প্রধান মন্ত্রী, শ্রী নরেন্দ্র মোদীনা ঙসি হৌজিক-হৌজিক চিয়র পাইরিবা থাইলেন্দনা শিনবা ৬শুবা BIMSTEC (বে ওফ বেঙ্গল ইনিসিয়েতিব ফোর মলতি-সেক্তোরেল তেক্নিকেল এন্দ ইকোনোমিক কোওপরেশন) সম্মিত্তা শরুক য়াখ্রে। সম্মিত অসিগী থীম অদু – “BIMSTEC: প্রোসপরস, রেজিলিয়েন্ত এন্দ ওপন” হায়বা অসিনা ওইখি। মসিনা লুচিংবশিংগী মরুওইবশিং অদুবু উৎখি অমসুং BIMSTEC রিজনগী মীশিংগী অপাম্বশিং অদুবু ময়েক শেংনা উৎলি, লোইন-লোইননা মালেম অসিদা করি থোক্কনি হায়বা তম্বা ঙমদবা মতম অসিদা পুন্না অমত্তা ওইনা শাহৌ পুরকমিন্ননবা BIMSTECনা হোৎনরিবশিং অদবু ময়েক শেংনা উৎলি।

প্রধান মন্ত্রীনা ম্যানমার অমসুং থাইলেন্দদা অমাং-অতা থোকহনখিবা য়ুহার হাবগী থৌদোক্তা লৈখিদ্রবশিং অদুগীদমক্তা অৱাবা ফোংদোকপগা লোইনা মহাক্কী ৱারোল অদু হৌদোকখি। মহাক্না প্রধান মন্ত্রী, শিনাৱাত্রাদা গ্রুপ অসিবু মাইপাক্না লমজিং-লমতাকপীবগীদমক্তা থাগৎপা ফোংদোকখি। BIMSTECবু সাউথ এসিয়া অমসুং সাউথ-ইস্ত এসিয়াগী মরক্তা শম্নহল্লিবা য়াম্না মরুওইবা মরি অমা ওইনা ফোংদোক্লদুনা, প্রধান মন্ত্রীনা গ্রুপ অসিবু রিজনেল কোওপরেশন, কোওর্দিনেশন অমসুং প্রোগ্রেসকীদমক্তা য়াম্না মতিক-মগুন লৈবা প্লেতফোর্ম অমা ওইরক্লি হায়না পনখি। মসিগী মতাংদা মহাক্না BIMSTECকি এজেন্দা অমসুং কেপাসিতী হেন্না হেনগৎহন্নবা হায়খি।

প্রধান মন্ত্রীনা BIMSTECতা ইনস্তিত্যশন অমসুং কেপাসিতী বিল্দিংগী মাইকৈদা ভারতনা লুচিংবা অনৌবা থৌরাং কয়া অমা লাউথোকখি। মসিদা দিজাস্ত্র মেনেজমেন্ত, সস্তেনেবল মেরিতাইম ত্রান্সপোর্ত, নাতকী ওইবা হিদাক-লাংথকশিং অমসুং লৌউ-শিংউগী মতাংদা রিসর্চ অমসুং ত্রেনিংগী মতাংদা ভারত্তা BIMSTEC সেন্তর ওফ এক্সেলেন্সশিং লিংখৎপা হায়বনচিংবশিং অসি য়াওরি। মহাক্না নহাশিংগী স্কিল হেনগৎহন্নবগীদমক্তা – BODHI [BIMSTEC ফোর ওর্গনাইজদ দেবেলপমেন্ত ওফ হ্যুমেন রিসোর্স ইনফ্রাস্ত্রকচর] হায়বা অসিগী মতাংদশু লাউথোকখি, মসিগী মখাদা প্রোফেস্নেলশিং. মহৈরোইশিং, রিসর্চরশিং, দিপ্লোমেতশিং অমসুং অতৈ-অতোপ্পশিংগীদমক্তা ত্রেনিং অমসুং স্কোলর্শিপশিং পীরগনি। মহাক্না দিজিতেল পব্লিক ইনফ্রাস্ত্রকচরগী মতাংদা রিজন অসিগী তঙাইফদবশিং অমসুং রিজন অসিদা কেন্সর কিয়রগীদমক্তা কেপাসিতী বিল্দিং প্রোগ্রামশিং য়েংশিন্নবা ভারতনা পাইলোত স্তদী অমা পাংথোক্লগনি হায়না মহাক্না হায়ি। হেন্না চাউবা রিজনেল ইকোনোমিক ইন্তিগ্রেশন লৈহন্নবগীদমক্তা, প্রধান মন্ত্রীনা ভারত্তা BIMSTEC চেম্বর ওফ কমর্স লিংখৎনবা অমসুং চহি খুদিংগী BIMSTEC বিজনেস সম্মিত শিন্নবা হায়খি।

রিজন অসিবু অমত্তা ওইনা পুশিল্লক্লিবা পুৱারি ওইরবা অমসুং চৎনবীগী ওইবা মরিদা য়ুমফম ওইদুনা শেমগৎ-শাগৎমিন্নবগী তঙাইফদবা অদুগী মতাংদা য়াম্না মরুওইনা পল্লদুনা, প্রধান মন্ত্রীনা মী মশেলগী মরক্তা মরি হেনগৎহন্নবা অনৌবা থৌরাং কয়া লাউথোকখি। ভারতনা হন্দক্কী চহি অসিদা BIMSTEC এথলেতিক্স মীত শিল্লগনি অমসুং ২০২৭দা গ্রুপ অসিনা মখোয়গী ৩০শুবা কুমওন থৌরম পাংথোকপা মতমদা, খ্বাইদগী অহানবা BIMSTEC গেমস পাংথোক্লগনি। BIMSTEC ত্রেদিস্নেল ম্যুজিক ফেস্তিবলশু পাংথোক্লগনি। রিজন অসিগী নহাশিংবু হেন্না নকশিন্নহন্নবা, প্রধান মন্ত্রীনা য়ং লীদর্স সম্মিত অমা, হেকাথোন অমা অমসুং য়ং প্রোফেস্নেল ভিজিতর্স প্রোগ্রাম অমশু লাউথোকখ্রে। প্রধান মন্ত্রীনা লাউথোকখিবা অনৌবা থৌরাংশিংগী মপুং ফাবা লিস্ত অদু অসিদা য়েংবা য়াগনি।  

সম্মিত অসিদা মখাদা পীরিবশিং অসি এদোপ তৌখি:

i. সম্মিত দেক্লেরেশন

ii. BIMSTEC নেঙ্কোক ভিজন ২০৩০ দোক্যুমেন্ত, মসিনা রিজন অসিগী অপুনবগী ওইনা চাউখৎমিন্ননবগী রোদ মেপ অমা উৎলি।

iii. BIMSTEC মেরিতাইম ত্রান্সপোর্ত এগ্রীমেন্তকী খুৎয়েক পীনবা, মসিদা ভেসেলশিং, ক্রু অমসুং কার্গোদা নেস্নেল ত্রীতমেন্ত অমসুং এসিস্তেন্স; মুচুৱল রিকোগ্নিশন ওফ সর্তিফিকেতস/দোক্যুমেন্তস; জোইন্ত শিপ্পিং কোওর্দিনেশন কমিতী; অমসুং দেসপ্যুত সেতলমেন্ত মেকানিজমগী মতাংদা য়াওরি।

ⅳ. BIMSTECকীদমক্তা তুংদা লমজিং-লমতাকপীনবগীদমক্তা রিকমেন্দেশিং পীনবা BIMSTEC এমিনেন্ত পর্সন্স গ্রুপ শেম্বগী রিপোর্ত।

***