ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ನಾಯಕತ್ವದಲ್ಲಿ ಕೇಂದ್ರ ಸರ್ಕಾರ ನಕ್ಸಲೀಯರ ವಿರುದ್ಧ ನಿರ್ದಯ ಧೋರಣೆಯೊಂದಿಗೆ ಮುನ್ನಡೆಯುತ್ತಿದೆ ಎಂದು ಕೇಂದ್ರ ಗೃಹ ಮತ್ತು ಸಹಕಾರ ಸಚಿವರಾದ ಶ್ರೀ ಅಮಿತ್‌ ಶಾ ಹೇಳಿದರು.

ಎರಡು ಪ್ರತ್ಯೇಕ ಕಾರ್ಯಾಚರಣೆಗಳಲ್ಲಿ ಭದ್ರತಾ ಪಡೆಗಳು 22 ನಕ್ಸಲರನ್ನು ತಟಸ್ಥಗೊಳಿಸಿದ ನಂತರ, ಕೇಂದ್ರ ಗೃಹ ಸಚಿವರು ಎಕ್ಸ್‌ ಪೋಸ್ಟ್‌ನಲ್ಲಿಇಂದು ನಮ್ಮ ಸೈನಿಕರು ‘ನಕ್ಸಲ್‌ ಮುಕ್ತ ಭಾರತ ಅಭಿಯಾನ’ದಲ್ಲಿ ಮತ್ತೊಂದು ಪ್ರಮುಖ ಯಶಸ್ಸನ್ನು ಸಾಧಿಸಿದ್ದಾರೆ ಎಂದು ಹೇಳಿದರು. ಬಿಜಾಪುರ ಮತ್ತು ಛತ್ತೀಸ್‌ಗಢದ ಕಂಕೇರ್‌ನಲ್ಲಿನಮ್ಮ ಭದ್ರತಾ ಪಡೆಗಳು ನಡೆಸಿದ ಎರಡು ವಿಭಿನ್ನ ಕಾರ್ಯಾಚರಣೆಗಳಲ್ಲಿ22 ನಕ್ಸಲರು ಸಾವನ್ನಪ್ಪಿದ್ದಾರೆ ಎಂದು ಅವರು ಹೇಳಿದರು. ನರೇಂದ್ರ ಮೋದಿ ಸರ್ಕಾರವು ನಕ್ಸಲರ ವಿರುದ್ಧ ನಿರ್ದಯ ವಿಧಾನದೊಂದಿಗೆ ಮುಂದುವರಿಯುತ್ತಿದೆ ಮತ್ತು ಶರಣಾಗತಿಯಿಂದ ಸೇರ್ಪಡೆಯವರೆಗೆ ಎಲ್ಲಾ ಸೌಲಭ್ಯಗಳನ್ನು ನೀಡಿದ್ದರೂ ಶರಣಾಗದ ನಕ್ಸಲರ ವಿರುದ್ಧ ಶೂನ್ಯ ಸಹಿಷ್ಣುತೆಯ ನೀತಿಯನ್ನು ಅಳವಡಿಸಿಕೊಳ್ಳುತ್ತಿದೆ ಎಂದು ಅವರು ಹೇಳಿದರು. ಮುಂದಿನ ವರ್ಷ ಮಾರ್ಚ್‌ 31ರ ವೇಳೆಗೆ ದೇಶವು ನಕ್ಸಲ್‌ ಮುಕ್ತವಾಗಲಿದೆ ಎಂದು ಶ್ರೀ ಅಮಿತ್‌ ಶಾ ಹೇಳಿದರು.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ನಾಯಕತ್ವದಲ್ಲಿ ಮತ್ತು ಕೇಂದ್ರ ಗೃಹ ಸಚಿವರು ಮತ್ತು ಸಹಕಾರ ಸಚಿವ ಶ್ರೀ ಅಮಿತ್‌ ಶಾ ಅವರ ಮಾರ್ಗದರ್ಶನದಲ್ಲಿ, ನಕ್ಸಲಿಸಂ ವಿರುದ್ಧ ಶೂನ್ಯ ಸಹಿಷ್ಣುತೆ ನೀತಿಯ ಭಾಗವಾಗಿ, 2025ರಲ್ಲಿಇದುವರೆಗೆ 90 ನಕ್ಸಲರು ಕೊಲ್ಲಲ್ಪಟ್ಟಿದ್ದಾರೆ, 104 ಜನರನ್ನು ಬಂಧಿಸಲಾಗಿದೆ ಮತ್ತು 164 ಮಂದಿ ಶರಣಾಗಿದ್ದಾರೆ. 2024ರಲ್ಲಿ, 290 ನಕ್ಸಲರನ್ನು ತಟಸ್ಥಗೊಳಿಸಲಾಯಿತು, 1090 ಜನರನ್ನು ಬಂಧಿಸಲಾಯಿತು ಮತ್ತು 881 ಜನರು ಶರಣಾದರು. ಈವರೆಗೆ ಒಟ್ಟು 15 ಉನ್ನತ ನಕ್ಸಲ್‌ ನಾಯಕರನ್ನು ತಟಸ್ಥಗೊಳಿಸಲಾಗಿದೆ.

2004 ಮತ್ತು 2014ರ ನಡುವೆ ಒಟ್ಟು 16,463 ನಕ್ಸಲ್‌ ಹಿಂಸಾಚಾರದ ಘಟನೆಗಳು ನಡೆದಿವೆ. ಆದಾಗ್ಯೂ, 2014 ರಿಂದ 2024 ರವರೆಗೆ ನರೇಂದ್ರ ಮೋದಿ ಸರ್ಕಾರದ ಅಧಿಕಾರಾವಧಿಯಲ್ಲಿ, ಹಿಂಸಾತ್ಮಕ ಘಟನೆಗಳ ಸಂಖ್ಯೆ ಶೇಕಡಾ 53 ರಷ್ಟು ಕಡಿಮೆಯಾಗಿದೆ, ಇದು 7,744 ಕ್ಕೆ ಇಳಿದಿದೆ. ಅಂತೆಯೇ, ಭದ್ರತಾ ಪಡೆಗಳ ಸಾವುನೋವುಗಳ ಸಂಖ್ಯೆ 1851 ರಿಂದ 509ಕ್ಕೆ ಶೇ. 73ರಷ್ಟು ಕಡಿಮೆಯಾಗಿದೆ ಮತ್ತು ನಾಗರಿಕ ಸಾವುನೋವುಗಳ ಸಂಖ್ಯೆ ಶೇ. 70 ರಷ್ಟು ಕಡಿಮೆಯಾಗಿದೆ, ಇದು 4766 ರಿಂದ 1,495ಕ್ಕೆ ಇಳಿದಿದೆ.

2014ರ ಹೊತ್ತಿಗೆ, ಒಟ್ಟು 66 ಭದ್ರವಾದ ಪೊಲೀಸ್‌ ಠಾಣೆಗಳಿದ್ದವು, ಆದರೆ ಕಳೆದ 10 ವರ್ಷಗಳಲ್ಲಿ ನರೇಂದ್ರ ಮೋದಿ ಸರ್ಕಾರದ ಅಧಿಕಾರಾವಧಿಯಲ್ಲಿಅವುಗಳ ಸಂಖ್ಯೆ 612ಕ್ಕೆ ಏರಿದೆ. ಅಂತೆಯೇ, 2014 ರಲ್ಲಿ, ದೇಶದ 126 ಜಿಲ್ಲೆಗಳು ನಕ್ಸಲಿಸಂ ಪೀಡಿತವಾಗಿದ್ದವು, ಆದರೆ 2024ರ ವೇಳೆಗೆ ಅಂತಹ ಜಿಲ್ಲೆಗಳ ಸಂಖ್ಯೆ ಕೇವಲ 12ಕ್ಕೆ ಇಳಿದಿದೆ. ಕಳೆದ 5 ವರ್ಷಗಳಲ್ಲಿ, ಒಟ್ಟು 302 ಹೊಸ ಭದ್ರತಾ ಶಿಬಿರಗಳು ಮತ್ತು 68 ರಾತ್ರಿ ಲ್ಯಾಂಡಿಂಗ್‌ ಹೆಲಿಪ್ಯಾಡ್‌ಗಳನ್ನು ಸ್ಥಾಪಿಸಲಾಗಿದೆ.

*****