প্রধানমন্ত্রীগী লোইশঙ
প্রধান মন্ত্রীনা ম্যানমারগী সেনিয়র জেনেরেল মিন ওং লিংগা উনখ্রে
থাগৎখিবা:
04 APR 2025 9:43AM by PIB Imphal
প্রধান মন্ত্রী শ্রী নরেন্দ্র মোদীনা ঙসি বেঙ্কোক্তা পাঙথোকপা বিম্সতেক সম্মিতকী সাইদলাইন্দা ম্যানমারগী সেনিয়র জেনেরেল মিন ওং লিংগা উনখ্রে। কুইদ্রিঙৈদা থোকখিবা য়ুহা হায়বগী থৌদোক্না থোকহনখিবা অমাঙ অতাশিংগীদমক নুংঙাইতবা ফোঙদোক্লদুনা, শ্রী মোদীনা অরুবা তান্ফম অসিদা ম্যানমারগী ইচিল ইনাওশিংগীদমক ভারতনা মতেং পাংগনি হায়না থাজবা পীখি। লূচিংবা অনিমক্না ভারত অমদি ম্যানমার অনিগী মরক্তা লৈনরিবা নাকল অনিগী ওইবা মরী, মরুওইনা লম্বী থোং, কেপাসিতী বিলদিং, ইনফ্রাস্ত্রকচর শেমগৎ-শাগৎপা অমদি অতৈ লমশিংগী মরমদা খন্নখি।
X তা থাগৎপা পোস্ত অমদা মহাক্না অসুম্না ইখি:
“বেঙ্কোক্তা পাঙথোকপা বিম্সতেক সম্মিতকী সাইদলাইন্দা ম্যানমারগী সেনিয়র জেনেরেল মিন ওং লিংগা উনরুরে। অমুক্কা হন্না হন্দক থোকখিবা য়ুহা হায়বগী থৌদোক্না পুন্সি অমদি লন-থুম কয়া মাঙহনখিবগীদমক নুংঙাইতবা ফোঙদোক্লম্লে। অরুবা তান্ফম অসিদা ম্যানমারগী ইচিল ইনাওশিংগীদমক ভারতনা মতেং পাংনবা তৌবা য়াবমখৈ তৌরি।
ঐখোয়না ভারত অমদি ম্যানমার অনিগী মরক্তা লৈনরিবা নাকল অনিগী ওইবা মরী, মরুওইনা লম্বী থোং, কেপাসিতী বিলদিং, ইনফ্রাস্ত্রকচর শেমগৎ-শাগৎপা অমদি অতৈ লমশিংগী মরমদা খন্নখি।”
***
(রিলিজ আই.দি.: 2118623)
ভিজিতর কাউন্তর : 75
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam