গৃহ মন্ত্ৰালয়
কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে কয় যে দেশত মাওবাদীৰ দ্বাৰা আটাইতকৈ বেছি ক্ষতিগ্ৰস্ত জিলাৰ সংখ্যা মাত্ৰ ৬খনলৈ হ্ৰাস পাইছে
মাওবাদীৰ দ্বাৰা আটাইতকৈ বেছি ক্ষতিগ্ৰস্ত জিলাৰ সংখ্যা ১২ৰ পৰা ৬লৈ হ্ৰাস পাইছে, যিটো ভাৰতক মাওবাদীমুক্ত কৰাৰ দিশত এক মাইলৰ খুঁটি হিচাপে পৰিগণিত হৈছে
মোদী চৰকাৰে মাওবাদৰ প্ৰতি নিৰ্দয় দৃষ্টিভংগী আৰু সৰ্বব্যাপী উন্নয়নৰ বাবে লোৱা অদম্য প্ৰচেষ্টাৱলীৰে শক্তিশালী, সুৰক্ষিত আৰু সমৃদ্ধ ভাৰত গঢ়ি তুলিছে
২০২৬ চনৰ ৩১ মাৰ্চৰ ভিতৰত মাওবাদক সমুলি নিঃশেষ কৰিবলৈ বদ্ধপৰিকৰ মোদী চৰকাৰ
Posted On:
01 APR 2025 11:52AM by PIB Guwahati
কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে কয় যে মাওবাদীমুক্ত ভাৰত নিৰ্মাণৰ দিশত এক বৃহৎ পদক্ষেপ গ্ৰহণেৰে আমাৰ দেশত সৰ্বাধিক মাওবাদী প্ৰভাৱিত জিলাৰ সংখ্যা ১২ খনৰ পৰা মাত্ৰ ৬ খনলৈ যথেষ্ট হ্ৰাস কৰি এক নতুন মাইলৰ খুঁটি অৰ্জন কৰিলে।
এক্স প্লেটফৰ্মৰ এটা পোষ্টত শ্ৰী অমিত শ্বাহে কয় যে মোদী চৰকাৰে মাওবাদীৰ প্ৰতি নিৰ্দয় দৃষ্টিভংগী আৰু সৰ্বব্যাপী উন্নয়নৰ বাবে অদম্য প্ৰচেষ্টাৰে শক্তিশালী, সুৰক্ষিত আৰু সমৃদ্ধ ভাৰত গঢ়ি তুলিছে। ভাৰতে ২০২৬ চনৰ ৩১ মাৰ্চৰ ভিতৰত মাওবাদীক চিৰদিনৰ বাবে নিঃশেষ কৰিবলৈ বদ্ধপৰিকৰ।
দেশত মাওবাদীৰ দ্বাৰা প্ৰভাৱিত মুঠ জিলাৰ সংখ্যা আছিল ৩৮খন।ইয়াৰ ভিতৰত সৰ্বাধিক প্ৰভাৱিত জিলাৰ সংখ্যা ১২খনৰ পৰা ৬খনলৈ, স্পৰ্শকাতৰ জিলাৰ সংখ্যা ৯খনৰ পৰা ৬খনলৈ আৰু অন্যান্য মাওবাদী প্ৰভাৱিত জিলাৰ সংখ্যা ১৭খনৰ পৰা ৬খনলৈ হ্ৰাস পাইছে।
মুঠ মাওবাদী প্ৰভাৱিত জিলাৰ ভিতৰত সৰ্বাধিক প্ৰভাৱিত জিলাৰ সংখ্যা ১২ৰ পৰা ৬লৈ হ্ৰাস পাইছে হৈছে। ইয়াৰে ভিতৰত ছত্তীশগড়ৰ ৪খন জিলা (বিজাপুৰ, কাংকেৰ, নাৰায়ণপুৰ আৰু সুকমা), ঝাৰখণ্ডৰ এখন (পশ্চিম সিংভূম) আৰু মহাৰাষ্ট্ৰৰ পৰা এখন জিলা (গাডচিৰ’লি) অন্যতম।
একেদৰে, মুঠ ৩৮খন মাওবাদী প্ৰভাৱিত জিলাৰ ভিতৰত সৰ্বাধিকক ক্ষতিগ্ৰস্ত জিলাসমূহৰ উপৰি অতিৰিক্ত সম্পদৰ নিবিড়ভাৱে যোগান ধৰাৰ প্ৰয়োজনীয়তা থকা স্পৰ্শকাতৰত জিলাসমূহৰ সংখ্যা ৯ৰ পৰা ৬লৈ হ্ৰাস পাইছে। এই ৬ খন জিলা হ'ল: অন্ধ্ৰপ্ৰদেশৰ আল্লুৰি সীতাৰামা ৰাজু, মধ্যপ্ৰদেশৰ বালাঘাট, ওড়িশাৰ কালাহাণ্ডী, কান্ধমাল, আৰু মালকানগিৰি আৰু তেলেংগানাৰ ভদ্ৰাদ্ৰী-কোঠাগুডেম।
মাওবাদীৰ বিৰুদ্ধে অবিৰত ব্যৱস্থা গ্ৰহণৰ বাবে অন্যান্য মাওবাদী প্ৰভাৱিত জিলাৰ সংখ্যাও ১৭ৰ পৰা ৬লৈ হ্ৰাস পাইছে। ইয়াৰ ভিতৰত ছত্তীশগড়ৰ দন্তেৱাদা, গৰিয়াবন্দ আৰু মোহলা-মানপুৰ-আম্বগড় চৌকী; ঝাৰখণ্ডৰ লাতেহাৰ, ওড়িশাৰ নুৱাপাদা, আৰু তেলেংগানাৰ মুলুগু উল্লেখযোগ্য।
আটাইতকৈ বেছি ক্ষতিগ্ৰস্ত জিলা আৰু স্পৰ্শকাতৰ জিলাসমূহক ৩০ কোটি আৰু ৫০ কোটি টকাৰ আৰ্থিক সাহায্য প্ৰদান কৰা হয়। ৰাজহুৱা আন্তঃগাঁথনিৰ অভাৱ পূৰণৰ বাবে ভাৰত চৰকাৰে বিশেষ আঁচনি বিশেষ কেন্দ্ৰীয় সাহায্য (এছচিএ)ৰ অধীনত ক্ৰমে ১০ কোটি টকা আগবঢ়াইছে। তদুপৰি এই জিলাসমূহৰ বাবে প্ৰয়োজন অনুসৰি বিশেষ প্ৰকল্পৰো ব্যৱস্থা কৰা হয়।
বিগত এবছৰত মাওবাদী পৰিস্থিতিৰ দ্ৰুত উন্নতিৰ মূল কাৰণ হৈছে বিদ্ৰোহী অধ্যুষিত মূল অঞ্চলসমূহত নতুন নিৰাপত্তা শিবিৰ স্থাপন আৰু চৰকাৰৰ পথ, পৰিবহণৰ সুবিধা, পানী, বিদ্যুৎ আৰু অন্যান্য কল্যাণমূলক আঁচনিৰ দৰে উন্নয়নমুখী কামসমূহেৰে গাঁওবাসীৰ ওচৰলৈ যোৱাটো।
*****
RK/VV/PR/PS/DB
(Release ID: 2117225)
Visitor Counter : 23
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam