রেশম তলৱারনা মতম পুম্নমক্তা খোঞ্জেলগী শক্তিদা থাজবা থমখি। মীৎ উবা ফংদ্রবা আর্তিস্ত অমা ওইনা, মহাক্না মহক্কী খোঞ্জেলনা ৱাহৈ খক্ত নত্তনা ইমোসন, এক্সপ্রেসন অমসুং কেরেক্তরশিংবু হিংহনবা ঙম্বগী মতিক অদু লৈ। ময়ামগা মীমান্নদ্রে হায়দুনশু মসিনা মহাকপু মশক তাকহল্লমদে। মসিগি মহুত্তা মহাক্না ভোইস এক্তিংগী য়াম্না কমপিতিতিব ওইরবা তাইবংদা মহাক্কী মশাগী ওইবা মফম অমা কল্লরে। দিল্লীদা পাংথোকখিবা WAVES এনিম অমসুং মঙ্গা কন্তেস্ত (ৱাম!)দা ভোইস এক্তিং কেতেগোরীদা মাইপাক্লকপা অদুনা মহাক্কী খোংচৎ অদুবু হেন্না খুমাং চাউশিনহনখ্রে, মসিনা মহাক্কী হৈজ-শিংজবা অদুনা পল খুদিংমক নমখাইদুনা লানবা ঙমগনি হায়বগী খুদম অদু পীখি। রেশমনা রেদিও জোকীদা, ভোইস-ওভরশিং অমসুং ওদিও এদিতিংদা থৌইদোক্না হৈ-শিংবা অদুনা মহাক্কী তৌবা ঙম্বগী মতিক অদুবু উৎলি, অদুবু ৱাম!না মহাকপু হেন্না চাউবা স্তেজ অমদা পুখৎপীরে। মহাক্কী তেলেন্ত অদুনা ইন্দস্ত্রীগী লীদরশিংবু পেলহনখি, মতম শাংনদগী লোন্দুনা লৈরক্লবা তাঞ্জা কয়া অমা হাংদোরকখি। মখোয়গুম্বগী ৱারিশিং অসিনা ৱাম!! বু কমপিতিশন অমা ওইবতা নত্তনা ক্রিয়েতিব ইন্দস্ত্রীদা য়াম্না চাউনা অহোংবা অমা পুরক্লিবা ঈহৌ অমনি।

ইনফোর্মেশন অমসুং ব্রোদকাস্তিং মন্ত্রালয়না মীদিয়া অমসুং এন্তরতেন্মেন্ত এসোসিয়েশন ওফ ইন্দিয়া (MEAI)গা খুদৎশম্নদুনা শিনখিবা য়াম্না দাইনামিক ওইরবা অনৌবা থৌরাং  অসিনা ক্রিয়েতরশিংদা মখোয়গী তেলেন্ত অদুবু উত্থোক্নবগী প্লেতফোর্ম অমা পীদুনা ভারত্তা এনিম অমসুং মঙ্গাবু পাম্নবা হেনগৎলক্লিবা অসিগী কান্নবা লৌনবগী পান্দম থম্লি। ৱাম!! না মীয়াম্না পাম্নবা জপানগী স্তাইলশিং অদুগী লোকেলাইজ এদাপ্তেশন অমা পুথোক্নবা আর্তিস্তশিংগী পুক্নিং থৌগৎলি, মসিনা ভারত অমসুং মালেমগী ওদিয়েন্সশিংগী অপাম্বা থুংহনবা ঙম্নবা, লোইননা পব্লিশিং, দিস্ত্রিব্যুশন অমসুং আর্তিস্তিক এক্সপ্রেসনবু য়োকখৎপা অমসুং নৌনা ফাওগৎলক্লিবা তেলেন্তশিংবুশু য়োকখৎপা ইন্দস্ত্রী এক্সপোজরগী খুদোংচাশিং পীরি। কমপিতিশন অসিনা সহর ১১দা রাজ্যগী থাক্তা কন্তেস্তশিং পাংথোক্লগনি অদুগা মুম্বাইগী ৱার্ল্দ ওদিও ভিজুৱল এন্তরতেন্মেন্ত সম্মিত (WAVES) ২০২৫তা গ্রান্দ নেস্নেল ফিনালে পাংথোক্তুনা লোইশীনগনি।

ৱাম! অসি মে ১দগীনা ৪ ফাওবা মুম্বাইগী জিও ৱার্ল্দ সেন্তরদা পাংথোক্কদৌরিবা য়াম্না চাউরবা থৌরম, অচৌবা  WAVES ২০২৫ অমগীদমক্তা য়ুমফম ওইরিবা অদুগুম্বা থৌরম্নি। বাম্না আইকোনিক ওইরবা দাভোস অমসুং কেনসনা থৌগৎলদুনা WAVESনা ভারতপু মীদিয়া অমসুং এন্তরতেন্মেন্ততা পাৱরহাউস অমা ওইহন্নবগী পান্দম থম্লি। মসি অসিগুম্বা মখলগী খ্বাইদগী অহানবা সম্মিতনি, মসিনা ফিলমশিং, OTT প্লেতফোর্মশিং, গেমিং, কোমিক্স, দিজিতেল মীদিয়া, AI অমসুং য়াম্না কন্না চাউখৎলক্লিবা AVGC-XR (এনিমেশন, ভিজুৱল ইফেক্তশিং, গেমিং, কোমইক্স অমসুং এক্সতেন্দেদ রিয়েলিতী) সেক্তরবু মফম অমদা অমত্তা ওইনা পুল্লরিবা অদুগুম্বা সম্মিত অমনি। ভারতকী মীদিয়া অমসুং এন্তরতেনমেন্ত ইন্দস্ত্রীনা ২০২৯ ফাওবদা $ বিলিয়ন ৫০গী পান্দম থমদুনা অচৌবা শাহৌ অমা পুরক্নবা শেম-শারিবা অসিদা WAVESনা গ্লোবল স্তোরীতেলিংদা মাংজিল থাদুনা লৈবাক অসিবু পুখৎপদা য়াম্না চাউবা ইনোৎ অমা হাপ্লগনি।

WAVESকী মনুংদা ক্রিয়েত ইন ইন্দিয়া চেলেঞ্জ (CIC) য়াওরি, মসি তোঙান-তোঙানবা ক্রিয়েতিব ওইবা লমশিংদা তেলেন্তশিং থিনবা অমসুং শেমগৎনবা শেম্বা অদুগুম্বা কমপিতিশনগী সিরীজ অমনি। CICগী সিরীজ ১না এন্ত্রী ৭৭,০০০গী  মথক্তা লক্তুনা মীয়াম্না য়াম্না পাম্নবা অমা ওইরি, মসিদা লৈবাক ৩৫দগী পার্তিসিপেন্ত ৫০০ হেন্না য়াওরি। অসিগী চাউরবা পুল অসিদগী খ্বাইদগী অহেনবা ক্রিয়েতর ৭২৫না WAVES ২০২৫তা গ্রান্দ ফিনালেদা পুন্দুনা মখোয়গী থবকশিং অদু উত্তুনা মালেমগী ওইনা মশক খঙবা অমা ওইননবা তান্নরগনি। চেলেঞ্জশিং অসিনা ভারতকী রিজেনল স্তোরীতেললিংগী ফজরবা শক্তম অদুবু উত্থোক্লগনি, মসিনা লৈবাক অসিগি লিংগ্বিস্তিক অমসুং কলচরেল দাংইভর্সিতী অদুবু ময়েক শেংনা তাক্লগনি। ৱাম!!  অসি CICগী মখাদা লৈবা য়াম্না তোপ-তোপ্পা অনৌবা থৌরাং অমা ওইনা মসিনা অখন্ননা অনিম অমসুং মঙ্গাগী লম খক্তগী ওইনা পাংথোক্লগনি, মসিনা অমেচরশিং অমসুং প্রোফেস্নেলশিং অনিমক্তা মখোয়গী হৈ-শিংবা উত্থোক্নবগী স্তেজ অমা পীরি। মসিনা লোত্তুনা লৈরিবা মনিংশিং অদুবু খঙদোকপদা নত্তনা রো তেলেন্ত অমসুং ইন্দস্ত্রীগী খুদোংচাবশিংগী মরক্তা লৈরিবা গেপ অদুবুশু মেনশিন্দুনা মঙলানশিংবু মঙফাওনহন্দুনা কেরিয়র অমা ওইনা ওইহল্লিবা অদুগুম্বা ঈহৌ অমনি। 

ৱাম!! অসি করিগীদমক্তা মরু ওইরিবনো হায়বা খঙনবা মরুওইনা ভাররতমচাশিংগীদমক্তা মঙ্গা অমসুং এনিম হায়বসি করিনো খঙবা হায়বসি য়াম্না তঙাইফদে। মঙ্গা অসি জপানদা হৌদোরকখিবা কোমিক নত্রগা গ্রাফিক নোভেলগী মখল অমনি। মসি নখোয়না পারিবা কোমিক অদুগুম্বনি অদুবু মসিদা মখল-মখা কয়াগী ৱারিশিং শুনা য়াওরি, খুদম ওইনা এদভেঞ্চরশিং, নুংশিরবা নুংশি-নুংঙোলগী ৱারি, করিবা অকিবা ৱারিশিং, নত্রগা মেজিকেল ফেন্তাসীশিংনাচিংবা কয়া য়াওরি। মঙ্গাবু য়াম্না তোপ্প-তোপ্পা অমা ওইহল্লিবা অসি মখোয়গী মশক অদুননি: কেরেক্তরশিং অদুগী মমিৎ অদু অনম্বনা অচৌবা অমসুং য়াম্না হরাও-তয়াম্বা ওই অমসুং লাই অদু য়াম্না চম্বা নত্রগা য়াম্না কুপথনা অকুপ্পা মরোল কয়া ৱাত্তনা য়াওবা ওইবা য়াই, মসি ৱারি অদুগী মখা পোল্লি। অতোপ্পা লাইরিক্কা চাংদম্নবা মঙ্গাদদি য়েত্তগী ওইরোমদা পাই অমসুং মসিবু “তেনকোবোন” কৌবা লাইরিক অমদা পুন্না হাপচিন্দ্রঙৈগী মমাংদা ৱারি মতেক ওইনা মেগাজিনশিংদা হাপ্পি। অদুগা এনিমদি মঙ্গাবু হিংগৎহল্লকপগুম্বনি- মসিদি নখোয়না স্ক্রীনদা য়েংবা পাম্বা কার্তুনগী ভর্জন অদুনি, মসিদা ৱারিশিং অদুবু লেংহন্দুনা অমসুং মখোল হাপ্তুনা শেম্মি।মীপুম খুদিংমক্কী অমা নত্রগা অমদি অদুমক য়াওরি: ‘শোনেন’ অসিদি নহা ওইরিবা নুপামচাশিংগীনি অমসুং মসিদা এক্সন অমসুং মরুপ-মপাংগী ওইবা হিরম্না পিক থল্লি, ‘শোজো’ অসিদি নুপীমচাশিংগীনি অমসুং মসিদা নুংশি-নুংঙাওলগী ৱারি ওইনা তৌই, ‘সৈনেন’ অসিনা মপুং-মরৈ ফারবা নুপাশিংগী ওইনা তৌই, মসিদা অরুবা অমসুং অমম্বা ৱাখল্লোনগী ওইবা ৱারিনা ওইনা তৌই, অমসুং  ‘জোসৈ’ অসিনা মপুং-মরৈ ফারবা নুপিশিংগীনি অমসুং মসিদা নুমিৎ খুদিংগী থোকপা ৱারিশিং নত্রগা তশেংনা মানবা নুংশি-নুংঙাওনগী ৱারিশিং য়াওরি।

ভারত্তা, মঙ্গা অমসুং এনিম অসি য়াম্না লাইনা ফংবা অমসুং মসিবু য়াম্না ধৱাই য়াওজবা ফেনশিংনা মরম ওইরগা হৌখিবা চহি তরা অসিদা য়াম্না পাম্নবা অমা ওইরক্লি। লৈবাক অসিদা অনিমগী ফেন চাউরাক্না মিলিয়ন ১৮০ লৈ, মসিনা মরম ওইরগা চাইনাগী মতুংদা ভারতনা মালেম অসিদা খ্বাইদগী চাউবা এনিম মার্কেত অমা ওইহল্লে। ফেনশিং অসিনা এনিমবু মালেমগী ওইনা খ্বাইদগী পাম্নবা অমা ওইহনবদা য়াম্না চাউবা থৌদাং লৌরগনি, মসিনা ৬০%গী চাংদা শাহৌ পুরকপদা মতেং পাংলি। “নারুতো”, “দ্রেগোন বোল”, “ৱান পীস”, “এতেক ওন তাইতান” অমসুং “মাই হিরো একাদেমিয়া”গুম্বা শোশিং অসি য়াম্না চাউবা হিত অমা ওইদুনা ভারত্তা য়াম্না য়াম্লবা ফোলোৱরশিং লৈ অমসুং মসিনা ভারতমচাশিংনা অসিগুম্বা ৱারিশিং অসিবু কয়া য়াম্না পাম্নবগে হায়বদু উৎলি।

ভারতকী এনিম মার্কেত অসি ২০২৩দা $ মিলিয়ন ১,৬৪২.৫ ওইখি, অমসুং ২০৩২ ফাওবদা $ মিলিয়ন ৫,০৩৬.০ হেনগৎহল্লগনি। নেতফ্লিক, এমাজোন প্রাইম ভীদিও, ক্রঞ্চীরোল অমসুং দিস্নী+হোতস্তারগুম্বা প্লেতফোর্মশিং অসিনা মীশিংনা এনিম য়েংবদা হেন্না লাইহল্লে, ভারতকী ভ্যুৱরশিংনা মখোয়বু য়েংবদা নুংঙাইজনবা সবতাইতলশিং হাপচিল্লে। মঙ্গা অসিসু থিবদা য়াম্না লাইনা থোক্লে, ই-কমর্সকী অচৌ-অচৌবা ইন্দস্ত্রীশিং খুদম ওইনা এমাজোন অমসুং ফ্লিপকার্ত মসিগী কোমিক্কী লাইরিকশিং য়োনবগা লোইন-লোইনা দুকান খরাশু মসিগী কোমিকশিং অসি য়োনবনা মরম ওইরগা য়াম্না লাইনা ফংহল্লে। অদুম ওইনমক অসুক য়াম্না চাউরবসি ফাওবা ভারতনা এনিম অমসুং মঙ্গা ইন্দস্ত্রীদা হৈ-শিংলবা তেলেন্তকী অৱাৎপা অদুমক মায়োক্নরি, ৱামনা লমদম অসিগী ওইবা ক্রিয়েতরশিং য়োকখত্তুনা মসিগী অৱাৎপা অসিবু মেনশিন্নবা অচেৎপা ফিরেপ অমা লৌরি।

রেশমগী মাইপাকপা অসিদি ৱাম!দগি থোরকপা য়াম্না নুংঙাইরবা ৱারি কয়া অমগী মনুংদা অমনি। খুদম এঞ্জেল য়াদৱ, বারানসিগী সনবীম ভারুনাগী হাই স্কুলগী মহৈরোই, মহাক্না ৱাম বারানসিদা মঙ্গা (মহৈরোইগী কেতেগোরী)দা জজশিংবু অঙকপা অমা ফাওহনখি। মহাক্কী অর্তৱার্ক অদুনা কোলকাতাগি ভৈভাবি স্তুদিয়োবু য়াম্না পেলহনখিবনা মরম ওইরগা মহাকপু মখোয়না থবক্কী ওফর পীখি, মসিনা লম অসিদদি নহাশিংনফাওবা য়াম্না চাউবা শাফু অমা পীবা ঙম্মি হায়বদু তাক্লি। অতোপ্পা মাইপাকপা অমনা রন্দীপ সিংনি, ৱাম! ভুবনেস্বরদা শরুক য়াখিবা প্রোফেস্নেল মঙ্গা আর্তিস্ত। জজশিং অদুনা মহাক্কী থবক অদু য়াম্না পামখি, মখোয়না মহাক্কী থবক অদু প্রিন্ত তৌবগীদমক্তা ফাওবা য়াম্না মতিক চারে অমসুং মহাক্না মহাক্কী ওইবা মঙ্গাদা থবক তৌন-তৌনা, মহাক্না ভৈভবি স্তুদিয়োদগী পেদ প্রোজেক্তশিংশু ফংলি। মসিগী খুদমশিং অসিনা তাক্লি মদুদি ৱাম!না করম্না মীগী পুনশিদা অহোংবা পুরকপগে হায়বদু তাক্লি, ক্রিয়েত তৌববু পামজবা মীশিংগী মঙলানবু অশেংবা কেরিয়র অমা ওইনা ইন্দস্ত্রী অসিগী অচৌ-অচৌবা মমিং লৈরবশিংনা মখোয়বু সপোর্ত তৌবীদুনা মতেং পাংলি। 

ৱাম!গী সপোর্ত অসি কনাগুম্বা অমবু মাইপাকপা অমদগী য়াম্না হেন্দোক্তুনা বিজনেসকী লমদা য়াম্না মমিং লৈরবশিংবুশু মসিদা পুক্নিং চিংশিল্লি। BOB পিকচর্সকী দাইরেক্তর, স্রিকান্থ কোনাথমনা WAM!গী থৌরম খুদিংমক্তা শরুক য়ারগনি হায়না ৱাশকখ্রে, মহাক্না তেলেন্তশিং থিনবগীদমক্তা শেম-শাদুনা য়াম্না খৌরাংনা ঙাইরি। তুনসুত্রাগী নবিন মিরান্দানা ৱিনরশিংদা ৱেবতুন স্পেসতা দিসত্রিব্যুশনগী দীলশিং পীরি, অদুগা eTV বাল ভারত্তগী রাজেস্ৱরি রোয়না এনিমদা উৎনবগী খুদোংচবশিং পীরি। সেন্ত্রেল ইন্দিয়াগী খ্বাইদগী চাউবা এনিমেশন স্তুদিওগী ফাওন্দর, নিলেশ পতেলনা ৱিনরশিংগীদমক্তা প্লেসমেন্ত অমসুং ফাইনেলিস্তশিংগীদমক্তা ইন্তর্নশিপ পীগনি হায়না হায়খি। ইন্দস্ত্রীশিং অসিনা হায়রিবা অসি চিনদা খক্তা হায়বা নত্তে, মসি লাইফলাইন অমনি, মসিনা ৱাম!গী পার্তিসিপেন্তশিংনা মসিদা লম্বা তৌনবা খক্তা নত্তনা কমপিতিতিব ওইরবা গ্লোবল মার্কেত্তা হিংনবগী তাঞ্জা অমা পীরি।

ৱাম! বু করম্না ময়ামদগী তোপ-তোপ্পা অমা ওইহল্লিবসি ক্রিয়েতিবী দেমোক্রেতাইজ তৌবগী মতিক লৈবা অসিনা মরম ওইরগনি। মসিদা রেশমগুম্বা মমীৎ উবা ফংদ্রবা ভোইস এক্তরনা এঞ্জেলগুম্বা ইনখৎলক্লিবা নহা ওইরবা মঙ্গা আর্তিস্তকা নত্রগা রন্দীপগুম্বা য়াম্না হৈ-শিংলবা প্রোফেস্নেলশিংগা লেং মান্ননা লেপমিন্নবা ঙম্বা প্লেতফোর্ম অমনি। WAVES ২০২৫কী শরুক অমা ওইনা ৱাম! অসি কন্তেস্ত অমা ওইবদা নত্তে, মসি য়াওল অমসুনি, মসিনা ভারতকী ক্রিয়েতিব তেলেন্তশিং করম্না থিগদগে, শেমগৎকদগে অমসুং মশক খঙবীগদগে হায়বসিগী মতাংদা অওনবা অমা পুরক্লি। সম্মিত অসিনা নকশিল্লক্লবদা, মালেম অসিনা ভারতকী স্তোরীতেলরশিংনা মখোয়গী ফোকলোরগী লেগেসীদা য়াম্না লুপ্না লৈরিবা মখোয়না হৌজিক্তি মতম অসিগী ওইবা মীদিয়মশিং খুদম ওইনা এনিম অমসুং মঙ্গা শিজিন্নদুনা করম্না মাংজিল থাবগে হাববদু উরগনি। রেশম অমসুং মশিং থিঙমদ্রবা অতোপ্পা কয়া অমগীদমক্তদি ৱাম! অসি মাইপাকপা খক্তা নত্তে, মসি চহি হৌকিবা খুদিং হেন্না লংখৎলক্কনি হায়না থাজবা পীরিবা অদুগুম্বা লেগেসী অমগী অহৌবনি।

সোর্স: ইনফোর্মেশন অমসুং ব্রোদকাস্তিং মন্ত্রালয়

ৱাম! ভারতকী মঙ্গা অমসুং এনিমদা শাহৌ

****