য়োর এক্সেলেন্সী, প্রাইম মিনিস্তর সিনাৱত্রা,

লৈবাক অনিমক্কী মীথুংশিং,

মেদিয়াগী মরূপশিং,

খুরুমজরি,

সৱাদী ক্রাপ!

ঐহাক্না প্রাইম মিনিস্তর সিনাৱত্রাগী মফমদা ঐহাকপু তরাম্না ওকপিবগী অমদি ইফমদা উৎপিরিবা মীওক মীচানগীদমক তৌবিমল খঙবা উৎচরি‍।

মার্চ ২৮ দা থোকখিবা য়ুহা হাবগী থৌদোক্তা মীওই কয়াগী পুন্সি মাঙখিবদা ভারতকী মীয়ামগী মহুৎ শিল্লগা ঐহাক্না নুংঙাইতবা ফোঙদোকচরি‍। থৌদোক্তুদা শোকখিবশিংগী মফমদসু থুনা ফগৎলকপা ওইসনু হায়না ঐখোয়না য়াইফ পাউজেল পীজরি‍।

মরূপশিং,

ভারত অমসুং থাইলেন্দকী মরক্তা চহি লিশাং শিৎনা লৈরক্লবা মরী অসি ঐখোয়গী অচেৎপা নাৎ অমদি লাইনিংগী মরীদা মরা তাদুনা লৈখ্রবনি‍। বুদ্ধিজমগী ৱাখল্লোন্না ঐখোয়গী মীয়ামবু পুনশিন্নরি‍।

অয়ুথয়দগী নলন্দাদা স্কোলার এক্সচেঞ্জ তৌনদুনা লাক্লি‍। রামায়নগী ৱারী থাইগী ফুঙ্গা ৱারীশিংদা মরা তাদুনা লৈখ্রবনি‍। অমদি, সংস্কৃৎ অমসুং পালিগী ইথিলনা ঙসি ঐখোয়গী লোল অমদি চৎনবীদা ইৱাই ইনিল পীদুনা লৈরি‍।

ঐগী খোঙচৎকী শরুক অমা ওইনা ১৮শুবা চহিচাগী ‘রামায়ন’দা য়ুম্ফম ওইবা মুরেল লাইয়েক অমগী অখন্নবা পোস্তেজ স্তাম্প অমা ফোঙবিবগীদমক ঐহাক্না থাইলেন্দ লৈঙাক্কী মফমদা তৌবিমল খঙবা উৎচরি‍।

প্রাইম মিনিস্তর সিনাৱত্রানা ঐগী ইফমদা ত্রি-পিতাকা অমা খুদোল তম্বিরি‍। বুদ্ধগী লমদম ভারতকী মহুৎ শিল্লগা, ঐহাক্না মসিবু ইখুৎ লোন্নদুনা তরাম্না লৌজরি‍। মমাঙ চহিদা, প্রভু বুদ্ধগী শেংলবা রেলিক ভারত্তগী থাইলেন্দদা থাখি‍। মহাকপু নীংজবা মীওই মিলিয়ন মরি হেনবনা খুরুমজবা ফংজবা অসি য়াম্না নুংঙাইবা ৱাফম অমনি‍। ১৯৬০ দা অরাবলি, গুজরাত্তা ফংখিবা শেংলবা রেলিক অদুসু এক্সপোজিসন অমগীদমক থাইলেন্দদা থারক্কনি হায়না লাউথোকচবদা ইফমদা নুংঙাইবা ফাওই‍।

চহি অসিদা ঐখোয়গী অরিবা মরী অসি ভারত্তা পাঙথোকখিবা মহাকুম্ভদসু উবা ফংখি‍। থাইলেন্দ য়াওনা মপান লৈবাকশিংদগী বুদ্ধিস্ত নীংজবা মীওই ৬০০ হেনবনা লাইনিং অমদি নাৎকী মী তিনখিবা থৌরম অদুদা শরুক য়াখি‍। থৌরম অসিনা মালেমগী ওইবা ইং-তপ্পা অমদি পুকচেল খোইজেল তিন্নবগী পাউজেল পীখি‍।

মরূপশিং,

ভারতকী ‘এক্ত ইস্ত’ পোলিসী অমদি ইন্দো-পেসিফিক ভিজন্দা থাইলেন্দনা অখন্নবা মফম অমা কন্দুনা লৈরি‍। ঙসি, ঐখোয়না স্ত্রেতেজিক পার্ত্নরসিপ্তসু ঐখোয়গী মরী চেৎশিলহন্নবা ফীরেপ লৌমিন্নরে‍। ঐখোয়না ঐখোয়গী সিক্যুরিতী এজেন্সীশিংগী মরক্তা ‘স্ত্রেতেজিক দাইলোগ’ অমা পাঙথোক্নবা ৱাফমসু খন্নখ‍ি‍।

ঐখোয়না থাইলেন্দ লৈঙাকপু ভারতকী সাইবরক্রাইমগী ভিক্তিমশিং হল্লকপদা মতেং পাংবিবগীদমক থাগৎচরি‍। ঐখোয়গী এজেন্সীশিংনা হ্যুমেন ত্রাফিক্কিং অমসুং ইলিগেল মাইগ্রেসনগী মতাঙদা পুন্না থবক তৌমিন্ননবা ৱাফমসু য়ানরে‍।

ঐখোয়না তুরিজম, কলচর অমদি মহৈ মশিংগী লমদা থাইলেন্দ অমসুং ভারতকী অৱাং নোংপোক স্তেতশিংগী মরক্তা তেংবাংননবা ৱাফমদা মরুওইবা মীৎয়েঙ থমখি‍।

ঐখোয়না হেনগৎলক্লুবা নাকল অনিগী লল্লোন ইতিক, ইনভেস্তমেন্ত, অমদি বিজিনেস এক্সচেঞ্জকী মরমদা খন্নখি‍। এম.এস.এম.ই., হেন্দলুম অমসুং হেন্দিক্রাফ্তকী লমদা তেংবাংনবগী মরী পুরক্নবা ৱাফমসু য়ানখি‍।

ঐখোয়না রিনিউএবল ইনর্জী, দিজিতেল তেক্নোলোজী, ই-ভেহিকল, রোবোতিক্স, স্পেস, বাইও-তেক্নোলোজী অমদি স্তার্ত-অবগী লমদা তেংবাংনবগী মরী কনখৎহন্নবা ফিরেপ লৌখি‍। ফীজিকেল কন্নেক্তিবিতী ফগৎহনবগী মথক্তা, লৈবাক অনিমক্না ফিনতেক কন্নেক্তিবিতীসু হেনগৎহন্নবা থবক পায়খৎমিন্নগনি‍।

মীগা মীগগী এক্সচেঞ্জ য়োকখৎনবা, ভারতনা থাই লমকোয়বশিংদা লেম্না ই-ভিজা ফেসিলিতী পীবসু হৌরে‍।

মরূপশিং,

অসীন অসি ভারত অমসুং মসিগী অকোয়বদা লৈরিবশিংগী মপুং ফাবা স্ত্রেতেজিক পার্ত্নর অদুনি, য়ুম্লোন্নবা মেরিতাইম লৈবাকশিং ওইনা, ঐখোয়না লমদম অসোমদা ইং-তপ্পা, মরা চেৎপা, অমদি নুংঙাই য়াইফবা পুরকপদা মান্নবা ইথিল ল‍ৈ‍।

ভারতনা খোঙফম চেৎনা অসীনগী লিংজেল মান্নবা অমসুং অসীনগী সেন্ত্রেলিতীদা ঙাক্লৌ পীরি‍। ইন্দো-পেসিফিক রীজন্দা, লৈবাক অনিমক্না অপন্বা লৈতবা, ওপন ওইবা, পুম্নমক কোনশিনবা অমদি কাঙলোন্দা য়ুম্ফম ওইবা মচৎ অমা লৈহন্নবা ৱাফম ফোঙদোক্তুনা লাক্লি‍।

ঐখোয়না চাওখৎপা পুরকপদা থাজবা থম্লি, ঙমখৈ পাকথোক চাউথোকপদা থাজবা থমদে‍। ‘ইন্দো-পেসিফিক ওসীন্স’ ইনিসিতিবকী ‘মেরিতাইম ইকোলোজী’ পিল্লরবু পুন্না লমজিংমিন্ননবা থাইলেন্দনা লৌরিববা ফিরেপ্পু ঐখোয়না তরাম্না ওক্লি‍।

মরূপশিং,

ঐ হয়েং বিম্সতেক সম্মিত য়াওনিংবনা ইখৌ লাংলি‍। থাইলেন্দকী চেয়রমেনসিপ মখাদা, ফোরম অসিনা রিজনেল কোওপরেসনগী মায়কৈদা অনৌবা খোঙজেল ফংবা ঙম্লি‍। ঐখোয়না প্রাইম মিনিস্তর অমদি মহাক্কী কাঙবুবু মায় পাকপা অসিগীদমক নুংঙাইবা ফোঙদোকচরি‍।

এক্সেলেন্সী,

অমুক্কা হন্না, ঐনা অদোমবু অসুম্না তরাম্না ওকপিবা অমদি ইকায়খুম্নবা উৎপিবগীদমক থাগৎচরি‍। ঐহাক্না ত্রি-পিতাকাগী খুদোল অসিগীদমক্তসু তৌবিমল খঙবা উৎচরি‍।

খোপ খুন খাপ!

দিসক্লেমর – মসি প্রধান মন্ত্রীগী ৱারোলগী চাউরাকপা ৱাহন্থোক্নি‍। অশেঙবা ৱারোলদি হিন্দীদা পীখিবনি‍।

***