ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଥାଇଲ୍ୟାଣ୍ଡ ଓ ଶ୍ରୀଲଙ୍କା ଗସ୍ତ ପୂର୍ବରୁ ପ୍ରଧାନମନ୍ତ୍ରୀଙ୍କ ପ୍ରସ୍ଥାନ ବିବୃତି
Posted On:
03 APR 2025 6:47AM by PIB Bhubaneshwar
ପ୍ରଧାନମନ୍ତ୍ରୀ ପାଟୋଙ୍ଗଟାର୍ଣ୍ଣ ସିନାୱାତ୍ରାଙ୍କ ନିମନ୍ତ୍ରଣ କ୍ରମେ, ମୁଁ ଆଜି ଷଷ୍ଠ ବିମ୍ଷ୍ଟେକ୍ ସମ୍ମିଳନୀରେ ଯୋଗଦେବା ପାଇଁ ଥାଇଲ୍ୟାଣ୍ଡକୁ ସରକାରୀ ଗସ୍ତରେ ଯାଉଛି ।
ଗତ ଦଶନ୍ଧି ଧରି, ବଙ୍ଗୋପସାଗର କ୍ଷେତ୍ରରେ ଆଞ୍ଚଳିକ ବିକାଶ, ଯୋଗାଯୋଗ ଏବଂ ଆର୍ଥିକ ପ୍ରଗତିକୁ ପ୍ରୋତ୍ସାହିତ କରିବା ପାଇଁ ବିମ୍ଷ୍ଟେକ୍ ଏକ ଗୁରୁତ୍ୱପୂର୍ଣ୍ଣ ମଞ୍ଚ ଭାବରେ ଉଭା ହୋଇଛି । ଏହାର ଭୌଗଳିକ ସ୍ଥିତି ସହିତ, ଭାରତର ଉତ୍ତର-ପୂର୍ବ କ୍ଷେତ୍ର ବିମ୍ଷ୍ଟେକର କେନ୍ଦ୍ରରେ ରହିଛି । ମୁଁ ବିମଷ୍ଟେକ ଦେଶଗୁଡିକର ନେତାମାନଙ୍କୁ ଭେଟିବାକୁ ଏବଂ ଆମ ଲୋକଙ୍କ ସ୍ୱାର୍ଥକୁ ଧ୍ୟାନରେ ରଖି ଆମର ସହଯୋଗକୁ ଆହୁରି ମଜବୁତ କରିବା ପାଇଁ ଉତ୍ପାଦକ ଭାବରେ ଯୋଗଦାନ କରିବାକୁ ଆଗ୍ରହି ରହିଛି ।
ମୋର ସରକାରୀ ଗସ୍ତ ସମୟରେ, ଆମର ଐତିହାସିକ ସମ୍ପର୍କକୁ ଉନ୍ନତ କରିବାର ଏକ ସାଧାରଣ ଇଚ୍ଛା ସହିତ ମୁଁ ପ୍ରଧାନମନ୍ତ୍ରୀ ସିନାୱାତ୍ରା ଏବଂ ଥା ନେତୃତ୍ୱଙ୍କ ସହ ଯୋଗାଯୋଗ କରିବାର ସୁଯୋଗ ପାଇବି । ଏହା ସହଭାଗୀ ସଂସ୍କୃତି, ଦର୍ଶନ ଏବଂ ଆଧ୍ୟାତ୍ମିକ ଚିନ୍ତାଧାରାର ଦୃଢ଼ ମୂଳଦୁଆ ଉପରେ ଆଧାରିତ ।
ଥାଇଲ୍ୟାଣ୍ଡରୁ ମୁଁ ଅପ୍ରେଲ୍ ୪ରୁ ୬ ତାରିଖ ଯାଏଁ ଶ୍ରୀଲଙ୍କାକୁ ଦୁଇ ଦିନିଆ ଗସ୍ତରେ ଯିବି। ଗତ ଡିସେମ୍ବରରେ ରାଷ୍ଟ୍ରପତି ଦିସାନାୟକଙ୍କ ସଫଳ ଭାରତ ଗସ୍ତ ପରେ ମୁଁ ଏହି ଗସ୍ତରେ ଯିବି । ଆମକୁ “ଏକ ଅଂଶୀଦାର ଭବିଷ୍ୟତ ପାଇଁ ସହଭାଗୀତାକୁ ପ୍ରୋତ୍ସାହିତ କରିବା”ର ମିଳିତ ଦୃଷ୍ଟିକୋଣରେ ହୋଇଥିବା ପ୍ରଗତିକୁ ସମୀକ୍ଷା କରିବା ଏବଂ ଆମର ଅଂଶୀଦାର ଉଦ୍ଦେଶ୍ୟକୁ ସାକାର କରିବା ପାଇଁ ଅଧିକ ମାର୍ଗଦର୍ଶନ ପ୍ରଦାନ କରିବାର ସୁଯୋଗ ମିଳିବ ।
ମୁଁ ନିଶ୍ଚିତ ଯେ ଏହି ଗସ୍ତଗୁଡିକ ଅତୀତର ମୂଳଦୁଆକୁ ଆଧାର କରିବ ଏବଂ ଆମ ଲୋକମାନଙ୍କର ତଥା ବ୍ୟାପକ କ୍ଷେତ୍ରର ଲାଭ ପାଇଁ ଆମର ଘନିଷ୍ଠ ସମ୍ପର୍କକୁ ସୁଦୃଢ଼ କରିବାରେ ଯୋଗଦାନ ଦେବ ।
SR
(Release ID: 2118137)
Visitor Counter : 12
Read this release in:
Tamil
,
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Telugu
,
Kannada
,
Malayalam