେନ୍ ଏବଂ ଷ୍ଟେଗାନୋଗ୍ରାଫି ଭଳି ଉନ୍ନତ ପ୍ରଯୁକ୍ତିବିଦ୍ୟା ଉପରେ ଧ୍ୟାନ ଦିଆଯାଇଛି।

ଷ୍ଟାର୍ଟଅପ୍, ଛାତ୍ର ଏବଂ ପ୍ରଯୁକ୍ତିବିଦ୍ୟା ଉଦ୍ଭାବକଙ୍କ ଅଂଶଗ୍ରହଣ

ଶିଳ୍ପ ବିଶେଷଜ୍ଞ ଏବଂ ପ୍ରଯୁକ୍ତିବିଦ୍ୟା ବିଶେଷଜ୍ଞଙ୍କୁ ନେଇ ଗଠିତ ଏକ ସମ୍ମାନିତ ଜୁରୀଙ୍କ ଦ୍ୱାରା ବିଚାର

ଜାତୀୟ ସ୍ୱୀକୃତି, ମାର୍ଗଦର୍ଶନ ଏବଂ ଶିଳ୍ପ ସହଯୋଗ ସୁଯୋଗ ପାଇବା ପାଇଁ ବିଜୟୀ ସମାଧାନ

ଆଜିର ଦ୍ରୁତ ଗତିରେ ବିକଶିତ ହେଉଥିବା ମିଡିଆ ଏବଂ ମନୋରଞ୍ଜନ କ୍ଷେତ୍ରରେ, ଡିଜିଟାଲ୍ କଣ୍ଟେଣ୍ଟର ସୁରକ୍ଷା, ଅଖଣ୍ଡତା ଏବଂ ପ୍ରାମାଣିକତାକୁ ସୁରକ୍ଷା ଦେବା ପୂର୍ବ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ ହୋଇଯାଇଛ। ଡିଜିଟାଲ୍ ମିଡିଆ ବ୍ୟବହାର ବୃଦ୍ଧି ପାଇରେସି, ଅନଧିକୃତ ବଣ୍ଟନ ଏବଂ କଣ୍ଟେଣ୍ଟ ହେରଫେରର ବିପଦକୁ ବୃଦ୍ଧି କରିଛି - ଯାହା କଣ୍ଟେଣ୍ଟ କ୍ରିଏଟର, ବିତରକ ଏବଂ ଅଧିକାର ଧାରକଙ୍କ ପାଇଁ ଗମ୍ଭୀର ଚ୍ୟାଲେଞ୍ଜ ସୃଷ୍ଟି କରୁଛି।

ମିଡିଆ ପାର୍ଟନର୍ସ ଏସିଆର ଏକ ରିପୋର୍ଟ ଅନୁଯାୟୀ, ଭାରତରେ ୨୦୨୪ ସୁଦ୍ଧା ୧୦ ନିୟୁତ ଉପଭୋକ୍ତା ଅନଲାଇନ୍ ଭିଡିଓ ପାଇରେସିରେ ସାମିଲ ହେବେ, ଯାହା ଫଳରେ ୧.୨ ବିଲିୟନ ଆମେରିକୀୟ ଡଲାରର କ୍ଷତି ହେବ। ପ୍ରଭାବଶାଳୀ ଏବଂ ଦୃଢ଼ ପାଇରେସି ବିରୋଧୀ ହସ୍ତକ୍ଷେପ ବିନା, ଏହା ୨୦୨୯ ସୁଦ୍ଧା ୧୫୮ ନିୟୁତ ଉପଭୋକ୍ତାଙ୍କୁ ବୃଦ୍ଧି ପାଇପାରେ।

ସ୍ବତ୍ବାଧିକାର ଧାରକ ଏବଂ ପ୍ରସାରକମାନେ ଉଲ୍ଲଂଘନକାରୀଙ୍କୁ ଚିହ୍ନଟ କରିବା, ସେମାନଙ୍କ ସହିତ ଲଢ଼ିବା ଏବଂ ସେମାନଙ୍କର ଆଇପି ଅଧିକାରକୁ କାର୍ଯ୍ୟକାରୀ କରିବା ପାଇଁ ପ୍ରଯୁକ୍ତିବିଦ୍ୟା ସମାଧାନ ଉପରେ ବର୍ଦ୍ଧିତ ଭାବରେ ନିର୍ଭର କରୁଛନ୍ତି। ତଥାପି, ପ୍ରମୁଖ ପାଇରେସି ସାଇଟ୍ ଏବଂ ସେବା ପଛରେ ଥିବା ଅପରାଧୀ ସିଣ୍ଡିକେଟଗୁଡିକ ନିରନ୍ତର ସେମାନଙ୍କର ଭିତ୍ତିଭୂମିକୁ ଅନୁକୂଳ ଏବଂ ଅସ୍ପଷ୍ଟ କରୁଛନ୍ତି, ଯାହା ଫଳରେ ପାଇରେସି ଚିହ୍ନଟ ଏବଂ ପ୍ରବର୍ତ୍ତନ ପ୍ରକ୍ରିୟା ପୂର୍ବ ଅପେକ୍ଷା ଅଧିକ ଜଟିଳ ହେଉଛି।

ଫିଙ୍ଗରପ୍ରିଣ୍ଟିଂ ଏବଂ ୱାଟରମାର୍କିଂ ସମାଧାନରେ ପ୍ରଯୁକ୍ତିବିଦ୍ୟା ନବସୃଜନକୁ ପ୍ରୋତ୍ସାହିତ କରିବା ପାଇଁ ଡିଜାଇନ୍ କରାଯାଇଥିବା ଏହି ପ୍ରତିଯୋଗିତା ଭାରତର ଡିଜିଟାଲ୍ ଇକୋସିଷ୍ଟମକୁ ସୁରକ୍ଷିତ ରଖିବାର ବର୍ଦ୍ଧିତ ଆବଶ୍ୟକତାକୁ ପ୍ରତିଫଳିତ କରେ।

ଭାରତର ଡିଜିଟାଲ୍ ଭବିଷ୍ୟତକୁ ସୁରକ୍ଷିତ କରିବା ଏବଂ ଗୁରୁତ୍ୱପୂର୍ଣ୍ଣ ପ୍ରଯୁକ୍ତିବିଦ୍ୟା କ୍ଷେତ୍ରରେ ସ୍ୱଦେଶୀ ନବସୃଜନକୁ ଉତ୍ସାହିତ କରିବା ଦିଗରେ ଆଣ୍ଟିପାଇରେସି ଚ୍ୟାଲେଞ୍ଜ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ।

ଓ୍ବେଭ୍ସର ଅଂଶ ଭାବରେ ସିଆଇଆଇ ଦ୍ୱାରା ଆୟୋଜିତ ଏହି ଚ୍ୟାଲେଞ୍ଜକୁ ଆଇପିହାଉସ, ଟାଟା କନସଲଟାନ୍ସି ସର୍ଭିସେସ (ଟିସିଏସ) ଏବଂ ହ୍ୟାକଟୁସ୍କିଲ୍ ଦ୍ବାରା ସମର୍ଥନ କରାଯାଇଥିଲା, ଯେଉଁମାନେ ମୂଲ୍ୟାଙ୍କନ ପ୍ରକ୍ରିୟାରେ ଏବଂ ସମଗ୍ର ଚ୍ୟାଲେଞ୍ଜରେ ଶିଳ୍ପ ଅଂଶଗ୍ରହଣକୁ ସୁଗମ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।

TKM