ప్రాజెక్టులో సంపూర్ణంగా లీనమైపోయే అనుభూతినిచ్చే (ఇమ్మర్సివ్ సాంకేతికత) పరిశోధన శాలలు మొదలుకొని వివిధ వేదికల మధ్య జరిగే వార్ గేములు వంటి అద్భుతాలను సృష్టిస్తున్న దేశ టాప్ ఎక్స్టెండెడ్ రియాలిటీ సృజనకారులు, కొత్త అంశాలను నేర్చుకునే విధానాన్ని, చికిత్సలు అందుకునే విధానాలని, షాపింగ్, పర్యాటన అనుభవాలని కొత్త తరహాలో పునఃపరిచయం చేస్తున్నారు. వేవ్స్ (ప్రపంచ దృశ్య-శ్రవణ, వినోద రంగ సదస్సు) లో భాగంగా సమాచార ప్రసార శాఖ వేవ్ ల్యాప్స్ సహకారంతో చేపట్టిన క్రియేట్ ఇన్ ఇండియా పోటీల్లో ఏర్పాటు చేసిన ఎక్స్ ఆర్ క్రియేటర్ హ్యాకథాన్ విజేతలను ప్రకటించారు. ఇమ్మర్సివ్ సాంకేతికతలో భారత్ ను మరింత ముందుకు నడిపించాలన్న ఉద్దేశంతో చేపట్టిన ఈ హ్యాకథాన్, 5 ప్రధాన ఇతివృత్తాలతో ఏర్పాటైంది, అవే – ఆరోగ్యం, శారీరక దారుఢ్యం, సంక్షేమం... విద్యారంగ  పరివర్తన... ఇమ్మర్సివ్ పర్యాటకం ... డిజిటల్ మీడియా, వినోదం... ఈ-కామర్స్, రిటైల్ వ్యాపార పరివర్తన.    

హ్యాకథాన్ లో పాల్గొనేందుకు దేశం నలుమూలల నుంచి 2,200 మందికి పైగా తమ పేర్లను నమోదు చేసుకున్నారు. మూడు దశల వడపోతల అనంతరం, అయిదు బృందాలను  విజేతలుగా ప్రకటించారు – వీరిలో వివిధ నగరాలు, సంస్థల నుంచి వచ్చిన విద్యార్థులు, వృత్తి నిపుణులు, పారిశ్రామికవేత్తలు ఉన్నారు. యూట్యూబ్ ప్రత్యక్ష ప్రసారం (లైవ్ స్ట్రీమింగ్) ద్వారా ఏర్పాటు చేసిన విజేతల సంరంభం (విన్నర్స్ సెరిమని) కార్యక్రమంలో విజేతలను ప్రకటించారు.
 

విజేతలుగా నిలిచిన బృందాలు, చేపట్టిన ఎక్స్ ఆర్ ప్రాజెక్టుల వివరాలు:

1) ‘ఎడ్యుకేషన్ ట్రాన్సఫర్మేషన్’ (విద్యారంగ పరివర్తన) అనే ఇతివృత్తంలో ‘ఎడ్యుస్కేప్ ఎక్స్ ఆర్’ పేరిట ప్రాజెక్టును చేపట్టిన ‘ఎక్స్ ఆర్ రన్నర్స్’ బృందం విజేతగా నిలిచింది.

ఐఐటీ-ఖరగ్ పూర్ విద్యార్థులు వీఆర్-ఆధారిత సాంకేతికత ద్వారా అభివృద్ధి పరచిన ఎడ్యుస్కేప్ ఎక్స్ ఆర్, హ్యాండ్ ట్రాకింగ్, ఎఐ ఆధారిత స్పందనను తెలుసుకోవడం ద్వారా భౌతిక శాస్త్రం, రసాయన శాస్త్రం, జీవ శాస్త్ర ప్రాజెక్టులలో ఇమ్మర్సివ్ సాంకేతికతను ఉపయోగించే వీలును విద్యార్థులకు  కల్పిస్తుంది. పరిశోధనశాల సౌకర్యాలు లేని అనేక పాఠశాలలకు, కళాశాలలకు ఇది ప్రయోజనం కలిగిస్తుంది. సాహిల్ పటేల్, శౌర్యా బరన్వాల్ లతో కూడిన బృందానికి సారథ్యం వహించిన వేదాంతా హాజ్రా స్పందిస్తూ.. “ప్రయోగశాలల కొరత వల్ల దేశంలోని అనేక ప్రాంతాల్లోని విద్యార్థులు వైజ్ఞానిక ప్రయోగాలు చేపట్టలేకపోతున్నారు. ఈ పరిస్థితిని మేం మార్చాలనుకున్నాం. వర్చువల్ రియాలిటీ వేదిక సాయంతో విద్యార్థులకు స్టెమ్ ప్రాక్టికల్స్ అందించడం ద్వారా విద్యా పద్ధతుల్లో విప్లవాత్మక మార్పులు తేవాలన్నది మా అభిమతం” అని అన్నారు.

   2) ‘ఆరోగ్యం, శారీరక దారుఢ్యం, సంక్షేమం’ విభాగంలో ‘కాగ్నిహ్యాబ్’ ప్రాజెక్టును చేపట్టిన ‘కాగ్నిహ్యాబ్’ బృందం విజయాన్ని దక్కించుకుంది.

లేజీ ఐ (మెల్లకన్ను), గుండెపోటు, ఆందోళన ఆరోగ్య  సమస్యలకు కాగ్నిహ్యాబ్ బృందం ఎక్స్ ఆర్ ఆధారిత పరిష్కారాలను సూచించింది. బృందానికి నేతృత్వం వహించిన రిషభ్ కపూర్ మాట్లాడుతూ, “నిజజీవిత పరిస్థితుల్లో ఈ సమస్యల పరిష్కారాలను ప్రయత్నించి చూశాం. హ్యాకథాన్ ద్వారా మా విధానానికి మెరుగులు దిద్దుకునే అవకాశం, కొత్త భాగస్వాములను కనుగొనే అవకాశం మాకు దక్కింది” అని ఆనందం వ్యక్తం చేశారు. ఎక్స్ ఆర్ ఆరోగ్య సాంకేతికతలో అనుభవం కలిగిన పింటూ కుమార్ తదితరులు బృందంలోని ఇతర సభ్యులు.
 

3) ‘ఇమ్మర్సివ్ పర్యాటకం’ అంశంలో లూమెక్సార్ బృందానికి ‘ఇమ్మర్సివ్ ట్రావెల్ గైడ్’ ప్రాజెక్టు విజయాన్ని చేకూర్చింది.

లూమెక్సార్ అభివృద్ధి పరచిన మిక్సడ్- రియాలిటీ టూరిజం గైడ్, వినియోగదారులు వర్చువల్ పద్ధతిలో పర్యాటక ప్రాంతాలను గురించే ముందుగానే తెలుసుకునే సదుపాయాన్ని కల్పిస్తుంది. 3-డీ మ్యాపులు, డ్రోన్ ల ద్వారా తీసిన ఛాయాచిత్రాలు, వీడియో కథనాలు వంటి అంశాలను ఒకచోట కూర్చి, ఔత్సాహిక పర్యాటకులు ఏ ప్రాంతాన్ని పర్యటించాలన్న నిర్ణయాన్ని తీసుకోవడంలో సహాయకారిగా ఉంటుంది. సాధారణ పర్యాటక బ్రోచర్లు, వీడియోలకు మించి, టూరిజం సంస్థలు పర్యాటకులకు ఎక్స్ ఆర్ ఆధారిత ప్రివ్యూలను అందించడంలో ఈ ప్రాజెక్టు ఉపయోగకరంగా ఉంటుంది. లూమెక్సార్ బృంద నాయకుడు శావియో మాట్లాడుతూ, “మ ప్రాజెక్టు సాధారణ ట్రావెల్ యాప్ లకు భిన్నం – ఒక ప్రాంత విశేషాలను కథల రూపంలో తెలియజేసే ఇమ్మర్సివ్ అనుభూతి. దీని ద్వారా బుక్ చేసుకునే ముందే పర్యాటకులు ఆయా ప్రాంతాలను నిజ జీవితంలో చూసిన అనుభూతిని పొందగలరు” అని అన్నారు.  

4)  ‘ఈ-కామర్స్, రిటైల్ వ్యాపార పరివర్తన’ అంశంలో పోటీ పడ్డ ‘ఈఎంఓ’ బృందానికి విజయాన్ని కట్టబెట్టిన ‘హెవెన్ ఎస్టేట్’ ప్రాజెక్ట్