ತಲ್ಲೀನಗೊಳಿಸುವ ವಿಜ್ಞಾನ ಪ್ರಯೋಗಾಲಯಗಳಿಂದ ಕ್ರಾಸ್-ಪ್ಲಾಟ್‌ಫಾರ್ಮ್ ವಾರ್‌ ಗೇಮ್ಸ್‌ ಗಳವರೆಗೆ, ಭಾರತದ ಉನ್ನತ ವಿಸ್ತೃತ ರಿಯಾಲಿಟಿ (ಎಕ್ಸ್ಆರ್) ನಾವೀನ್ಯಕಾರರು ನಮ್ಮ ಕಲಿಯುವ, ಗುಣಪಡಿಸುವ, ಶಾಪಿಂಗ್ ಮಾಡುವ ಮತ್ತು ಪ್ರಯಾಣಿಸುವ ವಿಧಾನವನ್ನು ಮರು ವ್ಯಾಖ್ಯಾನಿಸುತ್ತಿದ್ದಾರೆ! ವಾರ್ತಾ ಮತ್ತು ಪ್ರಸಾರ ಸಚಿವಾಲಯವು ವೇವ್‌ಲ್ಯಾಪ್ಸ್ ಸಹಯೋಗದೊಂದಿಗೆ ವಿಶ್ವ ಧ್ವನಿ-ದೃಶ್ಯ ಮತ್ತು ಮನರಂಜನಾ ಶೃಂಗಸಭೆಯ (ವೇವ್ಸ್‌) ಭಾಗವಾಗಿ ಪ್ರಾರಂಭಿಸಲಾದ ಕ್ರಿಯೇಟ್ ಇನ್ ಇಂಡಿಯಾ ಚಾಲೆಂಜ್ (ಸಿಐಸಿ) ಸೀಸನ್-1ರ ಭಾಗವಾಗಿರುವ ಎಕ್ಸ್ ಆರ್  ಕ್ರಿಯೇಟರ್ ಹ್ಯಾಕಥಾನ್‌ ನ ವಿಜೇತರನ್ನು ಘೋಷಿಸಲಾಗಿದೆ. ತಲ್ಲೀನಗೊಳಿಸುವ ತಂತ್ರಜ್ಞಾನದಲ್ಲಿ ಭಾರತದ ಉಪಸ್ಥಿತಿಯನ್ನು ವೇಗಗೊಳಿಸುವ ಗುರಿಯನ್ನು ಹೊಂದಿರುವ ಹ್ಯಾಕಥಾನ್, ಆರೋಗ್ಯ ರಕ್ಷಣೆ-ಫಿಟ್‌ನೆಸ್ ಮತ್ತು ಯೋಗಕ್ಷೇಮ, ಶೈಕ್ಷಣಿಕ ಪರಿವರ್ತನೆ, ಪ್ರವಾಸೋದ್ಯಮ, ಡಿಜಿಟಲ್ ಮಾಧ್ಯಮ ಮತ್ತು ಮನರಂಜನೆ ಮತ್ತು ಇ-ಕಾಮರ್ಸ್-ಚಿಲ್ಲರೆ ವ್ಯಾಪಾರ ಪರಿವರ್ತನೆ ಎಂಬ ಐದು ವಿಷಯಾಧಾರಿತ ವಿಭಾಗಗಳನ್ನು ಹೊಂದಿತ್ತು.

ಭಾರತದಾದ್ಯಂತ 2,200ಕ್ಕೂ ಹೆಚ್ಚು ಭಾಗವಹಿಸುವವರು ಹ್ಯಾಕಥಾನ್‌ ಗೆ ನೋಂದಾಯಿಸಿಕೊಂಡಿದ್ದರು. ಮೂರು ಸುತ್ತಿನ ಮೌಲ್ಯಮಾಪನದ ನಂತರ, ವಿವಿಧ ನಗರಗಳು ಮತ್ತು ಸಂಸ್ಥೆಗಳ ವಿದ್ಯಾರ್ಥಿಗಳು, ವೃತ್ತಿಪರರು ಮತ್ತು ಉದ್ಯಮಿಗಳನ್ನು ಪ್ರತಿನಿಧಿಸುವ ಐದು ತಂಡಗಳು ವಿಜೇತರಾಗಿ ಹೊರಹೊಮ್ಮಿವೆ. ಯೂಟ್ಯೂಬ್ ಲೈವ್ ಸ್ಟ್ರೀಮ್ ಮೂಲಕ ವರ್ಚುವಲ್‌ ಮಾದರಿಯಲ್ಲಿ ನಡೆದ 'ವಿಜೇತರ ಸಮಾರಂಭ'ದಲ್ಲಿ ವಿಜೇತರನ್ನು ಘೋಷಿಸಲಾಯಿತು.

ವಿಜೇತ ತಂಡಗಳು ಮತ್ತು ಅವರ ಎಕ್ಸ್ಆರ್  ಯೋಜನೆಗಳ ಕುರಿತು ಸಂಕ್ಷಿಪ್ತ ಮಾಹಿತಿ

1) 'ಶೈಕ್ಷಣಿಕ ಪರಿವರ್ತನೆ' ಎಂಬ ಥೀಮ್‌ ನಲ್ಲಿ 'ಎಡುಸ್ಕೇಪ್ ಎಕ್ಸ್ಆರ್' ಎಂಬ ಯೋಜನೆಯೊಂದಿಗೆ ಎಕ್ಸ್ಆರ್  ರನ್ನರ್ಸ್ ವಿಜೇತ ತಂಡವಾಗಿದೆ

ಐಐಟಿ ಖರಗಪುರದ ವಿದ್ಯಾರ್ಥಿಗಳು ಅಭಿವೃದ್ಧಿಪಡಿಸಿದ ವಿಆರ್ ಆಧಾರಿತ ವೇದಿಕೆ, ಎಡುಸ್ಕೇಪ್‌ಎಕ್ಸ್‌ಆರ್, ವಿದ್ಯಾರ್ಥಿಗಳು ಹ್ಯಾಂಡ್-ಟ್ರ್ಯಾಕಿಂಗ್ ಮತ್ತು ಎಐ ಆಧಾರಿತ ಪ್ರತಿಕ್ರಿಯೆಯನ್ನು ಬಳಸಿಕೊಂಡು ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಜೀವಶಾಸ್ತ್ರದಂತಹ ವಿಷಯಗಳಲ್ಲಿ ನಿಖರವಾದ ಮತ್ತು ತಲ್ಲೀನಗೊಳಿಸುವ ಪ್ರಯೋಗಗಳನ್ನು ಮಾಡಲು ಅನುವು ಮಾಡಿಕೊಡುತ್ತದೆ. ಇದು ಅನೇಕ ಶಾಲೆಗಳು ಮತ್ತು ಕಾಲೇಜುಗಳಲ್ಲಿ ಪ್ರಯೋಗಾಲಯ ಮೂಲಸೌಕರ್ಯದ ಕೊರತೆಯನ್ನು ನೀಗಿಸುತ್ತದೆ. "ದೇಶದ ಅನೇಕ ಭಾಗಗಳಲ್ಲಿ, ವಿದ್ಯಾರ್ಥಿಗಳು ನೈಜ ಪ್ರಯೋಗಗಳನ್ನು ಮಾಡದೆ ವಿಜ್ಞಾನವನ್ನು ಅಧ್ಯಯನ ಮಾಡುತ್ತಾರೆ. ನಾವು ಅದನ್ನು ಬದಲಾಯಿಸಲು ಬಯಸಿದ್ದೇವೆ ಮತ್ತು ನಮ್ಮ ಯೋಜನೆಯು ವರ್ಚುವಲ್ ರಿಯಾಲಿಟಿ ವೇದಿಕೆಯಲ್ಲಿ STEM ಪ್ರಾಯೋಗಿಕಗಳನ್ನು ಒದಗಿಸುವ ಮೂಲಕ ಶಿಕ್ಷಣದಲ್ಲಿ ಕ್ರಾಂತಿಯನ್ನುಂಟುಮಾಡುವ ಗುರಿಯನ್ನು ಹೊಂದಿದೆ" ಎಂದು ಸಾಹಿಲ್ ಪಟೇಲ್ ಮತ್ತು ಶೌರ್ಯ ಬರನ್ವಾಲ್ ಅವರೊಂದಿಗೆ ತಂಡವನ್ನು ಮುನ್ನಡೆಸಿದ ವೇದಾಂತ ಹಜ್ರಾ ಹೇಳಿದರು.

2) 'ಆರೋಗ್ಯ ರಕ್ಷಣೆ, ಫಿಟ್ನೆಸ್ ಮತ್ತು ಯೋಗಕ್ಷೇಮ' ಎಂಬ ಥೀಮ್‌ ನಲ್ಲಿ 'ಕಾಗ್ನಿಹ್ಯಾಬ್' ಎಂಬ ಯೋಜನೆಯ ಕಾಗ್ನಿಹ್ಯಾಬ್ ವಿಜೇತ ತಂಡವಾಗಿದೆ

ಕಾಗ್ನಿಹ್ಯಾಬ್ ಎಕ್ಸ್ಆರ್ -ಚಾಲಿತ ಪುನರ್ವಸತಿ ಪರಿಹಾರಗಳನ್ನು ನೀಡುತ್ತದೆ, ಅದು ಆಂಬ್ಲಿಯೋಪಿಯಾ (ಒಂದು ಕಣ್ಣಿನಲ್ಲಿ ದೃಷ್ಟಿ ನಷ್ಟ), ಪಾರ್ಶ್ವವಾಯು ಮತ್ತು ಆತಂಕದಿಂದ ಚೇತರಿಸಿಕೊಳ್ಳಲು ಸಹಾಯ ಮಾಡುತ್ತದೆ. ನಿಜವಾದ ವೈದ್ಯಕೀಯ ಸನ್ನಿವೇಶಗಳಲ್ಲಿನ ಫಲಿತಾಂಶಗಳ ಮೇಲೆ ನಾವು ಗಮನಹರಿಸಿದ್ದೇವೆ ಮತ್ತು ಈ ಹ್ಯಾಕಥಾನ್ ನಮ್ಮ ವಿಧಾನವನ್ನು ಸುಧಾರಿಸಲು ಮತ್ತು ಹೊಸ ಪಾಲುದಾರರನ್ನು ತಲುಪಲು ನಮಗೆ ಸಹಾಯ ಮಾಡಿದೆ ಎಂದು ತಂಡದ ನಾಯಕ ರಿಷಭ್ ಕಪೂರ್ ಹೇಳಿದರು. ತಂಡದ ಸದಸ್ಯರಲ್ಲಿ ಪಿಂಟು ಕುಮಾರ್ ಮತ್ತು ಎಕ್ಸ್ಆರ್ -ಆಧಾರಿತ ಆರೋಗ್ಯ ತಂತ್ರಜ್ಞಾನದಲ್ಲಿ ಹಿನ್ನೆಲೆ ಹೊಂದಿರುವ ಇತರರು ಸೇರಿದ್ದಾರೆ.

3) 'ಇಮ್ಮರ್ಸಿವ್ ಟೂರಿಸಂ' ಥೀಮ್‌ ನ ವಿಜೇತರು 'ಇಮ್ಮರ್ಸಿವ್ ಟ್ರಾವೆಲ್ ಗೈಡ್' ಯೋಜನೆಯ ಲ್ಯೂಮ್‌ ಎಕ್ಸ್‌ಆರ್ ತಂಡವಾಗಿದೆ

ಲ್ಯೂಮ್‌ ಎಕ್ಸ್‌ಆರ್ ಮಿಶ್ರ-ರಿಯಾಲಿಟಿ ಪ್ರವಾಸ ಮಾರ್ಗದರ್ಶಿಯನ್ನು ಅಭಿವೃದ್ಧಿಪಡಿಸಿದೆ, ಅದು ಬಳಕೆದಾರರಿಗೆ ಗಮ್ಯಸ್ಥಾನಗಳನ್ನು ವಾಸ್ತವಿಕವಾಗಿ ಅನ್ವೇಷಿಸಲು ಅನುವು ಮಾಡಿಕೊಡುತ್ತದೆ. ಈ ಅನುಭವವು 3ಡಿ ನಕ್ಷೆ ಇಂಟರ್ಫೇಸ್, ಡ್ರೋನ್-ಶಾಟ್ ಫೋಟೋಗ್ರಾಮೆಟ್ರಿ ಮತ್ತು ಎಂಬೆಡೆಡ್ ವೀಡಿಯೊ ಕಥೆಗಳನ್ನು ಒಳಗೊಂಡಿದೆ, ಇದು ಪ್ರವಾಸ ಯೋಜನೆಯನ್ನು ಹೆಚ್ಚು ಆಕರ್ಷಕವಾಗಿ ಮತ್ತು ಪರಿಣಾಮಕಾರಿಯಾಗಿ ಮಾಡುತ್ತದೆ. ಸಾಂಪ್ರದಾಯಿಕ ಕರಪತ್ರಗಳು ಅಥವಾ ವೀಡಿಯೊಗಳನ್ನು ಮೀರಿದ ಎಕ್ಸ್ಆರ್ -ಆಧಾರಿತ ಪೂರ್ವವೀಕ್ಷಣೆಗಳನ್ನು ನೀಡಲು ಈ ವೇದಿಕೆಯು ಪ್ರವಾಸೋದ್ಯಮ ಬ್ರ್ಯಾಂಡ್‌ ಗಳಿಗೆ ಅನುವು ಮಾಡಿಕೊಡುತ್ತದೆ. "ಇದು ಕೇವಲ ಪ್ರವಾಸದ ಅಪ್ಲಿಕೇಶನ್ ಅಲ್ಲ - ಇದು ತಲ್ಲೀನಗೊಳಿಸುವ ಸಾಂಸ್ಕೃತಿಕ ಕಥೆ ಹೇಳುವಿಕೆಯಾಗಿದೆ, ನಮ್ಮ ಯೋಜನೆಯ ಸಹಾಯದಿಂದ, ಗ್ರಾಹಕರು ಈಗ ಪ್ರವಾಸಿ ತಾಣವನ್ನು ಬುಕ್ ಮಾಡುವ ಮೊದಲು ಅದರ ವರ್ಚುವಲ್ ಅನುಭವವನ್ನು ಪಡೆಯಲು ಸಾಧ್ಯವಾಗುತ್ತದೆ” ಎಂದು ಲ್ಯೂಮ್‌ ಎಕ್ಸ್ಆರ್  ತಂಡದ ನಾಯಕ ಸವಿಯೊ ಹೇಳಿದರು.

4) 'ಇ-ಕಾಮರ್ಸ್ ಮತ್ತು ಚಿಲ್ಲರೆ ವ್ಯಾಪಾರ ಪರಿವರ್ತನೆ' ಎಂಬ ಥೀಮ್‌ ನಲ್ಲಿ 'ಹೆವೆನ್ ಎಸ್ಟೇಟ್' ಯೋಜನೆಯ 'ಇಎಂಒ' ವಿಜೇತ ತಂಡವಾಗಿದೆ

ಹೆವೆನ್ ಎಸ್ಟೇಟ್ ಎನ್ನುವುದು ಬಳಕೆದಾರರು ಖರೀದಿ ಮಾಡುವ ಮೊದಲು ಎಆರ್ ಮತ್ತು 3ಡಿ ತಂತ್ರಜ್ಞಾನದ ಮೂಲಕ ಮನೆಯ ಒಳಾಂಗಣ ವಿನ್ಯಾಸಗಳನ್ನು ಪೂರ್ವವೀಕ್ಷಣೆ ಮಾಡಲು ಅನುಮತಿಸುವ ಒಂದು ಅಪ್ಲಿಕೇಶನ್ ಆಗಿದೆ. ಗ್ರಾಹಕರು ಮತ್ತು ಒಳಾಂಗಣ ವೃತ್ತಿಪರರ ನಡುವಿನ ಸಹಯೋಗಕ್ಕೆ ಆದ್ಯತೆ ನೀಡುವ ಉದ್ದೇಶದಿಂದ ಈ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಗಿದೆ. ಪ್ರಮಾಣೀಕೃತ ವೃತ್ತಿಪರರು ಈ ವೇದಿಕೆಯಲ್ಲಿ ತಮ್ಮ ಅಲಂಕಾರಿಕ ಪರಿಕಲ್ಪನೆಗಳನ್ನು ಅಪ್‌ಲೋಡ್ ಮಾಡಬಹುದು ಮತ್ತು ಗ್ರಾಹಕರು ತಮ್ಮ ಸ್ಥಳದಲ್ಲಿ ಮಾದರಿಯನ್ನು ವೀಕ್ಷಿಸಬಹುದು. "ನಾವು ಮನೆಮಾಲೀಕರು ಮತ್ತು ವೃತ್ತಿಪರರ ನಡುವೆ ನಿಜವಾದ ಸೇತುವೆಯನ್ನು ರಚಿಸಲು ಬಯಸಿದ್ದೇವೆ" ಎಂದು ಹಿಮಾಂಶು ಮಹ್ತೊ, ಅಶುತೋಷ್ ಮಿಶ್ರಾ ಮತ್ತು ಇಶಿತಾ ಗೌರ್ ಅವರೊಂದಿಗೆ ಯೋಜನೆಯನ್ನು ನಿರ್ಮಿಸಿದ ಇಎಂಒ ತಂಡದ ನಾಯಕ ಉತ್ಕರ್ಷ್ ರೈ ಹೇಳಿದರು. ಇಎಂಒ ತಂಡವು ತಮ್ಮ ವಿನ್ಯಾಸ ಮತ್ತು ಬಳಕೆದಾರ ಅನುಭವವನ್ನು ಪರಿಷ್ಕರಣೆಯ ಶ್ರೇಯ ಹ್ಯಾಕಾಥಾನ್ ನ ನೀಡಿದ ಮಾರ್ಗದರ್ಶನಕ್ಕೆ ಸಲ್ಲಬೇಕು ಎಂದು ಅವರು ಹೇಳಿದರು.‌

5) 'ಡಿಜಿಟಲ್ ಮಾಧ್ಯಮ ಮತ್ತು ಮನರಂಜನೆ' ಥೀಮ್‌ ನ ವಿಜೇತರು 'ಇಮ್ಮರ್ಸಿವ್ ವಾರ್‌ಫೇರ್ ಸಿಮ್ಯುಲೇಟರ್' ಯೋಜನೆಯ ಯೂತ್ ಬಜ್ ತಂಡವಾಗಿದೆ

ಯೂತ್ ಬಝ್, 'ದಿ ಗೇಮ್ ಆಫ್ ಡೈಮೆನ್ಷನ್ಸ್' ಎಂಬ ಮಲ್ಟಿಪ್ಲೇಯರ್ ಟ್ಯಾಕ್ಟಿಕಲ್ ಬ್ಯಾಟಲ್ ಗೇಮ್ ಅನ್ನು ರಚಿಸಿದ್ದು, ಇದನ್ನು ವಿಆರ್ (ವರ್ಚುವಲ್ ರಿಯಾಲಿಟಿ) ಹೆಡ್‌ಸೆಟ್‌ ಮತ್ತು ಮೊಬೈಲ್‌ ಗಳಲ್ಲಿ ಆಡಬಹುದು ಮತ್ತು ತಲ್ಲೀನಗೊಳಿಸುವ ಗೇಮ್‌ ಪ್ಲೇ ನೀಡುತ್ತದೆ. ವಿಭಿನ್ನ ವೇದಿಕೆಗಳು ಮತ್ತು ವಾಸ್ತವಗಳಲ್ಲಿ ಏಕೀಕೃತ ಗೇಮಿಂಗ್ ಅನುಭವವನ್ನು ಒದಗಿಸಲು ನಾವು ಬಯಸುತ್ತೇವೆ ಎಂದು ತಂಡದ ನಾಯಕ ಮೋಹಿತ್ ಕುಮಾರ್ ಶರ್ಮಾ ಹೇಳಿದರು. ಅವರ ತಂಡದಲ್ಲಿ ಅನೀಶ್ ಡೊಂಬ್ಲಿ, ಎ ಶಿವಂರಾಜ್ ಮತ್ತು ಯಶ್ ಸಾಧುಖಾನ್ ಇದ್ದಾರೆ.

ಎಕ್ಸ್‌ ಆರ್‌ ಇನ್ನೋವೇಟರ್‌ ಗಳು 2 ಮತ್ತು 3 ನೇ ಹಂತದ ನಗರಗಳಿಂದ ಬರುತ್ತಿದ್ದಾರೆ

ಹ್ಯಾಕಥಾನ್‌ ನಲ್ಲಿ ಚೆಂಗಲ್‌ಪೇಟೆ, ಮಣಿಪಾಲ ಮತ್ತು ವೆರಾವಲ್ ಸೇರಿದಂತೆ 2 ಮತ್ತು 3 ನ ಏ ಹಂತದ ನಗರಗಳಲ್ಲಿ ಶೇ. 66 ರಷ್ಟು ಜನರು ಭಾಗವಹಿಸಿದ್ದರು. ಭಾಗವಹಿಸುವವರು 17 ರಿಂದ 35 ವರ್ಷ ವಯಸ್ಸಿನವರು. 40 ಅಂತಿಮ ತಂಡಗಳಲ್ಲಿ, ಶೇ.53 ವಿದ್ಯಾರ್ಥಿಗಳು, ಶೇ.33 ಕೆಲಸ ಮಾಡುವ ವೃತ್ತಿಪರರು ಮತ್ತು ಶೇ,14 ಸ್ವಯಂ ಉದ್ಯೋಗಿಗಳು ಇದ್ದರು. ಗಮನಾರ್ಹವಾಗಿ, ಅಂತಿಮ ಸ್ಪರ್ಧಿಗಳಲ್ಲಿ ಶೇ.19 ರಷ್ಟು ಮಹಿಳೆಯರ ಸಂಖ್ಯೆಯು ಎಕ್ಸ್‌ಆರ್ ನಾವೀನ್ಯತೆಯಲ್ಲಿ ಬೆಳೆಯುತ್ತಿರುವ ಲಿಂಗ ವೈವಿಧ್ಯತೆಗೆ ಬಲವಾದ ಸೂಚಕವಾಗಿದೆ.

ವೇವ್‌ಲ್ಯಾಪ್ಸ್, ವಾರ್ತಾ ಮತ್ತು ಪ್ರಸಾರ ಸಚಿವಾಲಯ ಮತ್ತು ಎರಡು ಪ್ರಮುಖ ಎಕ್ಸ್ಆರ್  ಸಮುದಾಯಗಳಾದ ಭಾರತ್‌ ಎಕ್ಸ್‌ಆರ್ ಮತ್ತು ಎಕ್ಸ್‌ಡಿಜಿಯ ಬೆಂಬಲದೊಂದಿಗೆ, ಅಂತಿಮ ಸ್ಪರ್ಧಿಗಳು ಈಗ ವಿಶ್ವ ವೇದಿಕೆಗೆ ಹೆಜ್ಜೆ ಹಾಕುತ್ತಿದ್ದಾರೆ - ಅಲ್ಲಿ ತರಗತಿ ಕೊಠಡಿಗಳು, ಹಾಸ್ಟೆಲ್‌ಗಳು ಮತ್ತು ಹೋಮ್ ಸ್ಟುಡಿಯೋಗಳಲ್ಲಿ ಹುಟ್ಟಿದ ವಿಚಾರಗಳು ಶೀಘ್ರದಲ್ಲೇ ಜಾಗತಿಕ ಬಳಕೆದಾರರನ್ನು ತಲುಪುತ್ತವೆ. ವಿಜೇತರನ್ನು ಘೋಷಿಸಲಾಗಿದ್ದರೂ, ಎಕ್ಸ್ಆರ್  ಕ್ರಿಯೇಟರ್ ಹ್ಯಾಕಥಾನ್ ಇನ್ನೂ ಮುಗಿದಿಲ್ಲ. ಎಲ್ಲಾ ಐದು ತಂಡಗಳು ಈಗ ತಮ್ಮ ಯೋಜನೆಗಳನ್ನು ವಾರ್ತಾ ಮತ್ತು ಪ್ರಸಾರ ಸಚಿವಾಲಯವು ಮೇ 1–4, 2025 ರಿಂದ ಮುಂಬೈನಲ್ಲಿ ಆಯೋಜಿಸಿರುವ ಜಾಗತಿಕ ಮಾಧ್ಯಮ ಮತ್ತು ಮನರಂಜನಾ ಕಾರ್ಯಕ್ರಮವಾದ ವೇವ್ಸ್ ಶೃಂಗಸಭೆಯಲ್ಲಿ ಪ್ರದರ್ಶಿಸಲು ತಯಾರಿ ನಡೆಸುತ್ತಿವೆ.

"ಎಕ್ಸ್ಆರ್  ಕ್ರಿಯೇಟರ್ ಹ್ಯಾಕಥಾನ್ ಕೇವಲ ನಾವೀನ್ಯತೆಯನ್ನು ಪೋಷಿಸುತ್ತಿಲ್ಲ - ಇದು ಹೊಸ ಡಿಜಿಟಲ್ ಭಾರತಕ್ಕೆ ಅಡಿಪಾಯವನ್ನು ನಿರ್ಮಿಸುತ್ತಿದೆ. ಈ ಪರಿಹಾರಗಳು ನಮ್ಮ ಕಲಿಕೆಯ, ಗುಣಪಡಿಸುವ, ಪ್ರಯಾಣಿಸುವ ಮತ್ತು ಸಂಪರ್ಕ ಸಾಧಿಸುವ ವಿಧಾನವನ್ನು ಮರು ವ್ಯಾಖ್ಯಾನಿಸುತ್ತವೆ" ಎಂದು ವೇವ್‌ಲ್ಯಾಪ್ಸ್‌ ನ ಸ್ಥಾಪಕ ಮತ್ತು ಸಿಇಒ ಅಶುತೋಷ್ ಕುಮಾರ್ ಹೇಳಿದರು.

ವೇವ್ಸ್ ಬಗ್ಗೆ

ಮಾಧ್ಯಮ ಮತ್ತು ಮನರಂಜನೆ (ಎಂ & ಇ) ವಲಯದಲ್ಲಿ ಒಂದು ಮೈಲಿಗಲ್ಲು ಕಾರ್ಯಕ್ರಮವಾದ ಮೊದಲ ವಿಶ್ವ ಧ್ವನಿ-ದೃಶ್ಯ ಮತ್ತು ಮನರಂಜನಾ ಶೃಂಗಸಭೆ (ವೇವ್ಸ್) ಅನ್ನು ಭಾರತ ಸರ್ಕಾರವು ಮೇ 1 ರಿಂದ 4, 2025 ರವರೆಗೆ ಮಹಾರಾಷ್ಟ್ರದ ಮುಂಬೈನಲ್ಲಿ ಆಯೋಜಿಸಲಿದೆ.

ನೀವು ಉದ್ಯಮ ವೃತ್ತಿಪರರಾಗಿರಲಿ, ಹೂಡಿಕೆದಾರರಾಗಿರಲಿ, ಸೃಷ್ಟಿಕರ್ತರಾಗಿರಲಿ ಅಥವಾ ನಾವೀನ್ಯಕಾರರಾಗಿರಲಿ, ಶೃಂಗಸಭೆಯು ಎಂ&ಇ ಕ್ಷೇತ್ರದೊಂದಿಗೆ ಸಂಪರ್ಕ ಸಾಧಿಸಲು, ಸಹಯೋಗ ಪಡೆಯಲು, ನಾವೀನ್ಯತೆ ಮತ್ತು ಕೊಡುಗೆ ನೀಡಲು ಅದ್ಭುತವಾದ ಜಾಗತಿಕ ವೇದಿಕೆಯನ್ನು ಕಲ್ಪಿಸುತ್ತದೆ.

ವೇವ್ಸ್ ಭಾರತದ ಸೃಜನಶೀಲ ಶಕ್ತಿಯನ್ನು ವರ್ಧಿಸಲು ಸಜ್ಜಾಗಿದೆ, ಕಂಟೆಂಟ್ ಸೃಷ್ಟಿ, ಬೌದ್ಧಿಕ ಆಸ್ತಿ ಮತ್ತು ತಾಂತ್ರಿಕ ನಾವೀನ್ಯತೆಗಾಗಿ ಕೇಂದ್ರವಾಗಿ ಅದರ ಸ್ಥಾನವನ್ನು ಹೆಚ್ಚಿಸುತ್ತದೆ. ಪ್ರಸಾರ, ಮುದ್ರಣ ಮಾಧ್ಯಮ, ದೂರದರ್ಶನ, ರೇಡಿಯೋ, ಚಲನಚಿತ್ರಗಳು, ಅನಿಮೇಷನ್, ದೃಶ್ಯ ಪರಿಣಾಮಗಳು, ಗೇಮಿಂಗ್, ಕಾಮಿಕ್ಸ್, ಧ್ವನಿ ಮತ್ತು ಸಂಗೀತ, ಜಾಹೀರಾತು, ಡಿಜಿಟಲ್ ಮಾಧ್ಯಮ, ಸಾಮಾಜಿಕ ಮಾಧ್ಯಮ ವೇದಿಕೆಗಳು, ಜನರೇಟಿವ್ ಎಐ, ವರ್ಧಿತ ರಿಯಾಲಿಟಿ (ಎಆರ್), ವರ್ಚುವಲ್ ರಿಯಾಲಿಟಿ (ವಿಆರ್), ಮತ್ತು ವಿಸ್ತೃತ ರಿಯಾಲಿಟಿ (ಎಕ್ಸ್‌ಆರ್) ಸೇರಿದಂತೆ ಉದ್ಯಮಗಳು ಮತ್ತು ವಲಯಗಳು ಇದು ಗಮನ ಹರಿಸುವ ಕ್ಷೇತ್ರಗಳಾಗಿವೆ.

ಪ್ರಶ್ನೆಗಳಿವೆಯೇ? ಉತ್ತರಗಳನ್ನು ಹುಡುಕಿ here

PIB Team WAVES ನ ಇತ್ತೀಚಿನ ಪ್ರಕಟಣೆಗಳೊಂದಿಗೆ ಅಪ್‌ಡೇಟ್‌ ಆಗಿ

WAVES ಗೆ ನೋಂದಾಯಿಸಿ now

*****