এপ্রিল ০৩-০৪, ২০২৫ মনুংদা রিপব্লিক ওফ ইন্দিয়াগী প্রধান মন্ত্রী ঐচ.ই. শ্রী নরেন্দ্র মোদীনা কিংদম ওফ থাইলেন্দকী প্রাইম মিনিস্তর ঐচ.ই. মিস পেতোংতার্ন সিনাৱত্রানা পাউজেল পীরক্তুনা থাইলেন্দদা ওফিসিএল ওইবা খোঙচৎ অমা চৎখি অমদি বেঙ্কোক্তা পাঙথোকখিবা ৬শুবা বিম্সতেক সম্মিত্তা শরুক য়াখি‍। প্রধান মন্ত্রী মোদীবু প্রাইম মিনিস্তর সিনাৱত্রানা বেঙ্কোক্কী গভর্নমেন্ত হাউসতা হৌনবী মতুং ইন্না তরাম্না ওকখি‍।

ভারত অমসুং থাইলেন্দগী মরক্তা লৈনরিবা মীহৌরোল, নাৎ, লাইনিং অমদি লোনগী অচেৎপা মরী অমদি চহি ৭৮গী দিপ্লোমেতিক মরীবু শিংথারদুনা, লুচিংবা অনিমক্না দিফেন্স অমসুং সিক্যুরিতী, ত্রেদ অমসুং ইনভেস্তমেন্ত, কন্নেক্তিবিতী, সাইন্স অমসুং তেক্নোলোজী, ইনোভেসন, স্পেস, মহৈ মশিং, হকশেল, নাৎ, তুরিজম অমদি মীগা মীগগী এক্সচেঞ্জ য়াওনা নাকল অনিগী ওইবা মরীগী তোঙান তোঙানবা লমশিংদা পাক শন্না খন্নখি‍। মখোয়না নাকল অনিমক্তা কান্নগদবা সব-রিজনেল, রিজনেল, অমদি মল্তিলেতরেলগী ওইবা ৱাফমশিংদসু ৱাখল্লোন ফোঙদোক্নখি‍। লুচিংবা অনিমক্না তেংবাংনবগী তোঙান তোঙানবা লমশিং কোনশিনবা এম.ও.য়ু. কয়া খুৎয়েক পীনখিবসু মীৎয়েঙ তাখি‍। মখোয়না ইন্দিয়া—থাইলেন্দ কোন্সুলার দাইলোগ অমা লিংখৎপবুসু তরাম্না ওকখি‍।

প্রাইম মিনিস্তর সিনাৱত্রা অমদি প্রধান মন্ত্রী মোদীনা পুৱারী ওইরবা রিক্লাইনিং বুদ্ধগী মফমদা শ্রদ্ধাঞ্জলি কৎননবা ৱাত ফ্রা চেতুফোন ৱিমোন মঙ্খলরাম রাজ্বরমহৱিহানদসু চৎখি‍।

হৌজিক লৈরিবা তেংবাংনবগী মরী অমদি নাকল অনিগী অমদি রিজনেলগী থাক্তখক্তা নত্তনা মালেমগী থুনা হোংলক্লিবা জিওপোলিতিকেল ফীভমসি য়েংলগা মালেমগী থাক্তা মরী অসিবু হেন্না নকশিন্নহন্নবা মীৎয়েঙ থম্লদুনা, লুচিংবা অনিনা হৌজিক লৈনরিবা নাকল অনিগী ওইবা মরীবু স্ত্রেতেজিক পার্ত্নরসিপকী থাক্তা পুখৎনবা য়ানখি‍। মসিনা লৈবাক অনিগী মরক্তা তেংবাংনবগী মপুং ফাবা মতিং ফুদোকহন্নবা হেন্না ফীভম ফগৎলবা খোঙবুগী অনৌবা পন্দুপ অমা হাংদোক্লি‍।

স্ত্রেতেজিক পার্ত্নরসিপ অসি লৈবাক অনিমক্তা অমদি মখোয় মখোয়গী রিজনদা মখা তানা ইং-তপ্পা, মরা চেৎপা অমদি নুংঙাই য়াইফবা লৈহন্নবা নাকল অনিগী মরী অসিবু মপাঙ্গল কনখৎহন্নবা অনিমক্কী খোঙফমদা য়ুম্ফম ওইবন‍ি‍। স্ত্রেতেজিক পার্ত্নরসিপ অসিনা খুদোংচাবা হেনগৎহন্নবা, তেংবাংনবগী মরী হেন্না নকশিনহন্নবা অমদি অনিমক্কী ওইবা শিংনবশিংদা পুন্না থেংনমিন্ননবা তুংলমচত্তা য়ুম্ফম ওইবা অমদি নাকল অনিমক্তা কান্নগদবা লম্বী শেম্নবা লৈবাক অনিমক্কী মরুওইবা য়ুম্ফম অমা ওইগনি‍।

স্ত্রেতেজিক পার্ত্নরসিপ অসি হান্নদগী লৈরবা য়ানচেশিং অমদি তেংবাংনবগী মেকানিজমদা শেমগৎকদবনি অমদি মসিদা রাজনিতী, দিফেন্স অমদি সিক্যুরিতী, ত্রেদ অমসুং ইনভেস্তমেন্ত, কন্নেক্তিবিতী, মহৈ মশিং, খুন্নাই-নাৎ শেমগৎপা অমদি মীগা মীগগী এক্সচেঞ্জ, লোয়ননা অনিমক্তা কান্নগদবা অতৈ লমশিংদা খোঙবু ওইবগী ৱাফমশিং য়াওরি‍।

স্ত্রেতেজিক পার্ত্নরসিপ অসি লাউথোকপদা, লুচিংবা অনিনা ফ্রী, ওপন, ত্রান্সপেরেন্ত, রুল-বেজ, ইনক্লুজিব, প্রোস্পেরস অমদি রেজিলিএন্ত ওইবা ইন্দো-পেসিফিক রিজন অমা থম্বদা মান্নবা অপাম্বশিং ফোঙদোক্নখি অমদি অসীন সেন্ত্রেলিতীবু কন্না শৌগৎমিন্নখি‍। মখোয়না অসীন আউতলুক ওন দি ইন্দো-পেসিফিক (এ.ও.আই.পি.) ফোর পীস, স্তেবিলিতী অমদি প্রোস্পেরিতী ইন দি রিজনদা অসীন-ইন্দিয়া জোইন্ত স্তেতমেন্ত ওন কোওপরেসনগী থবকশিং পায়খৎনবা ওস্ত্রেলিয়াগা লোয়ননা ইন্দো-পেসিফিক ওসীন ইনিসিএতিব (আই.পি.ও.আই.)গী মেরিতাইম ইকোলোজী পিলরবু পুন্না লুচিংমিন্ননবা থাইলেন্দগী কন্সত্রক্তিব ওইবা থৌদাং য়াওনা এ.ও.আই.পি. অমদি আই.পি.ও.আই.গী মরক্তা তেংবাংনবা হেনগৎহন্দুনা পায়খৎপা য়াবা থবক থৌওংশং য়েংশিন্নবা ৱাফম য়ানখি‍।

লৈবাক অনিগী মরক্তা লৈনরিবা মরীবু হেন্না পাকথোক চাউথোকহন্নবা অমদি চেৎশিলহন্নবা হোৎনবা ওইনা, লুচিংবা অনিনা মখাগী ৱাফমশিং অসি য়ানখি:

¬রাজনিতীগী তেংবাংনবা

মান্নবা রিজনেল ইন্তরেস্তশিং খন্ননবা, লোয়ননা রিজনেল অমদি মালেমগী ওইবা সিক্যুরিতীগী শিংনবশিং থেংননবা মীৎয়েঙদা মল্তিলেতরেল মীফমশিংগী নাকোইননা উনবা য়াওনা লুচিংবগী থাক্তা চাং নাইনা অৱাংবা থাক্কী এক্সচেঞ্জশিং পাঙথোক্তুনা রাজনিতীগী ওইবা এঙ্গেজমেন্ত মপাঙ্গল কনখৎহনবা‍।

হৌজিক লৈরিবা জোইন্ত কম্মিতী ফোর বাইলেতরেল কোওপরেসন এত দি ফোরেন মিনিস্তর্স লেবেল, অমদি ফোরেন ওফিস কন্সল্তেসন এত দি সেনিয়র ওফিসিএল্স’ লেবেল মেকানিজমগী মখাদা লৈবাক অনিগী ফোরেন এফ্যার্স/এক্সতর্নেল এফ্যার্সকী ফোরেন মন্ত্রীশিং অমদি মকোক থোংবা ওফিসিএলশিংগী মরক্তা চাং নাইনা মীফম পাঙথোকপা‍।

লৈবাক অনিগী মরক্তা পার্লিয়ামেন্তরী এক্সচেঞ্জ চাং নাইনা পাঙথোকপা প্রমোত তৌবা‍।

দিফেন্স অমদি সিক্যুরিতী কোওপরেসন

দিফেন্স তেক্নোলোজী, দিফেন্স ইন্দস্ত্রী, রিছর্চ, ত্রেনিং, এক্সচেঞ্জ, চুনবা মেকানিজমশিং শেমগত্তুনা এক্সরসাইজ অমদি কেপাসিতী বিল্দিং তৌবদা মরুওইবা মীৎয়েঙ থম্লগা হৌজিক লৈরিবা দিফেন্স কোওপরেসনগী মেকানিজম মপাঙ্গল কনখৎহনবা, লোয়ননা লৈবাক অনিগী দিফেন্স সেক্তরশিংগী মরক্তা মখা তানা খুৎশম্ননা চৎমিন্নবা প্রমোত তৌবা‍।

ইনফোর্মেসন অমদি ইন্তলিজেন্সস এক্সচেঞ্জ তৌনদুনা, অমদি খ্বায়দগী ফবা থৌওংশিং তাথোক তাশিন তৌনদুনা অসুম শিংনবা হেনগৎলক্লিবা মালেমগী অমদি রিজনেল সিক্যুরিতী এনভাইরনমেন্তকী পাম্বৈ পুরক্নবা, অমদি দিফেন্স, মেরিতাইম সিক্যুরিতী, সাইবরসিক্যুরিতী, কাউন্তর তেরোরিজম, লো এনফোর্সমেন্তকী ৱাফমনচিংবা ত্রেদিস্নেল অমদি নন-ত্রেদিস্নেল সিক্যুরিতী ইসুশিংদা তেংবাংননবা, অমদি সাইবর-ক্রাইম, ইন্তরনেস্নেল ইকনমিক ক্রাইম, এন্তি-মনী লোন্দরিং অমসুং হ্যুমেন, দ্রগ, আর্ম অমদি ৱাইল্দলাইপ ত্রাফিক্কিং থেংননবা নাকল অনিগী সিক্যুরিতী অমদি লো এনফোর্সমেন্ত এজেন্সীশিং/ ওর্গনাইজেসনশিংগী মরক্তা চাং নাইনা ৱারী ৱাতায় শানদুনা, অমসুং থাই নেস্নেল সিক্যুরিতী কাউন্সিল অমদি নেসস্নেল সিক্যুরিতী কাউন্সিল সেক্রেতরিএত ওফ ইন্দিয়াগী মরক্তা দিপুতী নেস্নেল সিক্যুরিতী এদভাইজর/ সেক্রেতরী জেনেরেল থাক্কী স্ত্রেতেজিক ওইবা ৱারী ৱাতায় অমসু য়াওহন্দুনা সিক্যুরিতীগী লমদা তেংবাংনবা হেনগৎহনবা‍।

শেন্মিৎলোন, লল্লোন ইতিক অমদি ইনভেস্তমেন্তকী তেংবাংনবা

হৌজিক লৈরিবা ভারত অমসুং থাইলেন্দগী জোইন্ত ত্রেদ কম্মিতীগী মেকানিজমগী মখাদা লৈবাক অনিগী মিনিস্ত্রী ওফ কম্মর্স/কম্মর্স অমসুং ইন্দস্ত্রীগী মরক্তা চাং নাইনা মীফম অমদি এক্সচেঞ্জ পাঙথোকপা‍। লৈবাক অনিগী মরক্তা লৈরিবা ত্রেদ অমসুং ইনভেস্তমেন্ত প্রমোত তৌনবা লৈরিবা মেকানিজমগী চহিগী মীফম শোয়দনা পাঙথোক্নবা; লৈবাক অনিমক্কী মালেমগী সপ্লাই চেন্দা লৈরিবা মরী মপাঙ্গল কনখৎহন্নবা মীৎয়েঙ অমগা লোয়ননা লল্লোন ইতিক তৌবদা তেংবাংনবা অমদি মার্কেত এক্সেস ইসুশিং ৱাখৈমিন্ননবা অমদি লৈবাক অনিমক্কী প্রাইভেত সেক্তরশিংগী থাজবা হেনগৎহনবা; নাকল অনিনা য়ানখিবা ৱাফমশিংগী হার্মোনাইজেসন, ইকুইভেলেন্স অমদি মুচুএল রিকোগনিসন ওফ স্তেন্দর্দ্সকী লমদা তেংবাংমিন্নবা য়াওরগা; অমদি রিনিউএবল ইনর্জী, ইলেক্ত্রিক ভেহিকল, দিজিতেল তেক্নোলোজী, রোবোতিক্স, আই.সি.তি., স্পেস তেক্নোলোজী, বাইওতেক্নোলোজী, ক্রিএতিব ইন্দস্ত্রী অমদি স্তার্পঅপনচিংবা তুংদা মীৎয়েঙ থম্বা ইন্দস্ত্রী মরুওইনা ত্রেদ অমসুং ইনভেস্তমেন্তকী অনৌবা লমশিং শেম্নবা ৱাফমশিং য়ানখি‍।

২০২৩-২৪ দা US$ ১৫ বিলিয়নলোম য়ৌখ্রবা অসুম হেনগৎলক্লিবা নাকল অনিগী ত্রেদপু তরাম্না ওকখি অমদি মতিং লৈবা লমশিংদা শেন্মিৎলোনগী মরী পাকথোক চাউথোকহন্দুনা নাকল অনিগী ওইবা ত্রেদকী মতিং মপুং ফানা ফুদোকহন্নবা সস্তেনেবল ওইবা মওংগী লল্লোন ইতিক হেনগৎহন্নবা ৱাফম খন্নখি‍। ভেল্যু-এদেদ মেরিন পোত্থোকশিং, স্মার্তফোন, ইলেক্ত্রিকেল গারী, ফুদ প্রোসেসিং, পেত্রোলিয়ম পোত্থোকশিং, ওতো মচাকশিং, সর্ভিসেস অমদি ফার্মাসিউতিকেলনচিংবা সেক্তরশিংদা সস্তেনেবল ওইবা ত্রেদ য়োকখৎপা‍।

ফ্রেমৱর্ক এগ্রীমেন্ত ফোর এস্তাব্লিসিং কমপ্রিহেন্সিব ফ্রী ত্রেদ এরিয়া বিত্বীন থাইলেন্দ এন্দ ইন্দিয়া, অমদি অসীন-ইন্দিয়া ত্রেদ ইন গুদ্স এগ্রীমেন্ত (এ.আই.তি.আই.জি.এ.) য়াওনা হৌজিক লৈরিবা য়ানচেশিং অমদি ফ্রেমৱর্কশিংগী মখাদা ত্রেদ ফেসিলিতেসন প্রমোত তৌবা অমদি তেংবাংনবগী মরী চেৎশিলহনবা‍। লোকেল করেন্সীদা য়ুম্ফম ওইবা সেত্তলমেন্ত মেকানিজম লিংখৎপগী ৱাফম এক্সপ্লোর তৌদুনা নাকল অনিগী ওইবা দ্রেদতা অহেনবা ইনোৎ হাপ্পা‍।

অসীন-ইন্দিয়া ত্রেদ ইন গুদ্স এগ্রীমেন্ত (এ.আই.তি.আই.জি.এ.) বু ২০২৫ ফাওবদা সব্সতেন্সিএল কনক্লুজন ফংনবা পান্দম থম্লিবা বিজিনেসশিংদা হেন্না য়ুজর-ফ্রেন্দলী, লায়হন্নবা অমদি ত্রেদ তৌবদা নুংঙাইহন্নবা, অমদি ভারত অমসুং অসীন লৈবাকশিংগী মরক্তা সপ্লাই চেন মপাঙ্গল কনখৎহন্নবা এগ্রীমেন্ত অসি রিভিউ তৌবদা ঙাক্লৌ পীবা অমদি খোঙজেল য়াঙ্খৎহনবা‍।

হৌজিক লৈরিবা ইনভেস্তমেন্ত পোলিসী অমদি স্কীমশিং, মরুওইনা এক্ত ইস্ত পোলিসী অমদি মেক ইন ইন্দিয়াগী খুত্থাঙদা ইগ্নাইত থাইলেন্দকী ভিজনবু মাঙদা পুখৎলিবশিংবু মতিং লৈনা শীজিন্নদুনা প্রমোত তৌনবা বোর্দ ওফ ইনভেস্তমেন্ত ওফ থাইলেন্দ অমদি ইনভেস্ত ইন্দিয়া য়াওনা লৈবাক অনিগী ইনভেস্তমেন্ত প্রমোসন এজেন্সীশিংগী মরক্তা খুৎশম্ননা চৎমিন্নবা হেনগৎহনবা, লোয়ননা নাকল অনিগী ইনভেস্তমেন্ত হেনগৎহন্নবা লৈবাক অনিমক্তা স্পিসিএল ইকনমিক জোন্স (এস.ই.জে. অমদি ইন্দস্ত্রিএল কোরিদোরশিং শীজিন্নবা প্রমোত তৌবা‍।

অপুনবা প্রোজেক্তশিং এক্সচেঞ্জ অমসুং প্রমোত তৌনবা অমদি লৈবাক অনিমক্কী প্রাইভেত সেক্তরশিংগী মরক্তা খুৎশম্ননা চৎমিন্ননবা মপুং ওইবা মেকানিজম অমা ওইনা থবক তৌনবা ইন্দিয়া-থাইলেন্দ জোইন্ত বিজিনেস ফোরম (আই.তি.জে.বি.এফ.)গী মীফম চহিগী ওইনা চাং নাইনা পাঙথোকপা‍।

ওন্ত্রপ্রিন্যুরশিং, এস.এম.ই.শিং, অমদি স্তার্ত-অপশিংগী মরক্তা এক্সচেঞ্জ প্রমোত তৌনবা চুনবা মেকানিজম থিমিন্নবা‍। ভারত অমসুং থাইলেন্দগী স্তার্তঅপ ইকোসিস্তেমগী কেপাসিতী বিল্দিং অমদি মার্কেত এক্সেস হেনগৎহন্নবগী মান্নবা স্ত্রেতেজিক পান্দমশিং পুক্নিংদা থমদুনা নাকল অনিনা নাকল অনিদা মরুওইবা সেক্তরশিংদা মেন্তরসিপ প্রোগ্রাম অমদি এক্সপর্ত সেসনশিং পাঙথোকপা, ফোকস ইনভেস্তর পিতচিং, কোর্পোরেত অমদি বিজিনেস এসোসিএসনশিংগা লোয়ননা বিজিনেস মেতচমেকিং তৌবা, ইনোভেসন চেলেঞ্জ, লৈবাক অনিগী একাদমিক ইন্সতিত্যুৎশিং পুনবা অমদি ক্রোস-ইনক্যুবেসন মোদেলশিংদা ঙাক্লৌ পীবা য়াওনা স্তার্ত-অপকা মরী লৈনবা থবক থৌওংশিং পাঙথোক্নবা য়ানখি‍।

লৈবাক অনিগী মরক্তা শেন্মিৎলোন অমদি শেল-থুমগী মরী মপাঙ্গল কনখৎহন্নবা ত্রেদ, ইনভেস্তমেন্ত, অমদি ক্রোস-বোর্দর পেমেন্ত ফেসিলিতেত তৌনবা ভারত অমসুং থাইলেন্দগী ফাইনেন্সিল সর্ভিস প্রোভাইদরশিংগী মরক্তা হেন্না নক্নবা কোলাবোরেসন প্রমোত তৌবা‍।

নাকল অনিমক্কী ক্লাইমেত চেঞ্জ পান্দমশিং ফংনবগীদমক মরুওইনা রিনিউএবল ইনর্জী, অমদি ইনর্জী ইফিসিএন্সী তেক্নোলোজীনচিংবা লমশিংদা, বাইও-সর্কুলর- গ্রীন ইকনমী অমদি লাইফ স্তাইল ফোর এনভাইরনমেন্ত য়াওনা সস্তেনেবল ইকনমিক গ্রোথকী লমদা তেংবাংনবা‍।

কন্নেক্তিবিতী

ইন্দিয়া অমদি থাইলেন্দগী মরক্তা লৈনরিবা ফীজিকেল, দিজিতেল অমদি ফাইনেন্সিএলনচিংবা কন্নেক্তিবিতীগী মোদ পুম্নমক ফগৎহনবা অঅমদি ইন্দিয়া-ম্যান্মার থাইলেন্দ ত্রাইলেতরেল হায়ৱে অমদি মসিগী নোংপোকলোমদা শাংদোরাকপা, লোয়ননা ইন্দিয়া, ম্যান্মার অমদি থাইলেন্দ মোতোর ভেহিকল্স এগ্রীমেন্ত য়াওনা রিজনেল লিঙ্কেজশিং মপাঙ্গল কনখৎহনবা, কোস্তেল সিপ্পিং অমদি ফীভম ফগৎহল্লবা পোর্ত-তু-পোর্ত কন্নেক্সনগী খুত্থাঙদা রিজনেল মেরিতাইম কন্নেক্তিবিতী মপাঙ্গল কনখৎহনবা অমদি লৈবাক অনিগী সিভিও এভিএসন ওথোরিতীশিংবু লৈবাক অনিগী মরক্তা এয়র কন্নেক্তিবিতী হেনগৎহন্নবা ৱাফম মখা তানা খন্ননবা পুক্নিং থৌগৎপা‍।

খুন্নাই-নাৎ, মহৈ মশিং অমদি মীগা মীগগী এক্সচেঞ্জ

মীগা মীগগী এক্সচেঞ্জ হেনগৎহনবা, লোয়ননা লৈবাক অনিগী মরক্তা তুরিজমগী মতিং য়োকখৎপা‍।

নাকল অনিমক্না ক্বালিফিকেসন শকখঙমিন্নবা, ভারত অমসুং থাইলেন্দদা য়ুনিভর্সিতীগী থাক্কী মহৈ মশিং তম্লিবা মহৈরোয়শিংগী স্কোলারসিপ এক্সচেঞ্জ হেনগৎহনবা য়াওনা মহৈ মশিংগী লমদা তেংবাংমিন্নবগী থৌওং য়োকখৎনবা লৈবাক অনিগী মহৈ মশিংগী মরী লৈনবা মিনিস্ত্রীশিংগী মরক্তা তেংবাংনবগী মেকানিজম মপাঙ্গল কনখৎহনবা, স্তুদেন্ত এক্সচেঞ্জ, জোইন্ত রিছর্চ অমদি ফেলোসিপ হেনগৎহনবা‍। স্কিল দিভেলপমেন্ত, ইংলিস লোনগী ত্রেনিং, তেক্নিকেল অমদি ভোকেস্নেল এজুকেসন অমদি ত্রেনিং (তি.ভি.ই.তি.), থাই অমদি হিন্দী স্তদিজকী লমদা তেংবাংনবগী থবক প্রমোত তৌবা, অমদি লৈবাক নিমক্কী মহৈ মশিং অমসুং ত্রেনিংগী ইন্সতিত্যুসনশিংগী মরক্তা খুৎশম্ননা চৎমিন্নবা‍।

কলচরেল এক্সচেঞ্জ প্রোগ্রাম (সি.ই.পি.)না শকখঙলবা পর্ফোর্মিং আর্ত, একজিবিসন, সেমিনার, কন্ফরেন্স, আর্কিওলোজিী, অর্কাইব্স, ম্যুজিয়ম, রিছর্চ অমসুং দোকুমেন্তেসন, অমদি কুমহৈনচিংবা য়াওনা নাৎকী মরী অমদি তেংবাংনবগী থৌওং চেৎশিলহন্দুনা লৈবাক অনিগী মরক্তা লৈনরিবা মরী মপাঙ্গল কনখিহনবা‍।

স্পোর্তস ইন্তেগ্রিতী, স্পোর্তস গভর্নিং বোদীশিং, স্পোর্ত সাইন্স অমসুং রিছর্চ, স্পোর্তস ইন্দস্ত্রী, অমদি স্পোর্তস তুরিজমনচিংবা শান্ন-খোৎনবগী লমশিংদা খুৎশম্ননা থবক পায়খৎমিন্নবা য়াবা লমশিং থিদোকপা, লোয়ননা নাকল অনিনা পাম্বা লমশিংদা এক্সপর্ত অমদি প্রাক্তিস্নরশিং এক্সচেঞ্জ তৌনবা‍।

ভারতকী অৱাং নোংপোক লমদম (এন.ই.আর.) দা হেন্না নকশিন্নবা তেংবাংনবগী মরী শেমগৎপদা ভারত অমসুং থাইলেন্দগী মরক্তা হেন্না নকশিন্ননা থবক পায়খৎমিন্নবা অমদি মরুওইনা তুরিজম, নাৎ, মহৈ মশিং, ভোকেসন অমদি তেক্নিকেল কোওপরেসনগী লমশিংদা এক্সচেঞ্জ হেনগৎহনবা‍।

লৌউ-শিংউ, বাইওতেক্নোলোজী, আই.সি.তি. অমদি স্পেস তেক্নোলোজীনচিংবা প্রাইওরিতী এরিয়াশিংদা পুন্না পায়খৎমিন্নবা রিছর্চ প্রোজেক্ত, ৱর্কসোপ, অমদি এক্সচেঞ্জশিংগী খুত্থাঙদা সাইন্স অমসুং তেক্নোলোজীগী লমদা এক্সচেঞ্জ হেনগৎহন্দুনা অমদি হেন্না নকশিন্ননা থবক পায়খৎমিন্নদুনা অনৌবা শিংনবশিংগী পাম্বৈ পুথোক্নবা অমদি খুদোংচাবশিং শেমগৎনবা সাইন্স অমসুং তেক্নোলোজীগী থৌদাং লৌরিবা মিনিস্ত্রীশিংগী মরক্তা তেংবাংনবগী মরী কনখৎহনবা‍।

ইনফোর্মেসন তাথোক তাশিন তৌনবা, রিছর্চ অমসুং দিভেলপমেন্ত, অমদি হ্যুমেন রিসোর্স দিভেলপমেন্তগী খুত্থাঙদা য়াওনা হকশেল, মেদিকেল প্রদক্ত, লোয়ননা মহৌশাগী হিদাক লাংথক্কী লমদা লৈবাক অনিগী মরক্তা হেন্না নকশিন্ননা তেংবাংনবা‍।

নুপী ওন্ত্রপ্রিন্যুরসিপকী ফীভম ফগৎহন্নবা লীদর্সিপ, দিসিজন-মেকিং অমসুং ভোকেস্নেল স্কিলশিং য়াওনা নুপীশিং হীরম খুদিংদা চাওখৎহনবদা চঙলিবা এক্সচেঞ্জ অমদি কোওপরেসন লিংখৎপা‍।

রিজনেল, মল্তিলেতরেল অমদি ইন্তরনেস্নেল কোওপরেসন

নাকল অনিমক্তা মরুওইবা অমদি ইন্তরেস্ত লৈবা মালেমগী ৱাফমশিংদা নাকল অনিমক্কী কন্সতক্রক্তিব রোল প্রমোত তৌনবা ভারত অমসুং থাইলেন্দগী তেংবাংনবগী মরী, মরুওইনা য়ুনাইতেদ নেসন্সতা ফগৎহনবা‍।

এসোসিএসন ওফ সাউথইস্ত এসিয়ন নেসন্স (অসীন), এয়েয়াৱদী-চাও ফ্রায়া-মেকোং ইকনমিক কোওপরেসন স্ত্রেতেজী (এ.সি.এম.ই.সি.এস.), মেকোং-গঙ্গা কোওপরেসন (এম.সি.জি.), বে ওফ বেঙ্গল ইনিসিএতিব ফোর মল্তি-সেক্তরেল তেক্নিকেল এন্দ ইকনমিক কোওপরেসন (বিম্সতেক), ইন্দিয়ন ওসীন রিম এসোসিএসন (আই.ও.আর.এ.), এসিয়া কোওপরেসন দাইলোগ (এ.সি.দি.) অমসুং ইন্দোনেসিয়া-মলেসিয়া-থাইলেন্দ গ্রোথ ত্রাইএঙ্গল (আই.এম.তি.-জি.তি.) য়াওনা রিজনেল অমদি সব-রিজনেল ফ্রেমৱর্কশিংগী মনুংদা ভারত অমসুং থাইলেন্দকী তেংবাংনবগী মরী কনখৎহনবা, অমদি রিজনেল অমসুং সব-রিজনেল চেলেঞ্জশিং মপুং ফানা অমদি মতিং লৈনা থেংননবা পান্দমদা হায়রিবা ফ্রেমৱর্কশিং অসিগী মরক্তা থোং মান্ননা চৎপা অমদি অমনা অমগী মতেং পাংশিন্নবগী থৌওং প্রমোত তৌবা‍।

চাওখৎলক্লিবা লৈবাকশিংগী খোঞ্জেল পুন্না পুখৎমিন্ননবা জি৭৭ অমদি সাউথ-সাউথ কোওপরেসন্নচিংবা মল্তিলেতরেল ফ্রেমৱর্কশিংদা থাইলেন্দ অমসুং ভারতকী তেংবাংনবগী মরী কনখৎহনবা‍।

নোম পেনদা ২০২২ দা পাঙথোকখিবা অসীন-ইন্দিয়া দাইলোগ রিলেসন্সকী ৩০শুবা এনিভর্সরী কোমেমোরেত তৌনবা ১৯শুবা অসীন-ইন্দিয়া সম্মিত্তা লিংখৎখিবা অসীন-ইন্দিয়া কম্প্রিহেন্সিপ স্ত্রেতেজিক পার্ত্নরসিপ পুন্না মপাঙ্গল কনখৎহনবা অমদি হোংলক্লিবা রিজনেল আর্কিতেকচর অসিদা অসীন সেন্ত্রেলিতীদা ভারতনা লেপ্তনা ঙাক্লৌ পীবা অমসুং অসীননা লুচিংবা মেকানিজমশিংদা ইচঙ থৌনা তেংবাংববু তরাম্না ওকখি‍।

লমদম অসোমসা খুন্নাই-শেন্মিৎলোন শেমগৎপা হেনগৎহন্নবা অমদি কন্নেক্তিবিতী ফগৎহন্নবা মেকোং-গঙ্গা কোওপরেসন (এম.জি.সি.) ফ্রেমৱর্ক্কী মখাদা তেংবাংনবগী মরী মখা তানা কনখৎহনবা, অমদি চহি চা কয়া শুরবা মীহৌরোলগী মরীবু হেন্না চেৎশিলহনবা‍।

হন্দক্তা লেপ্নখিবা বিম্সতেক চার্তর লোয়ননা বিম্সতেক্কী তোপ তোপ্পা মশক মওংবু খা অমসুং খা-নোংপোক এসিয়াগী থোং অমা ওইনা হেন্না মপুং ফাহনবগা লোয়ননা, নুংঙাই য়াইফবা, রেজিলিএন্ত অমদি ওপন ওইবা বে ওফ বেঙ্গল কম্ম্যুনিতী লৈহন্নবা থবক পায়খৎপদা বিম্সতেক্কী ফাউন্দিং মেম্বরশিং অমদি খ্বায়দগী চাউবা শেন্মিৎলোনশিং ওইনা লৌরিবা লুচিংবা অমদি ইচঙ থৌবা থৌদাংবু প্রমোত তৌবা‍। এগ্রীমেন্ত ওন মেরিতাইম ত্রান্সপোর্ত কোওপরেসন য়াওনা বিম্সতেক মাস্তর প্লান ফোর ত্রান্সপোর্ত কন্নেক্তিবিতী অমদি মরী লৈনবা য়ানচেশিং থবক ওইনা পায়খত্তুনা বিম্সতেক ত্রান্সপোর্ত কন্নেক্তিবিতী কনখৎহনবা‍।

কিংদম ওফ থাইলেন্দকী প্রাইম মিনিস্তর অমদি রিপব্লিক ওফ ইন্দিয়াগী প্রধান মন্ত্রীনা কিংদম ওফ থাইলেন্দগী মিনিস্ত্রী ওফ ফোরেন এফ্যার্স অমদি রিপব্লিক ওফ ইন্দিয়াগী এক্সতর্নেল এফ্যার্স মন্ত্রালয়দা স্ত্রেতেজিক পার্ত্নরসিপ অসি মপুং ফানা পায়খৎনবা জোইন্ত প্লান ওফ এক্সন অমা শেম্নবা মরী লৈনবা এজেন্সীশিং কোওর্দিনেত তৌনবা থৌদাং শিন্ননবা য়ানখি‍।

***